M1racle books📚

​​Overthinking...

Hozirda bu ibora ko'pchilik orasida juda "mashhur". Keragidan ortiq o'ylash va keragidan ortiq bo'rttirish. Inson har doim kurashib keladigan bir ovoz bor. Ichingizda aynan o'sha ovoz bilan tinmay baxslar qilasiz yoki aytaylik o'sha ovoz/tuyg'u sizni ko'p o'ylashga majbur qiladi. Bunda ta'sir qiluvchi omillar ham bor albatta. Atrof muhit, sizdan har doim zo'rroq bo'lgan qo'shningiz, kimnidir sizdan yaxshiroq bo'lib ketishi yoki o'zingizni har doim muhokama qilish instinkti. Go'yoki har doim nimadandir qolib ketayotgandek xavotir va qo'rquvning miyyaga yog'ilib kelishi. Aslida hammasi yaxshi, sekin-sekin harakatlanib maqsadga boryapsiz, ammo miyyangizda faqatgina hamma hard work(qattiq ishlash) qilganlargina muvaffaqiyatli bo'ladi, degan fikr sizni tinch qo'ymaydi.

Siz yetarlicha qattiq ishlamayapsiz. Atrofingizda muvaffaqiyatga erishganlarning faqat 4 soat uxlash va kechasi-kunduzi kitob o'qishi haqidagi hikoyalar sizda o'zingizga nisbatan qo'rquvni uyg'otadi. Demak qattiq ishlab faqat 3-4 soat uxlash kerak. Xuddi shunday qilasiz ham. Ammo nega haligacha mashina, uy olmadingiz? Nega ishingizda ko'tarilmayapsiz? Hali to'y qilisingiz kerak... Xullas yana bepayon overthinking' boshlanadi.

Bu narsalarni o'ylayotganda bir narsani ahamiyatga olmaymiz. O'sha muvaffaqiyatga erishganlarning katta qismi o'z ishini sevgan va jarayondan zavqlana olganlar aslida. Siz shunchaki hard work' qilishingiz kerakligi uchun ishlayotgan bo'lsangiz unda jarayondan zavqlanishni unutasiz. Bu esa shubhasiz katta bosim degani. Bosim har doim sizni o'ylashga, endi 4 soatmas 2 soat uxlashga va yanayam ishingizga sho'ngishingizga majbur qiladi. Balki bu bosim sizni albatta xohlagan natijangizga olib borar, lekin osonroq yo'li bo'lsachi? Focus'ni jarayondan lazzatlanishga va o'zingizda bor narsalarga qaratsangizchi? Hozir "Effortless" kitobini o'qib o'tirib shu narsalar hayolimdan o'tyapti. Kitob hayotingizni osonlashtirish haqida va yozilganlar rostdan ham chuqur o'ylab ko'rishga arziydigan narsalar)

Hard work'ka biror e'tirozim yo'q albatta😅 Ammo yengillashtirishga qarshi emasman)

With love @m1racle_books✨

​​#Karyera

Italiyaga kelganimdan keyin, tabiiyki student sifatida o'z karyeramni qurishni juda xohlayman. Bundan tashqari hozir CFA(Chartered Financial Analyst) sertifikatiga qiziqishim ortgani va bu sertifikatni olishim uchun 36 oy moliya, investitsiya sohasida ish tajribasiga ega bo'lishi kerakligini bilganimdan so'ng, ish qidirish uchun bir nechta platformalarni yuklab oldim.

Bu yerda italiyaliklar uchun ish topish juda osan ekanligini aytishdi(O'zinikini albatta qo'llab quvvatlaydi ma'nosida). Ammo menga aniq moliya sohasida ish kerakligini bilganim uchun ham bu narsa unchalik qo'rqitmadi. Birinchi hayolimga kelgan narsa albatta Linkedln. Bu platformada akkauntim oldindan bo'lgan, yaxshiyamki. Bir necha o'zgarishlardan keyin akkauntni Italiyaga o'zgartirdim. Natijada rostdan ham ba'zi moliya sohasidagi ishlarni topdim. Endi CV va suhbat bor.

