Чистая Энергия ӏ Sof Energiya

Безуглеродная энергетика: Узбекистан и мировые новости

uz Зеленые проекты: новости

Узбекистан сэкономил 1,5 млрд кубометров газа

Чистая Энергия ӏ Sof Energiya UZ

Для тех, кто заботится о зеленом будущем Узбекистана.

Statistika Saralanganlar

МЕРЎЕРТ

Kanal geosi va tili: O‘zbekiston, O‘zbekcha

Toifa: San’at

Қараүйден кең дүньяға қарай [Т.Қ.]
📖Әдебият
🗞️Тарийх
🎭Көркем өнер
📜Илим
Инстаграм: https://www.instagram.com/p/CcH0x7Fq8D1/?igshid=YmMyMTA2M2Y=
Реклама: https://t.me/+Qra5eac82vk2YjZi

Связанные каналы | Похожие каналы

Kanal geosi va tili

O‘zbekiston, O‘zbekcha

Toifa

San’at

Statistika

Postlar filtri

O‘chirilganlarni yashirish

Repostlarni yashirish

МЕРЎЕРТ

20 Nov, 14:46

ХОШ ХАБАР!

Татарстан Республикасында “Қарақалпақстан Республикасы мәденияты күни” өткериледи

Усы жылдың 20-30 ноябрь күнлери Татарстан Республикасының пайтахты Қазан қаласында “Восточный базар в Казани” атлы пүткил түркий дүнья еллериниң халықаралық музыка фестивалы болып өтеди.

Фестиваль шеңберинде 26-ноябрь күни “Қарақалпақстан Республикасы мәденияты күни” - яғный Қарақалпақстан көркем өнер дөретиўшилериниң қатнасыўында концерт бағдарламасы өткериледи.

Өткерилиў орны: Культурно-развлекательный комплекс "Пирамида"
Мәнзил: Қазан қаласы, Московская көшеси 3

@kar_anons

💎@Merwert_uz
Әдебий информациялық канал

183 0 2 7

МЕРЎЕРТ

20 Nov, 08:06

Алым Сейтекли dan repost

Қайырлы таң, Қарақалпақстаным!

Ана жер оянып, түнги тыныстан,
Қулан ийек таңлар атты шығыстан.
Өзиң аман болсаң әлем гүлистан,
Қуяшлы елимсең нурлы бостаным,
Қайырлы таң, Қарақалпақстаным!

Мийнетиңнен алтын өнген жериңнен,
Несибеңди шөпшеп маңлай териңнен.
Мийман келсе жай таярлап төриңнен,
Жомарт елим, досқа қушақ ашқаным,
Қайырлы таң, Қарақалпақстаным!

Топырағыңда бабалардың даңқы бар,
Оны тапталаўға кимниң ҳақы бар?
Байрағың бәлентте, гимниң жаңғырар,
Ырсқың пүтин, дәстүрханда ас-наның,
Қайырлы таң Қарақалпақстаным!

Сениң үйренилмеген тарыйыхларың бар,
Тилге тийек етер тәрийплериң бар.
Тағдийр ойынында кемтиклериң бар,
Мениң әзийз елим, тилде дәстаным,
Қайырлы таң, Қарақалпақстаным!

Тек өзиңе арналған жүрек сөзлерим,
Сенде өтер ең әндамлы демлерим.
Керек емес тас қаласы өзгениң.
Тилегим сол ашық болғай аспаның,
Қайырлы таң, Қарақалпақстаным!

Әйгәпир минезиң, қайсарлығыңды,
Сөз келсе қыпсырмай айтарлығыңды.
Биреў ерси көрсе, биреў уғынды.
Жасап келдиң кеўлин бағып басқаның,
Қайырлы таң, Қарақалпақстаным!

Жазылған тарийхлар шәлкем-шалыслаў,
Көпшилиги ҳақыйқаттан алыслаў.
Ҳәр ким көмешине тартып талқылар,
Керек пе сол лап тарийхы басқаның,
Қайырлы таң, Қарақалпақстаным!

