Бюронинг Самарқанд вилоят бошқармаси

Матбуот анжумани бошқа кунга қолдирилди.

Қўшимча маълумот ва янги сана билан боғлиқ хабарлар кейинчалик эълон қилинади.

Ижро ҳаракатлари олиб борилмоқда.

Жорий йилнинг 26 январь куни "facebook" ижтимоий тармоғида фуқаро К.Ортиқова қарздорлик ундириб берилмаётганлигидан норозилигини баён қилган.

Мазкур мурожаат ўрганилганда, даъвогар К.Ортиқованинг жавобгар С.К.га нисбатан “уй-жойни умумий мулк деб топиш ва уй-жойни тенг бўлиш ҳақида”ги даъво аризаси бўйича фуқаролик ишини кўриб суд, жавобгар С.К.га эгалик ҳуқуқи асосида тегишли бўлган Пайариқ туман “Бахрин” маҳалласидаги уй-жой даъвогар К.Ортиқова ва жавобгар C.К.ларнинг биргаликдаги умумий мулки деб топилиб, жавобгар С.К.дан даъвогар К.Ортиқованинг фойдасига Пайариқ туманидаги уй-жойдан улуши сифатида 107.099.312 сўм пул компенцасия ундириш тўғрисида ҳужжат Бюронинг Самарқанд шаҳар бўлимига келиб тушган ва ижро иши қўзғатиш тўғрисида қарор қабул қилиниб, тарафларга юборилган.

Ижро ҳаракатлари давомида, жавобгар томонидан қарздорлик ўз вақтида қопланмаганлиги сабабли 5.554.944 сўм миқдорида ижро йиғими қўлланилган.

Бундан ташқари, “Суд ҳужжатлари ва бошқа орган ҳужжатларини ижро этиш тўғрисида”ги Қонуннинг 82-моддасига асосан давлат ижрочисининг қарорига кўра жавобгар С.К.га нисбатан 3.300.000 сўм миқдорида маъмурий жарима қўлланилган.

Шунингдек, қарздорга тегишли бўлган кўчмас мол-мулкига ҳамда Ўзбекистон Республикаси ҳудудидан четга чиқишига таъқиқ ўрнатилган.

Хозирда, ушбу ижро ҳужжати юзасидан ижро ҳаракатлари олиб борилмоқда.

Самарқандда вояга етмаган 3 нафар бола онасидан отасига олиб берилди. Нима сабаб?

Суд қарорларини ижро қилишдек машаққатли иш йўқ десак, муболаға бўлар, лекин давлат ижрочисига кўп ҳам роҳат бахш этмайди.

Жарима ундириш ёки мол-мулк тақсимотига оид ижро ҳужжатлари ўз йўлига, совуққонлик билан ёндошса бўлар, бироқ вояга етмаган болани отасидан онасига (ёки аксинча) олиб беришга доир ишлар унча-мунча дийдаси қаттиқ ижрочининг ҳам кипригини намлатади.

Мажбурий ижро бюросининг Самарқанд шаҳар бўлими иш юритувида шу мазмундаги («болани олиб бериш») ижро иши мавжуд эди. Эътиборлиси, унда вояга етмаган 3 нафар болани онага эмас, аксинча, ундан (туққан онадан) отасига олиб бериш кўзда тутилганди.

Ижро ҳаракатлари давомида, давлат ижрочиси томонидан тарафлар билан профилактик суҳбат ўтказилиб, жавобгар З.Ш.дан фарзандларини давогар отасига топшириши ҳақида узоқ тушунтиришлардан сўнггина отаси Ж.Б.га топширди.

Шундан сўнг, Қонуннинг 41-моддасига асосан ижро ҳужжати ҳаракатлари якунланди.

Нима сабаб? жавобгар оналик ҳуқуқидан маҳрум этилмаган, балки болаларнинг ўзи отаси билан яшаш хоҳишини билдирган МИБнинг иши муҳокама эмас, балки ижродир.

Фаррух РАЙИМОВ
Бюронинг Самарқанд шаҳар бўлими давлат ижрочиси

Қарздорликдан тушган маблағлар, ундирувчиларга тақсимот асосида берилади

Жорий йилнинг 22 январь куни YouTube тармоғида фуқаро Н.Убайдуллаева раҳбарлик фермер хўжалиги фойдасига қарздорлик ундириб берилмаётганлиги баён қилинган.

Мазкур мурожаат ўрганилганда, фуқаро Н.Убайдуллаева раҳбарлик қилаётган “УЗЗ Умиджон” фермер хўжалигига нисбатан Самарқанд вилоят Давлат солиқ инспекцияси томонидан 45 млн. 926 минг сўмлик солиқ қарздорлигини ундириш тўғрисидаги ижро ҳужжати Бюронинг Пайариқ туман бўлими иш юритувига келиб тушган.

