Muhammad Amin Naziraliyev

Ozgina

Istalgan sohada 3 kitob o'qilsa, soha mutaxassislaridan zo'r bo'lmaysan xolos. Qolganlardan oldindasan.

Aniq, asosli gaplaring bo'ladi. Ko'cha boshidagi ayollarni gaplarini olib yurishga hojat qolmaydi.

Qaysi kitoblar:

1. Uylanmoqchimisan? - Baxtiyor oila

2. Yozmoqchimisan? - Yoz, qisqartir

3. Ota bo'ldingmi? - Farzand tarbiyasida 700 saboq

4. Tadbirkor bo'lmoqchimisan? - Million dollarlik xatolar

5. Vaqtingda muommo bormi? - Vaqtning qadri

6. Ilm olishni boshlamoqchimisan? - Ilm olish sirlari

7. Zamonaviy dunyoda yashamoqchimisan? - To'rtinchi sanoat inqilobi

Faqat kitob o'qishda ba'zi omillarni hisobga olish kerak. Yozganman.

Bonus: Olingan bilimlarni birovga aytib berish bilan mustahkam qil. Eng kami devorga gapirsang ham foydasi bor.

Muhammad Amin Naziraliyev

@mnshuz

Devorga urilish

Farzandimga bir necha marta issiqqa bormasligi kuyib qolishi haqida gapirdik lekin qo'lini kuydirib oldi. Endi bormayapti.

O'quvchilarimizdan test olyapmiz. Ularga tayyorlanish uchun vaqt bermadik. Baholari o'zlari kutgandek emas.

Biz o'tilgan mavzularni takrorlab yurish haqida bot-bot gapirdik. Qayta o'qishmadi. Mana endi o'zlari tushunib yetishdi.

Bir narsani tushunib yetish uchun ba'zan boshidan kechirish kerak bo'ladi.

Bir do'stim bor: Semirib ketyapti, semirish zararlari haqida qancha narsa topib berdim, ko'rsatdim.

Agar semirish zararlari haqida kitob yozganimda ensiklopediya bo'lar edi. Tushunmadi.

Keyin o'zim tushunib qoldim, boshi devorga uriladi ana shunda tushunadi.

Ikki xulosa oldim:

1. Odamga ba'zida qo'yib berish kerak, xato ish ekanligini anglab yetsa keyin to'g'irlaydi. Haqiqiy saboq faqat eshitish orqali emas, balki boshdan kechirish orqali olinadi.

2. Har doim imtihon, ketishga, sinovga tayyor turish kerak ekan.

Muhammad Amin Naziraliyev

@mnshuz

Baxt

Albert Shveytsar shifokor bo’lib, Afrikada tibbiy xizmat ko’rsatishga hayotini bag’ishlagan. U 1952-yilda Tinchlik bo’yicha Nobel mukofotiga sazovor bo’lgan.

Shveytsar Gabonda shifoxona tashkil etgan va ko’plab bemorlarga yordam bergan.

Baxtli bo'lish haqida hamma har xil gap aytadi. Biri biznesmen bo'lib katta pul top deydi, biri zo'r kadr bo'l, boshqasi boshqa gap. Bir savolga ming javob.

Baxtga erishishning eng oson yo'li birovlarni baxtli qilishdir.

Ha yana bir gap: Ijtimoiy tarmoqda baxtli ekanligini eng ko’p gapiradiganlar, eng baxtsizlar bo’ladi.

Muhammad Amin Naziraliyev

@mnshuz

Kitob o'qish uchun ba'zi tavsiyalar

2023-yilda o'rtada hisobda 54% Amerikalik kitobxon 1 ta kitob o'qigan ekan. Va ularning 82% izi 10 ta va undan kam kitob o'qigan.

Ma'lumot uchun Amerikani Yalpi Ichki mahsuloti 27 trln $ ni tashkil qiladi. O'zbekistonda esa 90 mlrd $ ni tashkil qiladi.

1. Oson kitoblardan boshlang.

Yoshlar har qanday kitob o'qisalar ham yutadilar.

Bunda yengil badiiy asarlar juda qo'l keladi. 100 betdan ortiq bo'lmagan tez tugab qoladigan kitoblar ayni muddao. Har qanday badiiy kitob bo'laveradi. Asosiysi odat shakliga keltirib olish.

2. Hayotiy holatga tushishi.

Oila qurmoqchi bo'lgan oilaga doir. Universitetga grant yutmoqchimisiz shunga doir kitoblarni. Biznesda marketing kerak bo'lyaptimi? Marketingga doir.

