Salomatlik saboqlari dan repost
Наманган вилоят СЭОМ ахборот хизмати
МАМЛАКАТИМИЗДА “ҚИЗАМИҚ” КАСАЛЛИГИГА ҚАРШИ ОММАВИЙ ЭМЛАШ БОШЛАНДИ
Жаҳон соғлиқни сақлаш ташкилоти (ЖССТ)нинг маълумотига кўра дунёнинг қатор давлатларида қизамиқ касаллиги бўйича нохуш эпидемик вазиятлар кузатилаётир. Жумладан, Европанинг 28 та мамлакатида, улар орасида Украинада бу касалликни юқтириш холатлари нисбатан кўпроқ қайд этилган. Фактларга мурожаат этадиган бўлсак, кейинги 2,5 йил ичида ушбу давлатда 53218 та холатда касалга чалиниш кузатилиб, 15 нафар фуқарони вафот этганлиги маълум бўлган.
Шу ўринда кўпчиликни ташвишга солаётган бу касаллик ҳақида қисқача маълумот бериб ўтсак. Қизамиқ –ҳаво-томчи орқали юқадиган ўткир вирусли касаллик бўлиб баҳор ва куз фаслида кўпроқ учрайди. Унинг вируси одам организимида 9-14 кун мобайнида яширин даврида бўлади. Сўнгра юзага чиқади. Тана ҳарорати 38-39 даражага кўтарилади. Дастлабки кунларда беморнинг оғиз бўшлиғи, танглай, лунжи ва милкининг шиллиқ пардаларида доғсимон майда тошмалар пайдо бўлади. Бу қизамиқнинг биринчи белгиси ҳисобланади.
Икки-уч кун ўтгач дастлаб қулоқ орқаси, юз, бўйин, танада пастга қараб тошиши натижасида иккинчи тошмалар юзага келади. 4-6 кунлик муддатда шу зайлда қайтади. 39-40 даражадаги иситмалаш 5-7 кун ичида пасая бошлайди. Қизамиқ билан оғриган бола инжиқланиб қолади, иштаҳаси пасаяди, уйқусида бузилиш, кўзида ёшланиш кузатилади, йўтал кучайиб боради.
Беморни даволашда қуйидагиларга амал қилиш керак. Врач маслаҳатига биноан агар касаллик болада енгил ўтаётган бўлса уйга, оғирроқ кечаётган бўлса касалхонага ётқизиш керак. У ётган кўрпа-тўшак, фойдаланаётган нарсалар покиза холда бўлиши, хона тез-тез шамоллатиб турилиши зарур. Касалликнинг олдини олишнинг энг самарали усули- эмлаш ҳисобланади.
Қизамиқ касаллигининг четдан кириб келиши ва уни аҳоли ўртасида кенг тарқалишини олдини олиш борасида оммавий миллий эмлаш кунларини ўтказиш мақсадида Республика СЭОАнинг 2020 йил 14 сентябрдаги 04-8\4264-сонли кўрсатма хати чиқарилиб, барча маъмурий ҳудудларда 5-25 октябрь кунлари 6 ойликдан 5 ёшгача бўлган болаларда қизамиққа қарши оммавий эмлаш кунларини ўтказилиши белгиланди.
Фидойи шифокорлар, унутманг! Оммавий эмлаш кунларини сифатли ва самарали ўтказишда қуйидаги тавсияларга амал қилишингиз лозим.
-ҳар бир эмлаш пункитида ҳар куни эмланадиган болалар сонини 10 нафардан 30 нафаргача бўлишини таъминлашни;
-эмланадиган болаларни тўлиқ педиатр кўригидан ўтказиб кейин эмлашга рухсат беришни;
-эмлашга келганларни бир жойда кўплаб навбат кутишларига чек қўйишни;
-эмлаш ва эмлашга олиб келиш жараёнида тиббиёт ходимлари ва ота-оналар томонидан барча карантин қоидаларига амал қилинишини;
-барча эмланганларни рўйҳати, олган вакцина серия, дозаларини вақтида белгилаб боришни;
-узоқ ҳудудлардаги аҳолига қулай бўлиши учун ҚОП филиалларида ҳам вақтинчалик эмлаш пунктларини ташкил қилиб, ҳаракатдаги бригада-врач, вакцинатор ва дублёрдан иборат гуруҳни тузиб, автотранспорт билан таъминлашни;
-эмлаш пунктларини эмлаш воситалари (шприцлар ва б.қ) ва шокка қарши дори-дармонлар билан олдиндан таъминлаб қўйишни;
-ҳар кун якунида олиб борилган эмлашлар тадбирлари тўғрисидаги маълумотни ёзма равишда юқори турувчи ташкилотларга тақдим этиб боришни;
Ҳурматли ота-оналар! Ёдда тутинг! Эмлаш юқорида қайд этилган муддатларда ҳудудий поликлиника, қишлоқ оила поликлиника ва қишлоқ врачлик пунктларида малакали, махсус тайёргарликдан ўтган тиббиёт ходимлари томонидан амалга оширилади.
Умида Эшонхўжаева Наманган вилояти СЭОМ имммунопрофилактика бўлими мудири.
