Yosh kimyogarlar olimpiadasi: intellekt va bilim maydoni
Namangan muhandislik-texnologiya institutida Yosh kimyogarlar olimpiadasi boshlandi! Ushbu intellektual musobaqada kimyo faniga qiziquvchi iqtidorli talabalar ishtirok etib, o‘z bilim va ko‘nikmalarini sinovdan o‘tkazishmoqda.
Olimpiadaning ochilish marosimida Kimyo-texnologiya fakulteti dekani Odiljon Mallaboyev so‘zga chiqib, ishtirokchilarga omad tiladi. U bunday tadbirlar yoshlarning ilmiy qobiliyatlarini rivojlantirishga va ularni fanga yanada chuqurroq jalb qilishga xizmat qilishini ta’kidladi.
Hozirgi paytda musobaqa qizg‘in davom etmoqda. Ishtirokchilar o‘zlari uchun tayyorlangan qiziqarli va murakkab topshiriqlarni bajarib, analitik fikrlash qobiliyatlarini namoyish etishmoqda.
©️Namangan muhandislik-texnologiya instituti Axborot xizmati
Telegram |Facebook | Instagram | X | YouTube