Kuzatuvchi blogi👀

Uzoq urinishlardan so'ng, vanihoyat kinoteatrga tushdim(uzoq urinish deganimning sababi bundan oldin bir nechta filmlar premyerasiga tushish niyatim bo'lgan-u, lekin imkonim, vaqtim bo'lmagani uchun tusholmay yurgandim😁).
Xullas, bugun premyerasi 'sabrsizlik' bilan kutilgan "Spider-Man. No Way Home" filmini tomosha qildim. Vaay, kinomisan kino, daxshat! Spoyler aytish niyatim yo'q, ammo kinoni nafaqat action janridagi film, balki haqiqiy drama desa bo'ladi. Aktyorlar jamoasi 'vashshee' deganidan)) Bir paytlar Farmonov aytganidek, "Bolaligimni eslatib yubordi, jiladim"

Umuman, olganda kinoga tushish ajoyib tajriba ekan: Katta ekran, oyoq uzatsa bo'ladigan o'rindiqlar, faqat popkornga ruxsat yo'q ekaney(( Korona sababli deyishdi (koronani popkornga nima aloqasi bor, hayrnoman🤷🏻‍♂️) Lekin kinozaldagi atmosferaga qoyil qolmadim. Odam ko'p kirganiga qaramay, kulminatsion kadrlarda "voo" kabi emotsiyalar ham, kulgini kadrlarda kulishlar ham bo'lmaskan. Ha bir, Endgame dagidek baqir-chaqir qilmaysanmi? deydigan odam yo'q:) Ammo ko'pchilik xuddi men kabi filmning oxiridagi keyingi qismga ilmoqni ko'rish uchun tugaguncha kutishdi(bunga qoyil qolsa bo'ladi).

Umuman olganda film haqiqatda zo'r, uning zo'rligini anglab yetish uchun bundan oldingi 2 ta alohida-alohida o'rgimchak odam trilogiyasini ko'rish kerak. Ya'ni ancha oldin chiqqan 1-Spiderman, keyinroq chiqqan The Amazing Spiderman va hozirgi Avengersdagi Spider-Man nazarda tutildi. Sizlarga tavsiyam, kinoni albatta ko'ring! Ketgan vaqtingiz va pulingizga achinmaysiz)

@kuzatuvchi_blogi

Лекин илмдан ташқаридаги одамлар бу баҳслардан ўзларига маъқул жойини узиб олишяпти, тарқатишяпти, ўз позициялари йўлида фойдаланишяпти, асл ҳақиқат билан кўпчиликнинг иши ҳам йўқ.

Илмий доиралардаги баҳсларда ҳақиқатлар туғилса, ундан ташқаридаги баҳсларда, афсуски, афсоналар ва фейклар кўпроқ туғиляпти.
Баҳслашилмасин демаймиз, фақат ижтимоий тармоқларнинг хусусиятларини ҳисобга олиб баҳс очилса яхши бўлар эди.

Мен нега вакцина тарафдориман?

Қизимга 2 ойлигида АКДС вакцинасини тиббий кўрсатмага кўра олмадик, орадан 2 ой ўтиб шамоллаб шифохонага тушганимизда, кўкйўтал юқтириб олдик. Тасаввур қиляпсизми, 2010 йилда Тошкентда кўкйўталга чалинганмиз! Мен бу касаллик узоқ тарихда қолиб кетган деб ўйлагандим, болаларни эмлаш шунчаки қандайдик кичик, эътиборсиз бир хавфнинг олдини олиш учун деб билгандим. Бироқ қўлимда йўталиб, кўкариб, ярим дақиқагача нафас ололмай қолган 4 ойлик боламни ушлаб изиллаб югураркарканман, вакциналар нима учун кераклигини жиддий англаганман. Ҳеч кимга бундай шахсий тажриба орқали вакциналар аҳамиятини англашни раво кўрмайман.

Вакциналар катта моддий фойда келтирадими?