3. Muallifga qarash kerak.

a. Muallifni daromadi va kasbi faqat kitob yozish bo'lmasin.

Kitob bozori shunday tuzilganki, haqqoniy bo'lishni qiyinlashtirib qo'yadi. 10$ lik kitob sotilganda muallifga odatda 1-2$ boradi. Yozishga bir yil ketgan bo'lsa, ofitsiantlikdan yaxshiroq daromad keltirish uchun bu kitob kamida 50 - 100 mingta sotilishi kerak. Bunday asarlar 1-2% dan ham kam.

b. Muallifni 10 tadan ortiq kitoblari bo'lmasin(diniy kitoblardan tashqari)

4. Kitob so'nggida manbaalar ro'yxatini qarash.

Manbaalar ro'yxati muallif nechta va qaysi asarlarni qaymog'ini olib berayotgani ko'rinadi.

5. Fikrlari zo'r odamlardan maslahat so'rash

Ayniqsa shu holat hamma kitoblarni o'qib yuborishni oldini oladi. Chunki kitoblar ko'p. Vaqt esa oz.

6. Bir vaqtda bir nechta bir xil kitoblar o'qish.

Bunda bir-biriga bog'liqliklar fikrlashni oshirib teran anglashga yordam beradi.

Siz hozir qaysi kitoblarni o'qiyapsiz?

Muhammad Amin Naziraliyev

@mnshuz

Ustozlarga tavsiyalar

Hozirgi kunda ustozlarni so'z vaznlari ota-onanikidan kam emas. Tushuntiraman:

Bola bilan eng ko'p bo'ladigan ota-ona. Bola ota-onaning hamma sifatlari, holatlari va shaxsiyatini yaxshi biladi.

Ota-ona o'zi telefon ko'p o'ynab bolaga qaramasligi, bir ishni ishonib topshira olmasligi, bolasiga ishonch bera olmasligi, taklif yoki dard aytsa eshitmasligi har doim bo'lib kelayotgan voqea.

Har doim bolani tandiq qilish, kichik va katta ishlariga ham tanbeh berayotgani, ertalab erta turmasligi va hokazolarni ko'rib boradi. Tabiiy holatda ota-onani gapirgan gapiga amal qilishi kamayadi. Bu esa so'zining vazni kamayadi degani. Yuqoridagilarni asoslashimiz shart emas.

Endi ustozni esa, bola har doim dars o'tayotganda, bolalarga tavsiya berayotganda, chiroyli kiyinishda, savollariga to'liq javob berayotganda va texnologiya yoki zamonga hamnafas bo'lganda ko'radi.

Shu holatda bola ota-onani emas balki ustozni gapini yaxshiroq qabul qiladi.

Shundan foydalanib, ustozlarga tavsiya shuki, bolani ko'proq shaxsiyatini ochish, ruhiyatini ko'tarish, kitoblarni tindirmasdan o'qishga targ'ib qilish, axloqini shakllantirishga urg'u ham berib ketish kerak.

Ishonch - insonni rag'batlabtirishning eng oliy shaklidir.

Muhammad Amin Naziraliyev

@mnshuz

Zaruriy ishlar

Oxirgi 1 oyda o'rgangan narsalarim:

1. Telefonda "qaytarib yuboraman" dedingizmi, qaytarib yuboring. Esdan chiqayotgan bo'lsa yozib qo'ying.

2. Telefon gaplashayotganda boshqa ishga chalg'imang yoki boshqasiga gapira ketmang. Men shunday bo'lsa qizil tugmani bosaman.

Vaqtingizni hurmat qilmaydigan odam o’zingizni ham hurmat qilmaydi.

3. Birov telefon qilgan bo'lsa ola olmadingmi, keyin albatta qaytarib qo'ying. Hurmat belgisi.

4. Bir marta telefon qiling. Ola olmasa yana qilavermang.

5. Telefon qilganingizda kutuvda(waiting, ожидание) bo'lsa tezda qizil tugmani bosing.

Kaminaga yoqmagani uchun bu funksiya o'chiq.

Ota-ona va ustoz, safar bulardan mustasno.

Muhammad Amin Naziraliyev

@mnshuz

Missiyasi tugadi yohud gugurt va sham

O'rmonzor, o'tinchilar qayrag'ochni yiqitdilar. Ishlov berdilar. Zavodlarga yuborildi.

Minglagan ishchilar daraxtlarni – gugurt, qog'oz, jihoz yasash va o'tin uchun saralashdi.

