Mehrinoz

Men seni bilmayman -
yoqtirasan qaysi gul,
qaysi faslni.
qaysi film,qay kitob
sen uchun sevimli.

Men senga tikilib
qaramaganman-
menga noma'lum
ko'zlaring rangi,
qanday ifor taralar sendan
qo'llaringni tafti qanaqa.

Men sen bilan
qo'ng'iroqlashmaganman,
bilmayman hatto
telefon raqamlaringni.
Issiq qahva ichmaganman
sen bilan birga,
ovozingni eslolmayman ham.

Lekin...
Bilaman
ichingdagi isyonlaringni,
hech kimga aytmagan
iqrorlaringni,
yurakdagi mangu
og'riqlaringni,
seni zabt etgan
qo'rquvlaringni.
Bilaman,
sirtingda sokinsan
qalbingda toshadi
po'rtana.
Ichingda yashaydi bir odam
har kuni u seni
...o'ldirar.

Hislarga bo'ysunib yashaysan
yozasan,yozasan,
yirtasan.
otasan olovga - kulasan
o'zing ham jizg'anak bo'lasan.
Men seni deyarli bilmayman
Kimsan sen?
Nimasan?

Anif "Oqdan qizilga"

@Mehrinoz_xon

Mafkura bu - "alibistik " kòprik bòlib, tuzum va odam òrtasidagi bòshliqni yopadi ; mafkura tizim da'volarni hayotiy ehtiyoj sifatida kòrsatadi: bu haqiqat kòrinishidagi xayolot dunyosidir.

Bu alibi hammaga, ya'ni "Butun dunyo proletarlarini birlashtirish" ğoyasi ortiga òz savdosini yòqotish qòrquvini yashirgan kòkatchidan tortib, " İshchilar sinfiga xizmat qilish" ğoyasi ortiga- iqtidorini saqlab qolish qòrquvini yashirgan amaldorgacha maqbuldir

Vatslav Havel

P/s: Sodda qilib aytganda, " Vatanga xizmat qilaman " soxta mafkurasi bilan fuqaro òz jonini saqlashga urinadi, " Xalqimni sevaman, inson qadri uchun" mafkurasi hukumatdagilarga òz joyini saqlab qolishga kòmaklashadi.



@Mehrinoz_xon

Yurakni keeeeeng qilish kerak òzi, yaxshi bòladi shunda .

Lebon nazariyasiga kòra, omma doimo " yuqumlilik" effektida bòladi. Ya'ni omma ichida inson mantiq bilan emas, ta'sir kuchi yordamida ," boshqalarga qarab" tanlaydi, fikrlaydi.

Buni hozirgi "trenddagi yozuvchilar " misolida olaylik.

Balki Dostoevskiy, Kafka siz uchun emasdir, bularni òqishni ommaning òzi " aqllilik standarti" , " yuqori did chòqqisi" ga chiqarib qòydi.

Òzdan uzoqlashmay, hammalashmay, shaxsiyatga ham qarab turish kerak.


Balki sizga umuman boshqa kitob, gul, telefon, mashina, inson yoqar.

Tafakkur kòp narsa beradi.



@Mehrinoz_xon

Uraaaaaa ʼ, bugun teatrga tushamiz!

Bilet sovgʻa qilishdi😍

Oʻzing bilmagan narsaga ergashma! Albatta, quloq, koʻz va dil- ana oʻshalarning barchasi soʻralajak narsalardir.

(Isro surasi, 36- oyat).

Radikallar markazlashgan respublika aslida niqob ostiga yashiringan monarxiya, deb chiqishganidan soʻng, Kortes mamlakatni FEDERAL RESPUBLIKA deb eʼlon qildi, biroq hech bir saylovchi oʻzi yaqindagina ovoz bergan tuzumning nimaligini tushuntirib berolmasdi. Shunday boʻlishiga qaramasdan, bu ibora barchaga birdek manzur keldi.Baxt va ezguliklar mamlakati hosil boʻlayotganday tuyulardi. Koʻchalarda odamlar bir- biriga qarab, " Yashasin, Federal Respublika!" deb ayta boshladi. Armiyadagi harbiylar sharafiga madh etuvchi qoʻshiqlar kuylandi.

