Муҳаммад Шакур (Шокир Шарипов)

Ҳаммаси нисбий.

Масалан:

Турли кучлар ўзининг таъсир доирасини кенгайтириш учун курашиши – таббий ҳол.

К.Алламжонов ва О.Умаров ўртасида кимни танлайсиз деб сўрашса албатта Алламжоновни танлайман. Оддий прагматика, симпатия эмас.

С.Мирзиёва ва К.Алламжоновга савия потенциали етмади. Улар бу курашда интеллигенцияни ўз атрофида йиғганда энг тўғри ва прагматик иш қилишган бўларди. Мулоқот қилиш имконияти пайдо бўлганда Алламжоновга буни айтгандим: “Саидахон ўзлари партия тузсинлар, прогрессив одамларни бир жойга йиғсинлар, дегандим. Қилишмади. Савия етмади.

Ҳозир кўпчилик Эрдўғанга ҳавас қилади, у каби лидер бўлишни орзу қилади. Тақлид қилишга уринадиганлар ҳам кўп. Аммо Эрдўған бўлиш учун у каби ақлли, айёр ва савияли бўлиш керак – у бу вазиятда албатта ақлли одамларни йиғган бўларди.

Умуман, дунё сиёсатчилари ҳақида гапирадиган бўлсак, ақллиларигина оммага суянади, галварсларгина қуроллиларга суянади. АЙНАН 100 минглаган одам кўчага чиқиб Эрдўғанни критик вазиятда сақлаб қолди, ўша пайтда полиция-ю махсус хизматларнинг кучи ҳеч нарсага етмай қолишини ҲАММА кўрди. Аммо кўриб туриб кўзи кўрмайдиганларга гапирганннинг эса фойдаси йўқ экан.

Охирги пайтда бўлаётган ишлар дунёқарашимни ўзгартириб юборди. Жумладан жорий воқеликда уммат учун давлат миқёсида сезиларли нимадир қилиш нақадар мураккаб иш эканини англаяпман.

Нега десангиз, дунё сиёсий элиталари учун ҳеч қандай қоидалар мавжуд эмас экан, барча "қоидалар" ёлғон экан. Яъни, сиёсий элиталарнинг параллел оламида ҳеч қандай қоида йўқ экан, ҳаммасини куч ҳал қилар экан.

Мана шундай - ўта қийин воқеликда нимадир қила олаётганларга қоил қолмасдан илож йўқ. Эрдўған узун ташланган ҳийлалари билан ўша - нимадирни ростакамига қила оляпти. Нима режа қилиб келгани ҳозир аён бўлиб боряпти. Суриянинг ҳоли бу қадар шиддатла ўзгаришини балки режа қилмагандир, аммо айнан унинг уринишлари ўлароқ алҳамдулиллаҳ фавқулодда ишлар юз берди. Сиз-у бизга қолганда шошқалоқлик қилишимиз тайин бўлган вазиятда у ўта сабрли ва тадбирли бўляпти.

Ўзбек диванний стратеглар унинг шаънига ёмон сўзларни гарипётганини ўқиб қолдим ҳозир, шу сабаб айтмоқчи бўлганимни ёздим.

https://t.me/muhammadshakur_07

Жўланийнинг ғалабаси (умумий қилиб шундай номлайман) бутун уммат учун катта аҳамиятли ҲОДИСАдир. Буни барча қалби тоза инсон англамаган бўлса ҳам, сезиб турипти.

Жўланийнинг сўзлари ва ҳаракатларида Воқеликка нисбатан эҳтиром борлигини кузатяпман, "уррррееее!" деб, ақлни ўчириб қўйиб, "олға юришни" кузатмаяпман. Унинг айнан шу тасарруфини душман унинг ўзига қарши ишлатишга уринади албатта: "қаранглар, у уруш қилишнинг ўрнига, муроса қиляпти, шариатни ўрнатишга киришмаяпти" ва ҳоказо.

Жўланийнинг тасарруфида набавий тасарруф аломатлари кўриняпти, айнан ўша - Воқелик эҳтироми. Айнан шу учун бу ҳаракат аҳамиятли.

