Khumoyun Codes

Video ko’rdingizmi? Overemployed odam bilan savol javob qilishimizga nima deysiz? Ha desangiz kechagidek post ostida 🔥 qoldiring.

Ha aytgancha, sizga qiziq bo’lgan, so’rashimni hohlagan savollaringizni ham.

300 ta olovcha 🔥 va videoda 3000 ta ko’rishlar yig’sak suhbat aniq bo’ladi.

P.S. Overemployed hamkasbimiz hozir 3 ta ishda ishlaydilar :)

@khumoyun_codes

Leadimiz bilan bo'layotgan suhbat:

- Falonchi, mana bu kommentni tushunmadim, buni o'rniga buni ishlatsak bo'lardiku
- Ikkovi bir xil ishlaydi, lekin mana buni ishlatgan yaxshiroq
- Hop, tog'rlaymiz
- Lekin qoyil, lodashdagi partial funksiyasini ja joyiga qo'yib ishlatib ketibsan
- Buni o'zing oldingi PR da suggest qildingku, men shunchaki qo'shib qo'ydim
- Yog'e, baribir zo'r qilibsan, molodec 🙂
- 🗿😅️️️️️️

@khumoyun_codes

Dasturlashga aloqasi bo'lmagan postlar buyerda 👉 @khumoyun_writes

O'zgaruvchan requirementlar

Dasturlashni o'rganib endi ishga kirib ishlab yurgan paytlarim, ko'pincha talablarni (requirment, acceptance criteria) oydinlashtirmasdan ishni boshlab ketaverardim, oxiriga borganda ba'zida tamoman boshqa narsa so'ralgani va meni qilgan ishim befoydaligini bilib qolardim. Shunday holatlarni deb, har-xil gap so'zlar ham bo'lgan.

Lekin oxirgi payt bunday holatlar bo'lmayotgandi, kuni kecha men bilan bog'liq bo'lmagan sababni deb yana 1 hafta o'tirib qilgan ishim, yozgan ko'dim kuyib ketti 😓. Bunday bo'lishini sababi, taskni qo'shayotganimizda ham, grooming payti ham, planning payti ham, undan keyingi qo'shimcha sessiyada ham hech kim mana buni bunday qilish kerak deb aytmagan ham, yozmagan ham. Oxirida PR ni endi yopaman degan paytda, leadimiz mana buni bunday qilish kerakmasmidi mabodo, kuni kecha meetingda falonchi bunday degandi deb qoldi, o'sha odamni oldiga Lead bilan borib so'rasak. Ha mana bunday qilish kerak, lekin qanday qilib qilish hali noaniq edi, shunga aytmagandim, bilib kelib senga aytaman deb javob berdi. Ketgazgan vaqtimga achinib ticketni ham, PR ni ham blocklab qo'ydim. Tog'ri, o'zgartirishlarga, yoki qaytadan yozishga yangi baho berilib, meni vaqtimga yoziladi, deadlinelar cho'ziladi, oyligimni shundoq ham olaveraman. Ammo men uchun qaytadan yana shu narsani ustida ishlash erish tuyiladi. Shu paytgacha nima qilib yurganding nomard, noqal bu ticketni keyingi sprintga qo'yib keyin aytganingda men boshqa foydaliroq ish qilardim degim keldiyu, tilimni tiydim, "klient" ahir hardoim haq, shunday emasmi?

Sizda ham shunday holatlar bo'ladigan bo'lsa, 7 so'rab, 1 code yozing. Bo'lmasa hammasi havoga uchib ketmasin.

Shunday holat bo'lganmi sizda ham hech?

@khumoyun_codes

Dasturlashga aloqasi bo'lmagan postlar buyerda 👉 @khumoyun_writes

"Texnik qarz" 💸

Ba'zi paytlarda biron bir ishni qilolmasak yoki yaxshilab qilolmasak, "amallab" turgazib, "qo'ltiqtayoq (костыл)" kod yozamiz. Yaxshi va sifatli yo'lni qo'yib turib, hozir, tez va osonroq yo'l tutib, bajarilgan har qanday ish "texnik qarz" deb ataladi. Bankdan olingan qarzlar ya'ni kreditlar kabi, texnik qarzning ham ustida foizi oshib borishi mumkin. Vaqtida yopilmagan texnik qarz, keyingi qilinishi kerak bo'lgan ishlarni qiyinlashtirishi va qimmatlashtirishi mumkin.

Texnik qarzlar 2 turga bo'linadi "atayin" (intentional) va "beixtiyor" (unintentional).

Atayin qilingan texnik qarz:
Keyin to'g'rlanishi hisobga olingan, uzoq muddat va sifat o'rniga, deadlinelarga ulgurish, tez ishga tushirishni o'ylab, tezlik va son balandroq qo'yilgan qarzlar.

