MIB Farg'ona | Rasmiy kanal

“Вариант”га олинган автомашинани бошқа бир шахсга сотган фуқародан жиноий жарима ундирилди.

Насияга олинган автомашинани фирибгарлик йўли билан бошқа одамга сотиш хозирги кунда жамиятимиздаги жиддий муаммолардан бирига айланган.

Бу борада фуқаролар ўз ҳуқуқларини билишлари ва эҳтиёткор бўлишлари мухимдир.

Чойхонада дўстлари билан ўтирган Алишер(исмлари ўзгартирилган) машина олмоқчии эканлигини айтиб қолди. Шунда унинг таниши Муроджон ўзининг фирибгарлик ғоясини ўйлаб кўрди:

"Алишер, агар сен менга 10.000 доллар берсанг, сен хохлаган машинани олиб беришим мумкин!"дея гап бошлади ва Алишер ҳам бунга дарҳол рози бўлди.

Чунки у Муроджоннинг нияти эгри эканлигини билмас эди.

Муроджон гапини устидан чиқди ва Алишерга бир кунда машина олиб берди бироқ, охири вой бўлди...

Гап шундаки, Муроджон ушбу автомашинани бировдан “Вариант”га олган экан ва машинанинг ҳақиқий эгасига тўловларни ҳар ойда пул бериб бориш керак экан, лекин Муроджон ушбу пулларни тўлашни ҳаёлига ҳам келтирмади.

Алишердан олган пулларни эса ўз эхтиёжларига сарфлаб юборган эди...

Машинанинг ҳақиқий эгаси эса мулкини қайтариб олиш учун судга мурожаат қилди.

ЖИБ Ёзёвон туман судининг 02.12.2024 йилдаги қарорига асосан автомашинани эгасига қайтариш ва Муроджондан 23,2 млн.сўм жарима ундириш белгиланди ва суд қарори Бюронинг Қўқон бўлими иш юритувига келиб тушди ва ижро иши қўзғатилди.

‼️Олиб борилган ижро ҳаракатлари давомида Суд қарорида кўрсатилган автомашинани ўз эгасига қайтарилди ва камига Муроджон давлат фойдасига 23,2.млн жиноий жарима ҳам тўлади.

✍🏻Бюронинг Қўқон шаҳар бўлими давлат ижрочиси Насиров Расулхон

📣   Бизни ижтимоий тармоқларда кузатинг!
      
👉✅Telegram | ✅Facebook |🌐 Instagram

Ундирув қарздор (маҳкум)нинг ЖИЭМдаги даромадларига қаратилган.

Жорий йилнинг 23 январь куни Youtobe ижтимоий тармоғининг “Ismoiljon Mallaboyev Kanali” да Фуқаро И.Маллабоев Мажбурий ижро бюросининг Фарғона вилоят бошқармаси томонидан ўғлининг вафоти бўйича айбдордан зарар пуллари ундириб берилмаётгани юзасидан жойлаган видеоматериали бўйича

РАСМИЙ МУНОСАБАТ

Аниқланишича, жиноят ишлари бўйича Фарғона шаҳар судининг 06.05.2024 йилдаги қарздор Ф.Тишабаевдан ундирувчи И.Маллабоев фойдасига 40,0 млн. сўм ундириш ҳақидаги ижро ҳужжати Бюронинг Марғилон шаҳар бўлими иш юритувига 09.07.2024 йилда келиб тушган ва ижро иши қўзғатилган.

Ижро ҳужжати қарздор томонидан ихтиёрий муддатда ижро этилмаганлиги сабабли унга нисбатан 2,0 млн сўм миқдорда ижро йиғими ҳисобланиб, мажбурий ижро ҳаракатларига киришилган.

Мажбурий ижро ҳаракатлари давомида қарздорнинг Ўзбекистон Республикасидан четга чиқиш ҳуқуқлари вақтинча чекланган.

