My library 📚

Majnun namozxonlar oldidan o'tayotganda namozxonlarni e'tiborini tortadi. Namozni tugatgach uni chaqirishadi. "Qoys" desa qaramaydi, "Ey Qoys, ana Laylo" desa qaraydi. Shunda odamlar "Layloga ishqdan shu qadar aqldan ozdingki, bizni namoz o'qiyotganimizni ko'rib, namozga qo'shilmading" deyishadi.

Qoys ularga o'gririlib "Vallohi sizlarni namoz o'qiyotganingizni ko'rmadim. Agar Robbingizni men Layloni sevganim qadar sevganingizda edi meni ham ko'rmasdingiz" deydi...

Bugun bir talabamga arab tilidan listeningga tafsiya qilganim videolarni ko'p so'ziga tushunmay, osonroq video so'raganlarida ha deb topib berdim.

Hozir xotirimga keldi, men ilk listening qilgan 1 oyda hech nimaga tushunmagandim. Serialdan 15 ta seriasini tushunmay ko'rgan edim. Buvim meni qiziq qilib "Vali qaytmas" deyishlari to'g'ri ekan chog'i.

Lekin ko'raverganman. Yutubda nima chiqsa ko'rardim. O'sha bir oy arab tilida butun kun yashagan kunlarim bo'lgan edi. 4-5 soat listening, 2-3 soat reading *(Adham Sharqoviy bilan Miftah B2ni o'qirdim) qilar va boshlang'ich nahvda o'qirdim. 1 yarim 2 soat speaking bo'lardi. Har kuni bitta matn, insho yozar edim. Nahvni endi boshlaganim uchun tushunmasdan faqat yodlab ketardim. Keyinchalik tushunib ketdim alhamdulillah.

Orada arablarni darslariga qo'shilib qoldim. Endi hali fus'hani eplolmayotgan talabani lahjani o'rganib ketganini tasavvur qilavering)

Nima bo'lsa ham qaytmaganimga, tushunmay qolishdan qo'rqmaganimga, balki "keyin imkon topilmas" degan havotirda borimni berib o'rganganimga shukr qilaman.

Imom Buxoriyni otalari o'g'liga pul qoldirib ketganini o'qigach yarim yil arab tilini o'rganish uchun boshqa sohada ishlab pul yiqqanimni o'ylasam yanayam hursand bo'laman😁

___

* Osilsang baland dorga osil-da)

To'xtamaslik kerak, balki ertaga bu hayotda bo'lmassiz)
Alloh oldiga ilmsiz borishdan uyalmaysizmi?!

#ustoz

كونوا برا - degan gap bor.

Yaxshi bo'linglar. Odamga zarar beradigan o'ylardan qutulinglar. Dunyoni tashvishidan uzulinglar. Shu dunyoni tashvishidan uzulolsangiz ilm zo'r keladi.

Yaxshi bo'ling, odamlarga yaxshilik tilang. Mana hozir (..)dan hol ahvol so'rab qo'ydim, ko'ngli ko'tarildi, ichidan "Ustoz holatimni bilarkan" degan gap o'tdi. Mendan nima ketdi? Hech nima.

Qarindoshlarga yaqinlaringizga, oila a'zolaringizga yaxshi gap ayting. Ana o'sha yaxshilikdan o'zingiz ham yaxshi yashaysiz, hursand bo'lasiz. Silayi rahmni hisobidan baraka keladi. Qalbni tozaligidan ilmga baraka keladi.

Kecha qo'shnim ochlikdan vafot etdi, azasida hamma qo'ylarni so'yishdi.

- Ali Shariati

#hulosa

"Oybegim mening", Zarifa Saidnosirova

Abdukarim Mirzayevning so'zlariga qiziqib o'qidim. Alhamdulillah yaxshi yozilgan kitob. Kitobni Oybekni emas, Zarifani tanish uchun o'qiganim sabab shu ayol haqida to'xtalmoqchiman.

Men bilmayman, bu matonat, sabr bardosh ne sabab?!
Agar Zarifa iymonga to'la ayol bo'lganda Hadicha onamiz kabi bo'lar edi. Bor budini sarf etdi, Oybek uchun butun dunyosi bo'ldi.

