Lirika

IKKIMIZ IKKI

Hozirgina Facebook va Instagram sahifalarimizga She’riy Konsertdan parchalar qoʻya boshladik. Koʻring va munosabat bildiring.

Tez kunda Youtubeda Premyera.

Obuna boʻlishni unutmang!

@lirika_loyihasi

“DILI QANI BEDILNING?..”

Hayot bor ekan, jaholat bor, ma’naviy tahdidlar bo‘lishi tabiiy. Jaholat va ma’naviy tahdidlarga qarshi eng mustahkam himoya bu hissiy tarbiyadir. Inson his-tuyg‘ulariga ta’sir etish borasida she’riyatdek ta’sirchan, go‘zal va ehsosli yo‘l bo‘lmasa kerak.
She’riyat bo‘stoniga sayr etmagan, umrida she’r yodlamagan, mutolaa qilmagan, his-tuyg‘ularini she’r orqali baham ko‘rmagan inson yo‘q. Negaki she’r inson tuyg‘ularini junbushga keltiradi, dard-u hasratlar, quvonch-u shodliklarga oshno etadi.
Kuni kecha fargʻonalik yoshlar muhim loyihani xalqimiz orasida amalga oshirdi. Ularning tashabbusi bilan Farg‘ona viloyat axborot-kutubxona markazida uyushtirilgan "Dili qani Bedilning" deb nomlagan she’riy konsertga taniqli shoir Aziz Said tashrif buyurdi.

Ushbu tadbir zulmat ichra maxsus kompozitsion ko‘rinish bilan boshlandi. O‘ziga xos musiqa, sahna ko‘rinishi barchani rom etdi. Ayniqsa, sham yorug‘ida shoir tomonidan o‘qilgan she’rlar bizni xayolot olamiga yetaklab, vujudimizni lahza sayin qamrab olardi. Shoir esa mayin musiqaga hamohang she’rlar o‘qir, avj pardalarda ongu shuurimizga asta-asta kirib borardi. Deyarli ikki soat mobaynida dunyo tashvishlari unutildi, o‘zgacha bir ehsosotlar olamiga kirib bordik. Badiiy kechada ishtirok etgan yuzga yaqin she’riyat ixlosmandlari she’riy konsert yakunida o‘rnidan turib, yarim soat qarsaklar bilan samimiyat izhor etdi. Bu qarsaklar shoirning iste’dodiga, go‘zal she’r olamiga va tashkilotchilarga atalgan edi. Qarsak sadolari og‘ushida qolgan shoir zalni tark etgisi kelmas, muxlislar ham xayrlashgisi, hislar girdobidan uzoqlashgisi kelmas edi. Xullas, so‘z bilan aynan tasvirlab bo‘lmas o‘zgacha muhit, ajib manzara hukm surdi.
Bugun biz, nafaqat adabiyotga qizuquvchilar, balki butun xalqimiz mana shunday go‘zal kechalarni o‘tkazishimiz, qadrlashimiz, qatnashishimiz nihoyatda zarur. Erkin Vohidov aytganidek:

"Kel, ey ko‘nglim,
Kel, muhabbat!
She’r zavqiga qonaylik,
O‘tda yonish bo‘lsa faqat,
She’r o‘tida yonaylik".

Navbatdagi she’riy konsertda ko‘rishguncha! Farg‘ona adabiy muhiti mana shunday foydali va mazmunli loyihalar bilan mustahkamlanib boraversin!

Hikmatullo Doʻstmatov

@lirika_loyihasi

“CHAYQALAYOTIR RUHIM…”

Nitsshe umid haqida fikr bildirib, uni "yovuzliklarning eng yomoni, kishi azoblarini uzaytirguvchi" deb atagan. Juda toʻgʻri aytilgan. Kishi baʼzan umidsizlikka tushganida oʻzini erkinroq sezishi bor gap. Biroq butunlay umidsiz yashash ham hayotdan hafsala sovushiga olib keladi.

Atrofda boʻlayotgan baʼzi oʻzgarishlardanmi, bilmadim, yaqindan beri juda tushkun kayfiyatda edim. Kelajak-pelajakka ishonch deyarli qolmagandi. Kecha @lirika_loyihasi tashkillagan ustoz shoir Aziz Saidning sheʼriy konsertiga borib, balkim, hali umid bordir, deb oʻylab qoldim.

Konsertning oʻzi aʼlo darajada oʻtdi. Ustozning toʻgʻri yurakka oqadigan sheʼrlarini oʻz ovozida, oʻz ohangida eshitib qalblarimiz yayragan boʻlsa, konsertga kelgan yoshlar, oʻquvchilarni koʻrib, yana quvondik. Demak, yoshlar orasida hali sheʼrsevarlar, faqat moddiyatni emas, maʼnaviy ozuqani tusaydiganlar ham bor ekan. Demak, haliyam umid bor.

