Kokand University (official)

#mirzo_ulug‘bek_vorislari

⚡️“Mirzo Ulug‘bek vorislari” respublika tanlovi boshlanmoqda!

Iste’dodli yoshlarni qo‘llab-quvvatlash “Ulug‘bek” jamg‘armasi, Oliy ta’lim, fan va innovatsiyalar vazirligi hamda tegishli davlat organlari hamkorligida respublikamizdagi iqtidorli yoshlarni kashf qilish maqsadida “Mirzo Ulug‘bek vorislari” respublika tanloviga start berilmoqda.

Tanlov 16-25 yoshgacha bo‘lgan yoshlar o‘rtasida 3 bosqichda tashkil etiladi.

Tanlovning 1-bosqichida har bir tuman (shahar)lardan 5 nafardan eng yaxshi loyiha mualliflari gʻolib deb topiladi hamda BHMning 5 baravari miqdorida ragʻbatlantiriladi.

Tanlovda ishtirok etishni istagan yoshlar 2025-yil 15-fevralga qadar https://vorislar.uz/ sayti orqali ro‘yxatdan o‘tishlari mumkin.

🌐 Web-site🕊Telegram|📱Facebook|📱Instagram|📺YouTube

🏫 Qoʻqon universiteti professor-oʻqituvchilari A.I.Gersen nomidagi pedagogika universitetida

Ayni paytda Qoʻqon universitetining bir guruh professor-oʻqituvchilari Rossiyaning A.I.Gersen nomidagi pedagogika universitetida malaka oshirishmoqda.

Malaka oshirish doirasida Qoʻqon universiteti professor-oʻqituvchisi Nargiza Rustamovna ushbu universitetning Xalqaro aloqalar boʻyicha prorektori Sheremet Sergey Aleksandrovich bilan uchrashdi.

Uchrashuvda oʻzaro ilmiy tadqiqot olib borish, ilmiy maqolalar chop ettirish, seminar-treninglar oʻtkazish, talabalar uchun qishki va yozgi maktablarni tashkil etish kabi masalalar boʻyicha suhbat boʻlib oʻtdi.

Ma'lumot uchun, professor oʻqituvchilarning malaka oshirishi 27-yanvardan 22-fevralgacha davom etadi.

🌐 Web-site🕊Telegram|📱Facebook|📱Instagram|📺YouTube

Navoiyxonlik haftaligida faol ishtirok eting!

Buyuk mutafakkir, she’riyat mulkining sultoni, atoqli davlat va jamoat arbobi Nizomiddin Amir Alisher Navoiy hazratlari tavalludiga 584 yil to‘ldi!

Alisher Navoiy ijodi nafaqat o‘z davrida, balki o‘zidan keyingi zamonlar uchun ham takrorlanmas adabiy boylikdir. Shuning uchun ham ulug‘ shoirning “Xamsa”, “Xazoyin ul maoniy”, “Muhokamatul lug‘atayin”, “Nasoyimul muhabbat”, “Mahbubul qulub” kabi asarlari oradan necha yuz yillar o‘tsa-da, xalqimiz ma’naviy hayotida o‘chmas iz qoldirib, zamonlar osha boshqa ijodkorlarning maydonga kelishi va ijodiy takomillashuviga ta’sir ko‘rsatib kelmoqda.

Buyuk shoirimizning hayot yo‘li, shaxs sifatidagi faoliyati hammamizga hamisha namuna. Navoiyning yurt, uning obodligi, xalq uchun, uning baxt-saodati, kamoloti uchun amalga oshirgan ishlari, bunyod etgan ko‘plab binolari, xalqning og‘irini yengil qilish, ilmli, iqtidorli yoshlarni qo‘llab-quvvatlashlari bugungi kunda ham o‘ziga xos ibratdir.

Qo‘qon universiteti navoiyxonlik haftaligi doirasida qator tadbirlar va tanlovlarni e’lon qiladi. Haftalikda faol ishtirok eting va g‘oliblikni qo‘lga kiriting! Alisher Navoiy hazratlarining yaratgan asarlari hamisha ma’naviy hamroh bo‘lsin!

Tadbirlar haqida batafsil.

🌐 Web-site🕊Telegram|📱Facebook|📱Instagram|📺YouTube

#xushxabar

🏫 Qoʻqon universitetida yangi ilmiy kengashlar tashkil etildi!