Жўланий ҳаракатини ҳозир ҳамма холис мусулмон қалбан қўллаши керак, дуо қилиши керак. Зеро айнан ҳозир уммат учун бурилиш вақти келаётгандек.

👉https://t.me/muhammadshakur_07

Шомдаги вазият юзасидан, у ернинг эртанги куни юзасидан кўплаб таҳлиллар янграяпти интернет кенглигида. Мен учун эса асосий савол - янги келганлар - ғолиблар қай даражада Ислом буюрган чегараларда туради? Зеро айнан шу Робб таолодан ёрдам келишига омил бўлади. Унинг ёрдами келганда эса ҳеч бир "куч" сизга ҳеч нарса қилолмайди. Масала шунда.

Журналист Пивоваров Ўзбекистонга кўрсатув олишга келипти. ҚҚга борипти. Уни ИИБ ушлаб, ҚҚ ҳақида олган материалларини олиб қўйиб, қўйиб юборипти.

Нима деса бўлади бу ерда? Пивоваров яқин ўтмишда бизда бўлиб ўтган ишларни ҳисобга олиб, шунақа натижа бўлишини аввалдан тахмин қилиши керак эди - ҳар бир давлат нозик нуқтаси юзасидан хавотирда бўлиб туради, бу табиий. Айниқса муаммолар "оптом" "ҳал қилинадиган" Ўзбекистонда. Масалан, "диний фон кучайиб кетяпти" деб жамоат жойларида намозхоналарни ёпишни уялмасдан, ақлга сиғадиган ғоя деб билувчилар мансаб эгалари бўладиган Ўзб.да.

СССР тарқалгандан кейин Назарбоевнинг асосий қилган тўғри иши - чет элдан иқтисодчи консултантларни (Жеффри Сакс, Майкл Портер ва бошқаларни) жалб қилгани, ўшаларнинг кўрсатмаларига асосланиб ислоҳотларни амалга оширгани.

Каримовнинг СССР тарқалгандан кейин иқтисодий соҳада қилган асосий хатоси ўзини ўта ақлли ҳисоблаб, "ислоҳотлар"ни ўзи ташкиллаштиргани.

Бошқача қилиб айтганда Назарбоевнинг асосий ютуғи ўзининг бозор иқтисодиётида билмасвойлигини тан олиб, энг тўғри йўлни - билгичларни чақиргани бўлди. Каримовнинг эса шу йўлдан боришга ё кибри халақит қилди, ё фаросати етмади, ё иккови бирга.

https://t.me/muhammadshakur_07

Тектоник ўзгаришларни битта-яримта одам сезишга қодир экан холос, чунки чуқур - ернинг тагида юз беради у, кўзга кўринмайди. Қолганлар силжиб кетаётган плитанинг устида ўтириб, сичқон ўйнатиб ўтираверар экан.

Уммат таназзули сабабларини ични оғритиб бўлса-да излашда давом этамиз.

Хулоса: бир пайтлар зафар қозонганларнинг авлодлари бориб-бориб эс-ҳушини йўқотди – инсон қадрини унутди. Ҳолбуки аниқ қилиб айтилган эди Аллоҳнинг наздида бутун Каабанинг вайрон бўлиши бир бегуноҳ мусулмоннинг ўлдирилишидан кўра енгилроқлиги ва ҳатто Аллоҳнинг наздида дунёнинг йўқ бўлиши бир мусулмоннинг ўлдирилишидан кўра енгилроқлиги.

Айнан шунинг натижаси, ақли ожизимча, кўриб турганларимиз: қадрланиши керак бўлган нарсанинг қадрланмаслиги оқибатида ўша нарса У ЁКИ БОШҚА НАРСА САБАБ БЎЛИБ увол бўлади. Бу ерда катта илоҳий мантиқ (математика) бор.

Тушуняпсизларми, гап майда сабабиёт ҳақида кетмаяпти, катта фундаментал нарсалар бор. Ўша катта фундаментал нарсаларга хилоф қилинганда маълум қайғули ҳолатга ОЛИБ БОРАДИ. Бу – йўл. Маълум узунликдаги йўл. Етиб боргандан кейин вой-дод қилиб душманни ёмон кўргандан фойда кам. Бор, аммо кам.

