MIB faoliyatidan_Jizzax

#биласизми

Ижро ҳужжатида кўрсатилган ашёларни ундирувчига топшириш тартиби.

Ижро ҳужжатида кўрсатилган ашёлар ундирувчига топширилган тақдирда давлат ижрочиси бу ашёларни қарздордан олиб қўяди ва топшириш далолатномасини тузиб, уларни ундирувчига топширади.

Олиб берилиши лозим бўлган ашёлар йўқотилганлиги ёки ундирувчи уларни олишдан бош тортганлиги ёхуд ҳозир бўлиш ҳақида бир неча бор таклиф қилинишига қарамасдан унинг ашёларни олиш учун келмаганлиги сабабли ижро этишнинг имкони бўлмаган тақдирда, ашёлар қарздорга қайтарилади, ижро иши юритиш эса ундирувчига ижро ҳужжатини қайтариш билан тамомланади.

Ижро ҳужжатида кўрсатилган ҳужжатсиз қимматли қоғозлар ундирувчига топширилган тақдирда давлат ижрочиси мазкур қимматли қоғозларга бўлган ҳуқуқларни ҳисобга олувчи шахс томонидан қарздорнинг ҳисобидан чиқарилиши ва уларни ундирувчининг ҳисобига ўтказилиши тўғрисида қарор чиқаради.

Бизни кузатиб боринг ва каналга аъзо бўлинг 👇👇👇
t.me/mibjizzax

#биласизми

Қарздорнинг мол-мулки ижро иши юритишни қўзғатиш тўғрисидаги қарор қарздорга топширилган кундан эътиборан бир ой муддатдан кечиктирмай, зарур ҳолларда эса, уни топшириш билан бир вақтда хатланади.

Қарздорнинг мол-мулкини хатлаш мол-мулкни рўйхатга олишдан, уни тасарруф қилиш ман этилганлигини эълон қилишдан, зарур ҳолларда эса, мол-мулкдан фойдаланиш ҳуқуқини чеклашдан, уни олиб қўйиш ёки сақлашга топширишдан иборатдир.

Чеклашнинг турлари, ҳажми ва муддатларини ҳар бир муайян ҳолда мол-мулкнинг хусусиятини, унинг мулкдори ёки эгаси учун аҳамиятини ҳисобга олиб, давлат ижрочиси белгилайди.

Қарздорнинг хатланган мол-мулкини тасарруф қилиш юзасидан давлат ижрочисининг тақиқини бузиш ёки ундан фойдаланиш ҳуқуқининг чекланганлигига риоя қилмаслик қонунчиликда назарда тутилган жавобгарликка сабаб бўлади.

Хатлаш қуйидаги ҳолларда қўлланилади:

ундирувчига олиб бериладиган ёки реализация қилинадиган қарздорнинг мол-мулки сақланишини таъминлаш мақсадида;

жавобгарга тегишли бўлиб, унинг ўзида ёки бошқа шахсларда турган мол-мулкни хатлаш тўғрисидаги суд ажрими ижро этилаётганда.

Бизни кузатиб боринг ва каналга аъзо бўлинг 👇👇👇
t.me/mibjizzax

Бугун Жиззах вилояти Мажбурий Ижро бюросидаги матбуот анжуманида одатдаги анжуманлардан фарқли, хуқуқни мухофаза қилиш органи бўлсада, мулоқотлар жуда самимий кечди... Бюро раҳбари ва биринчи ўринбосари йил якуни бўйича ахборот бериб, кейин саволларга жавоб бериш асносида тизимни коррупциядан холи, шаффоф, адолатли сохага айлантириш йўлидаги сайи харакатлари, ходимларга, ижрочиларга тушаётган иш юкламалари, тизимнинг раҳбари сифатида ўз ходимларига тўғри маънода ғамхўрлик қилишлари,улар учун қайғу уриши, худди бир оиладаги отадай уларни химоя қилиши, тўғриси манда шу тизимга нисбатан хурматимни янада оширди, ОАВни ўзига яқин олган, танқидларга тўғри ёндошган тизим ҳақида ижтимоий тармоқда кўпам катта эътироз йўқ, гарчи суд қарорларини мажбурий ижро қилсада! Ўтган йили коррупцион холат бирон ходимда кузатилмапти, респект ва бу шу кунларда пора бн қўлга тушаётган хабарлар фонида жудаям ажойиб натижа !!!Ҳа айтганча 60млрд сўм алимент қарзлари ундирилиб, 5000дан зиёд ажрашиш ёқасида турган оилалар,бюро ходимлари сайи харакатлари натижасида ҳам яраштириб қўйилибди 👍🙏

Жиззах вилоятида 60 млрд. сўм алимент қарздорлиги ундирилиб, 5 мингдан ортиқ оила яраштирилган.

Жорий йилнинг 16 январь куни мажбурий ижро бюросининг Жиззах вилояти бошқармаси томонидан оммавий ахборот воситалари , журналист ва блогерлар, шунингдек жамоатчилик вакиллари иштирокида матбуот анжумани ташкил этилди.