Шайырлар жырлаған сен бир байтерек,
Әжайып диярсаң еллерден ерек.
Өзиңсиз бул дүнья кимлерге керек?!
Бул жердиң үстинде жалғыз Ўатаным,
Қайырлы таң, Қарақалпақстаным!

Алым Сейтекли

14.11.2024-жыл

211 0 5 7

МЕРЎЕРТ

13 Nov, 10:31

КИТАП ПРЕЗЕНТАЦИЯСЫ 13.11.24.pdf

Әжинияз Қосыбай улының 200 жыллығы мүнәсибети менен таңламалы шығармаларының түрк ҳәм әзербайжан тиллерине аўдарылған китапларының презентациясы 2024-жыл 13-ноябрь күни саат 15:00 де Университеттиң руўхыйлық мәжилислер залында болып өтеди.

Бағдарлама:

Кирис сөз. Ахмет Реймов – ҚМУ ректоры.

Баянатлар:

1. KARAKALPAK ŞAİRİ «ÄJİNİYAZ KOSIBAY ULI» – Түрк академиясы профессоры Хусейн Йылдырым.
2. «Hasıniyaz» – Әзербайжан Жазыўшылар аўқамының ағзасы, ф.и.д., профессор Низами Мәммәдов Тағысой ҳәм Әзербайжан миллий илимлер академиясы Фольклор Институты илимий хызметкери (PhD) Шәбнәм Мәммәдли.
3. «BӘYLӘR, TӘRİF EDİM QALPAQ YURDUNU» – Мухаммед Физулий атындағы қол жазбалар институты илимий бөлиминиң бас қәнигеси, ф.и.д. Нәзәкәт Мәммәдли.

Шығып сөйлеўлер.

💎@Merwert_uz
Әдебий информациялық канал

465 0 3 9

МЕРЎЕРТ

9 Nov, 10:54

00:51

Video oldindan ko‘rish uchun mavjud emas

Telegram'da ko‘rish

#Премьера

Барлық ўатанласларымызды 16-ноябрь күни саат 18:00 де Қарақалпақстан көркем өнер сарайында болып өтетуғын "Әжинияз" көркем- публицистикалық фильминиң премьерасына мирәт етемиз.

ҚР Мәденият министрлиги мәлимлеме хызмети

💎@Merwert_uz
Әдебий информациялық канал

800 0 11 3 14

МЕРЎЕРТ

4 Nov, 08:09

02:09

Video oldindan ko‘rish uchun mavjud emas

Telegram'da ko‘rish

Қарақалпақ колориты «Поле Чудес» бағдарламасында❤️‍🔥

«Әўездиң ариясы»

«Сүймегенге сүйкенбе» музыкалы драмасынан үзинди.

@mamanbiy_voice

💎@Merwert_uz
Әдебий информациялық канал

1.8k 0 49 2 15

МЕРЎЕРТ

19 Oct, 07:14

«Қарақалпақ этно аўылы» халқымыз тарийхының көриниси

Соңғы ўақытлары Президентимиздиң айрықша итибары менен республикамызда болып атырған унамлы өзгерислер қатарында «Ақ қуў» комлексиниң миллий қара үй үлгисинде қурып пикерилип, оның Гиннес рекордлар китабына киргизилиўи дүнья жәмийетшилигиниң итибарына түскен жаңалық болған еди. Күни кеше Тахтакөпир районындағы Қаратерең көли бойында жаңадан қурылған, ҳеш жерде уқсасы жоқ миллий колориттеги «Қаратерең» этно-туристлик комплексиниң салтанатлы ашылыў мәресими өткерилгенлиги де халқымыздың миллий мийрасларына, тарийхына деген ҳүкиметимиздиң айрықша итибары екенлигинен дәрек береди.