Барчасини ёвуз душманга тўнкаб қўйишда ҳузур бор албатта, нафсга ёқимли. Бироқ чуқурдан чиқиш машаққатни тақозо қилади. Энг катта машаққат эса ўз-ўзни холис таҳлил қилиш.

Қайтадан, тушунарлироқ бўлиши учун, сабабни кўрсатса оқибатни ушлаб оладиганлар учун: ичимизда хато бўлса, ўша хато бориб-бориб моддийлашиб ўзини кўрсатади, буюк фожиларга эврилиб.

Инсон қадри Ислом асосларидан. Таназзул сабабини мен шахсан шунинг унут бўлгани билан боғлайман, муаммоларимизнинг бирмунчасига ип тортиб оббориб шу нарсага боғлашимни ҳам эплайман. “Qadr.uz” деган номни сотиб олиб ҳам қўйганман бир кун келиб сайт қилиш учун. Мақола ҳам ёзганман алоҳида.

Биз қандайдир муҳим нарсани унутганмизки, бунчалик қуладик. Менимча бу – инсон қадри. Унинг Ўзи қадрлаган нарсани ҳақир санай бошлаганимиз бунга сабаб.

https://t.me/muhammadshakur_07

Рисолатда юз берган ҲИЖРАТ ҳодисаси мен учун – улкан маъноли ҳодиса. Барча қудрат Эгаси, ҳар кимдан ҳимоя қилишга қодир Зот мўмин бандаларига керакли лаҳзада ҳаётни, зурриёдни сақлаб қолишни ўргатяпти. ФУРСАТ келмагунча чекинишни ўргатяпти.

ФУРСАТ бу – тоза МАТЕМАТИКА. Чамаланади қанча куч ва имконият бор, етадими у зурриёдни сақлаган ҳолда душманга қарши туришга, уни тор-мор этишга, ёки йўқ. Бунга имкон етмаган пайтда барча ҳаракат мурғак зурриёдни сақлашга қаратилади ва кучни кўпайтириш имкони изланади. Керак бўлса эркаклар бундай пайтда “ер тишлаб” бўлса ҳам зурриёдни авайлайди, хорликни эгнига олади.

Мен билган Ислом бўйича бунга тескари ишлар қилинмайди, мен билган Расул ортида заифлар тургани фактини биринчи ўринга қўяди.

https://t.me/muhammadshakur_07

7 октябр атай уюштирилган акция экани мен учун шахсан тобора аён бўлиб боряпти, бу вариант қанчалик баъзиларимизга жуда ёқмаса ҳам, айтиш керак буни. Яҳудлар минг-икки минг одамини қурбон бериб бўлса ҳам, ҳатто уларни ўзлари ўлдириб бўлса ҳам, мақсадига эришишдан қайтмаслиги аён бўлиб қолди. Чунки бу ерда уларнинг бузуқ эътиқоди ётипти ва бунақа қурбонлар улар учун - "муқаддас қурбонлар". Видео бор - бир яҳуд руҳонийси Нетаняҳуга "кам ҳаракат қиляпсан, тезлаштиришинг керак" деб танбеҳ берган. Нетаняҳу қизариб-бўзариб, "тезлаштираман" деб жавоб берган. Ва афтидан у тезлаштириш учун 7 октябрни уюштирган. Натижаси - бемалол Ғазони яксон қиляпти, Ливанни ҳам. Хоҳлаганича қурол ва пул оляпти Ғарбдан. "Тезлаштириш" учун 7 октябр бўлмаганда, уни ўйлаб топиш керак эди.

Байденнинг деменцияси (ақл-ҳуши кетиши) ҳам бир кунда йўқ бўлди... Афтидан, бу ҳам умумий режага киради - "мошиах" келишини кутиш АҚШ "демократ"ларига ҳам бегона эмас ва Трампнинг қўли билан ишни якунига етказиш режа қилинган...

https://t.me/muhammadshakur_07