Nega bu haqida yozdim. Agar Linkedln'ga instagram sahifasiga ajratgan vaqtimni ajratganimda natijalar yaxshiroq bo'lardi albatta. Ammo hechdan ko'ra kech) Ish bilan bog'liq tajribam o'xshasa albatta natijalar bilan bo'lishaman. Ungacha Linkedln profilimga bog'lanib olish imkoniyatingiz bor)

Link: https://www.linkedin.com/in/asalkhon-otakhonova-37248a1a3?utm_source=share&utm_campaign=share_via&utm_content=profile&utm_medium=ios_app

With love @m1racle_books✨

​​Oila…
2-qism

“Ooo 40 yosh nihoyat uylanaman” degan reaksiyani kutyotgan bo’lsangiz adashasiz😁 40 yoshdan keyin ular eng kamida 1 yıl, eng ko’pi bilan 15 yil sevgan qizi bilan gaplashib yurishi mumkin. Ha, ha to’g’ri eshitdingiz🌚 Meni bitta tanishim 9 yil rus qizi bilan gaplashib, keyin ajrashganmiz, deb qoldi bir kun. Men tabiiyki “Nega?” dedim😅 “Biz shunchaki bir-birimizga to’g’ri kelmadik” javobni olganimdagi yuz ifodamni tasavvur qilganingizga ishonchim komil.

Ammo bu hali hammasi emas. Nega italiyaliklar oila qurishdan bunchalik “qo’rqadi”? Chunki oila qurish juda qimmat va ajrashish juda uzoq va yana qimmat jarayon. Birinchi marta “Nega oila qurishga shoshilishmaydi?” deb so’raganimda olgan javobim “Ajrashish qiyin va 5-6 yilsiz ajrasholmaysan” degan javob bo’lgan. Xo’sh nega ular bunchalik ajrashishga ko’p urg’u berishadi? Chunki italiyaliklar xaddan tashqari o’zini sevadigan va o’zini kimdir uchun qurbon qilmaydigan xalq. Bu yerda 60 yoshli bo’ydoqlarni ko’rishingiz mumkin. Ular 60 yoshda ham o’z muhabbatini qidirayotgan bo’lishadi (Shundaylardan bittasini taniyman😅) Xullas, bizda 60-70 yoshdan keyin nevaralar qurshovida, mazza qilib, shukur qilib o’limingni kutib o’tirasan(Agar shu joyga yetib borsang albatta🌚) Bu yerda esa menimcha hayotga tashnalik kuchli.

Bu yerda eng kambag’al hisoblangan oilalar ham yiliga 2 marta sayohatga chiqadi. Judayam ko’p qalin kitob o’qiyotgan odamlarni uchratishingiz mumkin. Uylari juda oddiy va faqat yashash uchun yaroqli bo’lsa bo’ldi. Mashinalar bo’lishi muhim emas. Chunki yo’llar o’rta asrlarda qurilgani, juda tor bo’lgani uchun mashinada yurish qiyinroq. Jamoat transporti esa juda qulay. Yaxshisi samakat’da yurganingiz yaxshiroq. To’y haqida to’lib toshib gapirgan odamni hali ko’rmadim😁

Lekin menga yoqmagan tarafi ham shunda. Oila jamiyati Yevropada parchalanayotgani. Bir xil jinsdagi insonlar nokohi yoki umuman oila qurmasdan o’tib ketadigan insonlar ko’pligi. Shularni inobatga olib O’zbekistonda tug’ilganimga behisob shukur aytdim. Bizda oila muqaddas va xatto 25 yoshgacha oila qurish tarafdoriman.

