Postal

Мульти-бот с премиум emoji Постинг+приветствие!

Продам твой канал за сутки.

Любой по федеральной программе.

Продам канал с доходом 138090

Всего за 55 000. Срочно нужны деньги.

Statistika Saralanganlar

Mufasa

Kanal geosi va tili: O‘zbekiston, O‘zbekcha

Toifa: Yangiliklar va OAV

Каналда сиз долзарб мавзулар, янгиликлар ва қизиқарли мулоҳазаларни кузатишингиз мумкин
Муаллиф 👉 Мирсаид Хайдаров
Facebook 👉 https://www.facebook.com/mirsaidakbarovich
Twitter 👉 https://twitter.com/mufasa_mh
Боғланиш 👉 @Mufasaga_murojaat_bot

Связанные каналы | Похожие каналы

Kanal geosi va tili

O‘zbekiston, O‘zbekcha

Toifa

Yangiliklar va OAV

Statistika

Postlar filtri

O‘chirilganlarni yashirish

Repostlarni yashirish

Mufasa

24 Jan, 17:35

Инсон ҳаёти – бебаҳо неъмат

Ҳар йили ис гази билан боғлиқ ҳодисалар кўплаб инсонлар ҳаётига хавф солаётганини кўряпмиз, гувоҳ бўляпмиз. Шундай фожиаларнинг олдини олиш учун ЎзЛиДеП “Огоҳ бўлинг – ис гази” акциясини ўтказяпти. Акция доирасида партия фаоллари ва маҳаллий депутатлар ҳамкорлигида ижтимоий ҳимоя реестридаги оилаларга ис газини аниқлайдиган ускуналар беғараз ўрнатилаётган экан.

Тадбирлар давомида фуқароларга ушбу детекторларнинг аҳамияти ва фойдаланиш қоидалари тушунтириляпти. Ускуналар ўрнатилишидан асосий мақсад — инсон ҳаёти хавфсизлигини таъминлаш.

@mufasa_mh

2.5k 0 22 1

Mufasa

24 Jan, 10:27

Азалдан туркий халқлар ҳаётида от ва улов муҳим аҳамият касб этган, «от минган халқ» сифатида танилгани бежиз эмас. Бугунги кунга келиб ҳам уловга нисбатан муносабат ўзгармаган, фақат унинг тури ўзгарди: ҳозирги кунда ҳам бизнинг жамиятни қувончи, ташвиши, бутун ҳаёти кўп жиҳатдан автомобилга боғлиқ бўлиб қоляпти.

Афсуски, борган сари йўллардаги ўлим ҳолатлари ва ҳаракат хавфсизлиги билан боғлиқ муаммолар жиддий хавотир уйғотмоқда. Йўл ҳаракати хавсизлиги тизимида раҳбар ўзгарди, аммо тизимнинг ўзи эса заррача ўзгаргани йўқ. Баттар бўлса бўляптики, бирор ижобий ўзгаришлар кўзга ташланмайди.

Йўлларда ҳаракатини назорат қилувчи ходимлар сони бизда, ҳатто, жаҳондаги энг тоталитар давлатлардан бири Хитой ёки Россиядан кўра кўпроқ кўринса-да, ЙТҲ ҳодисалари ёки «пробака»лар олдини олишда самарасизлик яққол сезилади.

Бир жойда 10 га яқин ГАИ ходимларининг тўдаланиб турганини кўрасиз, аммо яқин атрофда светофор ишламаётган ёки чорраҳада пиёдалар қийналаётган бўлади. Тўпланиб турган шунча ҳодимлар эса қоида бузмаган ҳайдовчиларни тўхтатиб, ҳужжатларни текшириш, «насадка»сиз алкотестерга пуфлатиш билан банд.

Ходимларнинг қўпол муомаласи ёки фуқаролар билан мулоқот маданияти ҳақида гапирмасак ҳам бўлади — бу энди деярли одатий ҳолга айланди. Кўникиб бўлдик. Худди шундай бўлиши керакдек, бошқача бўлиши мумкин эмасдек қабул қиляпмиз.