"Omma psixologiyasi"

P/s : Lekin bilishmasdiki, narsalarning nomi ularning ahamiyatini belgilab bermasligini

FEDERAL RESPUBLIKA!
YANGI OʻZBEKISTON!

Ertaga toʻyib kitob beradigan va oladigan kun)

Shaxsiy kutubxonangiz boyisin

Kitoblarni tinmay oʻqish va yodlash insonni aqlli qila oladimi? Afsuski, yoʻq!

Hayotda muvaffaqiyatga erishish uchun kerak boʻlgan oqillik, tajriba, tashabbus va xarakter kitob orqali hosil boʻladigan xususiyatlar emas. Kitoblar lugʻat misoli, ular juda kerakli, ammo hammasini miyangda toʻplab yurishga hojat yoʻq.

Gʻoyalar faqatgina tabiiy sharoitlarda shakllanadi. Oʻsish darajasi esa doʻkonda, sud zalida, oʻqishda, qurilishda va boshqa maydonlarda hosil boʻladigan koʻplab mayda taassurotlarda namoyon boʻladi. Mana shunaqa ahamiyatga ega boʻlgan narsalarga diqqat qaratish ham yangi gʻoyalarga turtki berishi, oʻzgarishlarga sabab boʻlishi mumkin.

" Omma psixologiyasi"

Insonlarni hech qayerda ishlatib boʻlmaydigan bilim bilan taʼminlash ularni isyon qilishga undash bilan barobardir.
.... maktablari odamni hayotga emas, jamoat kasblariga tayyorlaydi, bunda shaxsdan hech qanday shaxsiy iroda va tashabbus talab qilinmaydi.

©Gustav Lebon " Omma psixologiyasi"

Miyamizda monumental ( ideal, muhtasham) tarix, ideal shaxslar haqida tushunchalar shunchalar chuqur oʻrnashgan. Shuning uchun oʻzimizga ideal degan birida qandaydir kamchilik koʻrsak yoki eshitsak, shokka tushib qolamiz, uni butun bir shaxsiyati va faoliyatini qoralay boshlaymiz.
Gustav Lebon buni " ommacha fikrlash" deydi, yaʼni omma bitta narsa yo toʻliq yomon, yo toʻliq yaxshi deydi.
Shaxsiyat esa oʻylaydi, tahlil qiladi.
Qadriyatlar xilma- xilligidan oladigan boʻlsak ham bu dunyoda toʻliq yaxshi yoki yomon narsa yoʻq. Haqiqatlar har xil.
Masalan, biz yoshlikdan Amir Temur, Ibn Sino, Alisher Navoiyni yaxlit shaxslâr, ideal insonlar sifatida koʻrganmiz. Lekin olimlar minbarlarda sal- pal koʻrinish bergandan buyon, ularning shaxsiyati haqida turfa xil qarashlar vujudga keldi. Yoki Gʻafur Gʻulomni Qodiriyni sotganligi haqida qarashlarning ayon boʻlganidan keyin uni butunlay yomon otliqqa chiqardik qoʻyganlar topildi.
Lekin boʻldi, miyadagi illuziyalarni qoʻporish, generalist boʻlish, shaxsiyat, iqtidorlarni qorishtirib, masalaga bir tarafdan qarashdan qochish vaqti keldi.
Inson juda murakkab, u bir vaqtda ham yaxshi, ham yomon, ham oʻta taʼsirchan, ham juda sovuqqon, ham aqlli, ham oʻta ahmoq boʻlishi mumkin.

Shunday fikrlashni boshlasakkina, shaxslar chiqa boshlaydi, ziyolilar yarala boshlaydi.
Bir narsa, Nazar Eshonqul aytganiday, shaxsiyati bor, " men" i butun odam doim ham yaxshi fazilatli boʻlavermaydi, yaxshi fazilatli odamdan doim ham oʻzgacha " men " topib boʻlmaydi.

Hamma- hammasi nisbiy!

@Mehrinoz_xon

Toshkentda bu safargi magnit boʻroni qattiq keldi: qarashatdi tanani.

Erta qor yogʻsin-da, qutulay shu balodan.