Gugurtlar yasalib, qadoqlarga solindi. Chekka-chekka qishloqlargacha tarqatildi. Qorong'u uylarga yetib bordi.

Gugurt yoqilib, sham yondi. Gugurt missiyasi tugadi.

Shuncha ishlar sham yonishi uchun edi.

Qaroqchi ma'shuqasini oldiga ketar ekan bir uydan tilovat eshitilib turardi. "Unga qaytish vaqti kelmadimi" degan nido bor edi. Qaroqchi eshitdida, "keldi" deya javob qaytardi.

O'sha tilovat qilayotgan inson odamlar uchun qilishi mumkin bo'lgan eng katta ishi shu bo'lgan ekan. Tilovat qilgan insonni missiyasi tugadi.

Qariyb 1200 yildan beri o'sha shamdan insoniyat uchun yorug'lik taralib turadi.

Shams Tabriziy aytganlaridek: "Hech bir uchrashuv tasodif emas. Hayotingga kirib kelgan har bir insonning o‘z vazifasi bor.

Kimdir seni o‘zgartirish uchun kelsa, yana kimdir sening yordamingda o‘zgarish uchun keladi."

Muhammad Amin Naziraliyev

@mnshuz

Savollar

Oldin ham yozganimdek insonni savollar ochib beradi.

Bir insonning saviyasi ko‘pincha beradigan savollari va ularga qanday javob berishiga qarab seziladi.

Odatda aqqli insonlar savol berilmasa o'zlaridan biron narsa gapirishmaydi. Ularni savol bilan ochish kerak. Ro'parasidagi inson qiziqib turganda hamma ham gapirib berishni xohlaydi.

Bog'cha bolalariga qarang, soatiga 76ta savol beradi. Javob berasiz. Bir javobingizdan yana ikkita savol yasashadi. Bu bekorga emas, ko'p savol beradigan bolalar kam savol beradiganlariga qaraganda ko'proq o'rganadi.

Savol berayotganingizda ilmsizman demang, qiziquvchanlik aslida. Qiziquvchanlik biliimdonlikka olib boradi.

PS: Aytgancha, chatgpt dan topiladigan savollarni ustozlarni vaqtini olib berishimiz shart emas.

90% berish kerak bo'lgan savolni hozir tekinga topsa bo'ladi. Faqat 10% o'zingizni qiynayotgan savolni bersangiz kifoya.

Muhammad Amin Naziraliyev

@mnshuz

Qo’lingdagi xarita nusxasi emas, asli

Safarga otlandingiz, qayerga, qanday va qaysi yo’l bilan ketishingizni bilishingiz muhim.

Sizga albatta yo’l xaritasi, qo’llanma kerak.

Safar boshidan oxirigacha shu xarita bilan yo’l yurasiz.

Oldingizdan aylanma yo’llar, saroblar chiqishi ehtimoli bor, ammo siz o’z qo’lingizdagi dalilga, ishonishingiz, ixlos qilishingiz darkor, axir unga tayanib yo’lga chiqqandingiz.

Aslida shu xarita bo’lmaganda yo’lni o’ndan birini ham bosib o’ta olmagan bo’lardingiz.

Hayot yo’lida ham shu, sizning boradigan manzillaringizni belgilab, aniq qilib beradigan xaritangiz, ya’ni ustozingizga ishonch berishingiz, unga ixlos qilishingiz muhim.

Boshqaning xaritasi sizga chiroyli ko'rinmasin. U boshqa manzilga boshlashi mumkin.

Qisqa yo’llar, saroblar sizni chalg’itmasin, o’z xaritangiz bilan ish ko’ring, uning qadriga yeting.

Muhammad Amin Naziraliyev

@mnshuz

Oyligingiz yetmayaptimi?

Oldin 500$ topar edingiz, endi 800$. Oldin ham zo'rg'a oylingizni yetkazib olar edingiz, hozir ham shunday. Nega?

Ishoning, men ham shu o'yinni ichidaman.

Balki kerak emas xarajatlarimiz oshganidadir. Kichik kundalik isroflar va o'ylanmay qilingan xaridlarda. Aksariyat hollarda xarajatlar shunchaki daromad ortidan oshib boraveradi.

Shkafingizni oching qancha kiyilmagan kiyimlar turibdi, ishlatilmagan buyumlarimiz yer to'lada turibdi, xatto kitoblarimiz ichida ham bir marta o'qishga arzimaydiganlari topiladi.