МАМЛАКАТИМИЗДА “ҚИЗАМИҚ” КАСАЛЛИГИГА ҚАРШИ ОММАВИЙ ЭМЛАШ БОШЛАНДИ
Жаҳон соғлиқни сақлаш ташкилоти (ЖССТ)нинг маълумотига кўра дунёнинг қатор давлатларида қизамиқ касаллиги бўйича нохуш эпидемик вазиятлар кузатилаётир. Жумладан, Европанинг 28 та мамлакатида, улар орасида Украинада бу касалликни юқтириш холатлари нисбатан кўпроқ қайд этилган. Фактларга мурожаат этадиган бўлсак, кейинги 2,5 йил ичида ушбу давлатда 53218 та холатда касалга чалиниш кузатилиб, 15 нафар фуқарони вафот этганлиги маълум бўлган.
Шу ўринда кўпчиликни ташвишга солаётган бу касаллик ҳақида қисқача маълумот бериб ўтсак. Қизамиқ –ҳаво-томчи орқали юқадиган ўткир вирусли касаллик бўлиб баҳор ва куз фаслида кўпроқ учрайди. Унинг вируси одам организимида 9-14 кун мобайнида яширин даврида бўлади. Сўнгра юзага чиқади. Тана ҳарорати 38-39 даражага кўтарилади. Дастлабки кунларда беморнинг оғиз бўшлиғи, танглай, лунжи ва милкининг шиллиқ пардаларида доғсимон майда тошмалар пайдо бўлади. Бу қизамиқнинг биринчи белгиси ҳисобланади.
Икки-уч кун ўтгач дастлаб қулоқ орқаси, юз, бўйин, танада пастга қараб тошиши натижасида иккинчи тошмалар юзага келади. 4-6 кунлик муддатда шу зайлда қайтади. 39-40 даражадаги иситмалаш 5-7 кун ичида пасая бошлайди. Қизамиқ билан оғриган бола инжиқланиб қолади, иштаҳаси пасаяди, уйқусида бузилиш, кўзида ёшланиш кузатилади, йўтал кучайиб боради.
Беморни даволашда қуйидагиларга амал қилиш керак. Врач маслаҳатига биноан агар касаллик болада енгил ўтаётган бўлса уйга, оғирроқ кечаётган бўлса касалхонага ётқизиш керак. У ётган кўрпа-тўшак, фойдаланаётган нарсалар покиза холда бўлиши, хона тез-тез шамоллатиб турилиши зарур. Касалликнинг олдини олишнинг энг самарали усули- эмлаш ҳисобланади.
Қизамиқ касаллигининг четдан кириб келиши ва уни аҳоли ўртасида кенг тарқалишини олдини олиш борасида оммавий миллий эмлаш кунларини ўтказиш мақсадида Республика СЭОАнинг 2020 йил 14 сентябрдаги 04-8\4264-сонли кўрсатма хати чиқарилиб, барча маъмурий ҳудудларда 5-25 октябрь кунлари 6 ойликдан 5 ёшгача бўлган болаларда қизамиққа қарши оммавий эмлаш кунларини ўтказилиши белгиланди.
Фидойи шифокорлар, унутманг! Оммавий эмлаш кунларини сифатли ва самарали ўтказишда қуйидаги тавсияларга амал қилишингиз лозим.
-ҳар бир эмлаш пункитида ҳар куни эмланадиган болалар сонини 10 нафардан 30 нафаргача бўлишини таъминлашни;
-эмланадиган болаларни тўлиқ педиатр кўригидан ўтказиб кейин эмлашга рухсат беришни;
-эмлашга келганларни бир жойда кўплаб навбат кутишларига чек қўйишни;
-эмлаш ва эмлашга олиб келиш жараёнида тиббиёт ходимлари ва ота-оналар томонидан барча карантин қоидаларига амал қилинишини;
-барча эмланганларни рўйҳати, олган вакцина серия, дозаларини вақтида белгилаб боришни;
-узоқ ҳудудлардаги аҳолига қулай бўлиши учун ҚОП филиалларида ҳам вақтинчалик эмлаш пунктларини ташкил қилиб, ҳаракатдаги бригада-врач, вакцинатор ва дублёрдан иборат гуруҳни тузиб, автотранспорт билан таъминлашни;
-эмлаш пунктларини эмлаш воситалари (шприцлар ва б.қ) ва шокка қарши дори-дармонлар билан олдиндан таъминлаб қўйишни;
-ҳар кун якунида олиб борилган эмлашлар тадбирлари тўғрисидаги маълумотни ёзма равишда юқори турувчи ташкилотларга тақдим этиб боришни;
Ҳурматли ота-оналар! Ёдда тутинг! Эмлаш юқорида қайд этилган муддатларда ҳудудий поликлиника, қишлоқ оила поликлиника ва қишлоқ врачлик пунктларида малакали, махсус тайёргарликдан ўтган тиббиёт ходимлари томонидан амалга оширилади.
Умида Эшонхўжаева Наманган вилояти СЭОМ имммунопрофилактика бўлими мудири.