KLINIKA.UZ Скидки, акции и новости от клиник Ташкента

❗️Чангли ҳаводан ҳимояланиш учун шифокорлардан ўнта муҳим тавсия

✅ Хона ёки иншоотларнинг пол ва токчалари, улар ичидаги буюм ҳамда ашёларни нам латта билан тозалаб туринг. Уй ёки бино ичига, атрофига сув солинган идишлар қўйиш чанг даражасини пасайтиришга хизмат қилади. Қолаверса, нам сочиқларни осиб қўйинг. Бундай вазиятда кондиционер ва ҳавони тозалаш тизимлари ҳам асқатади.

✅ Деразаларни ёпиқ ҳолда сақланг. Айниқса кечаси ва эрта тонгда эшик ва ойналарни зичлаб ёпинг!

✅ Кўпроқ сув ичинг!

🚫 Очиқ ҳавода ҳаракат қилишни чекланг!

✅ Тез-тез душ қабул қилинг! Айниқса, ташқаридан уйга киргач, бу жараён нафас олишингизни енгиллаштиради.

✅ Оғиз ва бурун бўшлиғини тузли эритма билан ювиб ташланг!

✅ Нафас олиш тизими касалликларига чалинганлар тиббий ниқобдан фойдалашлари ва уларни ҳар 2 соатда алмаштиришлари зарур!

✅ Кўзларни ювиш тавсия этилади. Айниқса, линзадан фойдаланувчилар учун бу жуда муҳим.

🚫Тутунга тўла хоналарда чекиш хавфли. Чунки ифлосланган об-ҳаво ҳисобига саломатлигимизга етадиган зиён бир неча баробар ошиб кетади.

‼️ Aгар Сизда нафас қисиши, бурун битиши, аксириш, бурун оқиши, кўзларда қичишиш ва қизариш, томоқда кучли қичишиш, қичишиш билан кузатиладиган йўтал белгилари юзага келса, тезда шифокор билан маслаҳатлашинг.

@klinikauz_official

Шавкат Мирзиёев қум бўронлари ҳақида тўхталди

«Юртимизда экологик таҳдидларнинг салбий таъсири ортиб бормоқда. Буни куни кеча содир бўлган қум бўронлари ҳам яна бир бор тасдиқлади. Орол денгизининг қуриши билан боғлиқ вазият тобора кескин тус олмоқда.

Шу борада биз Оролбўйини экологик инновациялар ва технологиялар ҳудуди сифатида эълон қилиш бўйича Бирлашган Миллатлар Ташкилоти Бош Ассамблеясининг резолюциясини ҳаётга татбиқ этишга доир тизимли ва комплекс чора-тадбирларни амалга оширишимиз лозим.

Шунингдек, Бирлашган Миллатлар Ташкилотининг янги экологик сиёсати асосларини ташкил этишга қаратилган Бутунжаҳон экология хартиясини ишлаб чиқиш борасидаги фаолиятимизни жадаллаштириш керак».


@klinikauz_official

Халқ табоботидан

👃🏼Бурун битса.1 чой қошиқ чойни 1 стакан қайноқ сувга солинг. Бироз тиниб турсин. Бурунни ана шу дамлама билан ювинг.

🫁 Нафас йўллари яллиғланиши. Бир чойқошиқ алоэ баргининг сувини олинг ва шу миқдордаги асал билан аралаштиринг. Кунига 3 маҳал овқатланишдан олдин 1 чойқошиқдан қабул қилинг. Бу восита балғамни кўчиради, юқори нафас йўлларидаги яллиғланишни даволайди.

🫀Юрак уриши сусайса. Агар сиздаги юрак қисқариш частотаси бир дақиқада 55 зарбадан кам бўлса, у ҳолда ушбу тавсияни қўллаб кўришингиз мумкин: 10 дона лимон шарбатини сиқиб олинг, 10 дона саримсоқни майдаланг, уларни 1 литр тоза асал билан аралаштириб, шиша банкага солинг ва 10 кун салқин, қоронғи жойда сақланг. Аралашмани ҳар куни қўзғаб туринг.

