LEGAL MIND

O'zbek blogosferasini uch xil davrga ajratish mumkin:

2017-2019 — yillar: tanqidlar mavsumi, tanqidiy yo'nalishdagi blogerlar avjiga chiqdi, odamlar qiziqdi;

2020-2022 — yillar: motivatorlar davri, butun internet biznes trenerlar, infosiganlarning chiqishlari bilan sug'orildi;

2023-yildan hozirgacha: kurs sotuvi davri, deyarli barcha sohada sharlatanlar sotuv yo'lga qo'ydi, milliardlab pul aylandi.

@legal_mind

Universitetdagi darsga kiradigan, uylanmagan ustozini sevib qoladigan qizlardan boshqa barchaga xayrli tun:)

@legal_mind

Qonun bo'yicha, soqqasini to'lasangiz Milliy gvardiya sizni ham, uyingizni ham qo'riqlashi mumkin. Dildora Niyozovani ayblash xato.

@legal_mind

Mask USAIDni jinoiy tashkilot deb atashi ortidan, ushbu tashkilotga bog'liq kriminal proyektlarni ham ketma-ket ochiqlashni boshlab yubordi.

USAID bioqurollar ishlab chiqarishga, xususan, Uxandagi COVID-19 virusi kelib chiqqan laboratoriyani ham moliyalashtirishda ayblanmoqda.

AQSH Davlat departamenti sobiq mulozimi Mayk Benz USAIDni senzura, jamiyat ustidan siyosiy nazorat va CIAning razvedkalarida asosiy rol o'ynaganini aytdi.

O'zimizda ham USAIDni keng targ'ib qilganlar, grantlarini yutganlar, moliyalashtirilganlar, umuman, shu tashkilot bilan ishlaganlarni nazoratga olaverish kerak.

Mana nima uchun bizda so'z erkinligi deb gapirganlar, jurnalistlar va blogerlarga panja ortidan qaraydi davlat. Chunki, rostdan ham chet el proyekti bo'lgan OAV qatlami bor.

P/s: ayrim xoin blogerlarni bilib olamiz bu ketishda)

@legal_mind

Agar parlament deputatligiga kimlarni nomzod sifatida ko'rsata olasan deyishsa, Hamid Sodiq va Otabek Bakirovni aytgan bo'lardim:)

@legal_mind

Hozir kompyuterxonada "Counter strike" o'ynab o'tirgandik. Tahminan, 30-40 ta odam bor edi. Birdaniga qo'riqlash bilan IIB xodimlari kirib keldi.

Kompyuterlar o'chirildi. Bizga pulni foydali narsalarga sarflash bo'yicha ma'ruza o'qildi. Ichimizda tergovchilar, pomochniklar bor edi. Kulib eshitdik.

Qiziq, Toshkentda biron marta shunaqa reydga tushmaganman. Game zonelar erkin ishlardi. Oddiy viloyat bilan poytaxtni farqini qarang.

Umuman, bu narsaga qarshi kurashish kerak emas. Normal qabul qilish kerak. Kimdir ishdan charchab chiqqan, o'zini shu bilan chalg'itadi va hokazo.

Boshqa tomondan bu biznes uchun ham zarar. Ya'ni kompyuterxonani ochgan tadbirkor hozirgi vaziyatda bir qancha mijozlaridan ayrildi.

Xullas, bizda gaz tugaydi, svet tugaydi... (davomini bilasiz)

@legal_mind

Menga eng yoqmaydigan urf-odatlardan bittasi — bu yangi kelinlarni har kuni saharlab ko'chaga suv sepib, supurgani chiqishi bo'lsa kerak. Bu odatni dinga aloqasi yo'q. Ko'chani haftada bir marta tozalab qo'ysa yetadi-da, nima demadinglar?)

@legal_mind

Yaqiiin do'st(lar)ingizni boshqa birontasi bilan yurganini, sizsiz ovqatlanishga yoki kontrga borganini, kim bilansan desa falonchi bilan deganida ichingizdan jahlingiz chiqadi. Do'stlar ham rashk qilinarkanda:)

@legal_mind

Masalan, do'konlarda sotiladigan gullarning narxi bor. Atirgul yigirma ming, gortenziya oltmish ming, lola o'n besh ming, xrizantema undan ham arzon va hokazo.

Bu gullar chiroyli saqlanib turishi uchun parvarish qilinadi, xidlantiradigan va qotirib ushlab turadigan har xil prelestlar sepiladi va hokazo, xullas, yaxshi saqlanib turishi uchun ma'lum muddat xarajat qilinadi.

Keyin kimdir shu gullarni sotib oladi. Uch kun, bir hafta yoki o'n kun ya'ni chiroyli vaqtlarida e'zozlanadi. Qurib, o'z chiroyi va tabiiyligini yo'qotganidan keyin tashlab yuboriladi, baribir.

Huddi shu gullar ba'zi xonadonlarda o'stiriladi. Faqat boshqa maqsadda. Ular niholligidan tortib to g'unchalari ochilgunigacha, keyin o'zi qurib qolgunigacha parvarish qilinadi.

Qo'yingki, xonadonlardagi gullarni egasi bor. Bog'boni bor. Qaysidir oilalarda ona, yana boshqalarida ota parvarishlovchi bo'ladi. G'unchasi ochilsa, uzdirmaydi, himoya qiladi va hokazo.

