Logic club

#Eslatma

Yetimxonadagi voyaga yetmagan qizlarni zo'rlab nomusiga tekkan amaldorlar qamalmasdan, anglamay nasheed tarqatgan yosh talaba yigit qamoqqa olinishj odatiy holat bo'lganda, yana nimaga ajablanishga haqqimiz bor ?

Sizlarga bir katta sirni ochaman. Hamma narsaning kaliti u.

Sirli masalliqning o'zi yo'q.
©Janob Ping
(Kunfu Panda )

Xulosa o'zingizdan, chuqurroq ham o'ylab turing zerikkanda )

Xayrli kech homosapienslar.

Nima gaplar, kimda qanday yangiliklar ?

9/365

🫥2.465%

INTELLEKTLI ODAMNING BIZ BILMAGAN BELGILARI

Intellektli inson, deganda ko'zoynak taqqan, zilday kitobni ko'tarib yuradigan, darsdan boshini ko'tarmaydigan odam ko'z oldingizga keladimi? Yaqin-yaqin vaqtgacha menda ham shunday edi. Bu tashqi belgilar xolos. O'zini yuqorida aytganimdek tutmaydigan insonda ham IQ baland, miya faoliyati a'lo darajada ishlaydigan, sal kam geniy bo'lishi mumkin ekan.
Quyida intellektli odamning biz bilmagan belgilari bilan tanishtiraman.

1. NIGHT OWL
Inglizlar yarim kechasigacha uxlamaydigan, ertalab turolmaydigan insonlarni night owl deb ataydi. Buni qarangki, intellekti yuqori odamlar yarim kechasi dars qilish va boshqa yumushlar bilan band bo'lishga moyil ekan.

2. PROCRASTINATOR
Bu atama muhim ishlarini doim keyinga surib yuradigan odamni ifodalash uchun qo'llaniladi.
Intellektli odamlar erinchoq bo'lganlari uchun berilgan vazifani bajarmasdan oxirgi muddatgacha cho'zib yurib, so'nggi soatlarda juda katta hajmdagi ma'lumotlar bilan ishlab, hattoki vazifani hammadan a'lo qilib topshirishi mumkin ekan.

3. YUMOR HISSI
Xazil ko'taradigan, o'zi ham gap orasida xazillashishni yoqtiradigan insonlarda intellekt yuqori bo'lishining ehtimoli baland. Intellektli odamlar so'zlarni qanday qo'llashni biladi va suhbatdoshini oddiy gaplar bilan ham kuldira oladi. O'zlari esa uncha-muncha o'xshamagan xazillarga kulmaydi. Puxta o'ylangan, ilmoqli xazillarga reaksiya bildirishlari mumkin. Ayniqsa, qora yumorga o'ch bo'lishar ekan.

4. TARTIBSIZLIK
Daho odamlar tartibsizlikni sevadi, deyishadi. Betartib xona, ish stoli oddiy o'rtamiyona odamning jig'iga tegsa, intellektli odamlarga bu holat yoqar ekan. Narsalar taxlanib tortmada, javonlarda turmasdan, atrofida yoyilib yotishi ularga qulaylik berish bilan birga yangi idealar paydo bo'lishiga xizmat qilar ekan.
Juda qiziq)

5. BOSHQA INSONLARNING KAYFIYATINI HIS QILA OLISH
Ko'p hollarda kunimiz rasvo o'tsa, depressiyada bo'lsak, buni maska ortiga yashirib, kulib turishga harakat qilamiz. Intellektli odamlar do'sti, yaqinlari "yaxshiman, hamma joyida" degani bilan aslida qay ahvolda ekanligini his qila olar ekan.

6. JUFT TANLASHDA QIYNALISH
Mos juft tanlash o'zi hech bir inson uchun oson ish emas. Ammo intellektli odamlarda bu jarayon juda qiyin kechar ekan. Osonlikcha sevib qolisholmaydi.
O'tkinchi hissiyotlar va simpatiyaga tayanib jiddiy qarorlar qabul qilib, relationship o'rnatishmaydi.
Bundan tashqari, intellektli odamlar introvert xarakteri sababli yolg'izlikdan zerikishmagani va har bir ishni mustaqil bajarishni afzal ko'rgani sababli relationshipga ehtiyoj sezmaydi.

