KOMMUNAL

🏘 Qurilish va uy-joy kommunal xo’jaligi vaziri o’rinbosari Ozoda Jo’rayeva joriy yilda ham boshqaruvdagi ayollar TOP-35 taligi ro’yxatida

“Yuksalish” harakati tomonidan siyosiy, ijtimoiy-iqtisodiy tarmoqlar rivojiga salmoqli hissa qo‘shayotgan, sohalarda muhim vazifalarni bajarib kelayotgan rahbar ayollarning yillik reytingini tuzish an’anaga aylangan.

Bu yil ro‘yxat shakllantirishda ekspertlar tomonidan 300 nafardan ortiq nomzod faoliyati tahlil qilingan.

💐Kasbiy yutuqlari, faoliyat tarmoqlarini rivojlantirishga qo‘shgan hissasi, shuningdek, ijtimoiy faolligi bois Ozoda Jo’rayeva mazkur yilda ham eng faollar qatoriga kiritilgan.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#JARAYON

🏘 Bugun Qurilish va uy-joy kommunal xo‘jaligi vazirligida "Zamonlift" aqlli lift kompleksi yuzasidan taqdimot o‘tkazildi. Unda vazir o‘rinbosari Ozoda Jo‘rayeva ham qatnashib, tizimning texnik va innovatsion xususiyatlari bilan tanishdi.

Zamonaviy turar-joy infratuzilmasi lift uskunalarini ekspluatatsiya qilish va aholi xavfsizligini ta'minlashni nazarda tutadi. Bugungi kunda liftlarga xizmat ko‘rsatish sohasidagi bir qator muammolar ushbu tizimni to‘liq raqamlashtirish zaruratini orttirmoqda.

"Zamonlift" aqlli lift kompleksi uchta tarkibiy qismlarni o‘z ichiga olgan, avtomatlashtirilgan lift boshqaruv tizimidir. Bular:
- Dispetcherlik tizimi;
- Kirish nazorati tizimi;
- Videokuzatuv tizimi.

Ta’kidlanganidek, mazkur uchta tizimni yagona infratuzilmaga birlashtirish aholi xavfsizligini oshirish, ekspluatatsiya xarajatlarini kamaytirish, shaffoflik va hisobdorlikni ta’minlash, favqulodda vaziyatlarni oldini olishni ta’minlaydi.

Vazir o‘rinbosari liftlarga texnik xizmat ko’rsatish yo’nalishidagi ushbu yangi yechimlarni mukammal ishlab chiqish, bunda har bir jihatga alohida e’tibor qaratish lozimligini ta’kidladi.

- Raqamlashtirish orqali biz liftlar bilan bog‘liq salbiy holatlarni oldini olishimiz mumkin. Bunda lift qurilmalaridan samarali foydalanish, elektr enerrgiyasini tejashga e’tibor berish lozim. Shuningdek, videokuzatuv tizimi orqali aholida ham kommunal madaniyatni shakllantirishga erishishimiz mumkin, - dedi O.Jo‘rayeva.

Muhokamalar yakunida tizimni yanada takomillashtirish va bosqichma-bosqich amaliyotga joriy etish yuzasidan mas’ullarga tegishli topshiriqlar berildi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|