Bu hodisa “Parkinson qonuni” deb ataladi: daromad oshgani sari, xarajatlar ham tabiiy ravishda ko'payadi. Odam o'zini moliyaviy erkinroq his qiladi va ko'proq sotib olishga moyil bo'ladi. Lekin bu ko'pincha odatiy qulayliklar ortidan isrofgarchilikka aylanib qoladi.

"Moliyaviy muammolarni ko'p pul topish emas balki odatlarni o'zgartirish hal qiladi" deydi Devid Bax.

Qayerga ketayotganingizni bilmasangiz, borgan joyingiz yoqmaslik ehtimoli katta.

Muhammad Amin Naziraliyev

@mnshuz

Irodaga emas majburiyatga qo'ying

Bir yaxshi ko'nikmani boshladingiz, 1 hafta qilasiz keyin ish ko'pligi uchun to'xtatib qo'yasiz. Yoki davom etish uchun irodangiz yetmaydi.

Iroda yetmayaptimi? Majburiyatga qo'yish kerak. Vaqtlar o'tib irodangiz shakllanganda keyin majburiyatga qo'ymasdan irodaga tashlab qo'yaverasiz.

Iroda nimadan shakllanadi majburiyatdan. Ikkisi bir siklda. Irodaga qo'ysangiz eplay olmayapsiz, majburiyatga qo'yasiz. Majburiyatdan qachon irodaga olasiz, irodangiz shakllanganda. Uni uchun esa yana majburiyatga murojaat qilasiz.

Majburiyat ham ikkiga bo'linadi.

1. Tashqi majburiyatlar. Oila boqish, farzand tarbiya qilish, ota-onaga va ustozlarga xizmat qilish va hk.

2. O'zingizni majburlashingiz. Ba'zi bir ko'nikmalar. Bu ko'nikmalar esa boshqalardan ham ko'ra o'zingizniki.

Misol uchun: Semirib ketmaslik, erta turish, yozish, kitob o'qish, o'zingizga nisbatan hurmat.

Ikkinchi turdagilarni qanday qilamiz. Faqat vosita orqali. Hozircha vosita deb faqat biz marafonlarni topdik.

Marafonlar o'zingizni og'rig'ingizdan kelib chiqib bo'ladi. Men semirib ketyapman. Moliyaviy erkinlik, erkin ish grafigi, kam harakatlilik.

Endi nima qildim: Avvalo yugurish, keyin shira yemaslik endi esa ozgina vaqtdan keyin yurishdan boshloqchiman.

Bularni qilishim uchun challange qilish kerak. Ko'pchilikka vada berasiz va majburligingizdan maqsadga erishasiz.

Xulosa, irodaga qo'ymang majburiyatga qo'ying.

Muhammad Amin Naziraliyev

@mnshuz

O'zing adashtirmagin

Toshkentdaman, kursda o'tiribman. Mentor darsini o'tyapti. Bir nimalar deyapti. Kamina esa mentorning bironta gapini eshitmayapman, o'quvchilarga qarab faqat bir narsa haqida o'ylayapman.

Bu o'quvchilar qaysidir o'quv markaz, bog'cha va maktablarni kattalaridan. Ya'ni qo'lida eng kami 10 tadan 100 tagacha xodim ishlatadi va 200 tadan 2000 tagacha o'quvchi o'qitadi. O'zini va so'zini ta'siri katta yigitlar.

Bularni chiqargan birgina qarori shuncha o'quvchilarga ta'sir qiladi. Millatni qanchadir o'quvchini taqdirini hal qiladi bular.

Bularni chiqargan birgina qarori xodimlar va ularni oilalariga ta'sir qiladi.

Endi dars o'tayotgan mentorni ham o'yladim. U adashsachi?

Qalbimdan bir nido chiqdi: Mentorni adashtirib qo'ymagin!

"Bir odamning xatosi butun bir qavmning halokatiga olib keladi."
— Hazrat Umar (r.a).

Muhammad Amin Naziraliyev

@mnshuz

Mazasini his qilmayapsiz

Yoshligimda 1 oyda bir marta shashlik yer edik. Shunaqa mazali edi. Mazza qilar edim.

Vaqtlar o'tdi pulimiz ko'paydi endi bo'lsa haftada 1 marta yoki xohlagan paytimiz yeya olganimiz uchun shashlikdan mazza qilmay qo'ydik. Banan, mandarin, kivi misoli ham shunday.