7. SO'Z BOYLIGINING YUQORILIGI
Intellektli odamlar kitoblarda, ko'cha-ko'yda, odamlar orasida, mediada ishlatilgan bejirim, noodatiy so'zlarni eslab qolishga moyil bo'ladi va ko'pincha nutqida qo'llashi mumkin. O'zbek tilining native speakeri bo'lsangiz ham, siz bilmagan C2 darajadagi so'zlarni ishlatib qolishsa ham hayron qolmang. Bundan tashqari, intellektli odamlar juda ko'p maqol va frazeologizmlarni bilishadi.

8. BILIMIGA SHUBHA QILISH
Intellekti yuqori bo'lgan odamlar hech qachon o'zini aqlli deb hisoblamas ekan. Internetda, atrofidagi odamlarga qarab, o'z intellektiga past baho beradi. Va biror narsani bilishini isbotlashga harakat qilmaydi.
Savol bersangiz, javobi "bilmadim" bo'ladi. Muhokamali mavzular va debatlardan uzoqroq yuradi.

9. FAROSAT
Men doim "Farosat intellekt bilan birga yuradi" deb hisoblaganman. Farosati oliy darajada bo'lgan inson odamlar orasida o'zini qanday tutishni, qayerda nima deyishni, shaxsiy chegaralarni, haddi qayergacha ekanligini juda yaxshi biladi.

Men bilganlarim hozircha shular. Do'stlaringiz va oila a'zolaringizning xatti-harakatlarini kuzatib ko'ring-chi, balki shu kungacha intellektli insonlar atrofingizni o'rab turganini sezmay yurgandirsiz.

Fikringiz o'zingiznikimi ?


🔎

1. Ilm - meroslarning yaxshisi.
2. Odob - kasblarning yaxshisi.
3. Taqvo - to'planadigan narsalarning yaxshisi.
4. Ibodat - amallarning yaxshisi.
6. Yaxshi xulq - yaqinlarning yaxshisi
7. Qanoat - boyliklarning yaxshisi.
8. Tavfiq - yordamlarning yaxshisi.
9. O'lim - odob beruvchilarning yaxshisi.

© Ali r.a. - ilm shahrining eshigi

P.s: Ilm-fan dengizdir,
ko'rinmas unda had.
Tolibi ilm g'avvosdir,
bunda to abad.

😎 @Logic_klub

Eng qimmat narsalar - o'rgatsa bo'lmaydi, lekin o'rganib bo'ladigan narsalardir.

Masalan: Intizom, ma'suliyat ...

Kimdir tomonidan o'rgatilinmaydi, o'zingiz o'rganasiz.

🤩 @Logic_klub - dunyoni to'g'ri anglang

2-qism

Inson tug'iladi, yeb-ichadi, kiyim alishtiradi, oila qurib nasl qoldiradi va o'ladi.
Hayvonlar tug'iladi, yeb-ichadi, post-teri alishtiradi, juft topib nasl qoldiradi va o'ladi.
Qo'pol o'xshatishim uchun uzr so'ramayman. Toki ular ongli bo'lmaguncha farqi qolmaydi.
Istasangiz ayrim "e'tiqodi kuchlilar" uchun ham iqtibos keltiraman. Shayx Muhammad Sodiq Muhammad Yusuf hazratlari

"Hadis va hayot" kitoblarida:
Alloh taolo hayvonni yaratdi, nafs berdi, ong bermadi. Farishtani yaratdi nafs bermadi ong berdi. Odamni yaratib nafsni ham, ongni ham berdi.

Yoki nafsga qul bo'lib hayvon, yoki nafsni qul qilib farishta bo'lish imkoni bor.

Men hech qanday tizim, boshqaruvni targ'ib qilmayman va yoqlamayman. Men shunchaki insonligimni anglashga urinaman va shundaylarni qidiraman. Men gapirganimdek emasman.


Hayotdan maqsad - mana shu narsani insonlarni qaysidir ma'noda qadrini belgilashga arziydigan narsa deb bilaman. Hayotdan maqsadi aniq bo'lgan inson baxtli bo'ladi. Men bundan boshqa biror faktorga qarab insonga baho bera olmayman va umuman insonlarga baho bermayman chunki maqsad har kimning ichida va amalga oshmaguncha bilinmaydi.

Barcha muammolarning ildizi - ilmsizlikdir. Jamiyatning farovon hayot negizi esa - ta'lim.

©Akmaljon

1-qism

" Logic club " loyihaning asosiy maqsadlari aslida juda katta. Bu katta loyiha bo'lishi va ko'plab yaxshi ishlar qilishi, qaysdiri ma'noda jamiyatga foyda keltirishi kerak. Albatta, bu osonlikcha va tezda bo'lmaydi, shuning uchun buni boshlagan vaqtim hammasiga tayyor bo'lgan edim. Yuqoridagi postda ham loyiha haqida ozroq ma'lumot berilgan.

