Mo'ydinjon Ibrohimov

Rosulullohga bo’lgan muhabbat…

Bir kishi nonvoy ekan.

Eski nonni 20 tangaga, yangi issiq nonni 10 tangaga sotar ekan.

Bir odam kelib nonlarni narxini so’rasa nonvoy:

“Yangilari 10 tanga, eskilari 20” debdi

Haligi odam nega bundayligini so’rabdi. Nonvoy esa:

“Eskilari Rosulullohning davrlariga yaqinroq” degan ekan )

Boridan foydalandim…

Kunlik reja qilgan ishlarimning 50%ni ham bajara olmayotganimni payqab qoldim.

Kun oxirida meni hayolparastligim aldab, qilgan 30-40% ishimni bo'rttib ko'rsatdi. Natijada men hayolan ishimni "do'ndirgandek" bo'lib qoldim.

Darhol qo'limga qog'oz, ruchka olib o'zim va men o'rtamizda nega bunday bo'layotgani haqida samimiy savol-javob o'tkazdim.

Nega reja qilgan ishlarimni 50%ni ham bajara olmadim? - Chunki fokusim orada boshqa narsalarga bo'linib, bo'linib ketdi. Ozgina ishimni bajarganimdan keyin unga nisbatan rag'bat bo'lmadi. Shuning uchun motivatsiya o'lib qoldi.

Nega kechga borib bajargan oz ishim ham menga ko'pdek ko'rindi? - Chunki kun bo'yi ham, kechga borib ham instagramda qisqa videolarni uzoq muddat ko'rdim. Shu sababdan miyam juda ham turli mavzulardagi ko'p kontentlar bilan kuchli yuklama oldi. Aynan kechga borib esa, muvaffaqqiyatli insonlarning orzuyimdagi hayotini qisqa-qisqa lavhalarini ko'rib hayolga berildim, vizualimda go'yo men o'sha hayotda yashadim. Natijada miyamda o'sha hayotda yashashda olinadigan dofaminning miqdoriga teng dofamin ishlab chiqarildi. Bu esa ishlashga xohishimni butkul susaytirdi.

Yechim - fokusimni buzayotgan barcha narsalarni qog'ozga yozib chiqdim va ularni maksimal barchasini "yo'q qilishni" boshladim. *Pomidoro uslubidan foydalandim.

Yechim - 2-muammoga yechim topishim sal qiyinroq bo'ldi va uni qisqagina hikoyasi bor, keling yaxshisi tushunarli va balki o'ylaganim kabi foydali bo'lishi uchun o'sha hikoyachani aytib beraman:

Yechim sifatida ijtimoiy tarmoqlarni o'chirib tashlashni xulosa qilgandim. Lekin ishim tufayli 3 ta loyihani nazorat qilish, kontentlarni joylash makbukda (noutbukda) noqulaylik tug'dirishini tushundim.

Faqatgina aloqning o'ziga klaviaturali telefon olib ishlatishni o'yladim... Yo'q men bunga tayyor emas ekanman :)

Arzonroqqa android telefon olib aloqa va telegramning o'zigagina ishlatay desam avval android ishlatganman, menman degani ham qotadi. Bu ham variant emas :(

IPhone olay desam ayni damda ortiqcha $500+ pulim yo'q, nasiyaga olay desam halol-ku, lekin boshimdan o'tkazganman, bilaman. Pulni barakasi kamayadi.

Boshim qotdi. Oxiri IPhonimdan hech narsani o'chirmadim ham, boshqa telefon olmadim ham. Shunchaki u yonimda bo'ladi. Biroq uni faqat zarurat bo'lganda aloqa uchun, ya'ni kimgadir qo'ng'iroq qilish uchun foydalanaman deb o'zimga va'da berdim.

Bu orqali *ijtimoiy tarmoqlarga ayniqsa, ham do'stim ham dushmanim instagramga maksimal darajada kirmayman. *Pulim tejaladi. Kunlik ishlarimni najarish koefitsentim oshadi.

To'g'ri boshida biroz, balki yaxshigina qiyin bo'lishi mumkin, lekin bizga ne'mat qilib berilgan qat'iyatni ishlatish payti kelganini angladim.

