#POST366 | KOMILJON MAMATOV

​​CHALGʻIMA!!!

Kel Nyuportning "Diqqat: Chalgʻituvchi dunyoda muvaffaqiyat sirlari" kitobini hamma oʻqib chiqishi shart boʻlgan asarlar sirasiga kiritaman.

Hozirgi zamonaviy dunyoda fikrni jamlash eng qiyin vazifaga aylangan. Chunki chalgʻituvchi omillar haddan ziyod koʻp. Ijtimoiy tarmoqlar, koʻchadagi davralar, elektron vositalar - hammasi sizni chalgʻitadi.

Muvaffaqiyatga erishish uchun esa avvalo diqqatni jamlay olish muhim. Usiz iloji yoʻq. Chunki chalgʻimasdan bir soat ishlasangiz, odatiy hayotda 4-5 soatda bajara olmaydigan ishlaringizni bajarib qoʻyasiz.

Shaxsiy tajriba sifatida aytishim mumkinki, tarjima qilishdagi rekordim 4 soatda 11 sahifa. Bu natijaga bir qadar (shunda ham toʻliq emas) chalgʻimasdan ishlagan kunimda erishganman. Ammo baʼzida 4-5 soatlab ishlab 2-3 sahifagina tarjima qilgan vaqtim ham boʻlgan.

Shunday ekan biror sohada muvaffaqiyatga erishish maqsadida ekansan oʻzingni chalgʻituvchi unsurlardan uzoqlashishing lozim boʻladi.

Shuningdek, Kel Nyuportning "Diqqat: Chalgʻituvchi dunyoda muvaffaqiyat sirlari" kitobini oʻqib chiq😉

Omad yor boʻlsin!
Chalgʻima!!!

#post366/13

@komiljonmamatov_official

​​#post366/12

@komiljonmamatov_official

​​YURGANGA YOʻL KOʻRINAR

Yoʻlga chiq...
Tavakkal qil...
Katta marralarni ham mayda qadamlar bilan bosib oʻtiladi. Chekinma!!!

Hech bir muvaffaqiyat osmondan tushmaydi. Hech bir muvaffaqiyat yoʻq joydan kelmaydi.

Safar bizdan, Zafar Allohdan, deydilar. Alloh sizga zafar berishi uchun, avvalo, siz safarga chiqishingiz kerak...

Men ham yoʻlga chiqdim. Oq yoʻl tilang...

#post366/11

@komiljonmamatov_official

​​YOSH BOLADAN OʻRGANING!!!

Yosh boladan koʻp narsani oʻrganish mumkin. Siz ham oʻrganing.

1. Yosh bola hech qachon taslim boʻlmaydi. Necha marta yiqilsa ham qaytib turishga kuch topadi.

2. Yosh bola hech qanday sababsiz har doim kulib turadi. Unga qaraganda sizning ham yashagingiz kelib ketadi.

3. Oʻz maqsadiga erishmaguncha toʻxtamaydi. Yer tepadi, yigʻlaydi, xarxasha qiladi - har qanday holatda aytganini qildirmaguncha jim boʻlmaydi.

4. Tez oʻrganadi. Oʻziga qiziq koʻringan hamma narsani sinab koʻradi.

5. Hamma narsaga qiziqadi.

Oʻzingizda ana shu xislatlarni shakllantirishga urinib koʻring. Ishoning koʻp narsaga erishishingiz mumkin boʻladi shunda...

Muvaffaqiyat tilayman...

#post366/10

@komiljonmamatov_official

​​OʻZINGGA PAST BAHO BERMA!
Shu bilan birga yuqori bahoga munosib boʻl!!!

Uchta futbolchi haqida gapiraman bugun. Jo Barton, Mario Balotelli va Zlatan Ibragimovich.

Jo Barton ismi koʻpchilikka notanish boʻlsa kerak. Angliyalik sobiq futbolchi.

Mario Balotellini esa 2010-2014-yillar oraligʻida futbol koʻrganlar juda yaxshi tanishadi. 2015-yildan keyin futbol koʻra boshlaganlar tanimasligi mumkin faqat.

Zlatan Ibragimovichni butun dunyo taniydi. 40 yoshdan oshgan boʻlsa ham Yevropaning Top Ligasidagi Top jamoada Top futbolchi ekanligini namoyon etib kelmoqda.