🔹 Masalan: Testlarni keyin yozib to'ldirib qo'yish mumkinligi uchun, juda kam testlangan loyiha yoki maxsulotni keng ommaga chiqarib yuborish. Bu holatda siz bozorda birinchi chiqishingiz va auditoriyani birinchi olishingiz muhimroq bo'lganiga, o'ylangan qarzga botasiz.

Beixtiyor qilingan texnik qarz:
Uzoqni ko'zlay olmaganlik, bilim yoki tajriba yetarli bo'lmaganiga qoldirilgan qarzlar.

🔹 Masalan: Dasturchining tajribasi kamligiga, yaxshi va unumli muqobilini bilmaganligi uchun, murakkabligi va ishlash tezligi past bo'lgan kodni yozish va ishlatish. Bu holatda bilmasdan qarzga botasiz.

Bunday qarzlar, har bir dasturchi yoki dasturiy ta'minot ishlab chiqish bilan bog'liq insonlarning hayotida uchrab turadi. Ulardan qochib bo'lmaydi, ammo tog'ri boshqarish va nazorat ostida ushlab turish mumkin. Doimiy refactor qilish, optimizatsiya qilish, texnik xujjatlarni yangilash, tezlik va sifat orasidagi muvozanatni ushlab turish va qarzlarni ishingizga negativ ta'sirini yoqotishga yordam beradi.

P.S. O'z vaqtida yopilgan texnik qarz, ertaga sizni vaqtingizni va asablaringizni ancha tejashi mumkin 😊.

@khumoyun_codes

Biznesni tushunuvchi muhandislar

Kuni kecha barchasi bank va online banking sohasida ishlaydigan dasturchilar davrasida bo‘lib qoldim. Ularning aksar qismi bu sohada birinchi marta ishlamasdan, orada boshqa online banking va to‘lov tizimlariga bog‘liq kompaniyalarda ishlab, hozirgi ish joyligiga yetib kelgan ekan. Ularga qilinayotgan sharoitlar, dasturchilarning qadrlanishi va banklar aro kadr talashishlar haqida eshitdik. Hozirgi paytda ko‘pgina yuqoriroq darajadagi dasturchilar nafaqat texnik bilimlari balki biznesni tushunganligi uchun ham, boshqa bir xil yoki ulardan ham yuqoriroq darajadagi nomzodlardan ustunroq qo‘yilar ekan.

Misol keltiradigan bo‘lsak, siz backend dasturchisiz, doim bank sohasida ishlagansiz, bankda jarayonlar qanday boshqarilishi, foizlar hisoblanishi, hisobotlar yig‘ilishi va jo‘natilishidan xabaringiz bor. Ma’lumotlarni qay holatda saqlab, qaysilarini nusxalarni alohida saqlab qo‘yish kerakligini bilasiz. Boshqa bir nomzod dasturchi esa, oldin har xil sohalarda ishlagan, umumiy ishlarni yaxshi bajara oladigan dasturchi. Shu holatda biznes egasi yoki boshqaruvchilari, sizni ishga olishni afzalroq deb bilishadi, chunki sizga ortiqcha vaqt sarflab to‘liq jarayonni tasvirlab berilmasa ham o‘zingiz ishlay olasiz va kerak paytda hatto o‘z takliflaringizni kiritasiz. Bu esa biznesga juda katta foyda olib kelishi mumkin. Mantiqan o‘ylab qaraydigan bo‘lsak, biz ham biznesimiz bo‘lganda shunday "domain specific" dasturchilarni ishga olishni afzal ko‘rar edik.

Qo‘shimchasiga, Nuruddin yaqinda Californiaga borib kelgandan keyin taassurotlarini aytib berganda ham yuqoridagi gaplarni ta’kidlagandi. Ya’ni hozirgi paytda texnologik gigantlar paydo bo‘ladigan Sillicon Valleyda ham, muhandis/arxitektorlarni aynan biznesni zo‘r tushunganligi uchun, ayrim kompaniyalar katta maosh va ulushlar bilan "ovlab" (hunt) qilishga harakat qilishayotgan ekan.

Xulosa shuki, siz biron bir loyiha ustida ishlayotgan paytingizda shunchaki kerakli vazifani bajarishdan tashqari, "domain" ya’ni biznes qanday ishlashini ham tushunishga harakat qiling. Nimaga aynan shu ish qilinayotgani, qanday qilinayotgani va nima foyda olib kelishini ham tushuning, kerakli paytda yechimlarni bilsangiz takliflarni ham kiriting. Shunda siz kompaniyada shunchaki ishchi bo‘lmasdan "kalit dasturchi" (key developer) sifatida ham qadrlanasiz va bu sizga ko‘p eshiklarni ochib beradi. Undan tashqari kelajakda o‘zingiz shu "domain"ni o‘zida startap qilish istagi bo‘lib qolsa ham ishingiz ancha osonlashadi.