Xullas, kundalik hayotimizda narxi bor gullar va xonadondagi bebaho gullarning ikki xil taqdiridagi yakunni uchratamiz. Ha, gap gullar haqida emasdi:)

@legal_mind

Masalan, tahminan 2010-yillargacha o'qituvchisi bor xonadonlar kommunal to'lovlardan ozod qilingan edi.

Aslida huddi shu siyosatni davom ettirib, kamida 2020-yillargacha o'qituvchilarga foizsiz yoki kam foizli ipoteka, avtokreditlar berilishi kerak edi.

Shunda, hozirgi har xil sertifikat, toifa imtiyozlari bilan o'n million atrofida maosh oladigan o'qituvchilar toifasi yanada ko'payardi.

Xullas, ta'lim sifati o'qituvchilarga bog'liq. Agar ular raqobatbardosh maosh va imtiyozlar olmasa, do'konda sotuvchilik yoki haydovchilik qilishni tanlab ketib qoladi.

Natijada, farzandlaringiz sifatsiz o'qituvchilar qo'lida ta'lim oladi. Oxiri sifatsiz kadrlar yetishib chiqadi. Va davlat xizmati noprofessionalizm bilan sug'oriladi.

Oxirgi natija, yutqazgan ham xalq, ham davlat bo'ladi.

@legal_mind

Bir do'stimiz ayoli bilan nikoh shartnomasida shunday bandni kiritib ketibdi: farzandli bo'lganidan keyin agar ayolning vazni 63 kgdan oshib ketsa, u mashina haydash huquqidan mahrum qilinar ekan:)

@legal_mind

Xullasda, instagramda shunga o'xshash trend ketyapti. Instagramdagi barcha «ekspertlar»ni jiddiy olmaslikni tavsiya qilaman. Layk uchun qilinadigan kontent adekvat chiqishi qiyin.

O'zbek insta segmenti hech qachon intellektlar kontenti bilan to'lmaydi. Chunki insta auditoriya — bu miyasi fikrlamaydigan, hayp va yengil mavzularni qabul qiladigan qatlam hisoblanadi.

Eng yaxshisi, to'g'ri yo'lni qizlar onasidan, yigitlar otasidan olsin. Ular qilma degan ishni qilmasin, всё:)

@legal_mind

Man отношения qilmayman, agar u qiz mahrni bilib, 40 farzni sanab berolmasa:)

Man отношения qilmayman, agar u qiz ingliz tilini bilmasa:)

Tug'ilgan kunimda o'zim uchun kichik sotsial eksperiment o'tkazib ko'rdim. Biz o'zbeklarda juda ko'pchilik bir-birini instagram storieslarda tabriklaydi, bilasiz. Bu haqida oldin ham yozganman.

Bu safar ataylab tug'ilgan kunimni o'zim qo'ygan hikoya orqali boshqalarga bildirmadim. O'zi eslab kun davomida stories qo'ygan yaqinlarimga ham instagramim ishlamayapti deb bahona qildim.

Maqsad kim aslida kimligini, haqiqiy oqibat, do'stlik va hokazo deb boshingizni og'ritmayman. Tug'ilgan kunda tabriklash ham mutlaqo insonning ixtiyoridagi narsa va majburiyat emas aslida.

Oldingi yillardagi «tabriklaydigan» juda ko'pchilik ichidan ozchilik chiqib, mustaqil eslab tabriklashdi. O'zim mazza qildim. Ular ham hech qanday bosimsiz va chin ko'ngildan qilishdi deb o'yladim.

Albatta, tabriklash huddi salom-alik kabi insonlar bilan aloqalarni yaxshilaydigan diplomatik va etik vositalardan biri. Masalan, kecha tabriklaganlarga juda-juda hurmatim, mehrim oshdi.

Men hayotimdagi eng yengil va samimiy kunlardan birini o'tkazdim. Instagram odamlarni aldaydi. Sizga ham tug'ilgan kuningizda shunday eksperimentni tavsiya qilaman, qo'rqmang:)

@legal_mind

Husanovning xatosidan keyin ko'plab rus kanallari va ba'zi qo'shnilarimizning futbol ekspertlari yozgan postlar ularning qayeri lovullab yonayotganini ko'rsatib qo'ydi. Aslida xursand bo'lishi kerak ular ham.

Sababi, Husanovning agenti G'ayrat Hasbullin ruslarning «chempionatru» saytiga bergan intervyusida, bu transfer atrofidagi voqealardan keyin Markaziy Osiyo kontingentiga ko'plab top klublarning skautlari e'tibor qaratyapti, ular kuzatyapti deb aytdi.

Izolyatsionizm hech qachon rivojlanishlarga sabab bo'lmagan, bo'lmaydi ham. Biz qanchalik dunyoga ochilsak, qo'shnilardan tortib turkiy xalqlargacha ko'proq integratsiyalashsak rivojlanamiz. Boshqa sirli masalliq yo'q.

Xullas, Husanovning uch kunlik mashg'ulotlardan keyin asosiy tarkibda muhim o'yinda jangga tashlanishi va buning ortidan xatosi bilan golga sabab bo'lishi, kartochka olishi — barchasi Gvardiolaning zimmasidagi ish/xato/mas'uliyat.

Hatto Mbappening ham Realdagi adaptatsiya jarayoni qanchalik vaqt olganini ko'rdik. Jamoaga moslashib ketish uchun ko'proq o'yinlar va vaqt kerak. Bugungi match Husanovning talanti va darajasini savol ostiga qo'ymaydi.

@legal_mind