Bu uchala futbolchining bir umumiy jihati mavjud - ular hamisha oʻzlariga yuqori baho beradilar. Barton "Men Angliyaning eng yaxshi yarim himoyachisiman" deya jar solgan vaqtida. Mario esa 2011-yilda "Bir yil Ronaldu va Messi futbol oʻynamasa "Oltin toʻp" meniki boʻladi" deyishdan qaytmagan.
Zlatan esa oʻzini Xudoga tenglashtirishgacha borgan. Shunchalik yuqori baho berishgan bu futbolchilar oʻzlariga.

Natija qanday boʻldi? Barton futbolda aytarli muvaffaqiyatga erishmadi. Angliyaning Top jamoalari safida toʻp surmadi. Davomli janjallar va qoʻpolligi bilan eslanadi hozir, agar kimdir eslasa. Kibrga berilib shuning jazosini oldi.

Mario Balotelli esa 4-5 yil yuqori formada oʻynadi. Keyin oʻz kuchiga ortiqcha baho berib, havolanib keta boshladi. Bora-bora ishi yurishmay qoldi. Hujumchi sifatida qadrini yoʻqotdi. Oʻrtamiyona klublar darajasiga tushib qoldi.

Zlatan esa... Ispaniya, Italiya, Fransiya, AQSh chempioni boʻldi. Shvetsiya va Parijda unga haykal qoʻyildi. Yevropaning eng nomdor jamoalarida toʻp surdi. Oʻrtamiyona hisoblanuvchi Shvetsiya terma jamoasini eng nomdor terma jamoalar bilan tap tortmay bahslashadigan jamoaga aylantirdi. Futbol tarixidagi eng chiroyli gollarni urdi. Futbol tarixidagi barcha daqiqalarda gol urgan ikki futbolchining biri (Ikkinchisi Krishtianu Ronaldu). 40 yoshdan oshgan boʻlishiga qaramay hamon dunyoning eng yaxshi futbolchilaridan biri hisoblanadi.

Xoʻsh, nima uchun bu uch maqtanchoqning taqdiri uch xil boʻldi?

Izoh oddiy: Zlatan maqtandi va oʻsha maqtanishlarini haqiqatga aylantirish uchun mehnat qildi. Tinmay ishladi. Faoliyatining ogʻir damlarida ham qayta turish uchun kuch topdi.

Mario oʻz qobiliyatlari bilan maqtandi va bunga haqli edi. Iqtidorli edi rostdan ham. Ammo salgina qiniychilik kelganda sinib ketdi. Oʻzini yuqori tutib oʻrgangan fitrati boshqalardan quyida boʻlishni koʻtara olmadi. Oqibatda battar pastlab ketdi.

Jo Barton esa maqtanishlariga hammani ishontirish uchun qoʻpollig-u janjallardan foydalandi. Oqibatda undan odamlarning koʻngli qolib ketdi.

Bu uch hikoyadan katta saboq olish mumkin.

1. Oʻzingga yuqori baho ber. Va shu bahoga munosib boʻlish uchun harakat qil!

2. Qanchalik zoʻr boʻlsang ham vaqti kelganda kamchiliklaringni tan ol va ularni tuzatish uchun harakat qil!

3. Zoʻrligingga boshqalarni ishontirishga urinma! Shunchaki, zoʻr boʻl! Odamlar oʻzlari tan berishadi zoʻrga!

Oʻzingga yuqori baho ber! Eng asosiysi, oʻsha yuqori bahoga munosib boʻl!!!

Omad yor boʻlsin!!!

#post366/9

@komiljonmamatov_official

​​TUGATISH KERAKMI? TUGAT! CHOʻZMA!

Shunday vaqt boʻladiki, sen nimanidir yakunlashing kerak. Chunki u sening rejalaringga halal berayotganini sezib qolding.

Vaqtni choʻzma! Darhol toʻxtat!

Haftada ikki marta futbol oʻynashing ingliz tili darsingga halal beryaptimi, futbolni toʻxtat! Qanchalik yaxshi koʻrsang ham shunday qil. Chunki kelajakda ingiz tili futboldan koʻra koʻproq kerak boʻladi senga...

Doʻstlaring bilan har hafta uyushtirayotgan choyxonang IT boʻyicha saboq olishingga halal beryaptimi? Toʻxtat! Qanchalik qiyin boʻlsa ham toʻxtat!