Ижро ҳаракатлари давомида, қарздорлик суммалари тўлаб берилмагач, фермер хўжалигининг барча мол-мулкларга тақиқлар ўрнатилиб, DAMAS русумли автотранспорт воситаси жарима майдончасига қўйилган ва 57 млн 15 минг сўмга баҳоланиб, электрон онлайн-аукцион савдоларида сотилган ва тушган пул маблағлари фермер хўжалигининг солиқ ва давлат божларидан бўлган қарздорлиги учун ўтказилган (сотувдан ортган маблағ фермер хўжаликка қайтарилган).

Бундан ташқари, Пайариқ туманлараро Иқтисодий судининг қарздор “Payariq Klaster” МЧЖдан ундирувчи “УЗЗ Умиджон” фермер хўжалигининг фойдасига 185 млн. 995 минг сўм қарз ундириш тўғрисидаги ижро ҳужжати бўлим иш юритувига 05.07.2024 йилда келиб тушган ва қарздорнинг банк ҳисоб рақамига банд солинган.

Шунингдек, қарздор корхонага тегишли “NIVA” русумли транспорт воситасини бегоналаштиришга оид чеклов ўрнатилиб, қидирув эълон қилинган.

Бундан ташқари, “Payariq Klaster” МЧЖдан Солиқ, давлат божи ва юридик шахслар фойдасига жами 83 та 41 млрд 604 млн сўмлик ижро ҳужжатлари мавжуд.

Қарздордан ундирилган пул маблағлари қонун талабларига кўра, биринчи навбатда давлат бюджети олдидаги қарздорлиги қоплангандан сўнг ундирувчилар ўртасида тақсимлаб берилади.

Маълумот ўрнида, хабарда келтирилган Қамаши туманида фаолият олиб борувчи фермер хўжалик раҳбари Д.Бердиевнинг кластер корхонада мавжуд бўлган 131 млн сўмлик маблағини ундириш ва уни солиқ қарздорлигига йўналтириш масаласига оид ижро иши Бюро органлари иш юритувчига келиб тушмаган.

Ўтган йил сарҳисоби ва келгуси аниқ вазифалар белгиланди.

Мажбурий ижро бюроси Самарқанд вилояти бошқармасининг 2024 йил давомида амалга оширилган ишлар сарҳисоби ҳамда келгусидаги йилдаги вазифаларни белгилаш юзасидан навбатдаги ҳайъат мажлиси бўлиб ўтди.
Унда вилоят бошқармасининг таркибий тармоқлари барча ходимлари ҳамда туман-шаҳар бўлимлари бошлиқлари ва давлат ижрочилари қатнашди.

Тадбир давомида бошқарма бошлиғи, адлия катта маслаҳатчиси С.Ш.Жаббаров ўтган йил давомида амалга оширилган ишлар ҳамда йўл қўйилган хато ва камчиликларга атрофлича тўхталиб ўтди.

Қайд этилишича, 2024 йил давомида Бюронинг вилоят бошқармаси органлари томонидан жами 1 млн. 217 минг та 11 трлн. 547,7 млрд. сўмлик ижро ҳужжатлари юзасидан мажбурий ижро тадбирлари олиб борилиб, 785.575 та 8 трлн. 554,3 млрд. сўмлик ижро ҳужжатлари бўйича якуний қарорлар қабул қилинди ва шундан 524.065 та ҳужжатлар бўйича амалда 2 трлн. 902,5 млрд. сўм ундирилиши таъминланди.

Шундан, давлат фойдасига ундирувлар билан боғлиқ жами 925.621 та 4 тлрн. 911,1 млрд. сўмлик ижро ҳужжатлари юзасидан олиб борилган мажбурий ижро ҳаракатлари давомида, 613.916 та 3 трлн. 951,3 млрд. сўмлик ижро ҳужжатлари юзасидан якуний қарорлар қабул қилиниб, 415.040 та ҳужжатлар бўйича амалда 1 трлн. 180,8 млрд. сўмдан ортиқ қарздорликлар ундирилди.

Шунингдек, ўтган давр мобайнида ПФ-6118-сонли Фармонда акс эттирилган вазифалардан келиб чиққан ҳолда «Темир дафтар», «Ёшлар дафтари» ва «Аёллар дафтари»га 120 млрд. сўмдан ортиқ маблағлар ундириб берилди.

Ҳайъат йиғилишида раислик этувчи ижро ҳужжатларини қонунда белгиланган муддатларда ҳал этилиши, қолдиқдаги ҳужжатлар сонини кескин камайтириш устидан қатъий назорат ўрнатиш, бу борада барча ходимларнинг масъулиятини ошириш зарурлигини қайд этди.

Масъулларнинг изоҳлари тингланиб, камчиликларни бартараф этиш бўйича ижро муддатлари аниқ кўрсатилган топшириқлар берилди.
Ҳайъат йиғилишида кўрилган масалалар юзасидан тегишли қарор қабул қилинди.