Kundalik.com I Buxoro viloyati

Аттестациядан ўтказиб бераман деб бир киши 5 млн 200 минга алдади. Пулни қандай қайтариб олсам бўлади?

Савол:

Assalomu-alaykum! Attestatsiyadan o'tkazib beraman deb bir kishi 5mln200 ming so'mni olgan edi. Hal qila olmadi. Pulni ham qaytarmayapti. Kimga murojjat qilish kerak?

ЖАВОБ:

Бу вазиятда туман прокуратурасига мурожаат қилишингиз лозим.

Қаранг! Жиноят кодексининг 210-моддасига асосан давлат органи, давлат иштирокидаги ташкилот ёки фуқароларнинг ўзини ўзи бошқариш органи мансабдор шахсининг ўз хизмат мавқейидан фойдаланган ҳолда содир этиши лозим ёки мумкин бўлган муайян ҳаракатни пора бераётган шахснинг манфаатларини кўзлаб бажариши ёки бажармаслиги эвазига шахсан ўзи ёки воситачи орқали қонунга хилоф эканлигини била туриб, моддий қимматликлар олиши ёхуд мулкий манфаатдор бўлиши – пора олиш ҳисобланиб, бунинг учун:

👉 базавий ҳисоблаш миқдорининг эллик бараваридан юз бараваригача миқдорда жарима ёки муайян ҳуқуқдан маҳрум этилган ҳолда икки йилдан беш йилгача озодликни чеклаш ёхуд беш йилгача озодликдан маҳрум қилиш билан жазоланади.

Олий суди Пленумининг 1999-йил 24-cентабрдаги 19-сонли “Порахўрлик ишлари бўйича суд амалиёти тўғрисида”ги қарори 1-бандига кўра пора берувчининг манфаати учун тегишли ҳаракатларни бажариш ваколатига эга бўлмасада, лекин ўзининг эгаллаб турган лавозими мавқейига кўра пора учун ушбу ҳаракатлар бошқа мансабдор шахс томонидан бажарилиши учун чора кўриш мумкин бўлган мансабдор шахслар ҳам ушбу жиноятнинг субекти деб топилиши лозим.

Шунга кўра ўша шахснинг ҳаракатларига нисбатан юқоридаги тартибда жиноят иши очилиши мумкин.

💁‍♂ Лекин масаланинг иккинчи томони ҳам бор. Агар ўша шахс ҳақиқатда танишингиздан олган пул суммасини бирор ишни ҳал қилиш мақсадида мансабдор шахсга беришни мақсад қилган бўлса, унда ЖК 212-моддаси қўлланилиши мумкин.

Унга кўра пора олиш-беришда воситачилик қилиш, яъни пора олиш ёки бериш хусусидаги келишувга эришишга қаратилган фаолият, шунингдек манфаатдор шахсларнинг топшириғи билан порани бевосита бериш жиноий жавобгарликка сабаб бўлади (ЖК 212-м).

✅ Шунга кўра сиз айтган ҳолат ҳақиқатда шундай бўлган бўлса, ўша шахсга юқоридаги модда билан иш қўзғатилиши мумкин.

Юқоридаги ҳолатларда танишингизга нисбатан ҳам ЖК 211-моддасига асосан пора бериш жинояти учун жавобгарлик қўлланилиши мумкин.

Агар ўша шахс пулни олиб ўз эҳтиёжларига ишлатиб юборган бўлса, унда бу шахсга нисбатан Жиноят кодекси 168-моддасида фирибгарлик, яъни алдаш ёки ишончни суиистеъмол қилиш йўли билан ўзганинг мулкини ёки ўзганинг мулкига бўлган ҳуқуқни қўлга киритиш жинояти учун иш очилиши мумкин.  Агар ўша шахсга шу модда билан (168) жиноий иш очилса, танишингиз пулларини қайтариб олиши мумкин.

eMaktabuz
📙https://t.me/kundalikbuxoro
📗https://t.me/emaktabuz

Мактабда ота-оналар бадали ҳисобидан пуллик овқатланишни ташкил қилиш мумкинми?