Суд ҳукми билан қарздорга нисбатан 4 йил муддатга озодликдан маҳрум қилиш жазоси тайинланган ва бугунги кунда 47-сонли жазони ижро этиш муассасида жазо муддатини ўтаётганлиги сабабли, ижро ҳужжати давлат ижрочисининг 10.10.2024 йилдаги қарори асосида Ўзбекистон Республикаси "Суд ҳужжатлари ва бошқа органлар ҳужжатларини ижро этиш тўғрисида"ги Қонуннинг 67-моддасига мувофиқ ундирув қарздорнинг жазони ижро этиш муассасасидаги даромадларига қаратилган.

Олиб борилган мажбурий ижро ҳаракатлари давомида қарздорнинг яқин қариндошларидан 19.10.2024 йилда 4,2 млн. сўм ундирилган бўлиб, ушбу пуллар бугунги кунга қадар Бюронинг Марғилон шаҳар бўлими депозит ҳисоб рақамида сақлаб келинмоқда.

Пул маблағларини олиш юзасидан ундирувчи И.Маллабоевга бир неча маротаба мурожаат қилинган бўлиб, ундирувчи томонидан ушбу пул маблағларини олиш бўйича ариза берилмаган.

Қарздор Ф.Тишабоев ЖИЭМда ишлаб, даромадга эга бўлган тақдирда ундирув унинг даромадларидан ҳар ойда 100 фоиз миқдорда ушлаб қолиниб, ушбу ижро ҳужжати бўйича йўналтирилиши таъминланади.

📣   Бизни ижтимоий тармоқларда кузатинг!
      
👉✅Telegram | ✅Facebook |🌐 Instagram

Сўнги пушаймон-узинга душман!!!! Қувасой шахрида давлат ерини ноқонуний егаллаб олиб, зарар етказган қарздордан давлат фойдасига 85 млн сўм ундирилди!

Юртимиз бўйлаб ерларни ўзбошимчалик билан эгаллаб олиш, ноқонуний қурилмалар қуриш ҳолатлари аниқланиб келинаётгани сир эмас. Бундай тадбирлар натижасида аниқланган қонунбузилиш ҳолатларига кўра белгиланган тартибда жавобгарлик масаласи кўриб чиқилмоқда.

Жиноят ишлари бўйича Қувасой шаҳар судининг ҳукмига кўра, Жиноят кодекси 229-моддаси 1-банди 2-қисми (суғориладиган ер участкаларини уларда қурилиш ишларини амалга оширган ҳолда ўзбошимчалик билан эгаллаб олиш) билан судланган фуқаро М.Р.дан давлат фойдасига 85 млн сўм моддий зарар ундирилиши белгиланган.

Мажбурий ижро бюроси Қувасой шаҳар бўлими ходимлари томонидан олиб борилган ижро ҳаракатлари давомида қарздор огоҳлантирилиб, ижро ҳужжати талабларини бажариши учун ихтиёрий муддат берилган.

Ижро ҳаракатлари давомида ер майдонини ўзбошимчалик билан эгаллаб олган қарздор М.Р.дан 85 млн сўм миқдордаги зарар пуллари тўлиқ ундирилиб, ижро ҳужжати амалда тамомланди.

✍🏻Қувасой шаҳар бўлими бошлиғи Отабек Норбоев

📣   Бизни ижтимоий тармоқларда кузатинг!
      
👉✅Telegram | ✅Facebook |🌐 Instagram

БОБО НАБИРАЛАРИ УЧУН 31 МЛН СЎМ АЛИМЕНТ ПУЛЛАРИНИ ТЎЛАБ БЕРДИ

Тақдир сўқмоқлари қизиқ. Кимдир фарзандга зор, кимдир эса бир қучоқ болаларини таъминлаш учун маблағга муҳтож.

Бувайда туманида яшовчи Мамажоновлар оиласида ҳам бир-биридан ширин 2 фарзанд дунёга келди. Бироқ, улар ҳам эр-хотиннинг ажралишини тўхтатиб қололмади.