Kitobni qayta qayta sinchiklab o'qidim, Zarifani fe'lini o'rganish bilish uchun.
Kashf etdimki, uni harakatga keltirayotgan yagona narsa Oybekni yaxshi ko'rgani ekan.

Buvim to'g'ri aytibdilar: "Zarifadek ayol qaytib tug'ulmaydi. U davrdagi ilm ulamolari qaytmaydi". Va men bunga qo'shimcha qilib "Balki ulardanda komil, yetuklari tug'iladi in shaa Alloh" deyman.

22.01.2025

#kitobdan (tarjima)

Eng buyuk muhabbat yaxshi ko'rgan kishing uchun jahannamdan qo'rqishingdir. Ibrohim alayhissalomning so'zlarini taammul qil:

یَـٰۤأَبَتِ إِنِّیۤ أَخَافُ أَن یَمَسَّكَ عَذَابࣱ مِّنَ ٱلرَّحۡمَـٰنِ فَتَكُونَ لِلشَّیۡطَـٰنِ وَلِیࣰّا

"Ey otajon, albatta men sizni Rohman tomonidan azobga tutishidan va shaytonga do'st bo'lib qolishingizdan qo'rqaman"
(Maryam surasi, 45-oyat)

Biroz "svejiy" fikrimni yozib qo'yay. Joiz topsam taqriz ham qoralab qo'yaman in shaa Alloh.


Bu asar "O'tkan kunlar"ga o'xshamadi. Anvarning tun ichra Ra'noni oldiga borish sahnasi, Ra'no yig'laganda uni ovutib aytgan so'zlari butunlay boshqa olam men uchun. Abdulla Qodiriyni yana boshqa vajhda kashf etdim.

O'sha sahnada borar ekan Qodiriy shunday ta'riflaganki:

"..shu qatorda Anvarning ko'nglidagi qorong'iliq ham kuchaydi, yurak urishi e'tidoldan chiqib, o'g'ri kishidek atrofga qarana boshladi.."

"Darichalari yopiq mashqxonaning ichi hosidlar yuragidek qop-qorong'i, daromad ham yopilgandan so'ng uy go'yo lahad tusiga kirdi.."

"Hammayoq tim qorong'i, faqat bu mahalla ustida nurlanib ko'ringan oyg'ina uning ko'nglini yoritar, biroq... Biroq kajaftor falak uni ham bag'rida qora dog'i bilan o'rda tomong'a qarab sudrar edi.."

Bu satrlar meni "qatl" qilay dedi. Sababi esa bundan avvalgi aytilgan gaplarda. Qiziqsangiz, kitobni o'qib chiqing.

Men aslida o'qiganlarimda meni jumbushga keltirgan holatlarga tavsif yozishga uyalyapman. Barchasini faqat xotirimda qoldirishni va har eslaganda entikib qo'yishni lozim topdim. "O'tkan kunlar"da ham shunday qilgan edim.

Hozir tugatdim, hamd. G'alati holatdaman, holatimni tushunmayapman. Tasvirlab ham berolmayman. Uxlolmasam ham kerak endi. Umumiy 6 soatda tugadi. 9 yarimlarda 20-sahifalaridan boshlagan edim, 5 yarim soat qimir etmay o'qibman.

Bundan avval "Shamol ortidan yugurib" kitobini taqriban 8 soatda bir kunda tugatib qo'ygan edik.

#kitobdan

ورُبَّ كلمةٍ جرى بها اللسانُ هلك بها الإنسانُ

Kimga qanday bilmadim, men rosa yig'ladim har ko'rganimda...

Tunov kuni buvimga "Mehrobdan chayon" undoq joyi yoqmadi, bundoq joyi yoqmadi degandim, "Kitobni ichiga kirib o'qimabsan. Shunday o'qiganingda edi bunaqa demasding. Voqealar ichida yurib, boshingdan o'tkazyotgandek o'qish kerak" dedilar, kitobni qaytadan boshlavordim)

Boshlang'ich grammatikaga qabul ochildi, istaganlar @maktabaat_admin ga yozing, ma'lumot berishadi.