Biz judayam omadlimiz bu masalada ishoning😁

Davomi bo’lsinmi..?🌚

@m1racle_books

​​Yashashga shoshilmaslik…
1-qism

Italiyaga kelib tushunganim insonlarning yashashga shoshilmasligi. Bu nima degani? Bu yerda o’rtacha umr ko’rish rasmiy manbalarda 83 yosh qilib ko’rsatilgan, ammo bir nechta italiyalikdan bu yerda qancha umr ko’rishadi, deb so’raganimda o’rtacha 90-95 yosh deyishdi. Meni hayron qoldirgan narsa esa ularning hech biri 70-80 yoshga o’xshamasligi. Bizning aholi bilan solishtirganda ular juda yosh ko'rinadi. Italiya byurokratiya juda kuchli mamlakat. Bu yerda ba’zi hujjatlarni nima qilishni italiyaliklarning o’zlari ham bilishmaydi. Ish esa soatbay ya’ni hodim ish vaqti tugaganidan keyin sizga iltifot va muloyimlik bilan “yo’qolishingizni” aytadi. To’g’risini aytsam italiyaliklarning “yo’q” deyishini alohida bir san’at deb aytgan bo’lardim😅.

Xullas gap aslida boshqa narsa haqida, ular bizdagidek shoshilishmaydi. Bugun qilolmadingni mayli bor mazza qilib aperol ichib hayotdan lazzatlan va ertaga kel. Ups, ertaga o’xshamasa unda indin bor. Mayli, buni qilish uchun senda hali butun bir yil bor, lazzatlan.

Xullas bu yerda 40 yoshgacha o’qish va karyera haqida o’ylashadi. Albatta lazzatlanib o’ylashadi. Umuman olganda esa siz bu vaqt davomida muvaffaqiyatga erishgan biror shaxs yoki shunchaki sigaret chekib Italiya byurokratyasi haqida nolib “uff”laydigan fuqaroga aylanasiz. Men kelganimdan beri 23 yoshdaligimni aytishim bilan eshitadigan narsam bu o'qishim kerakligi! Menga "Sen hali juda yoshsan, mazza qilib o'qi va lazzatlan. Hayot hali oldinda" degan insonlar juda ko'p bo'ldi😁(Menam yashashga kech qoldim, deb pitirlab yotgan paytim edi) To'g'risi ba'zi narsalar juda ahmoqona ko'rinadi. Nega bular hech narsaga shoshilmaydi!? Buni hozirgacha tushunganim yo'q. Xuddi o'zimni "Zootopia" multfilmidagi bir to'da "Flash"lar orasiga tushib qolgandek his qilganman ilk kunlar 😁

40 yoshdan keyin esa…
Davomi qiziqmi?

@m1racle_books

​​Kichik qadamlar muhim…

O’zingiz uchun o’qish yoki karyerada o’sishni tanlaganingizda bir narsaga ahamiyat bering, siz hech kimdan oldinda va hech kimdan orqada emassiz. Siz hozir bo’lishingiz kerak bo’lgan joydasiz. Bu joy hozir aynan sizning turishingiz, o’rganishingiz, o’sishingiz uchun eng muhim bo’lgan nuqta. Solishtirishingiz kerak bo’lgan inson esa sizning kechagi o’zingiz.

Siz kech qolmadingiz… Hech narsaga erishmadim, deb o’ylash eng katta yo’lg’on aslida. Unutmang “No means new opportunities” Har bitta “yo’q” sizni yanada kuchliroq qiladi. Har bitta “yo’q” sizda yangi imkoniyatlarni ochadi:

-Har qanday vaziyatdan ham yaxshi nimadir o’rganishga harakat qiling;
-Har doim kichik bo’lsada qadamlar tashlang;
-Unutmang, eng katta resurs pul emas, eng katta resurs bu sizning vaqtingiz.
-Agar vaqtingizni hozir to’g’ri kichik qadamlarga bo’lib chiqa olsangiz, unda orzu qilganingizdanda go’zal hayotda yashaysiz;
-Har kim o’z hayotini juda qiyin, deb o’ylashi mumkin. Lekin aslida hayot juda go’zal va har qanday qiyinchilikni sizga berilgan kоnfet*, deb tasavvur qiling;
-Bizni o’ldirmagan hamma narsa, yanada kuchliroq qiladi. Ammo unutmang, gap kuchli bo’lishda emas, asosiysi baxtli bo’lish;
-Nima bo’lganda ham o’zingizni koyimang. Siz qo’lingizdan kelgan eng yaxshisini qildingiz va natijani ham shunga yarasha shukronalik bilan qabul qiling.