👉 Толық оқыў - https://kknews.uz/213569.html

💎@Merwert_uz
Әдебий информациялық канал

618 0 1 7

МЕРЎЕРТ

18 Oct, 14:28

20-октябрь күни Нөкисте Қарақалпақша “Stand-up” кешеси болып өтеди.

Өткерилиў орны: FUSION ресто-бар.

Жыйналыў : 19.00
Басланыў : 20:00

Орын бәнтлеў ушын:
+998907001807

💎@Merwert_uz
Әдебий информациялық канал

679 0 2 6

МЕРЎЕРТ

18 Oct, 06:37

Бүгин, 18-октябрь күни саат 11:00де Бердақ атындағы Қарақалпақ әдебияты тарийхы мәмлекетлик музейи жанында “Қарақалпақ этно аўылы”ныӊ ашылыў мәресими болып өтеди.

💎@Merwert_uz
Әдебий информациялық канал

611 0 3 2 8

МЕРЎЕРТ

14 Oct, 18:52

ҚарақалпақСТАН – бул ҳәммемиздиң Ана Ўатанымыз!

1924-жылы Орта Азия халықларын миллий шегаралаў, ҳәрбир миллетти ғәрезсиз республика етиў ҳаққында мәжилис болып өтипти. Мәжилисте өз халқының аты тилге алынбағанлығына ары келген Досназаров орнынан ушып турып:
–Қарақалпақларды умытыўға кимниң ҳақы бар?,-депти.
–Қарақалпақлар теңиз бойында жасаўшы, басына қара қалпақ кийгенлиги ушын сондай ат алған Хорезмниң өзбеклери ғой,-депти сол жерде отырған биреў.
–Яқ, қазақлардың қара калпақлы бир ағайини,-депти және биреў.
–Яқ, қарақалпақлар ақ қалпақлы қырғыздың қара қалпақлы егизеклери,-депти және биреў. Олардан кейин жер астынан шыққандай буўық бир даўыс:
–Орта Азияда қарақалпақ деген бөлек миллет бар ма өзи?,-депти жүреклерге ғулғула салып. Досназаров бул гәплерге итибар бермей, мәжилис баслығынан рухсат та сорамай, туппа-туўры минберге шығып:
–Жолдаслар, қарақалпақ миллети бар!,-депти. Шаўқым басылғаннан кейин әллеким:
–Тилиңиз кимлерге жақын?,-депти.
–Қарақалпақлар қарашай, ноғай, қумық, қазақ, қырғыз, түркмен, әзербайжан, татар, башқурт тиллери менен бир теректиң ҳәртүрли шақларына уқсайды... Кейин ол Әжинияздың "Бозатаў" поэмасын оқып берипти. Оның гәплерин Калинин, өзбек Файзулла Хожаев, қазақ Сәкен Сейфуллин, түркмен Қайғысыз Атабаевлар қоллап-қуўатлап, қарақалпақлар бөлек бир халық екенин айтыпты. Ҳәмме бир аўыздан "Қарақалпақларға автономия берилсин!" деп әдеттегидей бир қолын емес, еки қолын да көтерипти. Ғаўырлы тынғаннан кейин биреў:
–Ҳәрбир миллеттиң атақлы адамлары болады. Бирақ, бизлер усы ўақытқа шекем қарақалпақлардың атақлы адамларын еситпеген екенбиз..,-депти. Сонда Досназаров былай деп жуўап берипти:
–Қарақалпақ деген халық барын еситпеген сиздей қулағы аўыр адам оның атақлы адамларын қаяқтан-әм билсин?! Жақсылап еситип ал, айтаман! Өзбеклер ушын – Наўайы, түркменлер ушын – Мақтумқулы, орыслар ушын – Пушкин, қазақлар ушын – Абай қандай қәдирли болса, Бердақ деген шайыр қарақалпақлар ушын сондай қәдирли. Мәмлекет баслықларынан мысал айтсақ, орыслар ушын Петр I қандай қәдирли болса, XVIII әсирде жасаған Маманбий биз қарақалпақлар ушын сондай қәдирли. Ҳәзирги дәўирге келсек, Ф.Хожаев – өзбеклердиң, С.Сейфуллин – қазақлардың ар-намысы ушын қандай гүрескен болса, мине, мен – Аллаяр Досназаров солар қатарындаман,-деп сөзин тамамлапты. Соннан баслап Қарақалпақ сөзине "стан" қосымтасын қосып жаза баслапты. Сол бир ала сапыранлы XX әсирдиң жигирмаланшы жылларындағы тарыдай шашылып жүрген қарақалпақ халқын бириктирип, оның мәмлекетлик шегарасын белгилеп, шаңарақ тиклеп берген ел перзенти Аллаяр Қораз улы Досназаровқа әўладлар алғысы шексиз. Мине, усы тарийхый ўақыяға да бүгин 14-октябрь саррас 100 жыл толыпты. Халқымызды бүгинги әҳмийетли сәне – ҚарақалпақСТАНымыздың 100 жасқа толыўы менен шын жүректен қутлықлаймыз!