Савол:

Ассалому алайкум. Бизнинг мактабда ўқувчилар соат 16:00гача дарс машғулотларига қатнашишади ва шунинг учун уларнинг тўғри овқатланишларини ташкил этиш мақсадида мактабда ота-оналар бадали ҳисобидан пуллик овқатланишни ташкил этмоқчиман. Шу ҳолат қонуний бўладими ёки мактаб ошхонасини аукционга қўйиб ижарага бериш мажбурийми. Илтимос қонуний тарафини кўриб берсангиз.

ЖАВОБ:

Ҳа шундай. Давлат мулкини ижарага бериш учун савдо платформаси орқали онлайн-аукцион орқали амалга оширилади, чунки мактаб ошхонаси ва умуман мактаб биносига нисбатан мулк ҳуқуқи мактабнинг ўзида эмас.

Давлат мулкини бошқариш тўғрисидаги қонунга мувофиқ мактаб бино ва иншоотлари мактабда опетарив бошқарув ҳуқуқи билан бириктирилган. Бунда мактаб ушбу бино ва иншоотларга нисбатан балансда сақловчи мақомига эга бўлади.

Бунда Вазирлар Маҳкамасининг 2023-йил 14-декабрдаги 660-сон қарорига 1-иловада тасдиқланган Давлат мулкини ижарага бериш тартиби тўғрисидаги Низом 2-бандига кўра Ўзбекистон Республикаси Давлат активларини бошқариш агентлиги ҳузуридаги Давлат мулки обектларидан самарали фойдаланиш марказининг (кейинги ўринларда — Марказ) Қорақалпоғистон Республикаси, вилоятлар ва Тошкент шаҳар ҳудудий бошқармалари ҳисобланади.

Ушбу низом 8-бандига кўра ижарага берувчи балансда сақловчининг давлат мулкини ижарага бериш ҳақидаги аризаси келиб тушгандан кейин икки кун муддатда давлат мулкини ижарага бериш учун савдо платформаси орқали онлайн-аукцион савдосига чиқаради.

Айнан шу қоидага кўра мактаб балансда сақловчи сифатида ошхонани ижарага бериш ҳақида аризани ижарага берувчига чиқариши керак. Бунда ижарага берувчи аукцион савдоларида ғолиб бўлган шахсни аниқлайди ва у билан 3 томонлама ижара шартномасини имзолайди.

eMaktabuz
📙https://t.me/kundalikbuxoro
📗https://t.me/emaktabuz

Ногиронлиги бор шахсларга аттестацияда имтиёз борми?

@Yurist_Xizmati 4966-савол:

Ассалому алайкум. Мен мактабда 2004 йилдан буён укитувчи булиб ишлайман, 2гурух ногирониман. Ҳозирги кунда аттестацияга катнашишим мажбурийми ёки имтиёзлар мавжудми.

ЮРИСТ ЖАВОБИ:

Вазирлар Маҳкамасининг 2021 йил 17 сентабрдаги 572-сон қарорига 1-илова билан тасдиқланган “Мактабгача, умумий ўрта, ўрта махсус, профессионал ва мактабдан ташқари таълим ташкилотлари педагог кадрларини аттестациядан ўтказиш тартиби тўғрисида”ги низом қоидаларига кўра ногиронлиги бўлган шахслар учун аттестацияда жараёнларида имтиёз кўзда тутилмаган.

✅ Демак, сиз ҳам мажбурий аттестация муддати келганда қатнашишингиз керак бўлади.

📩 Юристга савол юбориш

☎️ Юрист билан қўнғироқ орқали боғланиш

📚Барча турдаги ҳужжатларга буюртма бериш

Расмий каналимиз:
👉 @Yurist_Xizmati 👈