Yoz, Google va ayron haqidaAnchadan beri kanalga hech narsa yozolmadim. Bu orada bahor tugab, yoz ham kelib qolibdi. Xo‘sh, yangi fasl – yangi rejalar. Kimda qanday “plan”lar bor?
Men quyida ushbu fasl uchun tuzib qo‘ygan rejalarim bilan o‘rtoqlashaman.
• Imtihonlar tugab, biroz bo‘lsa-da erkinlikka erishganim sababli Google tog‘adan sayt yaratish sirlarini o‘rganmoqchiman. Bu haqida keyinroq batafsil yozaman))
• Pepsi ichishni maksimal darajada kamaytirmoqchiman, uning o‘rniga muzdekkina ayron iste’mol qilaman.
• Biz taraflarda ham internet sifati yaxshilanyapti, antenna qidirib yurish shart bo‘lmay qoladigan kunlarga yetsak, divandan turmasdan ishlash rejimiga o‘tmoqchiman. Balki shu usul semirishimga yordam berar.😁
• Yo‘llar ochilib, erkin qatnovga ruxsat berilsa, oilaviy biror sanatoriyga borish kerak. Shu – oxirgi bir yil juda qiyin kechdi. Katta hayotga qadam qo‘yish osonmas ekan.
• Konditsionersiz xonada ishlashga, uxlashga o‘rganishim kerak. Kun bo‘yi sun’iy sovuqda o‘tiraverib, a’zoyi badanim qaqshab og‘riydigan bo‘lib qolmasaydi.
• Ingliz tilida “speaking”, “listening” qobiliyatlarimni mustahkamlamoqchiman. YouTube’da bir nechta kanalga a’zo bo‘lganman, lekin muntazam kuzatib borishga vaqt bo‘lmayapti.
Xullas, shunaqa rejalarim bor. Kanalda post chiqarmay qo‘ygan paytim xavotir olib, “aka, virus yuqtirib olmadingizmi”, deya so‘ragan obunachilarga rahmat. O‘qib turganingizdek men soppa-sog‘man. Kuningiz xayrli o‘tsin, yerliklar.
Ha aytgancha, sarlavhadagi 3 so‘zdan biror ma’no qidirish shart emas. Zero, ularning bir-biriga qanday aloqasi borligini o‘zim ham bilmayman.
@mahkamovuzSurat: Zomin, Jizzax. 2018-yil.
