Яна шанба келди, яна якшанба,
Тун чўкиб тонг отди, кеча хотира,
Майли ташвиш бўлсин тўрт ён югуринг,
Аммо хаста бўлманг, дард кўрманг сира.

Яна шанба келди, яна якшанба,
Ҳар бир кун байрамдир ҳар кун муборак,
Тириклик асл бахт, саодатлигин,
Англаймиз фироқда эзилса юрак.

Кимлардир қуёшдан завқланар тонгла
Кимлардир усиз ҳам яшар хотиржам.
Умр ўтмай қолмас,шамсу қамарсиз,
Лек меҳр нурисиз яшолмас одам.

               НИЛУФАР ТОҲИР
              

https://t.me/Nilufar_Tohir_ijodi
            🍂❤✍️🌹🍂