Савол туғилади: наҳотки, бу тизимни ўзгартириш имконсиз бўлса? Нега бу тизим раҳбарияти чет эл тажрибасини ўрганиб, замонавий тизимлар жорий этишга ҳаракат қилмайди?

Жаноб Шерзод Шокирович, 4-5 нафар фуқарони қабул қилиш ва уни пиар қилиш билан тизимдаги чуқур илдиз отган муаммоларни ҳал қилиб бўлмайди. Мақсад тизимни такомиллаштириш ва ҳақиқий ўзгаришларга эришиш бўлса, унда камчиликларни чуқур таҳлил қилиб, уларни бартараф этиш бўйича амалий қадамлар ташланг.

@mufasa_mh

3.6k 0 39 2

Mufasa

23 Jan, 17:07

Энди янги уй-жой оладиган фуқароларга ўзи тўлаган маблағининг бир қисми кэшбек қилиб қайтарилиши мумкин

4k 0 9 2

Mufasa

23 Jan, 15:36

00:22

Video oldindan ko‘rish uchun mavjud emas

Telegram'da ko‘rish

Экопартиянинг Мунозара клубида «Қайта тикланувчи энергия манбаларини ривожлантириш: бугунги аҳвол, муаммолар ва ечимлар» деган мавзу бўйича давра суҳбати ўтказилди.

ЎзФА Ядро физикаси институти директори, академик Илҳом Содиқов айтишига қараганда, муқобил энергиянинг энг катта фойдаси — унинг арзонлиги ва табиатга зиён етказмаслигидир.

Масалан, 1 ГВт қувватда ишлайдиган электростанция йилига 6 миллион тонна кўмир ёқади ва натижада 2 миллион тонна кул ҳосил қилади. Лекин шу қувватда ишлайдиган атом станцияси эса бундан 40 минг марта кам чиқинди чиқарар экан.

4.2k 0 10

Mufasa

23 Jan, 13:22

Қурилишда “эскроу” тизими жорий қилинмоқда. Бу тизим девелоперларга ҳозиргидан пастроқ ставкада маблағ жалб қилиш имконини беради. Муҳими, девелоперларни молиялаштириш уй қуриш билан бирга бошланади ва давом этади.

Фуқаролар эса қурилиш бошидан ипотека ва субсидия олиш ҳамда уй битмасдан туриб ҳам бошқа одамга сотиш имконига эга бўлади. Бу билан уй сотиб олувчилар кафолатли ҳимояланади.

PS. Хайрият 👏

4.3k 0 14 1

Mufasa

22 Jan, 09:27

Бугун Халқ депутатлари Сирдарё вилояти кенгашининг навбатдан ташқари сессияси бўлиб ўтди.

Сессияда Бош вазир Абдулла Арипов иштирок этди.

Ўзбекистон Республикаси Президентининг тегишли фармонларига асосан Турдимов Эркинжон Оқбўтаевич Сирдарё вилояти ҳокими вазифасини бажарувчи этиб тайинланди.

4.9k 0 55 5

Mufasa

22 Jan, 09:07

Президент фармони билан Эркинжон Оқбутаевич Турдимов Сирдарё вилояти ҳокими вазифасини бажарувчи этиб тайинланди.

5.5k 0 81 2

Mufasa

21 Jan, 19:45

Ўтган йил давомида хорижда меҳнат қилаётган юртдошларимиз Ўзбекистонга жами 14,8 млрд доллар маблағ юборишган.

Бу рақам катта аҳамиятга эга, чунки ўтмишда бутун халқ боши эгилиб терган пахта экспортидан ҳам давлатга бу даражада валюта кирмаган. Демак, меҳнат мигрантлари мамлакат иқтисодиёти учун жуда муҳим ўрин тутяпти. Шу боис, бу йўналишга алоҳида эътибор қаратиляпти.

Ҳозирги кунда миграция масаласи давлат сиёсати даражасига чиқиб, дунёда ҳеч бир аналоги йўқ – Миграция агентлиги тузилган. Қолаверса, бу агентлик ҳукумат қошида фаолият юритяпти.

Бугун Миграция агентлиги ва Япония халқаро ҳамкорлик агентлиги (JICA) томонидан ишлаб чиқилган «Japan Career Portal» платформаси ишга туширилди.

