#Befarqemasman

#befarqemasman

🇺🇿 Тарихимизни биргаликда ёзамиз

@menbefarqemasman

#befarqemasman

Беҳруз Мамадалиев, Сурхондарё вилояти Маданият ва туризм бош бошқармаси ходими:

— Янгиланаётган Конституциямизнинг 28-моддасида шахснинг айбдорлиги учун эмас, балки айбдорлиги тахмин қилиниб, у жазога тортилса, инсоннинг қадрига, унинг шаънига ўчмас доғ тушиши ҳақида сўз боради. Тасаввур қилайлик, жиноят иши бўйича суриштирувчи, терговчи тергов ҳаракатлари, суд эса суд тергови орқали далиллар тўплайди. Улар ўз вазифасини бажаришда инсон ҳуқуқлари ҳимояси учун ҳар доим ҳам куйинмаслиги мумкин.
Янги таҳрирдаги Конституцияга киритилаётган қоидага кўра, борди-ю, терговда айб эълон қилинса ҳам, бундай вазиятда судда айбини тасдиқловчи далилларнинг етарли эмаслиги туфайли унга нисбатан оқлов ҳукми чиқарилади. Бунда “исботланмаган айб – исботланган айбсизликка тенг” деган халқаро стандарт амал қилади. Мисол сифатида айтиш мумкинки, мамлакатимиз судлари томонидан сўнгги 5 йилда 4 минг 700 нафардан ортиқ фуқаро оқланган.
Энг асосийси, Конституцияга киритилаётган янги норма суриштирув, тергов ва суд жараёнида фақат ишончли ва қонуний далиллардан фойдаланишни таъминлайди ҳамда шахсни асоссиз равишда жавобгарликка тортишнинг олдини олади. Мен бефарқ эмасман, сизни ҳам бефарқ бўлмасликка чорлаб қоламан!

@menbefarqemasman

#befarqemasman

Шерзод Турдиев, ўқитувчи (Фарғона вилояти):

— Менинг мутахассислигим Конституциявий ҳуқуқ бўлгани боис ҳозирда Ўзбекистон Республикаси Конституциясини такомиллаштириш юзасидан амалга оширилаётган ислоҳотлар бўйича қизиқишим жуда ҳам баланд. Ўзбекистон Республикаси Конституциясига ўзгартириш ва қўшимчалар киритиш бўйича қонун лойиҳасини ўқиб чиқиб конститутциявий ислоҳотларнинг энг муҳим жиҳати сифатида инсон, давлат, жамият ўртасида мустаҳкам кўприк барпо этилаётганини алоҳида эътироф этмоқчиман. Конституция иқтисодий, ижтимоий, сиёсий ўзгаришларга қараб, замон талабларига ҳамоҳанг тарзда янгиланиб бориши лозим. Айнан шу талабларни теран англаган ҳолда давлатимиз раҳбари бошчилигида конституциявий ислоҳотларнинг илгари сурилиши, бунинг учун махсус комиссия тузилиши, халқнинг ўзидан таклифлар олиб қонун лойиҳаси шаклига келтирилиши бу, жаҳон амалиёти учун, айниқса,  Европа ва Шарқий Европа суд амалиёти учун жуда катта янгилик бўлди. Шу муносабат билан барчамиз Бош Қомусимизга бефарқ бўлмаслигимиз лозим. Барча юртдошларимизни, жумладан, ҳуқуқшунос дўстларимизни референдумда фаол иштирок этишга чақириб қоламан.

@menbefarqemasman

#befarqemasman

Солияжон Раҳимберганова,
"Хоразм ҳақиқати” ва “Хорезмская правда” газеталари бирлашган таҳририяти бош муҳаррири:

— Янгиланаётган Конституциянинг XV-боби оммавий ахборот воситалари фаолияти билан боғлиқ. 82-моддасида "Оммавий ахборот воситалари фаолиятига тўсқинлик қилиш ёки аралашиш қонунга мувофиқ жавобгарликка сабаб бўлади" дея қайд этилмоқда. Бу журналистларнинг ўз фаолиятларини янада самарали юритишига ҳуқуқий асос бўлади. Биз жамоамиз аъзолари билан 30 апрель куни бўлиб ўтадиган умумхалқ референдумида фаол иштирок этамиз. Барча юртдошларимизни ҳам ушбу референдумда фаол қатнашишга чақирамиз.

