Shunchaki kitob📚va baxt🤎|blog

Singlimga koʻp aytaman.

Nostalgiya uchun ham, sizga eslatma boʻlishi uchun ham unutilgan postlardan birini qayta joylayapman:

Kamida 20 yoshinggacha fokusni faqat maqsadlaringga qarat. Boshqa hech narsa va hech kimga chalgʻima.

Chalgʻimaslik va amalda harakat qilish - hozirgi davr super qobiliyatlari. Qiymat yarat. Harakatsiz gapiradiganlardan boʻlma.

Arab tili? Oʻrgan. IELTS-mi? Ol. Oʻqishga kirasanmi? Kir. Biznesmi? Boshla. Kuchli shaxsiyatmi? Ustingda ishla. Qimmatli boʻl.

Energiya tarqat oʻzingdan. Pozitiv energiya. Ruhlantiruvchi energiya. Koʻplarni oldinga tortuvchi energiya.

Finans erkiga chiq. Soʻnggina maqsadlaring yoʻlida uchrayotgan va jiddiy niyat bildirayotganlardan birini tanlaysan.

Sen qiymatli boʻlsang, predlojeniya beradiganlar ham nimadirga kuchi bilan erishib qoʻygan qiymatli insonlar boʻladi shunda.

Notoʻgʻri tanlov qilmaysan katta ehtimol bilan. Sen oʻzingni va hayotni yaxshigina anglab yetgan boʻlasan.

Sendagi xarakter, tarbiya, itoat va vafo kabi hurmat elementlari sendan koʻra, koʻproq oila, ota-onaga bogʻliq.

Bulardan havotir olma. Joyida bular. Sen qaygʻurishing kerak boʻlgan yagona narsa - qiymatsiz boʻlib qolmaslik.

Chunki sen ertaga ham jamiyatga foydali inson, ham farzandlaringga namunali ona boʻlishing kerak. Senga ishonamiz.

Sizlarda ham shunaqami - ❤️

@ceotony

Garchi mustaqillikka deyarli 34 yil oldin erishgan bo'lsakda, hali to'laqonli darajada mutaqil bo'lganimiz yo'q ekan.
"Mustaqil" so'zi faqatgina qog'ozlarda mujassamlashganligini qayta-qayta guvohi bo'lyapmiz...

Bizning xalq shu darajada qo'yki, podachi jarlikka yetaklasa ham indamay pastga tushib ketaveradi.

Tarovehga maktab o'quvchilarini kiritmaslikka kimni huquqi bor? Biz mustaqil emasmidik? Bizda din erkinligi yo'qmidi? Istagan dinimizga e'tiqod qilishimiz mumkin emasmidi?

Mustaqil fikrlarni ommaga taqdim etadiganlarni chopishga kimni haqqi bor, bizda so'z erkinligi yo'qmidi? Kamiga bu "Jurnalistika" yo'nalishida tahsil oladigan studentlar bo'lsa?

Biz chet davlatga pul jo'natsak, boshqalarni nima ishi bor? Qamashga kimni haqqi bor, topgan pul o'zimizniki, peshona terimizniki emasmi axir?

Nega hech kim bosh ko'tarmaydi? Hamma jim, nahotki mardlar topilmasa? O'z haq-huquqini talab qiladiganlar topilmasa? Shunchalik ongsizmizmi, haqqimizni talab qilolmaydigan, jamiyat shu ahvolga kelib qoldimi? Hamma qorin dardidami?

Essiz, essiz shuncha umr, essiz Behbudiylaru, Avloniylar jon berib kurashgan jamiyatning ahvoli...

Hali beri o'nglanmaymiz, qornim to'q, qulog'im tinch deb parvosizlarcha atrofga nazar tashlar ekanmiz, hali beri o'nglanmaymiz, afsus...

Inson hayoti mukammal emas. Mukammallikni dunyodan izlash esa ahmoqgarchilikdir.

Bir kam to'lmagan dunyo

Hammaga biron nima yetishmaydi. Puli borlarga halovat, halovati borlarga pul. Ikkisi ham bor bo'lgan insonlarga esa mehr yoki umuman vaziyat turlicha.
Muhimi inson muvozanatni saqlay bilishi, to'g'ri qaror qabul qilishi va hissiyotlariga berilmasligi zarur.
Har bir qilingan xato qaror butun bir hayotingizni barbod qila olish xususiyatiga ega.

Ammo shunday narsalar va insonlar borki, siz ularni tanlay olmaysiz. Masalan, ota-ona, aka-uka, opa-singil, qarindoshlar, qiyofangiz, butun bir tanangiz. Bunday kishilar narsalar bizga Alloh tomonidan tanlanib beriladi. Norozi bo'lishga esa mutlaqo haqqimiz yo'qdir.

Nima bo'lganidan qat'iy nazar insoniyat shunday kishilar bilan muomila qilganda o'zini tuta bilishi kerak. Siz yoqtirasizmi yoki yo'q buni umuman ahamiyati ham yo'qdir.

Shukr qilib, sabr qilish, duo qilish eng to'g'ri qarordir ekanligiga mutlaqo ishonaman.

Najotni faqat Allohdan izlash kerak...

Одам Ато яратилгандан сўнг у зерикди. Ўзини кемтик ҳис қилди. Шундан сўнг Момо Ҳаво яратилди.

Айтингчи, бирор жойда Момо Ҳаво ер юзини супуриши, овқат қилиши, умуман, жамийки икир-чикирларни бўйнига олиши учун яратилган деган жумлага ёки буюруққа дуч келганмисиз?

Йўқ, аёл киши нозик ҳилқат. У завқ бағишлаш, меҳр билан дилларни яшнатиш учун яратилган. Унинг нафосатидан, энергиясидан олам гўзаллашиши лозим.

Уни арзимас икир-чикирлар сабаб хафа қилманг, дилини оғритманг, энергиясини қон сўрувчи ҳашорат каби сўриб олманг. Унга қайси турдаги энергияни берсангиз сизга ортиғи билан қайтаради.

Аёлнинг жим бўлиб қолишидан, тортишмай қўйишидан қўрқиш керак. Чунки бундай ҳолда у бутунлай таслим бўлган, ҳафсаласи сўнган, айнан сиз учун энергияси тугаган бўлади.

У ёнингизда бўлиб ҳам сиздан кетишга қодир. У шундай ғалати ва мукаммал жонзот.

Биз аёллар ҳеч нарсага мажбур эмасмиз. Елкамиздагилар мажбуриятмас — масъулият. Биз иккисини фарқлаб олишимиз лозим. Бўлар-бўлмас мажбуриятлар билан овора бўлмай, масъулиятларимизга эътибор қаратишимиз биз учун фойдалироқ.

@qodirova_g