Мақтанышым – Қарақалпақстан!!!

t.me/kketnografiya

💎@Merwert_uz
Әдебий информациялық канал

7.8k 1 129 5 28

МЕРЎЕРТ

10 Oct, 21:09

Телеграмның қарақалпақша сегментиндеги «Тарийхый дереклер» топарындағы хабар

«Мына көринисти бизиң бала түсирген екен. Қырғызстанның Ош қаласынан мына жигит Хожели трассасында Ҳаж сапарына сапарға шығыпты. Үстиндеги кийими жеңил екен, бизиң бала менен бирге ислесетуғын жигитлер компаниясының жаўын өтпейтуғын қалың жакетин ҳәм зонтик саўға қылған. Түркменистан өз территориясы арқалы өтиўге рухсат бермеген. Енди Қарақалпақстан Үстирти арқалы Қазақстанға өтеди ҳәм жолын даўам етеди...

Бахтыяр ГЕНЖЕМУРАТОВ»

💎@Merwert_uz
Әдебий информациялық канал

2k 0 15 8 20

МЕРЎЕРТ

8 Oct, 10:58

Қарақалпақстан Республикасы илим ҳәм билимлендириў тарийхы мәмлекетлик мүзейи шөлкемлестирилмекте

Қарақалпақстан медицина институты аймағында халқымыз мийрасларының кем ушырасатуғын тарийхый объекти болған Қарақалпақстанның дәслепки жоқары оқыў орны - Әжинияз атындағы Нөкис мәмлекетлик педагогикалық институтының биринши имараты жайласқан. Бул имарат қарақалпақ халқының илим ҳәм билимлендириў тымсалы ҳәм бесиги есапланады. Бул жерде өткен әсирдиң пүткил илимий элитасы, Қарақалпақстан Республикасының ири илимпазлары, белгили шахслары, академиклери ҳәм жазыўшылары, атап айтқанда, Марат Нурмуҳамедов, Ибрайым Юсупов, Төлепберген Қайыпбергенов, Сабыр Камалов ҳәм басқалар билим алды.

Жоқарыдағыларды есапқа алған ҳалда, илимпазлар естелигин мәңгилестириў мақсетинде Қарақалпақстан медицина институты тәрепинен ҳүрметли Президентимиздиң республикамызға болған сапарында Қарақалпақстан Республикасы илим ҳәм билимлендириў тарийхы мәмлекетлик мүзейин шөлкемлестириў бойынша усыныс билдирилген еди. Усыныс қоллап -қуўатланып, бүгинги күнде музей шөлкемлестириў бойынша тийисли жумыслар алып барылмақта.

