«Ayol kishi erining uyida rahbardir va u oʻz qoʻl ostidagidan soʻralur»Islomda oila bekaligi buyuk sharaf boʻlishi bilan birga, ulkan masʼuliyat hamdir. Oilaning bekasi boʻlganidan keyin, uning ichki ishlarining hammasi oʻsha bekaning qoʻlida, ixtiyorida boʻladi. Oilaning iqtisodi bekaning tejamkorligiga, oʻziga ishonib topshirilgan tirikchilik vositalariga xiyonat qilmasligiga va isrof qilmasligiga bogʻliq boʻladi.
Eng ulkan masʼuliyatlardan biri esa, farzandni tugʻib, chiroyli boqish, yetuk inson qilib tarbiyalashdir. Bu masʼuliyatni muslima ayollar doimo sharaf bilan ado etib kelganlar. Xulosa qilib aytilganda, muslima ayolning oiladagi masʼuliyati beqiyosdir. Erning ishlari muvaffaqiyatli boʻlishida ayolning tutadigan oʻrnini hech kim inkor qila olmaydi.
«Erni er qiladigan ham xotin, yer qiladigan ham xotin» deb bejiz aytilmagan. Gap har bir muslima ayol oʻz masʼuliyatini toʻla tushunib yetishida qolgan, xolos.
Shayx Muhammad Sodiq Muhammad Yusuf ("Baxtiyor oila" kitobidan)
@maxmudmaxmudov_blog