@khumoyun_codes

Shogirdlarimizdan biri yaqinda EPAMdan suhbatdan o'tganlari haqida yuqoridagi aytgan edim. Suhbatda tushgan savollarni boshqalarga ham foydasi tegib qolar deb, yozib olgan ekanlar. Shunga kerak bo'lib qolsa albatta o'zingizga saqlab boshqalarga ham ulashib qo'ying 😉

HTML/CSS:
- Adapive bilan responsive design/verstka nima farqi bor?
- Accessibility nima?
- SEO ni qanday qilib yaxshilasa bo'ladi?
- Positionlarni sanab ber
- SCSS / Less ishlatganmisan? Oddiy CSS dan farqini aytib bering

Javascirpt:
- Closure nima?
- Event loop nima?
- Promise nima ?
- Async Await haqida gapirib ber
- Javascript single threadmi yoki multithread?
- WebWorker nima?
- Set va Map nima ?
- Type turlari va farqlari nimada?
- eventDelegation nima?
- Map bn Object ni farqi
- Hoisting nima ?
- TDZ (Temporary Dead Zone) nima?

TypeScript:
- type bilan interface ni farqi nimada?
- Generics nima ?
- Qaysi holatlarda TypeScript kerak / kerak emas.

React:
- Class componentlar bilan ishlatganmisiz?
- Class component bilan Function Componentning farqi?
- Nega aynan Class component ishlatishim kerak?
- Reconsilation nima?
- Lifecycle methods Class componentlarda va Functional componentda qanday ishlatilinadi?
- Qanday qilib kodni optimize qilgan bo'lardingiz?
- HOC nima?

Umumiy:
- Code reviewda qatnashganmisiz?
- CI/CD nima? foydalanganmisiz?
- Agile / Kanban haqida gapirib bering?
- Cloud servicelar dan foydalanib ko'rganmisiz?
- Docker ni ishlatib ko'rganmisiz?
- Xujumlar haqida gapirib bering.
- RestApi bn Graphql ni farqi?
- Test yozib ko'rganmisiz?
- Tailwind / Bootstrap ishlatib ko'rganmisiz? Ularni qachon ishlatish kerak / kerak emas?

Amaliy savollar:
1. function retryFetch(url, count, delay) {}, response ijobiy kelmaguncha shu funksiya ${count} marta ishlashi kerak.
2. hasDuplicate function yozib ber. Arrayni ichida bir ma'lumot takrorlangan bo'lsa true qaytarishi kerak
3. sum function yozib ber. sum(1, 2, 3, 4, 5, 6)
4. harflar nechta qatnashganini topib beruvchi funksiya yozib bering. test => {t: 2, e: 1, s: 1}
5. Arrayning flat methodini qo'lda yozib bering.

Barcha amaliy savollarda time comlexity bn space complexityni aytish so'raldi

Bundan tashqari 3-4 ta consolega nima chiqishi haqida ma'lumot so'radi

P.S. Suhbat javobi hali chiqqani yo'q, shunga imkoni bo'lsa do'stimiz haqqiga duo qilib qo'ysangiz xursand bo'lar edik 😊

@khumoyun_codes

2024-yil sarhisobi 🗓

Oxirgi 4 yildan beri yil sarhisobini kanalda qo'yib boraman. Bu yilgi sarhisobni ham qarshi oling 😊

Bu yil nimalar bo'ldi, nimalar qildim:

- O'zim va hamfikr insonlar uchun yangi ish studiyasi ochdim, jihozladim, to'liq barcha tehnikasi bilan. Shu studio orqali bizness bilan shug'illanishga harakat qilib ko'rdim, juda ham muvaffaqiyatli bo'lmagan bo'lsa ham. Ancha narsani o'rgandim, urinib ko'rdim va yaxshi tajriba oldim.
- Reja qilganimdek 2 marotaba sayohat qila olmadim, lekin 2 davlat Malaysia va Singapore da bo'ldim. Google homiylik qilgan bu qisqa safarda yaxshi do'stlar va tanishlar orttirdim.
- Ish davomida, 2 marotaba loyiha almashtirdim, hozirgi jamoam ishlagan jamoalarim orasida eng hamdo'st va o'zbeklar eng ko'p jamoa bo'ldi.
- AKALAR bilan Skillup loyihasini ishga tushirdik, hali ham ustida ishlamoqdamiz.
- Fitness bilan oxirgi 3+ oydan beri shug'illanmoqdaman, natijalar yomon emas, asosiysi jismoniy harakatlar ancha ko'paydi.
- 5 ta badiiy kitob o'qidim.
- Instagramimni to'liq o'chirib tashladim, 4 oydan oshiq Instagramga kirganim yo'q. Reels ko'rish odatini tashladim, lekin yaqinda yangi Instagram akkaunt ochdim, deyarli kirayotganim yo'q. U yerga soha bo'yicha kontent qilishni boshladik, yangi yildan shaxsiy brend ustida qattiqroq ishlaymiz. (https://instagram.com/khumoyuncodes)
- Ko'pgina IT tadbirlarda qatnashdim, taqdirlandim, har xil odamlar, soha vakillari bilan tanishdim.
- Yangi avtomobil sotib oldim. Elektrda yuradiganidan ⚡