Болаларни боқишга қийналган С.М. алиментга берган. Қарздорота алимент пулларини қисман-қисман тўлаб борди. Бироқ, болаларнинг бобоси ва бувиси бунга қаноат қилмади. Ахир, улар ҳам ўзларининг жигарпоралари, дилбандлари эди.

Халқимизда “Данагидан мағзи ширин” деган ибора борки, бунинг маъноси сифатида инсоннинг ўз фарзандидан кўра набираларига кўпроқ меҳр кўрсатишар экан.

Набираларини яшаш тарзини яхшилаш мақсадида бобо 31 млн сўм алимент пулларини олдиндан набиралари учун 20.01.2025 йил куни тўлаб берди.

✍🏻Бюронинг Бувайда туман бўлими давлат ижрочиси Озодбек Хасанов

📣   Бизни ижтимоий тармоқларда кузатинг!
      
👉✅Telegram | ✅Facebook |🌐 Instagram

“Қалбакилаштирилган дори воситаларини сотиш билан шуғулланган шахсдан жиноий жарима ундирилди

Бундай дорилар аввало, сифатсиз ва инсон организмига зарар етказиши мумкин, уларнинг таъсири самарасиз бўлиши ёки ҳатто заҳарланиш ҳолатига олиб келиши мумкин.

Бағдод туманида яшовчи фуқаро Ф.Ш. мўмай даромад олиш мақсадида, айрим дори воситаларини қалбакилаштиришни режа қилди ва арзонроқ бўлган “Пирацетам” дори ампуласига унга нисбатан қимматроқ бўлган “Актовиген” ёрлиқларини жойлаштириб, муомалага киритмоқчи бўлган.

Унинг бу қилмиши фош бўлиб, иши судда кўрилди ва Жиноят ишлари бўйича Қўқон шаҳар суди томонидан айбли деб топилиб, унга жарима жазоси тайинланган-бу базавий ҳисоблаш миқдорининг 50 баравари, яъни 17.000. 000 сўм миқдорида жарима жазоси белгиланди.

Жаримани ундириш ҳақидаги ижро МИБ Бағдод туман бўлимига келиб тушган ва ижро ҳаракатлари давомида жиноий жарима пуллари тўлиқ ундирилганини маълум қилди.


✍🏻Бағдод туман бўлими давлат ижрочиси Муродилло Мамаюсупов

📣   Бизни ижтимоий тармоқларда кузатинг!
      
👉✅Telegram | ✅Facebook |🌐 Instagram

‼️Омонатга хиёнат....Қидирувда бўлган “Cobalt ” устахонадан топилди, фуқаро уни эҳтиёт қисмларга бўлиб сотишни режа қилган эди.

Фуқаро М.Н. ҳам кўпчилик қатори тадбиркорликни бошлаш учун банкдан кредит олишга қарор қилди ва шу тариқа АТБ “Капиталбанк”дан 145 млн кредит олишга ҳам эришди.

Фуқаро М.Н. кредит олиш жараёнида у ўзини жуда ишончли ҳис қилган эди. Лекин, вақт ўтиши билан кредитни тўлашни ҳаёлига ҳам келтирмади.

Сўнгра, банк маъмурияти кредитни ундириш учун судга мурожаат қилли.

Суд ҳужжатига кўра, Бюронинг Марғилон шаҳар бўлими иш юритувига фуқаро М.Н.дан 145 млн сўмлик кредит маблағларини ундириш ҳақидаги ижро иши келиб тушди.

Олиб борилган ижро хариталари даврида, фуқаро қарздорликни бартараф этиш чорасини кўрмагач, гаров мулки бўлган “Cobalt” автомашинасига қаратиш чораларини кўра бошлашди.

Бироқ, автомашина хонадонда эмас эди.

Шу сабабли, МИБ ходимлари “Cobalt” русумли қидирув эълон қилишди.

Маълум бўлишича, фуқаро кредит қарзини қайтара олмаслигини тушуниб, ушбу вазиятдан чиқиш учун машинани парча-парча қилиб, сотишни режа қилган.

