NamMTI | Rasmiy kanali

Namangan davlat texnika universiteti talabalari Xo‘ja Doniyor majmuasini ziyorat qildi.

Namangan davlat texnika universiteti talabalari Samarqandga uyushtirilgan sayohat davomida muqaddas qadamjolardan biri – Xo‘ja Doniyor majmuasini ziyorat qildi. Xo‘ja Doniyor maqbarasi asrlar davomida ziyoratchilar uchun muqaddas maskan bo‘lib kelgan.

Talabalar majmua tarixi bilan tanishib, uning diniy va madaniy ahamiyati haqida ma’lumot oldilar. Ziyorat davomida ular Xo‘ja Doniyor qabri oldida duolar o‘qib, Samarqandning muqaddas muhitidan bahramand bo‘ldilar.

Sayohat davomida yoshlar nafaqat tarixiy maskanlarni ziyorat qilishdi, balki milliy qadriyatlar, ma’naviy meros va tarixiy obidalarning ahamiyatini yanada chuqurroq anglab yetishdi.

#XUSHXABAR
Namangan davlat texnika universiteti talabasi “Mirzo Ulug‘bek vorislari” tanlovida g‘olib bo‘ldi!

Namangan viloyati Uychi tumani bosqichida o‘tkazilgan “Mirzo Ulug‘bek vorislari” tanlovida Namangan davlat texnika universiteti Kimyo-texnologiya fakulteti 4-kurs talabasi Ergashev Dostonjon Rustamjon o‘g‘li g‘oliblikni qo‘lga kiritdi va viloyat bosqichiga yo‘llanmani qo‘lga kiritdi.

Bu yutuq yoshlarning ilm-fanga bo‘lgan qiziqishi ortib borayotganini, bilim va intellektual salohiyatini namoyon etish imkoniyatlariga ega ekanligini yana bir bor isbotladi.

G‘olibimizga viloyat bosqichida ham omad tilaymiz!

🚀 “Yosh muhandis” respublika tanlovida ishtirok eting!

Mazkur tanlovdan ko‘zlangan maqsad – yoshlar o‘rtasida kosmik texnologiyalarini rivojlantirish hamda ushbu sohadagi ilmiy-texnik yutuqlarni ijtimoiy foydali tashabbuslarda qo‘llash bo‘yicha qiziqishni orttirish va innovatsion g‘oyalarni qo‘llab-quvvatlashdir.

“O‘zbekkosmos” agentligi tomonidan o‘tkazilayotgan mazkur tanlovda oliy ta’lim muassasalari iqtidorli talabalari hamda maktab o‘quvchlari o‘zlarining loyihalari bilan quyidagi havolada ro‘yxatdan o‘tgan holda ishtirok etishlari mumkin: https://futureengineers.cmspace.uz.

📥Loyihalarni qabul qilish muddati: 2025-yil, 30-mart.

☎️Murojaat uchun: +998 (99) 482-86-66.

Bizni kuzating

Web-site | Instagram | Facebook | YouTube

Universitetda "Bahor keldi bizni so‘roqlab" konsert dasturi tashkil etildi.

Namangan davlat texnika universitetida talaba-qizlardan iborat "Erka qizlar" jamoasi tomonidan "Bahor keldi bizni so‘roqlab" nomli konsert dasturi namoyish etildi. Tadbirda universitet professor-o‘qituvchilari, talabalar va mehmonlar ishtirok etishdi.

Dastur davomida bahoriy kuy-qo‘shiqlar yangradi, milliy an’analar keng targ‘ib etildi, shuningdek, kelin salom marosimlari tashkil etildi. Tadbir ishtirokchilari talaba-qizlarning ijodiy chiqishlarini iliq kutib olib, ularning san’atga bo‘lgan qiziqishini yuksak baholashdi.

Universitet rahbariyati esa talaba-qizlarning bunday ma’naviy-ma’rifiy loyihalarni tashkil etishdagi faolligini alohida e’tirof etib, ularning tashabbuslarini qo‘llab-quvvatlash va rivojlantirishga har tomonlama ko‘mak berilishini ta’kidladi.

Mazkur tadbir yoshlarning ijodiy salohiyatini oshirish, milliy qadriyatlarni targ‘ib etish hamda bahoriy kayfiyat ulashishda muhim ahamiyat kasb etdi.

Namangan muhandislik-texnologiya institutida "Biz korrupsiyani oldini olishda Prezident yordamchilarimiz" mavzusida ZAKOVAT QUIZ bo'lib o'tdi.

2025-yil 5-mart kuni O‘zbekiston Respublikasi Prezidenti raisligida korrupsiyani oldini olish bo‘yicha o‘tkazilgan yig‘ilishda belgilangan vazifalar ijrosini ta’minlash maqsadida Namangan muhandislik-texnologiya instituti talabalar o‘rtasida "Biz korrupsiyani oldini olishda Prezident yordamchilarimiz" mavzusida Zakovat quiz o‘yini tashkil etildi.

Intellektual bahsda ishtirokchilar korrupsiya tushunchasi, uning oldini olish yo‘llari va qonunchilikdagi muhim o‘zgarishlar yuzasidan bilimlarini sinovdan o‘tkazishdi. O‘yin davomida talabalar huquqiy savodxonligini oshirish bilan birga, halollik va adolat tamoyillariga sodiqlikni yana bir bor namoyon etishdi.

Ushbu tadbir yoshlarning korrupsiyaga qarshi kurashdagi faolligini oshirish, ularning bilim va intellektual salohiyatini yuksaltirishga xizmat qiladi.

©️Namangan muhandislik-texnologiya instituti Axborot xizmati
Telegram |Facebook | Instagram | X | YouTube