Margulan Seysembay, qozog'istonlik milliarder deydi: "Menda bir paytlar 6 mlrd $ pul bo'lgan, 26 ta ekipajli yaxta, yaxtani ham eng zo'ri, ichida suv ostida suzadigan kemasi ham bor edi, rollce-royce mashinasi va hk. Va bulardan men "kayf" his qilmay qo'yganman.

Sovuq kunda kun bo'yi ishlab, qorni och uyga kelgan konchi, issiq uy va sho'rvadan yeganida men qora va qizil ikra yeganimdan ko'ra ko'proq "kayf" qiladi.

Yangi mashina olgan odam, u eski Lada Granta bo'lsa ham, mening navbatdagi Maybach mashinamni olganimdagi kayfdan ko'ra ko'proq "kayf" qiladi

Chunki men va o'sha paytdagi "menga o'xshagan" material narsalarga berilgan odamlarda garmonal ko'rlik hosil bo'ladi va keyingi yaxshiroq, qimmatroq narsaga intilish kuchayaveradi. Bu xohishlarning cheki yo'q." Iqtibos tugadi.

Kamina shira yemaslik marafonini boshlashdan ham maqsad shu. Shirali narsalar yeyaverib, tabiiy mahsulotlarni mazasini his qilmay qo'yganmiz. Tabiiysidan maza qiling))

Moddiy boylik va ortiqcha zavqlanish insonni haqiqiy lazzatdan mahrum qiladi, nazarimda.

Muhammad Amin Naziraliyev

@mnshuz

Uzoq yashash uchun

Jismoniy holatni ushlash, har vaqt tetik holda yurish, uyqu sifatli yaxshi bo'lishi uchun quyidagi ishlarni anchadan beri qilib kelyapman. Foydasi bo'ldi:

1. Kechqurun 20:00 dan keyin toam yemaslik. Semirib ketishdan uzoqda bo'lasiz. Uyqu sifati yaxshilanadi.

2. Bir kunda eng kami 25 daqiqa yurish. Stressni kamaytiradi va tetik bo'lishni taminlaydi.

3. Shira yemaslik. Kayfiyatni yaxshi qiladi va vazn to'plashdan halos qiladi.

4. Nonushta qilish. Bu ovqatlanishni tartibini joyiga qo'yadi.

Aytadiku, Sportni menga yoqqan eng yaxshi tomoni uni meni hayotimda yo'qligi))

Muhammad Amin Naziraliyev

@mnshuz

Shapaloqlar

1. Birinchi yegan shapalog'im bog'chada bo'lgan. Uxlamaganim uchun yordamchi tarbiyachim naqd qulog'imni tagiga tushurganlar. Tasviri ko'zim oldida.

Shuni mazasidanmi bog'cha ochishga qaror qilganim va tarbiyachi bolani ursa o'sha zahoti ishdan bo'shataman.

2. Universitetda 2-kurs edik. Ishga topshirdik. Tayyorlanmasdan, ba'zi ko'nikmalarni o'rganmasdan bordim. "O'zingni qadringni bilib tayyorlanib kelsang bo'lmaydimi?" degan gapni eshitdim. Shapaloqni kattasi tushdi.

Shundan keyin qaysi shogirdimiz ishga topshirsa, bilgan narsamni o'rgatishga kirishaman. Xatto ba'zi materiallar ham tayyorlaganman.

3. Yoshligimda do'stim bilan ish boshladim. Na yozish, na aniq narsalar belgilagan ekanmiz. Faqat og'zaki bo'ldi. Yakunda hisob kitob qiyomatga qoldi. Eng og'ir shapaloqlardan biri bo'lgan edi.

Hozir kimni sherikchilikda ish boshlashini bilsam chaqirmasa ham borib yozish, chizish, aniq asoslar bilan ish boshlashni tavsiya qilaman. Birlarini o'rtasida turib o'zim yozdirgan kunim ham bo'ldi.

Xulosai-kalom shuki, har bir shapaloqdan ibrat olmasak og'rigani qoladi xolos.

Bizga toshdek tekkan narsani gulga aylantiradigan o'zimiz.

Muhammad Amin Naziraliyev

@mnshuz

Jiddiy emasman

1. Kanalda jiddiy postlar chiqishi sizni aldab qo'ymasin. Aslida jiddiy inson emasman.

2. Kulishni va kuldirishni yaxshi ko'raman. Jiddiylik asliyatimda yo'q nazarimda.

3. Birinchi uchrashuvda ozgina hazil bilan tanishishni yaxshi ko'raman. Vodiy tushunadi lekin Toshkentdan uyog'i tushunmasdan turaverishini kuzatdim.