Алоҳида тарзда у "Cobalt "нинг ҳар бир қисмини алоҳида сота бошлади.

Дастлаб, автомашина "диски", кейин "эшиклари", кейин эса бошқа қисмлари ...

Бироқ, олиб борилган тезкор қидирув жараёнлари даврида, автомашина “Янги Марғилон” шаҳарчасидаги авто таъмирлаш устахонасидан деталлари ечилган ҳолатда топилди ва хатланиб, жарима майдончасига олиб кирилди.

✍🏻МИБ Фарғона вилояти бошқармаси инспектори Шухратжон Артикматов

📣   Бизни ижтимоий тармоқларда кузатинг!
      
👉✅Telegram | ✅Facebook |🌐 Instagram

Ходимларга тўланмай қолган маошлари ундириб берилди

Муқаддам ноқонуний жабр чекиб ўз лавозимларидан айрилган фуқароларнинг тўланмай қолган маошлари суднинг қарорига асосан ундирилиши, албатта, адолатли ёндашувдир.

Бу жараён давлат органларининг фуқаролар ҳуқуқларини ҳимоя қилишдаги фаолиятидир.

Мажбурий ижро бюроси Фарғона шаҳар бўлими томонидан олиб борилган ишлар натижасида икки нафар фуқаро фойдасига 110 миллион сўм ундирилиши, суд қарори ва ижро интизомининг муҳимлигини кўрсатади.

Қарздорларнинг ҳисоб рақамларига банд солиш орқали ундириш жараёни амалга оширилиб, охир-оқибат ундирувчилар ўз пулларини олиш имкониятига эга бўлишди.

Бу ҳолатда давлат ижрочисининг роли муҳимдир.

Уларнинг профессионаллиги ва масъулияти туфайли фуқаролар ўз ҳуқуқларини қайтариш имкониятига ега бўлишмоқда.

Ушбу жараёнлар орқали бутун жамиятда қонун устуворлиги ва адолатни таъминлашга хизмат қилинади.

✍🏻Бюронинг Фарғона шаҳар бўлими давлат ижрочиси Сарварбек Ибрагимов

📣   Бизни ижтимоий тармоқларда кузатинг!
      
👉✅Telegram | ✅Facebook |🌐 Instagram

Мажбурий ижро бюросининг Марғилон шаҳар бўлими томонидан қарздор “G.W.O.B.” МЧЖдан давлат фойдасига 758.151.801 сўм бож ундириш тўғрисидаги ижро ҳужжати келиб тушган.

-Нега ушбу МЧЖнинг мазкур катта миқдордаги давлат божи бўйича қарздор бўлиши мумкин?

-“Ўзбекистон саноат қурилишбанк”АТБ дан олинган 85 млрд кредит қарздорлиги сабаб....

Фарғона туманлараро иқтисодий судининг 28.12.2024 йилдаги ижро ҳужжатига асосан 06.01.2025 йилда ижро иши қўзғатилган.

Ижро ҳаракатлари давомида қарздорнинг барча мулклари хатланиб, ҳисоб рақамларига банд солинди.

Давлат божи тўланмаса мол-мулкларидан айрилиб қолишини тушунган жамият раҳбари 758.151.801 сўм пул маблағларини тўлиқ тўлаб берди.

Ундирилган пул маблағлари белгиланган тартибда давлат бюджетига, шунингдек “Темир дафтар”, “Ёшлар дафтари”, “Аёллар дафтари” ва “Саховат ва кўмак”жамғармасига тақсимланди.

✍🏻Бюронинг Марғилон шаҳар бўлими давлат ижрочиси Акмалжон Исроилов

📣   Бизни ижтимоий тармоқларда кузатинг!
      
👉✅Telegram | ✅Facebook |🌐 Instagram

Ижро самарадорлигини ошириш юзасидан ҳайъат мажлиси бўлиб ўтди

Мажбурий ижро бюроси Фарғона вилояти бошқармаси бошлиғи Отабек Баходирович Салманов раислигида ҳамда бошқарманинг барча таркибий тармоқ раҳбарлари, масъул ходимлари, ҳудудий бўлим бошлиқлари ва давлат ижрочилари иштирокида навбатдаги ҳайъат мажлиси бўлиб ўтди.