@menbefarqemasman

#befarqemasman

Венера Каленова, Нукус шаҳри 31-сонли мактаб директори, Жўқорғи Кенгес депутати:

— Мамлакатимизда бугун қай бир соҳага, қай бир тармоққа эътибор бермайлик, ислоҳотлар, янгиликлар халқимиз учун катта қувонч эканлигини кўрамиз. Янгиланаётган Конституция ҳам халқимизнинг қалбида катта ўрин олган. Фуқаролардан келиб тушган 2200 дан кўпроқ тавсиялар бугунги Конституциямизнинг лойиҳасига, эртанги кунига катта мазмун-моҳият бағишлайди. Мен ўқитувчи сифатида шуни айта оламанки, янги таҳрирдаги Конституциясининг 50, 51, 52, 53-моддаларида таълим сифатини ошириш, шу жумладан, ўқитувчиларнинг обрўйи, статуси юқори даражада акс эттирилмоқда. Шу сабаб ҳам кутилаётган референдумда фаол бўлишга чақириб қоламан.

@menbefarqemasman

#befarqemasman

Насиба Турғунова, мактабгача таълим муассасаси ходими (Қибрай тумани):

— Конституцияга киритилаётган ўзгартиришларда бугунги ҳаётимизда зарур бўлган ижтимоий соҳа вакилларининг ҳуқуқлари ҳар томонлама ҳимоя қилинмоқда. 30 апрелда бўлиб ўтадиган референдумда оиламиз билан иштирок этамиз! Биз Конституциямизга бефарқ эмасмиз!

@menbefarqemasman

#befarqemasman

Шоҳжаҳон Абдураҳмонов, Андижон давлат тиббиёт институти талабаси:

— Янгиланаётган Конституциянинг 43-моддасида давлат фуқароларнинг бандлигини таъминлаш, ишсизликдан ҳимоя қилиш, шунингдек, камбағалликни қисқартириш чораларини кўриши белгиланмоқда. Мен бунга бефарқ эмасман. Ўзбекистон Республикасининг барча фуқароларини референдумда иштирок этишга чорлаб қоламан.

@menbefarqemasman

#befarqemasman

Самия Жўраева, Термиз давлат университети ўқитувчиси:

— Янгиланаётган Конституциямизнинг 23-моддаси 3-бандида "Давлат хорижда яшаётган ватандошларимиз билан алоқаларни сақлаб қолиш ва ривожлантириш тўғрисида халқаро нормаларга мувофиқ ғамхўрлик қилади" дея белгиланмоқда. Давлат ўз фуқароларини қаерда яшашларидан қатъий назар ҳимоя қилиши шарт ва лозим. Ўзбекистон Республикасининг паспортида шу паспорт эгаси давлат ҳимоясида деб бежиз белгилаб қўйилгани йўқ. Янги Конституциямизга мувофиқ, хорижда яшаётган ватандошларимиз Ўзбекистон ҳудудида тадбиркорлик қилишга, инвестициялар киритиш, илмий, маънавий, маърифий йўналишларга жалб қилишга эътибор қаратилган. Ва бу қонунан кафолатмоқда. Мен бефарқ эмасман ва сизларни ҳам бефарқ бўлмасликка чақириб қоламан.

@menbefarqemasman

#befarqemasman

Зилола Собирова, Фарғона давлат университети кафедра мудири:

— Жамиятни инсон, инсонни таълим-тарбия ўзгартиради. Миллат ривожи ва интеллектуал салоҳиятини ошириш авваламбор ўқитувчилар фаолиятига боғлиқ. Шу боис мамлакатимизда ўқитувчи касбининг мақоми ва обрўсини кўтариш, муаллим-устозларни қадри, шаъни, ғурурини тиклаш, уларни моддий-ижтимоий қўллаб-қувватлаш ва самарали меҳнат фаолияти учун муносиб шароиятлар яратилмоқда. Конституциямизга киритилаётган янги норма ҳам устоз-муаллимларнинг ҳуқуқ ва манфаатларини таъминлаш, уларнинг шаъни, қадр-қиммати муносиб ҳимояланишига хизмат қилади. Мен Конституциямизга киритилаётган ўзгаришларга бефарқ эмасман. Сизларни ҳам бефарқ бўлмасликка чақириб қоламан.

