Muhammadaziz Rahim | Blog

Shuni yaxshi bilki, kuchli, hammani yenggan arslon bilan jang qilmoq osondir. Haqiqiy qahramon esa avvalo o’zining nafsini yenggan kishidir.

Ayman Yog’iy✨

Haqning ne'matlari bilmas nihoya,
Ulug' oy boshlarga solmoqda soya,
Mu'azzam, muborak, qutlug' himoya,
Marhabo, Ramazon! Salom, Ramazon!

Oylarning sultoni – ummat oyi bu,
Ixlos-ibodatga rag'bat oyi bu,
Muhabbat ahliga g'ayrat oyi bu,
Marhabo, Ramazon! Salom, Ramazon!

Saxovat oyidur, Qur'on oyidur,
Jahon nurga to'lar, Subhon oyidur,
Tasbih va tarovih, ehson oyidur,
Marhabo, Ramazon! Salom, Ramazon!

Bir oyki, avvali rahmatga yordur,
O'rtasi mag'firat, poklik shiordur,
Oxiri – do'zaxdan qutulmoq bordur,
Marhabo, Ramazon! Salom, Ramazon!

SHaytonlar kishanda – qilingan qamal,
Netar shaytonsifat insonlar bu gal? –
Endi nafsimizga bog'liq har amal!
Marhabo, Ramazon! Salom, Ramazon!

Ro'za – ruh shifosi, beqiyos ajr,
Alloh va bandaning o'rtasida sir,
Oxirat mulkida bor ko'shku qasr!
Marhabo, Ramazon! Salom, Ramazon!

Borliqda o'zgarish, fayz ichra olam,
Qalblarda inqilob, ruhlarda bayram,
Koinot Ilohiy Kalomdan xurram!
Marhabo, Ramazon! Salom, Ramazon!

Bir tunga teng kelmas tunlar nechasi,
Ming oydan yaxshidur qadr kechasi,
Bir tunda sakson yil yashash rejasi –
Marhabo, Ramazon! Salom, Ramazon!

YO Rab! Bandalarga rahmating cheksiz,
YAxshiyu yomonga davlating cheksiz,
Mohi Ramazonda ne'mating cheksiz!..
Marhabo, Ramazon! Salom, Ramazon!

YO Rab! Nurlaringni et bizga ato,
O'zing madadkor bo'l, qilmaylik xato,
Mirzo der kelguncha to vaqti vido:
“Marhabo, Ramazon! Salom, Ramazon!”

Mavlono Rumiy✨

Jaloliddin Rumiy✨

Ochlikka sabr qilsang,
unga Ro'za deyiladi.
Qiyinchilikka sabr qilsang,
unga Matonat deyiladi. Insonlardan yetadigan ozorlarga sabr qilsang,
unga Bardosh deyiladi.
Tilaklarga sabr qilsang,
unga Duo deyiladi.
Tuyg'ularga sabr qilsang,
unga Ko'zyoshi deyiladi. Sog'inchga sabr qilsang,
unga Xasrat deyiladi.
Sevgiga sabr qilsang,
unga Ishq deyiladi.