Eng asosiysi, hayot sizga hech narsani va’da qilmagan. Siz o’z hayotingiz yaratuvchisisiz. Barcha natijalar qarorlaringiz mevasi)

With love @m1racle_books

​​Assalamu alaykum!

Bugun gaplashishni rejalashtirgan mavzuyim hozir yashayotgan joyim haqida edi. Ozroq kech bo'lsa ham bu haqida yozaman.

Meni Toshkent Moliya institutini tugatganimdan ko'pchiligingizning xabaringiz bor. O'qishni tugatganimdan keyingi rejalarimda magistraturani o'qish oxirgi o'rinda turgandi😅 Birinchidan qo'limda yetarlicha mablag' bo'lmagan, ikkinchidan magistraturani O'zbekistonda davom ettirishni xohlamaganman. Buning o'ziga yarasha sabablari bor edi albatta. Chet elda o'qish juda ko'p yillik orzuyim. Bu orzu qachondir amalga oshishi men uchun haqiqiy mo'jiza bo'lgan.

Men shu yilning may oyida University of Siena'ga Finance(moliya) yo'nalishiga magistraturaga topshirdim. Undan keyingi hujjatlar, visa, grant va Italyaga kelishim Noyabr oyiga to'g'ri keldi.

To'g'risi taqdir ajoyib narsa, o'ylamagan joyingdan hayotingda mo'jizalar sodir bo'lishi esa undanam ajoyib. O'sha mo'jizalar natijasi o'laroq bugun sizga Rimdan turib post yozyapman. Bu yerga kelganimga sal kam 1 oy bo'lganini inobatga olsak, sizlarga aytib beradigan juda ko'p tajribalarim bor albatta. Aslida Rimga kelgan paytim yashashga xatto turar joyim ham bo'lmagan. Ammo bu shaharni, Yevropa, odamlar va madaniyatni sevdim. Bu men uchun haqiqiy boshqa olam, boshqa dunyo. Bu ulg'ayish, rivojlanish, o'sish va dunyoqarash kengayishi. Umri davomida sayohatlar, zavqli hayot va o'zidan boshqa dardi bo'lmagan insonlarni ko'rish ajoyib. Cultural shock' yashadimmi? Nima deb o'ylaysiz?

With love @m1racle_books

​​#serial
9,5/10

Kareys dramalarini juda ko’pchilik yaxshi ko’radi. Menam shu insonlar qatoridaman. Menda serail ko’rish bilan muammo bo’lgan. Oxirigacha ko’rolmayman(Ujis va fantastikadan tashaqari). Xullas hozir sizlarga judayam ko’rishingizni va fikringizni qoldirishingizni xohlaganim bir 16 seriyalik serial qoldiraman. Mavzu barcha o’quvchilarni o’ziga qarshi qo’ygan va o’ylashimcha aslida haqiqiy hayotni o’rgatgan boshlang’ich sinf ustozi.

Menimcha maktabda shunday o’qishni xohlagan va ustoz Ma singari ustozim bo’lishini istagan bo’lardim. Filmlar bilan yaxshi kelisha olmaydigan insandan 9,5 ball olish qanaqa natija ekanini tasavvur qilavering🌚 Hozir tomosha qilishingiz uchun Link qoldiraman) Ko’rib kommentda fikringizni qoldiring:)

Film nomi : «Класс Королевы»✨
Tomosh qilish linki 📌

With love @m1racle_books

​​Assalamu alaykum!

