ЎЗЛИДЕП Наманган шаҳар (ЯНГИ НАМАНГАН)

Наманган Мухандислик-қурулиш институтида Олий Мажлис Қонунчилик палатаси депутати Одилжон Мамадалиев ёшлар билан учрашув бўлиб ўтди.
Ўзбекистон Республикаси Олий Мажлис Қонунчилик палатаси депутати, Экология ва атроф-мухитни муҳофаза қилиш масалалари қўмитаси аъзоси Одилжон Мамадалиев, Наманган вилоят кенгаши аппарат раҳбари О.Махмудов,Наманган шаҳар кенгаши аппарат раҳбари З.Расулова билан учрашув бўлиб ўтди. Тадбирни институт матбуот котиби Азизбек Абдувалиев очди ва олиб борди. Мулоқотда институт ректори Шарифжон Эргашев сўз олиб, барчани олий ўқув юрти универститет мақомини олганлиги билан табриклади. Ушбу тадбирда иштирок этаётган Одилжон Мамадалиев хам институтнинг собиқ битирувчиси эканлигини такидлаб ўтди. Одилжон Мамадалиев ўз чиқишида Қонунчилик палатасидаги иш жараёнлари,бугунги кунда олиб борилаётган фаолият, қабул қилинган қонунлар тўгрисида хикоя қилди. Шундан сўнг депутат талаба-ёшларнинг турли мавзудаги саволларига батафсил жавоблар берди.

#САНА

☝️Бугун, 7 февраль ~ оташнафас шоир Рафиқ МЎМИН таваллуд топган кун.

🔰Рафиқ МЎМИН 1900 йил 7 февралда Наманганда косиб оиласида туғилган.
У икки инқилобни кўрган, «оқ»-у, «қизил»ларнинг даҳшатли жангларига гувоҳ бўлган. Болаларга атаб халқ эртаги асосида «Ёрилтош», «Гулёр» пьесаларини ёзиб саҳналаштирган.
Шоир ЧЎЛПОНнинг садоқатли шогирди сифатида уни ҳимоя қилган.
Ҳақиқат юзига тик боққан шоирнинг адолатли сўзларига сталинизм жодикашлари тоқат қила олмай қатағон этганлар.
У 1946 йилда ажалхоналардан тирик қайтиб келган бўлса-да, оқланмаган эди. Жисмонан ва маънан эзилган шоир 1951 йилда вафот этган.

✅ Рафиқ МЎМИН ижодидан👇

БОРЛИҚДА БИР ҒАШ

Кўк юзида юлдуз ўйнар порпирашиб,
Кўклам билан қайғулашиб, «Чўлпон» йиғлар.

Кўркам юртнинг дев, қушлари ҳайқиришган,
Борлиқ кўзи ёшга тўлган, «Вулқон» йиғлар.

Қанот ростлаб ғозлар кетди ўз юртига,
Шунинг учун ҳамма дарё, тўфон йиғлар.

Сувлар оқмай бўлди чўлинг бу юртимиз,
Гўдак каби эл ёшлари қон-қон йиғлар.

Сув бўйида оғлар сизрам тўлқунидан,
Ҳамма маҳзун, ҳамма ғариб, «Чўлпон» йиғлар.

Зўр тоғларнинг кўкрагида оппоқ соқол,
Бобом янглиғ мискинлашиб «Ҳоқон» йиғлар.

«Ғариб» кўнгли қариган юрт ғамида,
Балки ёшлик ҳасратида «Турон» йиғлар.

Қир остида кимсасизлик ўти бирлан,
Оҳлар тортиб, куюб ёнган «Ўғлон» йиғлар.

✍ Рафиқ МЎМИН, 1923 йил

👉@deputat_xudayberdiyev

Yoshlar Kelajagimiz – Mamlakat Taraqqiyotining Asosi

Namangan viloyatida yoshlarning manfaatlarini himoya qilish, ularning ijtimoiy-siyosiy faolligini oshirish va muammolariga yechim topish maqsadida O'zLiDeP Namangan viloyati Kengashi Yoshlar muammolarini o'rganish va tadbirkorlarni qo'llab-quvvatlash bo‘limi tomonidan yoshlar qanoti a’zolari bilan davra suhbati tashkil etildi. Tadbirda yoshlar o‘zlarini qiziqtirgan masalalarni muhokama qilib, o‘z taklif va fikrlarini bildirish imkoniyatiga ega bo‘lishdi.

Suhbat davomida ishtirokchilar ta’lim sifati, yosh tadbirkorlarni qo‘llab-quvvatlash, bandlik masalalari, innovatsion loyihalarni amalga oshirish va siyosiy jarayonlarda yoshlarning ishtirokini kengaytirish kabi dolzarb mavzularga to‘xtalishdi.

Yoshlar partiyaning faoliyati, uning dasturiy maqsadlari va yoshlar uchun yaratib berilayotgan imkoniyatlar to‘g‘risida ham fikr almashishdi.

Tadbirda partiya vakillari yoshlarni o‘z tashabbuslari bilan faol bo‘lishga, jamiyat rivojiga o‘z hissalarini qo‘shishga undashdi. Ularning bildirilgan takliflari yozib olinib, tegishli tashkilotlarga yetkazilishi ta’kidlandi. Shu bilan birga, yoshlar uchun turli loyihalar va dasturlar asosida yangi imkoniyatlar yaratish bo‘yicha ham rejalar belgilandi.