Ijtimoiy tarmoqlar kunlik rejalaringni bajarishingga halal beryaptimi, oʻchir hammasini.

Hozir senga yaxshi tuyulgan narsalardan voz kecha olmasang, ertaga undan yaxshiroqlariga erisha olmaysan.

Omad yor boʻlsin...

#post366/8

@komiljonmamatov_official

​​YOZISH UCHUN AVVAL OʻQISH KERAK

Tub asosga ega boʻlmagan har qanday chashma quriydi. Agar daryolar quyilishdan toʻxtasa, dengiz sahroga aylanadi.

Ijodda ham shunday. Nimadir oʻqib turmasang, yaxshi narsa yoza olmaysan. Bora-bora umuman yozmaydigan boʻlib ketasan.

Telegramdagi kanallarda ham shunday. Nimadir oʻqib turmasang yaxshi post yoza olmaysan. Boshqalardan ajralib turmasang sening kanalingni kuzatishmaydi.

Shuning uchun oʻqi. Har qanday holatda ham, kim boʻlsang ham oʻqi.

Hali hech kim oʻqib biror narsani yoʻqotmagan. Topganlar koʻp, aksincha.

Agar kitob oʻqish sen uchun qiyin mashgʻulotlar sirasiga kirsa, mutolaani sekin-astalik bilan hayotingga olib kir. Deylik har kuni tongda oʻn daqiqa mutolaa qilishni joriy qil oʻzing uchun. Keyin vaqtni koʻpaytirib boraverasan.

Koʻproq oʻqi. Shunda maqsadingga tezroq erishasan.

#post366/7

@komiljonmamatov_official

​​QOʻSHIMCHA VAQT

Futbol muxlislari yaxshi bilishadiki, 90 daqiqa davom etgan oʻyinda kuzatilmaydigan azart, adrenalin, qattiq kurash qoʻshib berilgan 5 yoki 4 daqiqada kuzatiladi.

Nega shunday? Chunki insonda shunday instinkt borki, u qoʻshimcha vaqtni ikkinchi imkoniyat, soʻnggi imkoniyat oʻlaroq qabul qiladi va undan maksimal darajada foydalanishga harakat qiladi.

Shuning uchun ham eng chiroyli gollar, eng yorqin holatlar qoʻshimcha vaqtda yuz beradi.

Hayotda ham shunday. Talabalar yozma ish yozayotganda 80-90 daqiqa nima yozishni bilmay turishadi. Nazoratchi "Besh daqiqadan keyin yakunlaymiz" degandan keyin esa chaqmoq tezligida yoza boshlaydilar.

Ishda hech omading kelmayapti. Topshiriqni bajarishga bir hafta vaqt berilgan boʻlsa ham ulgurmading. Lekin rahbaring "Oxirgi muddat ertaga tushgacha!" deydigan boʻlsa, bir haftada tugatolmagan ishingni yarim kunda tugatasan! Aniq! Sinalgan!

Va bugun biz yana ikki haftalik qoʻshimcha vaqtga ega boʻldik. Qishki taʼtil 24-yanvargacha choʻzildi.

Ana shu ikki hafta sening hayotingni oʻzgartirib yuborishga qodir boʻlishi mumkin. Asosiysi bu vaqtning sen uchun qoʻshimcha vaqt ekanligini his qila olsang bas!

Omadingni bersin!

#post366/6

@komiljonmamatov_official

​​QANDAY KITOBLARNI OʻQIMASLIK KERAK?

Koʻpchilik kitob oʻqishning foydalari haqida gapirgan. Bu mavzu koʻp gapiriladi yana. Kitob oʻqish yaxshi, yaxshi kitob oʻqish undan ham yaxshi.

Faol mutolaaga endi kirishayotganlarda doim bir xil savol boʻladi: "Qanday kitoblarni oʻqish kerak?"

Keling, bu safar savolni boshqacha qoʻyamiz. Qanday kitoblarni oʻqimaslik kerak? Siz qanday kitoblarni oʻqimaslikni bilsangiz, oʻz-oʻzidan oʻqishli kitobni topa olasiz.

Juda zoʻr kitobxon emasman, lekin shaxsiy tajribamdan kelib chiqib, shaxsiy tavsiyalarimni bera olaman.