Ўтказилган ҳайъат мажлисида 2024 йилнинг ўтган даврида суд ва бошқа органлар ҳужжатларини ижро этиш фаолияти натижалари танқидий муҳокама қилинди.

Тадбир давомида бошқарма бошлиғи Отабек Салманов амалга оширилган ишлар ва йўл қўйилган хато ва камчиликларга бирма-бир тўхталиб ўтди.

Жумладан, 2024 йил 12 ойи давомида жами 6,9 трлн. сўмлик ижро ҳужжатларининг ижроси тамомланиб, шундан 2,8 трлн. сўмлик 537 мингта ижро ҳужжатлари амалда ундирилиши таъминланди. Натижада, амалда ундирув ўтган йилнинг шу даврига нисбатан 430 млрд. сўмга ортган.

Ҳайъат йиғилишида раислик этувчи ижро ҳужжатларини қонунда белгиланган муддатларда ҳал этилиши, қолдиқдаги ҳужжатлар сонини кескин камайтириш устидан қатъий назорат ўрнатиш, бу борада барча ходимларнинг масъулиятини ошириш зарурлигини қайд этди.

Айниқса, мурожаатларни кўриб чиқиш ва ҳал этишда қонунда белгиланган муддатларга, шу билан бирга, фуқаролар билан мулоқотда муомала маданиятига риоя этилиши зарурлиги алоҳида таъкидланди.

Йиғилишда, масъулларнинг тушунтириш ва изоҳлари тингланиб, камчиликларни бартараф этиш бўйича аниқ муддатлар белгиланиб, топшириқлар берилди ва келгусидаги устувор вазифалар белгилаб олинди.

📣   Бизни ижтимоий тармоқларда кузатинг!
      
👉✅Telegram | ✅Facebook |🌐 Instagram

‼️Мол-мулкидан айрилаётган тадбиркор бир кун ичида 168 млн сўм солиқ қарздорлигини бартараф этди.

Фарғона вилояти Қувасой шаҳрида фаолият юритувчи “000" МЧЖдан бюджет ва бюджетдан ташқари мақсадли жамғармалардан бўлган 168.0 млн. сўмлик солиқ қарзини ундириш мақсадида қарздорга тегишли бўлган автомобилларга хизмат кўрсатиш шаҳобчасиниг бино иншоатлари Қувасой шаҳар бўлими давлат ижрочилари томонидан хатланган.

Хўш, бунча қарздорлик қаердан вужудга келди? Корхонада ўтказилган текширишда солиқ қонунчилиги бузилганлиги аён бўлди.

Суднинг ҳал қилув қарори билан 168 млн. сўм молиявий жарима қўлланилиб, уни ихтиёрий тўлаш учун муддат берилган эди.

Бироқ жамият ушбу суммани тўлашни пайсалга солди.

Суд сўнгги чора – қарздорликни мол-мулк ҳисобидан ундириш бўйича ижро варақаси чиқарди.

Ҳужжатлар асосида Мажбурий ижро бюроси Қувасой шаҳар бўлими томонидан жамиятга тегишли хизмат кўрсатиш бино иншоатлари хатланди.

Мол аччиғи-жон аччиғи деганларидек “000" МЧЖ 16.01.2025 йил куни барча солиқ қарздорликларини тўлиқ қоплади ва мол-мулкини аукционда сотилишини олдини олди.

“Айрим тадбиркорлик субъектлари" мажбуриятини тўлиқ ҳисқилмаётганлиги давлат Бюро органлари ходимларини сўнгги чорани қўллашга мажбур қилмоқда.

✍🏻Бюронинг Қувасой шаҳар бўлими бошлиғи Отабекжон Норбоев

📣   Бизни ижтимоий тармоқларда кузатинг!
      
👉✅Telegram | ✅Facebook |🌐 Instagram