@menbefarqemasman

#befarqemasman

Барно Жалғасбаева, Бердақ номидаги Қорақалпоқ давлат университети ёшлар уюшмаси матбуот котиби, ёшлар медиа гуруҳи етакчиси:

— Ўзбекистон Республикасининг янгиланаётган Конституциясининг XV-боб 81, 82-моддаларида оммавий ахборот воситалари ҳақида сўз юритилган. Оммавий ахборот воситаларининг фаолиятига аралашиш ёки тўсқинлик қилиш қонунга мувофиқ жавобгарликка сабаб бўлади. Мен ўз соҳам бўйича киритилаётган ўзгаришларга бефарқ эмасман.

@menbefarqemasman

#befarqemasman

Шихназар Раҳимов, Хоразм Маъмун академияси катта илмий ходими:

— Конституциямизга бир қанча ўзгариш ва қўшимчалар киритилмоқда. Масалан, янгиланаётган Конституциянинг 50-моддасида ҳар ким бепул таълим олиш ҳуқуқига эга эканлиги ёки 53-моддасида илмий-техникавий, бадиий ижод эркинлиги, маданий ютуқлардан фойдаланиш ҳуқуқи кафолатланади дейилмоқда. Мен бу ўзгаришларга бефарқ эмасман. Сизни ҳам референдумда фаол иштирок этишга чорлайман.

@menbefarqemasman

#befarqemasman

Жаҳонгир Абдусатторов, “Avto Climate Control” MЧЖ логистика бўлими бошлиғи (Андижон вилояти):

— Янгиланаётган Конституцияда эҳтиёжманд оилаларга субсидиялар ажратиш қонун билан белгиланмоқда. Мисол учун, 47-модда бу ҳақда қонунан белгилаб қўйилмоқда. Мен бунга бефарқ эмасман. Барчани 30 апрель куни бўлиб ўтадиган референдумда фаол иштирок этишга чорлайман.

@menbefarqemasman

#befarqemasman

Нилуфар Исакова, Ўзбекистон Экологик партияси Фарғона шаҳар кенгаши раиси:

— Бугунги кунда аҳолини қийнаб келаётган муаммолардан бири — экологик муаммолардир. Айнан бу муаммоларнинг ечими Янги таҳрирдаги Конституциямизда ўз аксини топмоқда. Мен табиатни севаман ва унга бефарқ эмасман. Унга зарар етказишларини истамайман. Шунинг учун ҳам референдумда фаол иштирок этишга чорлаб қоламан.

@menbefarqemasman

#befarqemasman

Камила Муратбаева, Бердақ номидаги Қорақалпоқ давлат университети ёшлар уюшмаси ижтимоий ҳимояга муҳтож ҳамда имконияти чекланган талабалар билан ишлаш бўйича етакчи:

— Янгиланаётган Конституциянинг XI-боб 60-моддаси: фуқаролар Конституция ва қонунлар олдида тенг ҳуқуқли бўлган юрт фарзанди эканлигимдан мамнунман ҳамда референдумда ўз йўналишим бўйича ўзгаришларга бефарқ эмасман.

@menbefarqemasman

#befarqemasman

Хуршида Холиқова, ҚМИМ ўқитувчиси (Қашқадарё вилояти):

— Янгиланаётган Конституцияда аёл, хотин-қизлар сўзлари 3 марта такрорлангани бугун аёл-қизларга кўрсатилаётган юксак эҳтиром, эътибор натижаси десак муболоға бўлмайди. Жамиятимизнинг энг катта бўғини саналмиш оила аёлларнинг тарбиясига таянади. Шундай экан, оналаримиз, аёлларимизнинг давлат сиёсати даражасида Бош Қомусимизда ҳимояланиши юртимизда ҳар бир аёлга ҳурмат кўрсатилишидан дарак беради. Мен шу боис ҳам ўзгаришларга бефарқ эмасман. Қолаверса, она сифатида фарзандларим сифатли таълим олиши учун Конституцияга киритилаётган ўзгаришлардан мамнунман.

@menbefarqemasman

#befarqemasman

Ҳамидулло Ҳабибуллаев, талаба (Фарғона вилояти):

— Ўзбекистонда ёшлар кўпчиликни ташкил этади. Ва биз ёшлар асосий ахборотни Интернет орқали оламиз. Дўстлар, яқинларимиз билан онлайн мулоқат қиламиз. Зарурат туғилса, масофадан туриб билим оламиз. Янгиланаётган Конституциямизда давлат Интернет тармоғидан фойдаланишни таъминлашни кафотлатланиши биз ёшлар учун дунё билан ҳамнафас бўлишни таъминлайди, деб ўйлайман. 30 апрель куни бўлиб ўтадиган референдумда фаол иштирок этишга чақириб қоламан.