Xoʻsh, qanday kitoblarni oʻqimaslik kerak?

✅ Hozirgi paytda bemaza qovunning urugʻidek koʻpayib ketgan qalbshunos-parapsixologlarning kitoblarini. (Agar kitob deyish mumkin boʻlsa...) Bunday "kitoblar"ning hammasi bir xil mazmunda va oʻsha mazmun bir tiyinga qimmat. Vaqt va pul sarflashga arzimaydi.

✅ Faqatgina sotuv uchun yozilgan kitoblarni. Chunki ular sotuv uchun yozilgan oʻqib, nimadir olish uchun emas. Bunday kitoblarni darrov tanib olish mumkin. "Mafiya sardori", "Iblis saltanati", "Taxmina", "Loʻlilar saltanati" kabi saviyasiz asarlar jamlanmasi.

✅ Dastlabki 30 sahifasidan keyin ham sizni qiziqtira olmagan asarni oʻqimang. 30 sahifada qiziqmadingizmi, demak endi bu asarni umuman qiziqa olmasligingiz katta ehtimol. U kitobni yopib boshqa mutolaaga kirishing. Vaqtni bekorga sarflamang.

✅ "The Secret" gʻoyalari bilan sugʻorilgan hech bir asarni oʻqimang. Bu safsata bilan miyangizni toʻldirmang.

Keyingi postlarda oʻqilishi lozim boʻlgan kitoblar haqida ham gaplashamiz.

Salomatlik tilayman...

#post366/5

@komiljonmamatov_official

​​TARTIBNING OʻRNI

Nimagadir erishish uchun eng muhim narsa bu tartib.

"Toshni teshgan suv emas, tomchilarning davomiyligi" deydilar. Xuddi shunday biror sohada muvaffaqiyatga erishish uchun avvalo tartibga eʼtibor qaratish kerak.

Tartibsizlik sizning mehnatingizni yoʻqqa chiqaradigan bosh omildir. Shuning uchun shifokorlar ham belgilangan dorilarni maʼlum tartibda qabul qilishni buyuradilar. Chunki tartib buzilsa, davo kechikishini bilishadi.

Xuddi shunday kunlik amallaringizni tartibga solmas ekansiz, koʻzlagan maqsadingizga erishishingiz qiyinlashib boraveradi.

Muvaffaqiyat hayot haqida oʻylashdan oldin hozirgi hayotingizni tartibga solib oling.

Muvaffaqiyat tilayman...

#post366/4

@komiljonmamatov_official

​​SHAXSIY FIKR TUSHUNCHASI

Yana shu mavzuga qaytyapmiz.

Shaxsiy fikr haqida mening shaxsiy fikrim oʻzgargani yoʻq. Oʻzgarmaydi ham. Birovning shaxsiy fikrini xato deyishga hech kimning haqqi yoʻq! Chunki u oʻz nomi bilan shaxsiy fikr. Shaxsiy fikr oʻsha shaxs uchun toʻgʻri boʻladi. Shuning uchun ham biz unga "shaxsiy" sifatini beramiz.

Endi boshqa tomondan qarasak, shaxsiy fikr ekan deb boshqalarning nafsoniyatiga tegish pastkashlikdir. Chunki sen uchun yomon boʻlgan odam kim uchundir yaxshi, sen uchun yomon boʻlgan fikr kim uchundir eng toʻgʻri qaror boʻlishi mumkin.

Shaxsiy fikr uchun shaxsiyatni haqoratlash hech bir qolipga tushadigan holat emas.

Ilmiy bahs boʻlsa boshqa gap. Ammo ilmiy bahsga kirishgan odam bitta gapga yopishib olmasdan boshqalarning fikrini ham tinglashi va tafakkur qilib koʻrishi lozim. Buni istamayaptimi demak u bilan bahslashish befoyda.

Imom Gʻazzoliyning ajoyib gapi bor bundaylar haqida: "Men oʻzining bilimsizligini bilmagan odamlarni sira ham magʻlub eta olmadim". Yaʼni undaylar bilan bahslashish befoyda. Asabingiz va vaqtingizni behuda sarflamang.

Yana oʻylab koʻring. Alloh hammamizga fikrlash qobiliyatini ato etgan. Foydalanib turaylik undan.

Salomat boʻling...

#post366/3

@komiljonmamatov_official