Процесстиң ашық-айдынлығын тәмийинлеў мақсетинде Қарақалпақстан Республикасы илим ҳәм билимлендириў тарийхы мәмлекетлик мүзейин шөлкемлестириў бойынша жәмийетшилик қадағалаўы топары дүзилген.
—
Қорақалпоғистон Республикаси Фан ва таълим тарихи давлат музейи ташкил қилинмоқда

Қорақалпоғистон тиббиёт институти ҳудудида жойлашган халқимиз меросларининг кам учрайдиган тарихий объекти ҳисобланган Қорақалпоғистоннинг дастлабки олий ўқув юрти - Ажиниёз номидаги Нукус давлат педагогика институтининг биринчи биноси жойлашган. Бу бино қорақалпоқ халқининг илм ва Фан тимсоли ва бешиги саналади. Бу ерда ўтган асрнинг барча илмий элитаси, Қорақалпоғистон Республикасининг буюк алломалари, таниқли шахслари, академик ва адиблари, хусусан, Марат Нурмуҳамедов, Ибрайым Юсупов, Төлепберген Қайыпбергенов, Сабыр Камолов ва бошқалар таҳсил олди.

Юқоридагиларни инобатга олган ҳолда, олимлар хотирасини абадийлаштириш мақсадида Қорақалпоғистон тиббиёт институти томонидан ҳурматли Президентимизнинг республикамизга ташрифида Қорақалпоғистон Республикаси фан ва таълим тарихи давлат музейини ташкиллаштириш бўйича таклиф киритилди. Таклиф қўллаб-қувватланиб, бугунги кунда музей ташкил этиш бўйича тегишли ишлар амалга оширилмоқда.

Жараённинг шаффофлигини таъминлаш мақсадида Қорақалпоғистон Республикаси Фан ва таълим тарихи давлат музейи фаолиятини ташкиллаштириш бўйича жамоатчилик назорати гуруҳи тузилди.

Каналға ағза болыў: @joqargikenes

🌐Telegram 🌐Website 📱Instagram 📱Facebook 🌐YouTube

736 0 2 10

МЕРЎЕРТ

6 Oct, 10:07

Қарақалпақ жәдитлери

Сейфүлғәбит МӘЖИТОВ, Қазы Мәўлик Бекмуҳаммед улы, Әсен Айтым улы, Өтениз тилмаш, Аббаз Дабыл улы, Қанаат Меңлибай улы, Сыбай абыз Тай улы, Әсен абыз, Асқар қазы Орынбай улы, Аман қазы, Меңлихожа Ибнәмин улы, Әбдираман Өтеп улы, Қасым Әўез улы, Зәрип Қасым улы, Сәпиўра Жайылбек қызы, Аяпберген Муўса улы, Мәриям Қасым қызы, Ийшанқала мақсымлары, Идирис мақсым, Айымбет ийшан ҳәм т.б. тулғалар.

Ийшанқала қорғанында жәдитшиликти үгит-нәсиятлаған татар және башқурт ағартыўшылары болған.

Сейдин Әмирлан

💎@Merwert_uz
Әдебий информациялық канал

1.1k 1 15 5 17

МЕРЎЕРТ

4 Oct, 16:11

Ийшанқала қорғанынан фоторепортаж

Қарақалпақстан Республикасы аймағындағы бурынғы зыярат орынларынан бири - Ийшанқала ҳәзирги Кегейли районы аймағындағы Халқабад қаласының қубла-шығысынан бир километрлик аралықта жайласқан.

👉 Толық оқыў - https://kknews.uz/211776.html

📲 Telegram| Instagram | Live | Sport|

526 0 2 3

МЕРЎЕРТ

3 Oct, 16:08

05:17

Video oldindan ko‘rish uchun mavjud emas

Telegram'da ko‘rish

#Жәҳән_әдебиятынан

3-октябрь Сергей Есенин туўылған күн

Шайыр 1895-жыл 3-октябрде Россияның Константиново қаласында туўылған. 1925-жыл 28-декабрде 30 жасында дүньядан өткен.

