LIDERLAR

ФОРДНИНГ КУТИЛМАГАН ҚАРОРИ

Бир куни «Ford Motor Company» асосчиси Генри Форд ёрдамчисини ёнига чақирибди:
– Барча директорлар билан боғланиб, кейинги ҳафтанинг бошида меҳнат таътилига чиқишини айтасиз. Улар учун Кариб денгизи бўйлаб саёҳат уюштирасиз. Сайёҳлик компаниялари билан гаплашиб, энг яхши кема, энг нуфузли меҳмонхоналардан жой буюртиринг. Ходимларимиз бунга арзийди.
– Хўп бўлади, сэр, – деди ёрдамчи итоаткорлик билан. – Фақат бир нарсага тушунмаяпман, нега ҳамма раҳбарларни бирдан жўнатмоқчисиз? Бу ишлаб чиқариш суръатига таъсир қилиши...
– Илтимос, тезда ишга киришинг, – деди Форд.
Ёрдамчи шу заҳоти ишга киришди. Саёҳат бир ой давом этди. Бу муддат ичида компания раҳбар ходимлари Мексика, Колумбия, Ямайка, Гондурас, Аруба, Никарагуа, Гаити сингари ўнлаб мамлакатларда бўлишди. Беш юлдузли меҳмонхоналарда тунаб қолишди. Бу давлатларнинг энг диққатга сазовор масканлари, қадимий обидалари билан танишишди.
Хуллас, бир ойлик саёҳат тугаб, ҳамма ўз иш жойига қайтгач, Генри Форд яна ёрдамчисини ҳузурига чорлади.
– Хўш, ходимлар саёҳатдан мамнунми? – сўради у яна ҳужжатлардан бошини кўтармай.
– Улар сиздан бениҳоя миннатдор, – деди ёрдамчи. – Саёҳат жуда зўр бўлди, дейишяпти. Ҳар бирининг...
– Мана сизга иккита буйруқ, – деди у икки варақдаги рўйхатни ёрдамчисига тутқазиб. – Ишга киришинг.
Ёрдамчи иккита буйруққа кўз ташлаб, қотиб қолди. Уларнинг бирида саёҳатга чиққан ходимлардан бир гуруҳининг маошини икки баравар ошириш, иккинчи рўйхатга киритилган ходимларни эса ишдан бўшатиш белгиланганди. Бу қанақаси бўлди? Уларнинг барчаси бирдек ишлаган, саёҳат пайтида бирортаси хатога йўл қўймаган бўлса?
– Фақат, битта нарсани тушунмаяпман, сэр...
– Мен ҳаммасини тушуниб турибман, буйруқларнинг ижросини тезлик билан таъминланг!
Бу билан Форд қўл остидаги раҳбар ходимлар ишни қандай йўлга қўйганини текширмоқчи эди.
Бошлиқ йўқ пайтда ҳам яхши иш кўрсатган бўлимларнинг раҳбарларини мукофотлаган, қолганларини ишдан бўшатган.

👉Инсон ҳаёти давомида кўплаб босқичлардан ўтади. Болалик, ёшлик ва етуклик давримизда кўплаб инсонлар билан учрашиб, ажрашамиз.

👉Ҳаёт улар билан бизни маълум мақсадда тўқнаштиради. Лекин бир умр биз билан бирга қолувчи – бу ўзимиздир.

👉Ҳаракат қилингки, ўзингизга кўпроқ шодлик ва қувонч бахш этишга. Буни бошқалардан кутишнинг ҳеч кераги йўқ.

👉Сиз ўзингизни, хоҳиш-истак ва дидингизни яхши биласиз, шунинг учун ҳар бир  имкониятдан фойдаланиб, ўзингизни хурсанд қилинг.

​​КУН ҲИКМАТИ

Қуёш бўлолмаслигинг аниқ, ҳеч қурса фонус бўл!
Милтиллаб бўлса ҳам, тутаб бўлса ҳам, ён!
Қандай ёнганинг муҳим эмас.
Сени эслашганда "У ёнар эди" дейишсин...

Кичкина бўлса ҳам, боғинг ва кутубхонанг бўлса – сен бошқа ҳеч нарсага муҳтож эмассан.

