Уйда яна уриш тўполон,
Эри танбех берарди тинмай,
“Ўзи ўғил туғасан қачон?
Жазоми бу, қолябман билмай.
Ошналарим ўғил тўй қилди,
Юролмай ҳам қолдим даврада.”
Аёл шунда гапини бўлди:
“Нима айб бор, ахир менда?
Фарзандга зор оилалар қанча,
Шукр қилинг, эй жон дадаси.”
Эри турар қовоқ уйганча:
“Жонга тегди хотин хаммаси.
Учта қиздан ҳеч йўқ биттаси,
Ўғил бўлса улашардим ош.
Гапирябди қара мингтаси,
Қачонгача қиламан бардош?”
Аёл деди:”Қараб туринг сиз,
Қизларингиз шундай қиз бўлсин,
Тан берасиз ҳали ўзингиз,
Атрофдаги гап сўз ҳам ўлсин,
Вақти келиб ўнта ўғилга,
Алишмайман деб ҳам қоласиз.
Тўйларини қиламиз бирга,
Кузатганда куйиб-ёнасиз.”
Қовоғини очмади ота,
Нонушта ҳам қилмади тузук.
Деди: “Сақлаб қўй шуни ёдда,
Ўғил номи барибир суюк.”
Дарвозази тақиллаб бирдан,
Дўсти келди эгнида чўпон.
Саломлашди туриб ўрнидан.
“Хабар олиб келгандим ёмон
Маҳалланинг у тарафида
Узоқроқ бир қариндошим бор,
Жон берибди шу киши тунда,
Юр мен билан, ётибсан бекор.
Жанозага ўтиб келайлик,
Савобига қолардик роса.
Вазифамиз адо қилайлик,
Бирга боргин кўнглингда бўлса.”
Жанозада қатнашди улар,
Ўлим хақ деб тан олди хамма
Барча бошин хам қилиб турар,
Чиқиб қолди битта муаммо,
Қори деди: ”Кетган инсоннинг,
Битмай қолган ишлари бордир.
Қарзи бўлар ҳар битта жоннинг,
Ўғиллари бунга тайёрдир,
Отангизни қарзу-ҳолини,
Қай бир ўғил олар зиммага.
Тўлайсизлар яна борини,
Бу таниш ҳол билинг ҳаммага.”
Икки ўғил, икки ёқда жим
Ҳеч биридан чиқмасди садо,
Ё алҳазар, биз одамми ким?
Инсоф бергин ҳар кимга худо.
Шу отангку туғилганингда
Ўғлим бор деб кўкрагин керган,
Меҳр йўқми тош юрагингда,
Эркакликни айт нега берган.
Оломоннинг ичидан ҳорғин.
Чиқиб келди муслима аёл.
“Мен бўйнимга оламан барин.”
Қори берди у қизга савол:
“Сенга ким бу, ердаги майит
Нега бунча куйиб ёнмасанг?”
Сўз бошлади аёл ўша пайт:
“Бу отамдир” деёлди аранг.
Отам биз деб елиб-югурди,
Шу инсон деб юрибмиз мана.
Ўлгунича бизни деб юрди,
Бирор бора қилмади таъна.
Акаларим келмасин малол,
Сизга ҳеч ким тўлатмас тўлов,
Менга агар бўлганда ҳалол,
Қидирмасдим кўмгани гўрков,
Тобутини кўтармасдингиз,
Менга мумкин бўлганда булар,
Ўсибди-ю, бўю-бастингиз
Виждонингиз ебди қузғунлар.
Жанозага кирган хаммага
Ўрнак бўлди айрим кимсалар,
Ношукрмиз бунчлалар нега?
Ё шошамиз бергунга қадар...
.......✨
@mutolaa_uz ✨.......
┄┄┅┅✿🍃❀🌺❀🍃✿┅┅┄┄