@menbefarqemasman

#befarqemasman

Света Ниетуллаева, Қорақалпоқ давлат университети магистранти:

— Болалигимдан ўқитувчи бўлишни орзу қилар эдим. Ўша болалик орзумимнинг биринчи босқичида бакалавр йўналиши бўйича дипломга эга бўлдим. Билимимни янада ошириш учун магистратура йўналишида ўқишни давом эттиришга оилавий шароитим сабаб контракт тўлаш имконияти бўлмаган эди. Мамлакатимизда сўнгги йилларда хотин-қизларнинг юқори билим олиши, ишлаши учун кенг имконият ва имтиёзлар берилмоқда. Мен ушбу имкониятлардан фойдаланган ҳолда ҳозир 2-босқич магистрантиман, ўз олдимга илмий унвонга эга бўлишни  мақсад  қилиб қўйганман. Бунга тўлиқ имконият бор, сабаби, янгиланаётган Конституцияда таълим соҳаси бўйича кўплаб моддалар ва илм-фанга алоқадор меъёрлар деярли 2 баробарга оширилиши ўз аксини топмоқда. Мен бефарқ эмасман. Тенгдош ёшларимизни ҳам бефарқ бўлмасликка чақириб қоламан.

@menbefarqemasman

#befarqemasman

Аҳмадбек Исаков, "Uz-Sae Myung Co." АЖ Ижро интизоми ва мувофиқлаштириш сектори бошлиғи (Андижон вилояти):

— Янги таҳрирда қабул қилинаётган Конституциямизда илк маротаба ер хусусий мулк бўлиши мумкинлиги назарда тутилмоқда. Ушбу норма янги таҳрирдаги Конституциямизда ҳақиқий инқилобий янгиликлардан бири сифатида мулкчилик муносабатларидаги бўшлиқларни тўлдиради.
Мен бунга бефарқ эмасман.
Барчангизни референдумга фаол иштирок этишга чорлайман.

@menbefarqemasman

#befarqemasman

Мунира Арипова, Ўзбекистон Қизил ярим ой жамияти Самарқанд вилоят ташкилоти раиси:

— Фуқаролар кўпчиликнинг манфаатига тегишли муаммоларни ҳал қилишда ўз бирлашма ва ташкилотларини ташкил этиши, ҳамжиҳатлик билан ҳаракат қилишлари фуқаролик жамиятининг бирламчи шартларидан бири ҳисобланади. Шунинг учун фуқароларнинг хилма-хил соҳалар бўйича минглаб нодавлат ташкилотлари ташкил этилиб фаолият юритиб келмоқда. 1991 йилда  100 га яқин ННТлар мавжуд бўлган бўлса, ҳозирда улар сони 10 мингга яқинлашган. Қонунчиликка кўра, жамоат бирлашмаси, ижтимоий фонд, муассаса ва бошқа шаклдаги ННТлар тузилиши мумкин бўлсада, амалдаги Конституцияда фақат жамоат бирлашмалари эътиборга олинган. Шу ўринда Конституцияга фуқароларнинг ўзини ўзи бошқариш органлари, ОАВ фуқаролик жамиятининг асосини ташкил этиши борасида янги тушунчалар киритилиши мазкур тузилмаларнинг жамият ҳаётида тутган ўрни ва улар қонуний манфаатларининг ҳуқуқий кафолати яратилишига асос бўлади.
Мен бунга бефарқ эмасман!

@menbefarqemasman

#befarqemasman

Лолахон Бекова, миллий либослар бўйича дизайнер (Хоразм вилояти):

— Мен 25 йиллик тажрибага эга дизайнерман. Иш фаолиятимни ҳақ-ҳуқуқларим доирасида олиб борганим туфайли дизайнерлик касбимни бизнес даражасига олиб чиқдим. Мен Конституциямизга бир қатор ўзгаришлар киритилишига бефарқ эмасман. Ва 30 апрель куни бўлиб ўтадиган референдумда иштирок этаман.

@menbefarqemasman