Bu kichik tadbir, u yerda yigʻilgan kishilar butun Oʻzbekiston miqyosida bir hovuchdek koʻrinar. Biroq Vatslav Gavel "Kuchsizlar kuchi" da aytganidek, shunday kichik, ammo oʻta sifatli loyihalar orqali bitta, beshta, oʻntagina odamni oʻzgartirib, yakunda butun millatlar kelajagiga taʼsir oʻtkazish mumkin.

Shunday ekan, tadbirni yanada rivojlantirish, qoʻllab-quvvatlash, hamma narsa chalkash, yugurik zamonda biroz boʻlsa-da, tin olib, ruhingizni davolash uchun keyingi konsertlarga, albatta, keling.

Yakunda tagʻin loyiha ishtirokchilari, tashkilotchilar va homiylarga, ustoz Aziz Saidga, aktyorlar jamoasiga chin yurakdan tashakkur aytaman. Zero, sizlar qilayotgan kichikdek koʻrinadigan, biroq zalvorli bu ish hali oʻz mevasini berib, yuzlab kishilar ruhiga malham boʻlishi shubhasizdir. Rahmat.

Umid Gʻofurov

@lirika_loyihasi

FIKR

Kechagi she’riy konsert haqida qanday fikrdasiz? Xayolingizdan nimalar oʻtdi?

Fikrlaringiz biz uchun juda muhim (tanqidiymi, tahliliymi, farqi yoʻq. Muhimi, fikr boʻlsin.) Oʻz sahifalaringizda ulashing. Shaxsiyga ham yuborsangiz, bizam oʻz sahifalarimizda berib boramiz.

@lirika_loyihasi

🙅🏻‍♂️ "O'zbeklar har doim kech qoluvchi xalq" emas

Yana bir bor eslatma, konsertimiz 16:30 da boshlanadi. Undan keyin emas.

✳️ Aytgancha, konsertga kelganingizda sizda Aziz Saidning "Vaqt manzili" kitobini sotib olish imkoniyati bo'ladi.

📍Konsertga kelishda yo'lni yo'qotib qo'ymasligiz uchun:

https://g.co/kgs/qosKB8f

@lirika_loyihasi

🎉 She'riy sayohatga tayyormisiz?

Ertaga katta kun azizlar! Lirika loyihamizning ilk qadami. Har biringizni qo'llab-quvvatlovingiz biz uchun katta narsa!

🥸 Aytgancha, mana bularni erta kelayotganda uyda qoldirib kelmang tag'in:

✔️ Chipta va vaqt – 16:30 gacha yetib keling;
✔️ Hushyor qalb – ertaga his qilinadigan she’rlar ko‘p axir;
✔️ Ruchka va daftar – ilhom qachon kelishini hech kim bilmaydi;
✔️ Yangi tanishuvlarga ochiqlik – axir boshqa shoir va adabiyotsevarlar ham shu yerda bo'ladi.

🗺 Aytgancha, kim qayerdan kelayapti o'zi?

❤️ Farg‘onadan – yurakcha
👍 Boshqa hududdan – layk bosing va izohda qaysi viloyatdan ekaningizni yozing.

🔥 Qani ko‘raylik-chi, eng ko‘p adabiyotsevarlar qayerdan ekan?)

@lirika_loyihasi

📖 Bu mashhur iqtiboslar qaysi asardan ekanini bilasizmi?

"O‘z taqdiring yo‘lidan yurishingga muhabbat hech qachon xalal bermaydi. Agar xalal bersa, demak, u umumbashar tilida gapira oladigan asl muhabbat bo‘lmaydi."

Yoki

"Har kimning orzusi boshqa, ko‘radigan tushi boshqa. Yodingda tut, nimani xohlaganingni doim aniq bilishing kerak!"

Agar topgan bo‘lsangiz, yana bir savol:

Indinga bo‘ladigan konsertimizning asosiy qahramoni – aynan shu asarning tarjimoni ekanini bilarmidingiz? 🧐

💬 Javobingizni izohlarda kutamiz! @lirika_loyihasi

She’riy Konsertimiz mehmoni Aziz SAID haqida fikr, izoh qoldirishingiz uchun post.

@lirika_loyihasi

* * *

Deraza yonida o‘tirasan,
Issiq xonang, yumshoq o‘rinda.
Qayoqqadir borishing kerak,
Fursat borday ko‘rinar senga.

Darpardani surib qaraysan,
Zerikishdan to‘lib ketsa dil.
Sokinlik. Cho‘zilib yotar ko‘chada,
Mashinalar bosib ketgan yil.

Fursat borday ko‘rinar senga...

"Dil qani Bedilning" kitobidan, Aziz Said

@lirika_loyihasi