4. Bekorchi gaplar bo'lmagan latifalar eshitishni yaxshi ko'raman va o'zimda ham matn holatida to'plab yuraman.

5. Tabassum bilan yurish naqlga ham aqlga ham to'g'ri keladi. Umid bilan yashayman. Lekin qalbimda yaralar ham bor.

Nega yozdim? Bildirish uchun.

Bir ayol uyini polini artib bo'lgan ekan eri artilgan polni bosib yuboribdi. Ayol to'pponchasini olib erini otib tashlabdi. Politsiyachilar kelib ayolni ushlash uchun pol qurishini 20 daqiqa kutib keyin qo'lga olishgan ekan))

Muhammad Amin Naziraliyev

@mnshuz

Faqat oldinga..

"Faqat oldingga qarab bos, sen hech kimdan kam emassan, erishadigan narsalaring ko'p" deyishdi, deyishdi oxiri ne'matni ko'rish, haqiqatlarni anglash, bor narsalarni qanday kelganini tafakkur qilish ko'nikmasini olib qo'yishdi.

Endi bor narsaga ham shukr qilmaslik muborak bo'lsin! Orqamizga ham bir qaraylik, nimalarga erishdik? Qancha narsalar qo'lga kiritdik.

Ustozlarimiz, ota-onamiz, farzand, oila, mashina, uy, shogirtlar va nimalardir, anglashga yetar?!

Bu esa erishgan yutuqlarni qadrlash zarurligini eslatib turadi, chinakam baxtni his qilishga yordam beradi.

"Agar Allohning ne'matlarini sanasangiz, sanog'iga yeta olmassizlar"(14:34)

Muhammad Amin Naziraliyev

@mnshuz

Yozishdagi tavsiyalar

1. Maqola oxiriga albatta ismi-familyangizni yozing. Oxirgi ma'lumot birinchi ism va keyin familya yozishni tavsiya qilinyapti.

2. Bir kunda bitta maqola joylang blogingizga. Mavzular tugab qolganda siqilmaysiz. Chunki har kuni ham yoza olmaysiz.

3. Hayolingizga bir fikr kelib qolsa, sarlavhasini yozib qo'ying. Keyin ketma-ketlikni o'ylayverasiz.

4. Yozilgan maqolani o'sha kuni chiqarmang. Hech bo'lmasa oldin hayolingizda pishib yetilgan bo'lsin. Yoki yozilganidan keyin o'ylash, tahrir qilish yoki tuturiqsiz joylarini olib tashlashga fursat qolsa yaxshi.

5. Yozmoqchi bo'lgan yoki yoziladigan maqolani oldin gapirib bering.

Aqlimiz shunaqaki, gapirib berayotganimizda oldin o'qigan yoki eshitgan ma'lumotlarni fikrga olib chiqib turadi.

6. Ko'rishlar soniga qarayvermang yoki kanaldagi odamga. O'zingiz uchun yozyapsizku.

7. Ozgina hazil joylari ham bo'lsin. Jiddiylik davr talabi emas.

Yuqoridagi tavsilarni kimdirgadir gapirib berishim kerak. Kim bor?!))

Muhammad Amin Naziraliyev

@mnshuz

Aniq hisob

1. Bir kunda 7 soat uxlayapman deysiz. Hisoblab ko'ringda 8 soatdan kam emas.

2. 10 soatdan kam ishlamayman, qattiq mehnat bizga chiqarilgan deysiz. Uchrashuvlar, telefonga qarash, sheriklar bilan gaplashish va hokazo ishlarni chiqarib yuborganda 4 soatga ham bormaydi.

3. Telefon yoki TV 4 soatdan oshmaydi deysiz. Iphone da screen time funsiyasidan statistikangizni ko'rib qo'rqib ketasiz.

4. Kitob o'qish, podkast tinglash, darslik ko'rishni hisoblamay qo'yaqolay.

Ushbu misollar muhim narsaga ishora qilyapti: Kunimizni ko'p vaqtini hisob-kitob qilmay o'tkazamiz.

Kunimizni qayta ko’rib chiqishga, qimmatli daqiqalarimizni bekorga ketkazmaslikka harakat qilish foydali.

Vaqt o’zi yetarli, muammo uni qanday ishlatayotganimizda. Har kuni 24 soat – bu imkoniyat.

Muhammad Amin Naziraliyev

@mnshuz