✅ Тайёр бўлган малҳамни эрталаб нонуштадан 30 дақиқа олдин 1 ошқошиқдан аста-секин шимиб қабул қилинг. Муолажа токи малҳам тугагунча давом этади.

@klinikauz_official

ССВ: АҲОЛИГА ЧАНГЛИ ҲАВОДА НИҚОБ ТАҚИШ, АЛЛЕРГИК ВА АСТМА КАСАЛЛИГИ БОР БЕМОРЛАРГА ТАШҚАРИГА ЧИҚМАСЛИК ТАВСИЯ ЭТИЛАДИ

Кеча юртимизда кучли шамоллар туфайли мавсумга хос бўлмаган чанг-қумли бўрон ҳодисалари кузатилганидан хабарингиз бор. Бунинг оқибатида тупроқнинг жуда қуруқ устки қатлами кўтарилиб, атмосфера ҳавосидаги чанг миқдори белгиланган меъёрдан 5 баробар ошди.

Гидрометеорология хизмати маркази прогнозига кўра, бугун, яъни 5 ноябрь куни ҳам Тошкент шаҳрида шамол тезлиги 5-10м/с, республикамизнинг бошқа жойларида эса 7-12м/с даражасига етиши қайд этилган.

Хўш, мазкур ҳолатнинг саломатлигимизга қандай салбий таъсири бор? Ундан кимлар ва қандай ҳимояланиши керак?

— Бундай вазиятда имкон қадар очиқ ҳавода юрмаслик зарур, — дейди Республика илмий ихтисослаштирилган аллергология маркази директори, тиббиёт фанлари доктори, профессор Илмира Разикова. — Айниқса, бронхиал астма, аллергик ринит, аллергик коньюктивит, томоқ қичишиши билан кузатиладиган йўтал, бронхит, бронхлар гиперреактивлиги ва бошқа нафас йўли сурункали касалликлари бор инсонлар ташқарига чиқмасликлари керак.

Чунки бундай ҳаво таркибида чанглар билан бирга, ўсимлик чангчалари, замбуруғ споралари жуда катта концентрацияда бўлади. Шу боис хасталиклари бор кишилар шифокор маслаҳати билан аллергияга қарши дори воситалари дозаларини оширишлари лозим.

Ним таъсир қилувчи тузли сув билан томоқ ва бурунларни чайиш, хоналарни ёпиқ сақлаш, хўл сочиқларни хоналарга осиш, каттароқ сиғимли идишларга сув солиб қўйиш зарур.

Очиқ ҳавода юрганда, албатта, тиббий ниқоб тақиб юриш ва уларни ҳар икки соатда алмаштириш шарт. Ёш болалар, ҳомиладор аёллар ва ёши катта инсонлар ҳам бундай вазиятда эҳтиёткор бўлишлари тавсия этилади.

Шунингдек, агар юртдошларимизда ташқи муҳитдаги чанглар туфайли нафас қисиши, бурун битиши, аксириш, бурун оқиши, кўзларда қичишиш ва қизариш, томоқда кучли қичишиш, қичишиш билан кузатиладиган йўтал белгилари юзага келса, тезда аллерголог шифокорга мурожаат қилишлари лозим.

— 3 ноябрь куни “Тез ёрдам” хизматига бўлган жами чақириқлар сони 3433 тани ташкил этганди, — дейди Республика шошилинч тиббий ёрдам илмий маркази Тошкент шаҳар тез тиббий ёрдам станцияси бош шифокори Дониёр БЎРИБАЕВ. — Кеча эса бу кўрсаткич 4082 тага етди. Шундан 678 таси бевосита нафас сиқиши билан боғлиқ мурожаатлардир. Ушбу беморларга бригадамиз томонидан биринчи тез тиббий ёрдам кўрсатилиб, маълум қисми госпитализация қилинди.