🇺🇿 O‘zbekiston Respublikasi Oliy ta’lim, fan va innovatsiyalar vazirligi huzuridagi Oliy attestatsiya komissiyasi Rayosatining 2024- yil 25- dekabrdagi qaroriga asosan Qo‘qon universitetida quyidagi ilmiy kengashlar tashkil etildi:

1. Filologiya fanlari boʻyicha falsafa doktori (PhD) ilmiy darajasini beruvchi PhD.03/25.12.2024.Fil.130.02 raqamli ilmiy kengash tuzildi va mazkur kengashga 10.00.02 – "O‘zbek adabiyoti"; 10.00.06 – "Qiyosiy adabiyotshunoslik, chog‘ishtirma tilshunoslik va
tarjimashunoslik" ixtisosliklari bo‘yicha dissertatsiyalar himoyasini o‘tkazishga ruxsat berildi.

2. Pedagogika fanlari boʻyicha falsafa doktori (PhD) ilmiy darajasini beruvchi PhD.03/25.12.2024. Ped.130.03 raqamli ilmiy kengash tuzildi va 13.00.02 – "Ta’lim va tarbiya nazariyasi va metodikasi (tarix, falsafa, filologiya va pedagogika fanlari)" ixtisosligi boʻyicha dissertatsiyalar himoyasini o‘tkazishga ruxsat berildi.

Kengashlar faoliyatiga muvaffaqiyat va omadlar tilaymiz!

🌐 Web-site🕊Telegram|📱Facebook|📱Instagram|📺YouTube

Universitet jamoasi vakillari Samarqandda

2024-yil mobaynida namunali faoliyat olib borgan PR departamenti xodimlari va universitetda tashkil etilgan ma’naviy-ma’rifiy hamda ilmiy faoliyatga oid turli tanlovlarda faol ishtirok etgan talabalarga universitet direktori Gʻ.Zaxidov tomonidan Samarqand viloyatiga uch kunlik sayohat “Vaucher”i taqdim etildi.

Universitet xodimlari va faol talabalarimiz Samarqand shahridagi ziyoratgohlar hamda tarixiy obidalar bilan yaqindan tanishishmoqdalar.

Sayohat davom etmoqda.

🌐 Web-site🕊Telegram|📱Facebook|📱Instagram|📺YouTube

“Sog'lom hayot sohibasi” mavzusida qiziqarli tanlov bo‘lib o‘tdi!

🏫 Qo'qon universiteti Ta'lim fakulteti masofaviy ta'lim shakli 1-kurs talabalari uchun “Sog'lom hayot sohibasi” mavzusida tanlov bo‘lib o‘tdi.

Mazkur tanlov yoshlarga hayotdagi qadr-qimmat, maqsadlar va orzularni anglashda yordam berish, ularni o'z salohiyatlarini to'liq ro'yobga chiqarishga ilhomlantirish maqsadida tashkil etildi.

Qiziqarli tanlov musobaqasida talaba-yoshlar 4 shart bo‘yicha o‘z iqtidorlarini namoyon qilishdi va yakunda g‘oliblar sertifikat hamda esdalik sovg‘alari bilan taqdirlanishdi.

🌐Web-site🕊Telegram|📱Facebook|📱Instagram|📺YouTube

Farg‘ona viloyati soliq boshqarmasi ishga taklif etadi!

Uchko‘prik va O‘zbekiston tumanlari soliq inspeksiyalaridagi vakant lavozimlarga ishga kirish uchun tanlov (suhbat asosida) o‘tkazilmoqda.

Tanlovda iqtisodiyot, axborot texnologiyalari hamda huquq sohalarida oliy ma'lumotga ega bo‘lgan O‘zbekiston Respublikasi fuqarolari ishtirok etishi mumkin.

Tanlov suhbat asosida o‘tkaziladi.

Batafsil ma'lumot uchun quyidagi raqamlarga qo‘ng‘iroq qilishingiz mumkin:
☎️ 73-241-70-80;
📞 90-535-68-85.

Eslatib o‘tamiz, gender tengligini ta'minlash maqsadida soliq xizmati organlariga ishga kirish uchun barcha nomzodlar, xususan, xotin-qizlarga ham teng imkoniyatlar taqdim etiladi.

Farg‘ona viloyati soliq boshqarmasi Inson resurslarini rivojlantirish va boshqarish bo‘limi

🌐Web-site🕊Telegram|📱Facebook|📱Instagram|📺YouTube

Speaking clubga taklif etamiz!

🏫 Barcha Qoʻqon universiteti talabalarini ingliz tilidan speaking clubga taklif etamiz!

🏴Ingliz tilida ravon soʻzlashni xohlovchi barcha talabalarni ushbu speaking clubda har payshanba 14:00 da Axborot kutubxona markazida kutib qolamiz.

🌐Web-site🕊Telegram|📱Facebook|📱Instagram|📺YouTube