Тадбирда бошқарма бошлиғи Б.Менглиев, 2024 йилда бошқарма ва унинг ҳудудий бўлимлари томонидан суд ва бошқа органлардан келаётган ҳужжатлар ижросини таъминлаш борасида амалга оширилган ишлар юзасидан  маълумот бериб ўтди.

Таъкидланишича, ўтган 2024 йилда “Темир дафтар”, “Аёллар дафтари” ва “Ёшлар дафтари”га киритилган фуқароларни қўллаб қувватлаш учун 115 млрд. сўмдан ортиқ маблағлар ундирилиб, 58 млрд. сўми махсус ҳисоб рақамларга йўналтирилган.

Алимент ундируви бўйича алоҳида чора тадбирлар белгиланиб, 60 млрд. сўм алимент қарздорлиги ундирилган. Бундан ташқари, ўтган даврда давлат ижрочилари томонидан олиб борилган тушунтириш ишлари натижасида 5 мингга яқин оилалар яраштирилиб, 11 минг нафардан ортиқ вояга етмаган болалар тўлиқ оила қарамоғига қайтарилган.
Алимент ундируви бўйича ўтказилган тадбирлар давомида 40 та алимент ундируви билан боғлиқ ижро ҳужжатлари юзасидан 1,3 млрд. сўм маблағлар олдиндан тўлов нақд пул шаклида амалга оширилган.
“Алимент тўловлари” давлат мақсадли жамғармаси ҳисобидан бугунги кунга қадар 29 та алимент ундируви билан боғлиқ ижро ҳужжатлари бўйича ундирувчиларга жамғарма маблағлари ҳисобидан 1,4 млрд. сўм алимент пуллари тўлаб берилди.
Бюро органлари ташаббуси билан   ишга жойлаштирилган фуқаролар сони 1 359 нафарни ташкил этмоқда. Шунингдек, ўз фарзандининг моддий таъминоти учун алимент тўлашдан қасддан бўйин товлаб келаётган 1 306 нафар қарздорларга нисбатан Ўзбекистон Республикаси МжтКнинг 47 прим 4-моддасига асосан маъмурий ҳамда 88 нафар қарздорларга нисбатан Ўзбекистон Республикаси ЖКнинг 122-моддасига асосан жиноий жавобгарликка тортилган.
Муқаддам ўз иш ўрнини йўқотган ва қонунга хилоф равишда ишдан бўшатилган 63 нафар шахс ишга тикланди ва ходимларга тўланмай қолган 3,5 млрд. сўмлик иш ҳақлари ундириб берилди.

Шунингдек, ўтган даврда 5,2 трлн. сўмлик 419 минг та ижро ҳужжатлари бўйича якуний қарорлар қабул қилиниб, 282 минг та ижро ҳужжатлари бўйича 2,8 трлн. сўм қарздорлик амалда ундирилиши таъминланган.

Шу каби, давлат фойдасига ундирувлар билан боғлиқ ижро ҳужжатлари бўйича 995 млрд. сўм қарздорлик амалда ундирилган.
Ҳокимликлар томонидан уй-жойи ёки бошқа кўчмас мулки бузилган фуқаролар ҳамда тадбиркорлик субъектлари фойдасига 6,5 млрд. сўм (3,9 млрд. сўмлик фуқаролар фойдасига, 2,7 млрд. сўмлик фойдасига) компенсация пуллари ундириб берилган.

Жами 820 млрд. сўмлик 1 696 та, шундан 524 млрд. сўмлик 483 та кўчмас мулк, 104 млрд. сўмлик 812 та автотранспорт воситалари ва 193 млрд. сўмлик 401 та махсус техника ва ускуналар аукцион савдоларига чиқарилиши таъминланган.

Келиб тушган 9 984 та мурожаатларнинг 9 482 таси ёки 95 фоизи ҳал этилган. Шулардан, 5 833 таси (61%) қаноатлантирилди, 3 659 таси юзасидан мурожаат муаллифларига ҳуқуқий тушунтиришлар берилган ва 5 410 нафар фуқароларнинг бузилган ҳуқуқлари тикланишига эришилган.

Шунингдек, 15 минг нафар жисмоний ва юридик шахсларнинг вакиллари қабул қилинган бўлиб, шундан 3 минг нафари ёки 20 фоизи шахсан бошқарма ва туман - шаҳар бўлимлари бошлиқлари томонидан қабул қилиниб, мурожаатлари кўриб чиқилган.

Профилактик тадбирларнинг таъсирчанлигини ошириш мақсадида 1 247 та тарғибот тадбирлари ўтказилган бўлиб, шундан 1 167 та оммавий ахборот воситалари (152 та телевидения, 66 та радио, 44 та матбуот ва 905 та интернет нашрлари) орқали чиқишлар қилинган.

Тадбирда, ОАВ вакиллари соҳа мутасаддиларидан ўзларини қизиқтирган саволларга  атрофлича жавоб олдилар.