Bu yil qilishni boshlagan eng yaxshi ishim — qilgan chiqimlarimni hammasini yozib yurish boʻldi.Bunga “Zen Money” yordamchi boʻldi. Ilovani shu yil 1-maydan boshlab ishlatishni boshladim. 1000 soʻm ishlatsam ham, yozib yurdim. Avvaliga may oyida nimaga koʻp chiqim qilgan boʻlsam, keyingi oydan shularni kamaytirdim yoki hamyonbop muqobilini olishni boshladim (Bu ish ziqnalik yo oʻzidan pul ayash emas). Iyundan sezilarni darajada kam ishlatishni boshlabman. Buni pastda, skrinshotdagi analizdan bilsa ham boʻladi.
Ilovada har bir chiqimni kategoriyalar kesimida qoʻshsa boʻladi. Bu nimaga qancha ishlatayotganimni bilish oson boʻldi. Keyin premium obuna sotvoldim. Bunisi yanayam yaxshi boʻldi. Oylar kesimida kategoriyalar boʻyicha xarajatlarni chiqardi. Oylar, kategoriyalarda oʻsish, tushishini tahlilini koʻrsatdi.
Oʻzi naqd pul kam ishlataman. Biror xarajatimni eslolmasam,
@humocardbot va
@cardxabarbot kelgan xabarlarga qarab, keyin ilovaga summani kiritib qoʻydim. Yaʼni, chiqimlarni kiritishda deyarli qiyinchilik boʻlmadi.
Oxirgi 3 oyda yirik xarajat qilishga majbur boʻldim (oʻqishga, kontrakt, kredit va hokazo). Lekin umuman olganda, xarajatlarimni toʻliq nazorat qila boshladim. Mavhum raqamlar konkretlashdi. Ozgina kalla bilan ishlatyapman endi. Yuqorida aytganimdek, bu ziqnalik yo boshqa narsa emas. Shunchaki, muhim boʻlmagan xarajatlarni yaxshigina kamaytira oldim. Sizlarga ham tavsiya. Yuklab olish:
Android va
iOS uchun.
![](data:image/svg+xml;charset=utf-8,<svg width="640" height="640" style="background-color:%2344badc;font-family:Nunito,sans-serif" viewBox="0 0 100 100" preserveAspectRatio="xMidYMid meet" xmlns="http://www.w3.org/2000/svg">
<text font-size="30" x="50%" y="50%" dy="5" fill="white" dominant-baseline="middle" text-anchor="middle">MM</text>
</svg>)
