Kogon tuman hokimligi |Rasmiy kanal

Sayyor qabul – aholi murojaatlari bilan ishlashda samarali yo'ldir!

Ijtimoiy himoya milliy agentligi viloyat boshqarmasi boshlig'i Umidjon Umarov tomonidan bugun Kogon tumani Taraqqiyot mahallasida ijtimoiy himoyaga muhtoj aholi qatlami uchun sayyor qabul tashkil etildi.

Sayyor qabulda fuqarolardan nogironlik belgilash, POM va RTV vositalari bilan ta’minlanish, murakkab jarrohlik amaliyoti uchun moddiy yordam, ijtimoiy nafaqalar, voyaga yetmaganlarni ta'limga jalb qilish, nogironligi bo‘lgan shaxslar tomonidan soliq imtiyozlari va shu kabi masalalarda 20 taga yaqin murojaatlar kelib tushdi.

Xususan, Nusrat aka G'afurovning uy-joyini kadastr ro'yxatidan o'tkazishda huquqiy yordam berish, Qahramon aka Izzatovga nogironlik guruhi belgilash, Aziza Shirinovaga ijtimoiy nafaqa tayinlash, Oynisa opa Raupovaga moddiy tomonlama ko'maklashish masalasida qilingan murojaatlar shular jumlasidandir.

Muxtasar aytganda, bugun hech bir murojaat shunchaki qog‘ozlarda qolib ketmayapti. O‘tkazilayotgan sayyor qabullar muammolarni aniqlash, joyida hal qilish, ularni bartaraf etish maqsadlariga qaratilganligi bilan ham ahamiyatlidir.

|Kogon tuman hokimligi rasmiy kanali

Telegram | facebook | Youtube

KOGON TUMANI HOKIMI "SARAYON" MAHALLASIDA YASHOVCHI SAID NARZIYEV XONADONIDA BO'LDI

Bugungi kunda Kogon tumanida ham tomorqachilikda oʻziga xos tajriba orttirib, yaxshi daromad topib, roʻzgʻori kam-koʻstini bartaraf etayotgan oʻnlab oilalar, dehqon xoʻjaliklari borligi kishini quvontiradi. Hatto, qishki mavsumda ham koʻplar oʻz oʻy- tashvishi bilan band bir paytda mirishkor uy xoʻjaliklari issiqxonada emin-erkin mehnat qilib, sarxil hosil yetishtirishayotgani tahsinga loyiq, albatta.

Jumladan tumanning "Sarayon" mahallasida yashovchi Said aka Narziyev ham ana shunday tomarqa hadisini olgan xonadon egalaridan. Ayni kunda Said aka Narziyev o'ziga tegishli 10 sotix yer maydonining 4 sotixida kartoshka, 6 sotixida qulupnayning solxiyan navi hamda bulg'or qalampiri va pomidor ko'chatlarini yetishtirmoqda. Yerdan unumli foydalanib oila a'zolaridan tashqari 10 ga yaqin mavsumiy ish o'rni yaratgan mirishkor yiliga 150 mln so'mgacha sof daromad ko'rmoqda.

Kogon tuman hokimi Otabek Qazoqov ushbu xonadonda bo'lib, Said aka Narziyev ish tajribasi bilan tanishdi.  Shuningdek, hududda mazkur xo‘jalik faoliyati misolida boshqa xonadonlarda ham qo‘llash bo‘yicha mas’ullarga tegishli topshiriq va vazifalarni berdi.

|Kogon tuman hokimligi rasmiy kanali

Telegram | facebook | Youtube

⚡️NAVBATDAGI O'RGANISH ISHLARI SIYOZ-POYON HAMDA NAVRO'Z MAHALLALARIDA BO'LIB O'TDI

Xabar berib borayotganimizdek, tuman hokimi Otabek Qazoqov aholini tadbirkorlikka keng jalb qilish orqali ularning daromadlarini oshirish, yangi ish o‘rinlari yaratish, ishsiz fuqarolarni biror faoliyat turi bilan band qilish, kambag‘allikni qisqartirish, mahallalarda tadbirkorlik muhitini shakllantirish, migratsiyada bo‘lgan va xorijdan qaytgan fuqarolar bilan manzilli ishlash bo‘yicha tajribalarni ommalashtirish hamda hududlardagi mavjud muammolarni bartaraf etish maqsadida tuman mahallalari hududida o'rganish olib borib, "mahalla yettiligi" hamda mahalla faollari bilan yuzma-yuz muloqotlar o‘tkazmoqda.

Ana shunday uchrashuvlarning navbatdagisi bugun, 31-yanvar kuni tumanning Siyoz-poyon hamda Navro'z mahalla fuqarolar yig'ini faollari bilan tashkil etildi. Uchrashuvda tuman hokimi  Otabek Qazoqov boshchiligidagi sektor rahbarlari, hokim o'rinbosarlari, tashkilot va korxona rahbarlari, "mahalla yettiligi" hamda faollar ishtirok etdi. Dastlab ishchi guruh tomonidan  olib borilgan o'rganishlar tanqidiy tahlil qilindi. Tuman hokimi tomonidan hududlarda faoliyat yuritayotgan "mahalla yettiligi", belgilangan vazifalarni bajarishda yo'l qo'yilgan kamchiliklar uchun qattiq ogohlantirish berildi.

Shuningdek tuman rahbari mahallalardagi aholi murojaatlari bilan ishlash, jinoyatchilikni oldini olish, tadbirkorlik bilan shug‘ullanish istagida bo‘lgan fuqarolarga biznes loyihalarni tayyorlashda konsultativ ko‘mak berish, aholi bandligini ta’minlash, mahallaning “o‘sish nuqta”larini aniqlash va xonadonma-xonadon yurish orqali mahallani iqtisodiy rivojlantirish choralarini ko‘rish, shuningdek mahallalarga biriktirilgan tijorat banklari xodimlari va hokim yordamchilarining yaxshi samara bergan tajribalarini ommalashtirish zarurligini ta'kidlandi.

Muhokama so'ngida tuman hokimi mas'ullarga hamda mahalla yettiligiga mavjud muammo va kamchiliklarni bartaraf etish, aholi murojaat va takliflarini o'z vaqtida hal etish bo'yicha topshiriq va ko'rsatmalar berdi.

|Kogon tuman hokimligi rasmiy kanali

Telegram | facebook | Youtube