Видеода Сергей Есенин ҳәм Владимир Маяковскийдиң әдебий дуэлин көриўиңиз мүмкин.

💎@Merwert_uz
Әдебий информациялық канал

707 0 4 7

МЕРЎЕРТ

3 Oct, 15:57

МИРӘТНАМА

Сизди Қарақалпақ классик шайыры Әжинияз Қосыбай улының Түркия мәмлекетиниң Истанбул қаласында Түрк академиясы профессоры Хусейн Йылдырым тәрепинен түрк тилине аўдарылып, басылып шыққан китаптың презентациясына мирәт етемиз.

Кеше 2024-жыл 4-октябрь күни caaт 16:00 де Университеттиң руўхыйлық мәжилислер залында болып өтеди.

💎@Merwert_uz
Әдебий информациялық канал

631 0 2 8

МЕРЎЕРТ

2 Oct, 07:55

🔖🔖🔖 МИРӘТНАМА❗️

Усы жылдың 3-октябрь сәнесинде саат 11:00 де Бердақ атындағы Қарақалпақ әдебияты тарийхы мәмлекетлик музейинде Қарақалпақстан халық жазыўшысы, Бердақ атындағы мәмлекетлик сыйлықтыӊ лауреаты, филология илимлериниӊ докторы, профессор Кеӊесбай Алламбергеновтыӊ «Халық аўызеки әдебиятыныӊ ҳақыйқый жанкүйери еди» атамасындағы еслеў кешеси болып өтетуғынлығын хабарлаймыз.

Бәрше Ўатанласларымызды ǝдебий кешеге мирәт етип қаламыз!

✅ Мәнзил: Нөкис қаласы, Ч.Абдиров көшеси 1/1 жай. (Бағдар Қарақалпақ мәмлекетлик университети)

💎@Merwert_uz
Әдебий информациялық канал

1.7k 2 26 2 8

МЕРЎЕРТ

28 Sep, 17:11

Әжинияз шығармалары түрк тилинде

Түркияның Haci Bayram Veli университетинде “Karakalpak Şairi Acıniyaz Kosıbay Ulı” китабының презентациясы болып өтти. Түрк академиясы тәрепинен баспаға таярланған китапта Әжинияз Қосыбай улының қосықлары қарақалпақ ҳәм түрк тилинде жәрияланған. Презентацияға университет ректоры профессор М.Нажи Бостанжы, Түрк академиясы баслығы Ш.Мустафаев, Өзбекстан, Қазақстан, Қырғызыстан, Әзербайжан ҳәм Түркменистан мәмлекетлериниң консуллық ўәкиллери, илимпазлар қатнасты. Китапты баспаға таярлаўға үлес қоскан Haci Bayram Veli университети доценти Хүсейн Йылдырым, Бердақ атындағы ҚМУ профессоры Қуўанышбай Оразымбетовлар шығып сөйлеп, қарақалпақ классик шайыры Әжинияз Қосыбай улының өмири ҳәм дөретиўшилиги ҳаққында мағлыўматлар берди.

@adebiyat_shaydalari

💎@Merwert_uz
Әдебий информациялық канал

877 0 10 1 17

17 ta oxirgi post ko‘rsatilgan.

730

obunachilar

Kanal statistikasi

Kanalda mashhur

Қарақалпақ колориты «Поле Чудес» бағдарламасында❤️‍🔥 «Әўездиң ариясы» «Сүймегенге сүйкенбе» муз...

#Премьера Барлық ўатанласларымызды 16-ноябрь күни саат 18:00 де Қарақалпақстан көркем өнер сарай...

Әжинияз Қосыбай улының 200 жыллығы мүнәсибети менен таңламалы шығармаларының түрк ҳәм әзербайжан ...

ХОШ ХАБАР! Татарстан Республикасында “Қарақалпақстан Республикасы мәденияты күни” өткериледи У...