Бу платформа JICAнинг Марказий Осиёдаги биринчи лойиҳаси бўлиб, ўзбекистонликларга Японияда ишлаш, ўқиш ва яшаш имкониятлари ҳақида ишончли ва тўлиқ маълумот берадиган универсал платформа бўлиб хизмат қилади.

5.2k 0 47 1

Mufasa

21 Jan, 16:22

03:30

Video oldindan ko‘rish uchun mavjud emas

Telegram'da ko‘rish

Зойир Мирзаев: Жойларни номлашда олимларни ёрдами керак!

Ҳоким долзарб мавзуни кўтаряпти. Кўча, маҳалла, қишлоқ ва бошқа жойларнинг номлари «каша» бўлиб кетган. Аксарият жойлар «Намуна», «Бахт», «Навоий», «А.Темур»ва «Наврўз» каби шаблон номлар билан номланган.

Ўзбекистонда «Бобур» номли нечта кўча ёки маҳалла борлигини ҳеч ким билмайди. Бизда номлар бир хил бўлганидан гугл ва яндекслар ҳам довдираб қолади. Дуч келган кўча «Обод» деб номланади, лекин бечора кўча асфальт кўрмаган.

Яқинда бир жойда «Ўзбекобод» деган аҳоли пунктини кўриб, жуда обод бўлмасада, хурсанд бўлдим. Негаки, аввал бундай номни учратмаган эканман.

Анча олдин бир масжиднинг ёнидаги қабристон «Йилқичи ота» деб номлангани эътиборимни тортиб, имомдан сўрадим, бу «ота»нинг қабристон ёки масжидга қандай алоқаси бор, деб. Имом: «Илгари замонда бир чол сийишга қийналган отларни шу масжид ўрнидаги жойга олиб келиб, шу ерда сийдириб кетган. Шунга ‘Йилқичи ота’ деб номланган», деб жавоб берди.

Номаълум субъектнинг ғайриоддий «каромати» туфайли унга атаб жой номланган экан деб эътироз билдирсам, «билмайман, мен бу ерлик эмасман. Мени ота-боболарим бу ерда ётмайди» деган.

6.1k 0 82 11

Mufasa

21 Jan, 14:47

Давлатимиз раҳбари АҚШ Президенти Дональд Трампни ушбу лавозимга расмий киришгани муносабати билан табриклади.

Шунингдек, Шавкат Мирзиёев Дональд Трампни ташриф билан Ўзбекистонга келишга таклиф этди.

4.7k 0 7

Mufasa

21 Jan, 09:53

Эковазирлик матбуот котиби «М-25» кони ҳудудида ҳеч қандай кутилмаган вазиятлар кузатилмагани ҳақида хабар беряпти.

Унда айтилишича, ҳудудда кичик ҳажмда тўпланган газни ёқиш орқали зарарсизлантириш ишлари олиб борилмоқда ва ундан кўзланган мақсад кислотали газларнинг атмосферага чиқишини олдини олишдан иборат экан.

Ушбу жараён атроф-муҳит ифлосланишининг олдини олишда стандарт ёндашув ҳисобланаши ва халқаро саноат хавфсизлиги талабларига тўла жавоб бериши таъкидланган.

5.1k 0 12 5

Mufasa

20 Jan, 19:37

00:41

Video oldindan ko‘rish uchun mavjud emas

Telegram'da ko‘rish

Аркадағ ташриф билан Монакога жўнаб кетди. Бу йил Туркманистон ва Монако князлиги ўртасида дипломатик алоқалар ўрнатилганига 10 йил тўлибди.

PS. Аркадағ замонамизни энг «бахтли одами» бўлса керак-а? Ҳозир мазза қиб Монте-карлода юрибди 😁

6.2k 0 39 4

Mufasa

18 Jan, 22:14

00:26

Video oldindan ko‘rish uchun mavjud emas

Telegram'da ko‘rish

Давлатимиз раҳбари Шавкат Мирзиёев ва Абу-Даби валиаҳд шаҳзодаси Шайх Холид ибн Муҳаммад Ол Наҳайонни «Манчестер Сити»га ўтган Абдуқодир Ҳусанов ҳақидаги суҳбати.