Demak menda quyidagi 1 oylik chellenj bor:

1. Telefonimdan faqat aloqa uchun foydalanaman va kun bo'yi faqat 2 martagina loyihalarim nazorati uchun instagramga 2 daqiqadan kiraman. (Tarmoqqa kirishdan avval timerni yoqib qo'yish shart!)

Ha aytgandek, bu chellenj yoniga mana shu kanalga qachon biror kontent joylasam u faqat yozma post bo'ladi, albatta soft, (muomila) hard (sohaviy) mahoratlar uchun biror foydali texnika yoki keys aytishim kerak. Yo'q deganda esa mana shu post kabi hayotimda bo'lgan voqeadan meni kuzatadiganlarga foydasi tegishi mumkin bo'lgan qismini chiroyli qadoqlab ulashish chellenjini ham qo'shaman. (2.)

Ushbu post sarlavhasi: "Boridan foydalandim..." edi. Menimcha allaqachon nega bunday nomlaganimni tushungan bo'lsangiz kerak. Mahoratlarimizni ishlatsak ko'p muammolarga yechim topib, qo'llasa bo'ladi. :)

Rohat bermasa…

O’tgan dekabr oyi men uchun boshqa oylarga nisbatan omadliroq oy bo’ldi.

Oylik daromadim 2 barobarga o’sdi desam ham bo’ladi.

Bu summaga 4 kishi bemalol Toshkentda yashasa bo’lardi.

Tabiiyki bu oy o’zim ham yaxshi yashadim: yaxshi taomlanish, sifatli kiyim va yana o’zim yoqtiradigan narsalarga pul sarfladim.

O’sha mahsulot yoki servisni sotib olganimda men xursand bo’ldim juda ham, lekin baxtli bo’lmadim.

Vaqt o’tishi bilan bu xursandchilik tugadi.

2-yanvar kuni o’z “vatanimga”, ya’ni Farg’ona viloyati, Oltiariq tumaniga keldim. Oilam bag’riga.

2 yil oldin niyat qilganimdek o’sha restoranga oilamni olib bordim, ko’plab baxtli xotiralar qoldi.

Eng yaqin do’stim bilan shaharni aylandik.

Najot Ta’limda o’qib yurgan paytimda men ovqatlangan o’sha eng arzon perashkixonaga ham, shahardagi eng sifatli tamaddixonaga ham kirdik.
Bu kun ham baxtli xotiralarga boy o’tdi.

Yoshlari ulug’ 2 buvijonim va bir opodadam borlar, ularni ham ko’rgani quvvat bo’ladigan taomlar bilan borib, duolarini olib keldim. Qalbim juda yorishib ketdi.

Bu gaplarim bilan hayotimni maqtamoqchi emasman, shunchaki topayotgan pulingiz o’zingizga rohat bermasa, boshqalarni xursand qiling, ularning yuzidagi tabassum va iliqlik sizga rohat beradi! Manashuni eslatmoqchi edim xolos.

@moydinjon_ibrohimov

“Agar siz Franklin bo’lmasangiz hammaga yoqaman deb ovora bo’lmang!”

“Sadaqa miskinning qo’liga tushishidan avval Allohning qo’liga tushadi”

“Menga nima deydigan tushuncha musulmonlarni pastga tushirib yubordi”

Baxt pulda emasligini anglash uchun $million topish shart emas.

To’g’risi ishdan juda zerikdim.

Ehtimol charchagandirman.

Oilamni ham juda sog’indim, hammalarini olib uzoqlarga dam olgani ketgim keladi.

Oz qoldi…

#qaynoq

Avtobusdaman va dedim:

- Keling aka o’tiring
- Yo’q rahmat keyingisida tushaman 😊
-Ungacha o’tirib turaqoling
- Yo’q, yo’q ukam, o’tiravering, rahmat

Baribir o’rnimdan turdim, 1 ta bolali ayol chiqdi va joyga o’tirdi.

Men joy bermoqchi bo’lgan aka:

- Yaqinda og’aynim sochini qoraga bo’yatdi
- Aha
- So’radim: “Falonchi” ancha yosharibsizu
— Yoshardikku, lekin avtobuslarda yoshlar joy bermay qo’yishi chatoq ekan )