2018 йилда вакцина савдоси жаҳон фармацевтика бозорининг 3 фоизинигина ташкил қилган. Ҳозир коронавирус туфайли бу кўрсаткич ўсган албатта, аммо барибир ковидни даволашда ишлатиладиган бошқа дориларнинг тури кўпроқ ва нархи қимматроқ.
Мутахассислар таъкидлашича, камбағал давлатларда вакцина учун сарфланган ҳар бир доллар келажакда 16 долларни тежаб қолишга олиб келар экан.
Вакцина олган одам касал бўлмайди, дорилар сотиб олмайди, шифохонага тушмайди, табиийки фармкомпаниялар ва хусусий клиникаларга бундан моддий фойда кам.

Бугун коронавирусдан қанча одамлар ўляпти. АҚШдаги коронавирус билан сўнгги ўлим ҳолатларининг 99%и, касалхонага ётқизилишларнинг 97%и вакцина олмаганлар орасида юз бермоқда. Вакцина олмаганлар ўзлари касаллангани етмагандек, уни бошқаларга ҳам тарқатишяпти.
Вакцинасиз жамоавий иммунитет яратиш қийин, у жуда қимматга тушади, кўплаб ўлимлар, йўқотишларни келтириб чиқаради. Биз бунга рози эмасмиз-ку, тўғрими?
Вакцина олганлар занжирни узишяпти, вирус тарқалишига тўсиқ бўлишяпти. Улар фақат ўзларини эмас, инсониятни асраб қоляптилар, тарихни яратяптилар!

Аксилвакциначилар эса... Уларга Худонинг ўзи инсоф берсин!

Shaxnoza Soatova

Огоҳлантираман: узун пост, истамаганлар ўқимай ўтаверсин, тушунаман, ҳатто миннатдор бўламан! ФАҚАТ ҚИСҚА ЁЗ ДЕБ АҚЛ ЎРГАТМАНГЛАР, ИЛТИМОС! Бу сафар шунақа бўпқолди)))

Бугун куним ижтимоий тармоқда аксилваксинерлар билан баҳслашиб ўтди.

Баҳснинг яхши томони шундаки, ўз позициянгни ҳимоя қилиш учун аргумент қидирасан, масалани чуқурроқ ўрганасан, маърифатлироқ бўласан. Мен ҳам масала тарихини ўргана бошладим.

Аксилвакциначилар тарихи

Вақти бўлганки, бутун бошли қишлоқлар вабодан қирилиб кетган.
20-асрнинг ўзида чечакдан 300 миллион инсон ўлган.
Узоққа бориб нима қиламиз, 2019 йилда қизамиқ жимгина 207,5 минг инсонни ҳаётдан олиб кетди (аксилвакциначиларга салом!)
Полиомиелит туфайли миллионлаб болалар ногирон бўлиб, юзлаб миллион инсонларнинг тақдири ўзгариб кетган.
Фақат вакциналар туфайли биз бугун ушбу касалликлар ҳақида фақат эшитамиз, кўрмаймиз, ҳис қилмаймиз. Лекин улар бор!
Вакциналарга қаршилар тарихи вакциналар тарихи билан бир кунда бошланган, яъни қандай вакцина ўйлаб топилмасин, у нафақат вирус билан, балки ўзига қарши аксилтарғибот билан ҳам курашиб келади.
Тарихда илк вакцина чечакка қарши яратилган бўлиб, у сигирдан олинган вирус асосида ишлаб чиқилганини биласиз (“вакцина” атамаси vacca – сигир сўзидан олинган). Ўша пайтлардаёқ шох ва думи ўсиб чиққан одам суратини чизиб, вакцина олсанг, сигирга айланиб қоласан деб одамларни қўрқитишганди.
Орадан 200 йилдан кўпроқ вақт ўтиб, ижтимоий тармоқлар пайдо бўлди. Энди аксилвакциначиларнинг тарғиботлари янада фаоллашди, кўпроқ одамларга етиб борадиган бўлди, турли конспирологик назариялари ва аксилилмий чақириқлари кенгроқ тарқала бошланди. Телеграм мессенжеридаги ваҳимали овозли хабарлар, фейсбукдаги аксилвакциначилар гуруҳлари, турли афсоналар, олимларнинг илмий доиралардан ташқарига чиқиши лозим бўлмаган гаплари... Натижада яна полиомиелит, қизамиқ , чечак каби жиддий касалликлар эпидемияси хавфи туғила бошлади.
Шу сабабли ҳам Жаҳон соғлиқни сақлаш ташкилоти аксилвакциначиларни СПИД, саратон каби инсоният учун улкан хавф деб биринчи 10 таликка киритди.

