Namangan viloyat Kambag'allikni qisqаrtirish va Bandlik boshqarmasi | Rasmiy Kanal

“Бир контур – бир маҳсулот”


Ўзбекистон Республикаси Президентининг аҳолининг ташаббусларини қўллаб-қувватлаш орқали уларнинг даромадларини ошириш мақсадида қабул қилинган ПҚ-20-сонли қарори асосида Тўрақўрғон туманининг бешта маҳалла фуқароларига Қодиробод массивидан жами 90 нафар аукцион ғолибларига ер берилганди.

Шундан "Қодиробод" маҳалласининг 40 нафар фуқаролари ўз тажрибалари асосида турли экинлар қаторида қулупнай экишган. Ўтган йили 10 сотих ердан ўртача 25- 30 млн. сўмдан даромад олинди.

Баҳорнинг шу кунларида “Бир контур-бир маҳсулот” тамойили асосида 10 гектарлик майдонда қизғин меҳнат кетмоқда.

#ФАРОВОНЛИКСАРИ

Маҳаллага сув келади

Чортоқ туманидаги Қорамурт маҳалласи аҳолиси бир неча йиллардирки, ўз томорқаларидан деярли сувсизлик сабаб даромад ололмаганлар, ҳатто резаворларни ҳам бозордан харид қилишган. Эндиликда ушбу ҳудудда сувсизлик муаммоси барҳам топадиган бўлди.

Президентимизнинг 2024 йил 23 сентябрдаги "Камбағалликни қисқартириш ва аҳоли турмуш фаровонлигини ошириш борасидаги чора-тадбирларни янги босқичга олиб чиқиш тўғрисида"ги фармони билан тасдиқланган "Камбағалликдан фаровонлик сари" дастури доирасида мазкур маҳаллада қиймати уч миллиард сўмлик лойиҳа амалга оширилмоқда.

“Камбағалликдан фаровонлик сари”

Дастури доирасида бугун вилоятнинг барча шаҳар ва туманларида жадал суратларда амалий ишлар олиб борилмоқда.
Жумладан Поп туманида ҳам 5 та маҳалла фуқаролар йиғинларида аҳоли томорқа ерларини суғориш учун оқова сув тармоғини яхшилаш, қурилиш - монтаж ишлари режа қилинган. Камбағалликни қисқартириш ва бандлик бошқармаси ишчи гуруҳи тумандаги мазкур маҳаллаларда бўлиб амалга оширилаётган ишларнинг ҳар бирини жойига чиқиб ўргандилар.

Камбағалликдан фаровонлик сари: томорқадан катта даромад олаётган хонадонлар намунаси

Наманган шаҳрида аҳоли томорқа ерларидан самарали фойдаланиб, яхши даромад олиш йўлида фаолликни оширмоқдалар. Бу жараёнда деҳқончилик ва иссиқхоналарда экин етиштириш орқали иқтисодий барқарорликка эришган оилалар бошқаларга намуна бўлмоқда.

Хусусан, "Қадамжо" маҳалласида яшовчи Абдуғани Абдуқарров ўз ҳовлисини 5 сотихида ташкил этган иссиқхона орқали йил давомида лимон, помидор ва уларнинг кўчатларини етиштириб, яхшигина даромадга эришмоқда. Унинг айтишича, ушбу фаолият орқали йилига қарийб 100 миллион сўм фойда олиш имконияти яратилган.

Бугунги кунда Наманган шаҳрида ҳам томорқадан фойдаланиш маданияти юқори даражада ривожланиб, кўплаб фуқароларнинг оилавий даромади ошишига хизмат қилмоқда.

Маҳалладошларга намуна бўлаётган тадбиркорлик ташаббуслари нафақат оилаларнинг иқтисодий аҳволини яхшилашга, балки бутун жамият фаровонлигига ҳисса қўшиши шубҳасиз.

Айни пайтда Поп тумани бўйлаб томорқадан унумли фойдаланиш, ажратилган ерларда сермаҳсул меҳнат қилиш авжида. Маҳаллий аҳоли полиз экинлари орқали ҳам даромад, ҳам фаровонлик яратиш йўлида астойдил иш олиб бормоқда.

Камбағалликдан фаровонлик сари

Ушбу дастур доирасида бугун вилоятнинг шаҳар ва туманларидан танлаб олинган маҳаллаларда ишлар кўлами ортиб бормоқда.
Наманган вилоят Камбағалликни қисқартириш ва бандлик бошқармаси бошлиғи З. Икрамов Уйчи туманида олиб борилаётган ишлар билан яқиндан танишди. Амалий ишлар жараёни авж паллага кирган ва бу сайи ҳаракатлар тез кунларда ўз якунига етказилиши лозим. Пастгузар маҳалласида 900 метр ариқни бетонлаштириш режалаштирилган. Туман хокими ҳамрохлигида "Янгийўл", "Шукрона", "Туркистон" кўчаларидаги
300 метр ариқ бетонлаш жараёни, хонадонларда томорқадан самарали фойдаланиш бўйича амалга оширилаётган ишлар ўрганилди.

https://t.me/NamanganBandlik