Online kimyo darslari

​​#bugun Samarqand shahrida Samarqand davlat tibbiyot universitetida Abu Ali ibn Sino tavalludining 1044 yilligiga bag'ishlangan III Xalq tabobati bo'yicha Xalqaro ilmiy-amaliy konferensiyasi boshlandi. Mazkur Xalqaro ilmiy-amaliy konferensiyada 12 davlatdan 50 dan ortiq xorijiy mehmonlar, Respublikaning tibbiyot, xalq tabobati sohalari bo'yicha yetakchi olimlar ishtirok etishmoqda. Jumladan, O'zbekiston tibbiy-ilmiy faoliyat bilan shug'ullanuvchilar Tabobat akademiyasi raisi, kimyo fanlari doktori, Andijon davlat universiteti professori, O'zbekistonda xizmat ko'rsatgan ixtirochi Ibrohim Rahmonovich Asqarov, kimyo fanlari doktori, professor Obidjon Shaxabidinovich Abdulloyev, kimyo fanlari doktori, dotsent Mirjalol Muqimjon o'g'li, kimyo fanlari bo'yicha falsafa doktori, dotsent Farxodbek Sultonahmadovich Abdugapparov, doktorant Ziyodillo Nabijonovich Razzakovlar ham o'z maruzalari bilan ishtirok etmoqda. Konferensiya yuqori saviyada tashkil etilganligi menmonlarning yuzlaridagi samimiyatdan ko'rinib turipti.

​​Ustoz — otangday ulug‘, ustoz qadami qutlug‘,
Ustozning har kalomi ilmu hikmatga to‘lug‘,
Ustozning dili ravshan, ustoz makoni yorug‘,
Unib chiqar, albatta, ustoz tashlagan urug‘,
Ustoz qadami qutlug‘, ustoz — otangday ulug‘.

Temur bosh qo‘ydi mangu ustozining poyiga,
Ustoz o‘xshar olamning Quyoshiga, Oyiga,
Bilim nuri yog‘ilar qadam qo‘ygan joyiga,
Yo‘llar adolat, vafo, muhabbat saroyiga,
Ustoz qadami qutlug‘, ustoz — otangday ulug‘.

Ota-ona farzandni keltiradi dunyoga,
Ustoz esa cho‘mdirar ilmu hikmat, ziyoga,
Yerdagi bolalarni ko‘taradi samoga,
Ota-ona fanosin aylantirar baqoga,
Ustoz qadami qutlug‘, ustoz — otangday ulug‘.

Deydilar, ustoz jabri — ota mehridan afzal,
Shogirdlarning iqboli — ustoz jabriga badal,
Navoiy demish, kasbni egallagil mukammal,
Saodatning kaliti, bilgilki, ilmu amal,
Ustoz qadami qutlug‘, ustoz — otangday ulug‘.

Ustoz ko‘rmaganlarning yo‘rg‘alashdir odati,
Ezgu bo‘lsin har kimning so‘zi, sa’yi, niyati,
Kam ye, kam de, kam uxla — ustozlar nasihati,
Nechog‘ buyukdur ustoz kalomining qudrati.
Ustoz qadami qutlug‘, ustoz — otangday ulug‘.

Najot gulin o‘stirar Avloniy gulbog‘ida,
Haq olinur, berilmas — Behbudiy sabog‘ida,
Oqilxonning siymosi «Alifbo» varog‘ida,
Ustozlar iydin yozay qasidam adog‘ida,
Ustoz qadami qutlug‘, ustoz — otangday ulug‘.

1 oktyabr - Ustoz va murabbiylar kuni.

Bayramingiz muborak bo'lsin aziz USTOZLAR!