Мигрантлар ҳаёти

Россияда 5 февралдан кучга кираётган мигрантлар учун янги қоидалар

1. «Регистрация» кўриниши, аризалар шакли ўзгаради

«Регистрация»нинг янги кўринишида муҳожирнинг Россияда қолишига асос бўлувчи ҳужжатининг маълумотлари кўрсатилиши ҳамда болаларнинг "регистрация"сида эса ота-онаси ҳақида маълумотлар бўлади.

Қуйидаги аризалар шакли ўзгаради:

– вақтинчалик яшаш жойида миграция қайдидан ўтказиш (регистрация) бланки,
– чет эл фуқароси ёки фуқаролиги бўлмаган шахсни яшаш жойида рўйхатдан ўтказиш ёки чиқариб юбориш тўғрисидаги уй эгаси берадиган аризалар;
– "регистрация" ва бошқа ҳужжатларда хатоликларни тузатиш учун ариза.

2. Миграция қайди бериладиган муддатга ҳам ўзгариш киритилган

Энди қандай асос мавжудлигига қарамай, 5-февралдан бошлаб "регистрация" бир йилдан ошмаган муддатга берилади.

3. Полиция мигрантларни маъмурий ҳуқуқбузарликлар учун мамлакатдан чиқариб юбориш ҳуқуқига эга бўлади

Илгари чет эл фуқароларини мамлакатдан чиқариб юбориш ҳуқуқи фақат судга ва чегара хизматига (киришда) берилган эди.

4. Чиқариб юбориш режим (режим высылки) ва “реестр контролируемых лиц” деган рўйхат ишга туширирилди

Бу мамлакатда бўлган, лекин бу ерда яшаш учун қонуний асосга эга бўлмаган хорижликларга нисбатан қўлланеилади

@migrantlarhayoti

Ўзбекистондан чиқиб кетган пенсионерга пенсияси қандай тўланади?

Чет элга чиққан пенсионер уч ойдан ортиқ вақт республикага қайтмаса, унга пенсия тўлаш тўхтатилади. Фуқаро Ўзбекистонга қайтгач, пенсия тўлови қайта тикланади. Шу билан бирга, орада олинмай қолган пенсияларининг 24 ойлигини олиш ҳуқуқига эга бўлади, деб хабар бермоқда Пенсия жамғармаси.

@migrantlarhayoti

Ўзбекистонда миграцион профилактика бўлинмалари ташкил этилади

Уларнинг вазифалари – меҳнат миграциясидан қайтиб келган фуқаролар орасида жиноятчиликнинг барвақт олдини олиш бўйича манзилли ишларни ташкил этиш, маҳалла профилактика инспекторларининг бу борадаги фаолиятини мувофиқлаштириш.

Шунингдек, аниқланган муаммоларни масъул идоралар билан ҳамкорликда бартараф этиш чораларини кўради.

@migrantlarhayoti

Чувашияда муҳожирлар меҳнатига янги чеклов киритилмоқда

1 апрелдан бошлаб уларга қуйидаги соҳаларда ишлаш тақиқланади:

🚬 Алкоголь ва тамаки савдоси;
🚖 Такси ва жамоат транспорти;
🎓 Таълим, спорт ва маданият.

Ушбу чеклов ЕОИИ аъзоси бўлган давлатлар (Қозоғистон, Арманистон, Беларусь ва Қирғизистон) фуқароларига, шунингдек, юқори малакали мутахассисларга тааллуқли эмас. ЕОИИ аъзоси бўлган давлатлар фуқаролари Россия расмий рухсатномасиз ишлаш ҳуқуқига эга.

@migrantlarhayoti

2024 йилда Ўзбекистонга Россиядан 870 минг сайёҳ келди

Бу ундан олдинги йилга нисбатан 20% га кўп, дея маълум қилди Туризм қўмитаси раиси Умид Шодиев.

Унинг айтишича, бу йил мамлакатга 1 млндан ортиқ россиялик турист келиши кутилмоқда.

@migrantlarhayoti

5 февралдан Россияда янги миграция тартиби жорий этилди

Бу мамлакатда бўлган, лекин бу ерда яшаш учун қонуний асосга эга бўлмаган хорижликларга нисбатан қўлланилади. Оддий қилиб айтганда, Россияда истиқомат қилувчи, лекин бу ерда бўлмаслиги керак бўлган ноқонуний муҳожирлар учун.

Қонунга кўра, Россияда бўлишини қонуний равишда рўйхатдан ўтказмаган барча хорижликлар назорат қилинадиган шахслар реестрига киритилиши шарт. Улар Россиядан чиқариб юборилмагунча (депортация қилинмагунча ёки мустақил равишда тарк этгунига қадар) ёки мамлакат ҳудудидаги ҳуқуқий мақоми ҳал этилгунга қадар ушбу рўйхатда қолади.

Реестрга киритилган назорат остидаги шахсларга нисбатан қуйидаги чекловлар назарда тутилади:

— яшаш жойини ёки турган жойини ички ишлар органининг рухсатисиз ўзгартириш;
— РФнинг субъекти ёки бошқариладиган шахс яшайдиган муниципалитет ҳудудини тарк этиш;
— кўчмас мулк ва транспорт воситаларини олиш, ушбу мулкни давлат органларида рўйхатдан ўтказиш.

Бундан ташқари, бундай шахсларга транспорт воситаларини бошқариш, никоҳ тузиш, юридик шахс ташкил этиш, якка тартибдаги тадбиркор сифатида рўйхатдан ўтиш, банк ҳисобварағини очиш ва бошқа банк операцияларини амалга ошириш ҳуқуқидан фойдаланишда чекловлар қўйилади.

Ноқонуний муҳожирларга фақат мажбурий тўловларни тўлаш учун пул ўтказмалари бўйича молиявий операцияларни амалга оширишга, шунингдек, жўнаб кетгунга қадар яшаш харажатлари учун тўлов қилишга ҳамда 30 минг рублдан кўп бўлмаган пул ўтказишга рухсат берилади.

2024 йил 8 августдаги 248-ФЗ-сонли Федерал қонунига мувофиқ, 5-февралдан бошлаб полиция мигрантларни суд қарорисиз депортация қилиши мумкин.

Депортация қилинадиган фуқаролар назорат қилинадиган шахслар реестрига киритилади. Рўйхатдаги хорижликларга ноқонуний хизмат кўрсатган фуқаролар – 5 минг, мансабдор шахслар – 50 минг, юридик шахслар – 500 минг рублгача жаримага тортилади.


@migrantlarhayoti