Oldingi yildan qolgan, buyilga o'tgan va yangi 2025-yil uchun ba'zi rejalar:

- Investitsiya kiritishni o'rganish va kiritishni boshlash. Undan tashqari moliyaviy yostiqchamni mustahkamlash.
- Passiv daromad uchun yangi yo'l izlab topish va uni yo'lga qo'yish.
- Yilning birinchi kvartalida SkillUp platformasida yangiliklar qilish.
- DS va Algorithmlarni o'rganish orqali, Leetcode da kamida 200 ta masala ishlash va problem solving ko'nikmalarni yaxshilash.
- Boshqa ish joyi topish, oyliklarni oshirish va bu haqida YouTube kanaliga kontent olish
- Nasib qilsa Umra safariga borish
- Bu yili kamida 2 marotaba sayohat (Shimoliy va sharqiy yevropa tomonlarga).
- Yangi dasturlashga oid Instagram sahifamni rivojlantirib kamida 20-40k obunachi yig'ish.
- Yil davomida, haftada noqal 2 marotaba fitness bilan shug'illanish bilan tanadagi yog' miqdorini 15-17% gacha tushirish.
- 20 ta kitob o'qish. 10 ta badiiy, 10 ta texnik.
- Qo'shimcha til o'rganishda davom etish, bu o'rganish davomida Duolingo dasturidan tashqariga chiqib chuqurroq bilimlar olish.
- Yangi ish quroli, ya'ni kompyuter sotib olish.
- Va albatta siz do'stlarimni yaxshi kontent va maqolalar bilan xursand qilish 😊

Hardoimgidek hozircha shu rejalarni tuzib qo'ydim, Hudo hohlasa, bu ro'yihat kattalashadi va reja qilinmagan yaxshi natijalar ham bo'ladi Inshallah

P.S. Barcha Telegramda blogi bor insonlarni, shunday yil sarhisobini o'tkazishga chaqiraman (Albatta meni ham eslab o'tgan holatda 😅). Agar blogingiz bo'lmasa, izohlarda bir reja yozib, o'zingizga jo'natib qo'ying, bu rejalar menga mana 5 yildan beri yordam berib kelmoqda, sizga ham yordam berishiga albatta ishonaman.

@khumoyun_codes

Qiziq holat, bozorda nima gap ekan deb kechadan vakansiyalarni qarashni boshladim 🤓. Tendensiyalar o'zgarib 📈, yana Full-stack dasturchilar qidirish avj olyaptimi bilmadim, menga ko'p shunday vakansiyalar uchradi. JS/React/Angular deganini oldida albatta Node.js va Nest deb yozilgan. Bugun ertalab 2 nafar EPAMga refer qilgan odamlarimdan ham xabar keldi, Nodejs bo'yicha savollar bilan ko'mishdi degan. Lekin frontend dasturchilikka harakat qilishayotgandi. Yana Cloud ☁️ bo'yicha ham savollar so'ramoqchi bo'lishipti. Qiziq juda qiziq, hozirgi Cloud va Nodejs bo'yicha bilimlarim bilan men o'zim ham frontendchi bo'lib ishga kira olmagan bo'lardim menimcha.

Talablar yuqorilab ketayotgani, universal "askar"lar ko'proq kerak bo'layotganimi, yoki bir ishchiga barcha ishlarni qilidirshmoqchiligidanmi tushunmadim tog'risi. Lekin shunday holatlarni ko'rib, backendni o'rganishga qaytib, suhbat uchun tayyorgarlikda bu holatlarni ham e'tiborga olib qo'yish kerakmikan deb o'ylab qoldim 🧐.

Yana bir qiziq holat, Vue chilarga ishlar ko'payib qolgandek, oldin nisbatan kam bo'lardi. Hozir Angulardan ham, Reactdan ham ko'proq negadir Vue ni ko'ryapman. Bu nimadan ekan bilmadim 🤷‍♂️.

Siz oxirgi vaqtda bozordagi o'zgarishlarda, nimalarni sezdingiz?

@khumoyun_codes