Bugun Liderlar kanali tashkil topgan kun!!! Bundan 6 yil avval shu kuni kanalni yuritishni boshlaganman! Ko’pchilik shunda ishonmagandi. Barchaga raxmat biz bilan birga bo’lganiga!!! Tez kunda katta yangiliklar bo’ladi!!!

Муваффақиятли инсонларнинг ўзига хос 20 та хислати:

1. Бошқалар қила олмаган ишни, улар йўлини қидиришади шунчаки қўл силтаб кетишмайди;

2. Бошқалар омадсизлик деб билган нарсаларни, улар ҳаёт сабоқлари деб ҳисоблашади;

3. Улар аниқ ўйланган режаларни қабул қилишади;

4. Бошқалар омадни кутиб ўтирса, улар омадни ўзлари қидиришади;

5. Бошқалар каби уларда ҳам қўрқув бор. Лекин қўрқув уларни бошқаришига йўл қўйишмайди. Улар қўрқувни шунчаки хавотирланиш деб ҳисоблашади;

6. Улар шундай саволлар берадики, жавоби инсонни чуқур ўйлашга мажбур қилади;

7. Улар арз қилмайди – арз қилиш ортиқча куч сарфлаш деб ҳисоблашади;

8. Улар бошқаларга айб юклашмайди. Аксинча барча қилган ҳаракатлари ва уларнинг натижалари учун тўлиқ маъсулиятни ўз бўйнига олишади;

9. Уларда ғайритабий талант бўлмаслиги мумкин, лекин улар ҳар доим муоммони ҳал этиш учун максимал ечим топа оладилар. Улар ўзларидан кўпроқ нарсани талаб этишади;

10. Улар жуда банд, самарали ва пунктуал инсонлардир. Қаерда бўлмасин улар атрофдагиларнинг ўзларини худди ишлаётгандек тутиб вақт ўтказишаётганини муҳокама қилмасдан, чин дилдан берилиб ишлашади;

11. Улар ўз мақсадларига етишишда атрофига энг самарали таъсир кўрсатадиган бир фикрли инсонларни йиғишади;

12. Улар ўзларига "нега энди мен эмас" деган саволни беришади. Бу эса оқим бўйича сузмасликга ёрдам беради;

13. Бошқалар ўз ҳаётини четдан кузатаётган бир пайтда, улар ҳаётларини қандай бўлишини аниқ тасаввур қила оладилар ва шундай бўлишига ҳаракат қиладилар;

14. Улар тақлид қилмайдилар, балки ўз йўлларини кашф қиладилар;

15. Улар ўз ишларини ортга сурмайдилар, бундан кўринадики, улар ҳаётда бирор нарсани кутиб яшашмайди;

16. Улар бутун умр ўрганишда чарчамайдилар. Ҳар қандай ҳаётий тажриба улар учун дарсдир;

17. Улар оптимист одамлар, шу сабабли ҳар нарсани фойдали томонини кўра олишади;

18. Улар ўзларини қандай ҳис қилишларидан қатъи назар, қилишлари керак бўлган ишни қиладилар;

19. Улар молиявий, ҳиссий, касбий ва руҳий томонлардан таваккал қилишдан қўрқишмайди;

20. Улар муаммолардан қочишмайди, аксинча уларга тик қарашади.

Муассаса раҳбарининг инқирози нимада?

- Бировни ёмонлаб кирган кишига қулоқ солганида;
- Ўзини ҳаммадан кўпроқ биламан, деб ўйлаганида;
- Маддоҳларни олқишлаб, ҳақ талаб қилувчиларни ёмон кўрганида;
- Кибрланиш ва манманликка берилиб кетишида;
- Ходимларни нафсониятига тегишида;
- Ўтирган жойи унинг учун деб билишида;
- Кўпчилик олдида шахсий хулоса ёки муносабатини айтиб юборганида;
- Ортиқча мактовни ҳазм қилишида;
- Йил бошида йил охиридаги аҳволни тасаввур этмаганида;
- Маҳаллийчилик ва таниш-билишчиликка берилганида;
- Ходимлар билан ўчакишганида;
- Фидойиларни рағбатлантиришни унутганида;
- Нафақага чиққач, нима иш қила олишини аниқ билмаганида;
- Ўзини арз қилувчининг ўрнига қўя олмаганида.