Валиаҳд шаҳзода мана шундай профессионал футболчини вояга етказгани учун ўзбек халқига ҳурматини билдирди.

12k 2 60 2

Mufasa

17 Jan, 20:04

Жиззах вилояти Солиқ бошқармаси бошлиғи лавозимида ишлаган Бекзод Тошпўлатов Жиззах вилоятининг Зарбдор тумани ҳокими этиб тайинланибди.

Бекзод Ташпўлатовни солиқ органларида оддий тезкор ходим (СБ) бўлиб ишлаган давридан бери шахсан танийман. Тиришқоқ, талабчан, масъулиятли давлат хизматчиси.

Бекзод Тургунович, ишларингизга омад! Раҳбарият ишончини оқлаб, зарбдорликларни ҳурматини қозонишингизга ишонаман.

@mufasa_mh

8.8k 0 106 6

Mufasa

15 Jan, 21:49

Президент Шавкат Мирзиёевнинг Бирлашган Араб Амирликларига расмий ташрифи шарафига Дубайдаги дунёнинг энг баланд биноси – "Бурж Халифа" Ўзбекистон байроғи рангларига бурканди

9k 0 41 2

Mufasa

15 Jan, 14:36

«Жалақудуқ туман йўллардан фойдаланиш» давлат муассасаси томонидан барча объектларда махсус транспорт хизмати кўрсатиш бўйича бошланғич қиймати 101,0 млн сўмлик танлов ўтказилди.

Танлов натижаларига кўра, энг паст нарх — 100,5 млн сўм таклиф қилган «Will Print» МЧЖ танлов ғолиби, иккинчи иштирокчи «DAVR TAMIRLASH» МЧЖ эса заҳира ғолиби деб топилди.

Мазкур танловда ўзаро аффилланган шахсларга тегишли тадбиркорлик субъектлари иштирок этган бўлиши мумкин.

Хусусан, Ғозиев Файзулло Эркинжонович бир вақтнинг ўзида «Will Print» ва «DAVR TAMIRLASH» МЧЖларнинг раҳбари ҳамда ягона таъсисчиси ҳисобланади.

Манба: @revizor_uzb

8.8k 0 16 1

Mufasa

13 Jan, 19:20

Кеча бир жойда кофе ичиб ўтирсак, барча билан қўли кўксида саломлашиб ИИВ генерали кириб келди.

Ширинликларни танлаб, тўлов учун ҳамма қатори навбатда турди. Ноодатий ҳолдек кўрингани учун суратга олдим.

Ватанимизни мана шундай ҳимоячилари доимо омон бўлишсин, байрам муборак! Душманларга ўлим!)

@mufasa_mh

11.2k 0 124 29

Mufasa

12 Jan, 19:10

Ойнинг ўн беши қоронғу, ўн беши ёруғ: бой ота озодликка чиқди

ОАВлар «Салимбой» номи билан танилган тадбиркор Салим Абдувалиевни озодликка чиққани ҳақида хабар беришмоқда

@mufasa_mh

10.5k 0 37 9

Mufasa

12 Jan, 07:53

Комил Джалилов: ўзбек китобхони ютқазди

…Шахсий кузатишларим бўйича, энг катта адолатсизлик бир йил давомида “йўқдан бор” қилган – ўзбек тилида аналоги йўқ энг сара илмий ва илмий-оммабоп китобларнинг танланиши, аслийдан таржима ва таҳрир қилиниши ҳамда нашрга тайёрланишига эришган лойиҳа менежери Хуршид Йўлдошевга нисбатан бўлди. Унга нисбатан асоссиз иддаолар илгари сурилди, гап-сўзлар кўпайтирилди ва бу воқеалар охири унинг лойиҳадан кетиши билан якунланди.

“1000 китоб” атрофидаги гаплардан ким қандай мақсад кўзлаган эди, билмайман, лекин бир нарса аниқ: лойиҳа ютқазди, ўзбек китобхони ютқазди. Хуршид Йўлдошев билан бирга лойиҳага келган айрим экспертлар, таржимонлар, лойиҳа офиси ходимлари, билишимча, лойиҳани тарк этишди ёки тарк этиш ниятида. Мен ўзим ҳам бўлиб ўтган воқеалардан кейин лойиҳада фаолиятимни давом эттиролмайман деган хулосага келдим.