Эслатиб ўтамиз, юртимиз аҳолиси бундай об-ҳаво шароитида зарурат сезганда, "103" хизматига мурожаат қилиб, туну кун сифатли тиббий ёрдам олишлари мумкин.

Бундан ташқари, Республика Шошилинч тиббий ёрдам илмий маркази ва унинг ҳудудлардаги 13 та филиали ҳамда туман ва шаҳар бўлимларида зарур дори-дармонлар билан етарли миқдорда тўлиқ таъминланган. Қолаверса, ушбу ҳолат юзасидан Соғлиқни сақлаш вазирлигининг алоҳида назорати ташкил этилган.

Қолаверса, Соғлиқни сақлаш вазирлигининг "1003" қисқа рақамли Саll-маркази фаолият кўрсатмоқда.

👉 @klinikauz_official

ЭНГ ЗАРУР ТИББИЙ ЭСЛАТМАЛАР
☕️ Илиқ кўк чой асал билан ичилганда мияга кўп фойда беради.
😄 Тишларингизни тоза тутинг.
🥕 Ётишдан олдин сабзи истеъмол қилиш соғлиққа фойда.
💨 Сувни узоқ қайнатиш ёки қайнатилган сувни яна қайнатиб чой дамлаш жуда зарарли.
🍷 Жигар хасталигини беҳи суви даволайди. Беҳи шарбатини кунига 1-2 коса ичиш тавсия этилади.
🍶 Ҳар қандай касалликни даволашни ошқозонни қатиқ зардоби билан ювишдан бошланади.
🚶‍♀️ Оёғингиз доим тоза, қуруқ, иссиқ бўлсин.
☕️ Кўк чой буйракни ювади, ундаги яллиғланишни даволайди.
⛹️‍♀️ Ётишдан олдин енгил бадантарбия қилинг.
🍎 Уйқудан олдин қуйидагиларни истеъмол қилиш мумкин: олма, бир қошиқ асал, бир стакан кефир ёки асал қўшилган бир стакан илиқроқ сут.
🍯 Уйқуси қочган одам асал яласин.
🍶 Тез-тез қатиқ зардобини ичиб туриш қоннинг ифлосланиши (уремия) касаллигидан асрайди.
🕊 Чумчуқ ва бедана шўрва одамни ҳар тарафлама бақувват қилади.
🍗 Инсон жигари тўрт нарсани: хом карам, творог, қаттиқ нон, асални яхши кўради.
🚿 Ёзда тез-тез совуқ сувда ювиниб турсангиз, юрагингиз, жигарингиз иш фаолияти яхшиланади.
🍚 Ширгуруч инсон умрини узайтиради, эркаклик уруғини кўпайтиради.
😬 Ҳаммомдан кейин тишни ювсангиз, тез оқаради.
🍹 Наматакни қайнатиб чой ўрнида ичиш ниҳоятда фойдали.
🚶Мунтазам ўтириб ишлайдиган одам ҳар соатда ўрнидан туриб юрсин.
🍏 Олма инсон организмига барча зарур нарсаларни етказиб беради. Ҳар куни икки дона олма ейиш кифоя қилади.
🙃 Ошқозон оғриганда наҳорда ҳамда ётиш олдидан бир қошиқ доғланган зайтун мойи ичиш тавсия этилади.
😪 Кези келганда меъёрида йиғлаб туриш соғлиққа фойдали.
🍶 Кимда-ким ҳар 10-15 кунда бир марта шомда 1 литр қатиқ зардобини ичиб, ичини ювса, қон босими, қанд, бавосир, ошқозон оғриғи каби хасталиклардан халос бўлади.
☘️ Сабзавот, кўкатлардан унумли фойдаланиш умрни узайтиради.
☕️ Доим кўк чой ичиб, сариқ сабзи еб юрган одам ўсма (рак) касалига чалинмайди.
🏃 Спорт турлари ичида энг фойдалиси югуришдир.


👉👉@klinikauz_official