Аксилвакциначилар нима учун хавфли?

Поликлиникада шифокор қабулига навбатда икки она ўтирибди. Бирининг қўлидаги боласи 1 ёш ва она аксилвакциначиларнинг гапига кириб қизамиққа қарши боласини эмлатмаган. Иккинчи онанинг фарзанди эса 6 ойлик ва эмланиш календарига кўра у ҳам ҳали эмланиб улгурмаган. Бир яшарлик эмланмаган бола ўша пайтда қизамиққа чалинган бўлиб, 6 ойлик чақалоққа касаллик юқади ва орадан кўп ўтмай, кўрилган барча зарур чораларга қарамай чақалоқ вафот этади.
Эмланиш ёки эмланмаслик нима учун бир шахснинг ўзигагина хос, шахсий масала бўла олмаслигига шу яққол мисолдир.
Яъни инсонлар юқумли касалликлар туфайли бир-бирига боғлиқ бир занжирга айланиб қоладилар. Бу ерда ҳар бир қароримиз фақат ўзимизга эмас, бутун жамиятга, оила аъзоларимиз, ота-оналаримиз, фарзандларимиз, ҳатто келажак авлодларимизга ҳам таъсир қилади.

Олимлар ва баҳслар ҳақида

1998 йили британиялик гатроэнтеролог Эндрю Уэйкфилд қизамиқ, қизилча ва тепкига қарши вакцина аутизм касаллигини келтириб чиқариши тўғрисидаги гипотезани илгари сурди. Унинг мақоласини нуфузли Lancet журнали босиб чиқарди.
Олимнинг тахминлари тасдиқланмади, журнал раддия берди, Уэйкфилднинг ўзи эса амалиётчи врачлар реестридан чиқариб ташланди, унга даволаш амалиёти билан шуғулланиш ман қилинди.
Бироқ биргина шу гипотеза Британ жамиятига қанча зарар келтирди...
Натижада Британияда ушбу касалликларга қарши эмланиш 96 фоиздан 84 фоизгача тушди ва орадан 20 йил ўтса ҳам Буюк Британия вакциналаш борасида 96 фоизлик кўрсаткични тиклаб ололгани йўқ. Мақола эълон қилинганидан 6 йил ўтиб эса қизамиқ Британияга қайтди ва минглаб инсонларда қайд этила бошланди. Улардан учтаси ўлди ҳам.
Бугунги кунда вакина тўғрисида олимларнинг баҳслари ижтимоий тармоқларда ҳам кузатилмоқда. Олимлар баҳслашяптилар, кейин бир-бирларини тушуняптилар, кетяптилар. Илм баҳси шу, саволлар-жавоблар, гипотезалар, тасдиқлашлар, рад этишлар билан кечаверади.

Qadrli kuzatuvchilar, doʻstlar! Sizlarni bugungi hayit ayyomingiz bilan muborakbod etaman! Ilohim barchangizga oʻz niyatlaringizga yetib yurishlikni tilab qolaman!

Mirzayor broni bir ogʻiz iltimosini bajarmasak bo'lmas. Toshkentdagilar kechki sayrga aylanib boringlar oʻsha joylarga

Bunday oʻylab qarasam yaqin orada sizlar bilan borgan shaharlarim haqida rasm ulashmagan ekanman. Bugun sizlarga biroz rasmlardan ulashmoqchiman.