Barcha ishlarni qilishdan maqsad faqat va faqat jamiyatga foyda keltirish. Yaxshilik qilish "zanjirini" davom ettirish.

Bepul kutubxona, hashar, volontyorlik kabi ishlarni kuchaytirgan holda ta'lim, va mediani filtrdan o'tkazish zarur.

Ta'lim - jamiyatimizning va o'zimizning eng og'riqli nuqtamiz. Barchamiz qaysidir noto'g'ri ta'limning qurbonlarimiz. Barchamiz tizimdagi "pretsitut"larning qurbonlarimiz. Barchamiz "jamiyatning bosimi" qurbonlarimiz. Bularni tan olish vaqti o'tib ketgan. Tuzatish esa mavhumlik jarligida.

Media - barcha ijtimoiy tarmoqlardagi yaxshi va yomon blogerlar bizning talabimiz ta'sirida shakllangan. Ha, siz va mening talabim ta'sirida. Qozog'izton aholisi qilayotgan chellenj judayam zo'r bo'ldi. Bizga ham shunday filtrlovchi chellenjlar kerak. Toki, o'zimiz va o'zimizdan keyingi avlodlar zaharlanmasligi uchun biz blogerlarni istemolga yaroqli va yaroqsizga ajrataylik.
Demak foydali blog, kanallarga obuna bo'lib, foydasiz va keraksizlarni maksimal bloklaylik va boshqalarni ham shunga chorlaylik.

Hashamatli hayot, yengil va oson hayotni targ'ib qilinishi natijasida ko'pchilikning tezroq va ko'proq pul topgisi keladi va tavakkalga asoslangan (qimor) o'yinlarga ehtiyoji ortadi. O'zganing hayotiga hasad hissi kuchayadi. Bu oqibatida biror kasb-hunarni, ilmni qunt bilan, sabr bilan o'rganmaydi, mutaxassis bo'lmaydi. Va aniqki bundaylarga yuqori maosh berilmaydi. Hammadan norozi, alamzada, agressivlik yuqori jamiyatimizda bu holat ko'paymoqda.

Qizlarning ham o'z navbatida hamma taraflama mukammal yigitlarni talab qilishi kuchaygan. Blogerlar uy, mashina, qimmatbaho buyumlar sovg'a qilishi oddiy holdek tuyulishi natijasida o'zi yashab turgan hayotdan norozilik kuchaymoqda. Shu oqibatida o'zlari tug'ilgan, o'zlari qurgan oilalarida tinchlik va halovat yo'qoladi.

Dunyodagi 80% odamlarda ro'y bergan statistikani namoyon qilaman :
Ular 1000$ oylikka norozi, agar qo'shnisi 1200$ topsa.
Ular 700$ oylikka rozi, agar qo'shnisi 600$ topsa.
Odamlar 30% kamroq pul topishga rozi, qo'shnisi undan kam pul topganda.
Biz shunchaki o'zimiz baxtli bo'lishimiz kerak, boshqalardan baxtli bo'lishga majburmasmiz

Mening shaxsiy fikrimga ko'ra inson asosan 10-15 yil vaqtda olgan, o'rgangan ilmi va hunari bilan butun umr yashaydi. O'rtacha 10-25 yosh oralig'ida siz darslik, turli kitoblar o'qiysiz, ilm olasiz, hunar o'rganasiz va shu bilan butun umr yashaysiz. Qolgan vaqtda passive o'rganuvchisiz.
Shunday ekan hozir eng dolzarb vaqt. 10-25 yoshida o'qimagan, o'rganmagan insonni kelajagi xarob bo'lish ehtimoli ham katta. Men faqat hamma o'qishi kerak deganda oliygohlarni nazarda tutmayapman, kitob o'qing, kursga boring, kasb-hunar o'qing va eng muhimi odamlardan o'rganing ular tayyor o'rgatuvchi. Har yo'nalishda mutaxassis bo'lmaguncha izlanish kerak.

Hozir yozayotgan narsalarim bilaman ayqash, chunki muammolar ko'p. Unutmanggi baxtimizga yechim ko'p emas. O'qish-o'rganish, izlanish orqali hammasiga yechim topsa bo'ladi. Men o'qigan inson baxtli va boy bo'ladi demayman. O'z kasbida mutaxassis bo'lgan inson eng kerakli inson bo'lishi bilaman.

©Akmaljon