Demak, bugun uyqu bilan bog'liq eksprimentning 3-kuni. Bu tajriba butunlay menga tegishli va sizgayam to'g'ri keladi, deb aniq aytolmayman. Organizmingiz nimaga qodirligini faqat o'zingiz bilasiz) Men tanam bilan aloqam yaxshi bo'lgani, u nimaga qodirligini bilganim uchun bu ishni boshladim va o'z imkoniyatlarimni yaxshi bilaman. Hayotim ostun-ustun bo'lib ketmadi😁

Xullas, kitobda aytilgandek faqat erta turishning o'zi kifoya qilmaydi. Erta turish uchun albatta maqsad qo'yish kerak bo'ladi. Ishni shundan boshladim. 28.11.2023 uchun reja tuzib, o'zimga aslida nega bugun erta turishim kerakligini tushuntirdim. Bugun 07:50 da tanam hech qanday budilniksiz o'zi tushungan holatda uyqudan uyg'ondi. Kecha 01:10 da uxlaganimni inobatga olsak, to'la tetik holatda uyg'onishim uchun 6 soat 40 minut kerak bo'ldi. Uyqu rejimim 8 soatligini inobatga olsak bu tanam uchun shok va hozirgi rejam 00:00 da uxlagan bo'lish.

Hozir 11:30 va kunning yarmigacha, deyarli ikki barobar unumli bo'ldi ishim va o'qishim. Tushunganim erta uyg'onishning o'zi kifoya qilmaydi. Albatta erta uyg'onishdan aniq foydali maqsadlaringiz, uyg'ongandan keyin qilishingiz kerak bo'lgan ishlar bo'lishi kerak)

With love @m1racle_books✨

​​​​#kitob
8,5/10

Uyqu bilan ba'zi muammolarim borligi uchun ishni aynan shuni to'g'irlashdan boshlashni xohladim va shu sababdan bu kitob qo'limga kelib qoldi.

O'zbek tilida kitobni tushinishim, o'qish tezligim yaxshi bo'lgani uchun kitobni bir kunda, aniqrog'i 8 soatda tugatdim. Umuman hikoya uslubida yozilgani, ilmiylashtirib, misollar berilgani menga ko'proq yoqqan jihat. Chunki o'qish jarayonida ilmiy asar bo'lmaganligi uchun charchamaysiz, ammo bir vaqtning o'zida oson asar ham emas.

Kitob qo'limga kelib tushgan vaqtdan boshlab o'z vazifasini kerakli darajada yaxshi bajara oldi(shuning ucun 8,5). Aynan tushunganlarim ba'zi jihatlardan kelib chiqib, o'zim uchun kerakli jadval yaratdim va bugunchalik o'qiganlarim natijasidan keyin o'zimni yaxshi his qildim. Gap uyqu haqida ketsa, menda muammo kam uxlashlik emas. Tamoman aksi ko'p uxlash(8 soat). Aslida ba'zi tadqiqotlarni ko'rganimda 8 soat uxlash mukammal ekanligiga ko'zim tushgan. Biroq ba'zida 8 soat uyqu menda aybdorlik tuyg'usini uyg'otadi. Balki kamroq uxlashdanam ko'ra menga singdirilgan aybdorlik tuyg'usidan qutilishni xohlaganim uchun ham uyqum bilan turli eksperementlar o'tkazishni xohlagandirman. Kitobda keltirilgan faktlarni ba'zilarini tekshirdim va ba'zilarini o'zimda sinab xulosalar yozib boraman. Demak, kitob nomi "Faqat axmoqlargina sakkiz soat uxlaydi" To'g'ri nomi menga ham g'alati tuyildi va axmoq emasligimga ishonch hosil qilish uchun ham tezroq o'qib tugatdim menimcha😅

O'sha gap) Yakuniy xulosa uchun yaxshisi o'zingiz bir o'qib chiqing! Baribir hech qaysi xulosa o'zingiz o'qib o'rganganingizchalik bo'lmaydi. Menga yoqdi va "Ha" o'qishingizni tavsiya qilgan bo'lardim(qilib ham bo'ldim).

@m1racle_books✨