Яна бир нарса. Назаримда, бир оиланинг икки вакили давлат (солиқ тўловчилар) ҳисобига молиялаштириладиган бир лойиҳада иштирок этиши потенциал манфаатлар тўқнашувига замин яратади, дисбаланс яратади ва воқеа-ҳодисаларга объектив, рационал баҳо беришга тўсқинлик қилади. Айниқса, оила вакил(лар)и республика даражасидаги давлат органи амалдори бўлса…

Манба

PS. Давлат раҳбарини қарори билан ушбу лойиҳага 20 млрд сўм ажратилган. Барча хайрли ишларни, ташаббусларни бошига етган непотизм ва коррупция бу ерда ҳам аралашган, ғалаба қозонган. Кимдир тиқилиб ўлмагунча бу ҳолатлар анча вақт давом этаверади.

10.6k 0 24 9

Mufasa

9 Jan, 19:27

Ушбу постга нисбатан айримлар анонимликни сақлаш мақсадида ўз фикрларини «личка»да бўлишишди. Маълум бўлишича, 9 та вилоятнинг ҳокимлари айни пайтда «касабқўм»га қарашли «Севарсой» санаториясида дам олишмоқда. Тўғри, нархи Боржоми санаторийларидан ҳам қиммат бўлган «Севарсой»да ҳокимлар ва «касабқўм»нинг олигарх раҳбарияти дам олмаса, оддий меҳнаткаш ишчиларнинг қурби етмайди-да. Ҳай майли, бу алоҳида мавзу.

Таътилга чиқмасдан ўз фаолиятини давом эттираётган ҳокимлар орасида Зойир Мирзаевдан ташқари Шуҳрат Абдурахмонов ҳам бор. Ўша куни Амирсойда баллон учаётган ҳокимлар таркибида ҳам бўлмаган экан. Ишончли манбани гапларига ишонадиган бўлсак. Умуман олганда, шу икки ҳоким бошқа ҳудудлар раҳбарларига ишни қандай ташкил қилиш бўйича ҳеч бўлмаганда уч ойда бир марта мастер-класс ўтса, фойдали бўларди.

Оддий мисол, нега Андижонда метан-кризис вақтида бирорта киракаш йиртиқ кроссовкани кўтариб, бутун жаҳонга дод-вой қилиб чиқмади? Чунки вилоят ҳокими аввалроқ шу ҳолатларни ҳисобга олиб, киракашлар учун алоҳида метан заправкалар фаолиятини йўлга қўйганди. Метан газ истеъмоли ҳажми бир неча баробар кам бўлган пойтахтда эса бундай ҳолат юз берди. Тошкент ҳокимлиги ҳам «андижон тажрибаси»ни қўллаганида эди, халқаро даражада шарманда бўлишимизни олди олинармиди.

Албатта, дам олиш барчанинг конституциявий ҳуқуқидир. Бунинг учун ҳеч кимни маломат қилиб бўлмайди. Шунчаки, ҳокимларни «ғийбат» қилмасак, бошқа кимни ҳам қиламиз?)

@mufasa_mh

10.5k 0 86 13

20 ta oxirgi post ko‘rsatilgan.

9 895

obunachilar

Kanal statistikasi

Kanalda mashhur

Жанубий Кореянинг Jeju Air авиакомпаниясига тегишли самолёт ҳавода қуш билан тўқнашгани туфайли ҳ...

Хитой 2025 йилда ҳеч кимни зериктирмайди: Хитой Халқ Республикасида COVID-19 дан ҳам хавфлироқ бў...

🐻 Шахрам Гиёсов ҳуқуқбузар деб топилди Айиқ билан машғулот ўтказиб, ҳуқуқбузарликка йўл қўйган б...

Экология вазирлиги ҳузуридаги Ўрмон хўжалиги агентлиги директори Бакиров Низомиддин Жалилович лав...

100 нафар фаластинлик ярадор аёллар ва болалар уларнинг ҳамроҳлари билан бирга Ўзбекистонга эваку...