Kegeyli.uz/Рәсмий канал

"Жасыл мәкан" акциясы әмелде

2021-жылдың ноябрь айында Президентимиздиң "Жасыл мәкан" басламасын алға қойды.

Усы баслама тийкарында Кегейли районында да кең көлемли көкелемзарластырыў жумыслары әмелге асырылмақта. Бүгин райондағы "Жүзимбағ" аўыл пуқаралар жыйыны аймағында "Мәҳәлле бағы"ның шөлкемлестирилди.

Оған райондағы 16 мәҳәлле жетилиги, аймақ турғынлары ҳәм нуранийлар қатнасып, ең жақсы тилеклер менен терек нәллерин жерге қадады.

Мағлыўмат ушын, аўыл пуқаралар жыйыны аймағына 200 түп мийўе ҳәм жүзим нәллери егилди.

Кегейли районы ҳәкимлигиниң Мәлимлеме хызмети
@kegeylirkuzofficial

#Жасыл_мәкан

"Ишки ислер бағы" жаратылды

Бүгинги күнде мәмлекет көлеминде тереклерди көбейтиўге қаратылған “Жасыл мәкан” улыўма миллий жойбарын әмелде қолланыў белгиленген. Бунда тереклерди егиў ҳәм қараў бағдарында басқарыў системасын жетилистириў, аймақларда “Жасыл бағлар”ды шөлкемлестириў тийкарғы ўазыйпа етип белгиленген. Буны шөлкемлестириў ушын барлық аймақларда жер орынлары ажыратылған болып, бүгин район Ишки ислер бөлими тәрепинен Қумшүнгил АПЖ аймағынан ажыратылған 4 гектар майданда "Ишки ислер бағы" жаратылды ҳәм районлық ИИБ бөлими хызметкерлери тәрепинен 4000 түп мийўели ҳәм декоратив терек нәллери отырғызылды.

Кегейли районы ҳәкимлигиниң Мәлимлеме хызмети
@kegeylirkuzofficial

Гүзги шүдигарлаў бойынша семинар болып өтти

Кегейли районында Қарақалпақстан Республикасы Министрлер Кеңеси Баслығының аўыл хожалығы мәселелери бойынша орынбасары Шухрат Тешаев қатнасыўында гүзги шүдигарлаў жумысларын шөлкемлестириў бойынша семинар болып өтти. Семинарға Аўыл хожалығы министри Д.Қайпов, район ҳәкими А.Камалов, аўыл хожалығы тараўы хызметкерлери ҳәм фермерлар қатнасты.

Семинар «Қүмшүнгил» АПЖ аймағында шөлкемлестирилип, онда Қарақалпақстан Республикасы Министрлер Кеңеси Баслығы орынбасары Шухрат Тешайев сөзге шықты. Ол өз сөзинде гүзги шүдигарлаўды туўры шөлкемлестириўдиң аўыл хожалығы өнимлеринен жоқары өним алыўдағы әҳмийети ҳаққында тоқталып өтти ҳәм бул бойынша тийисли усынысларын берди.

Мағлыўмат ушын, мәўсим даўамында, район бойынша жәми 8326 гектар егислик майданды шүдигарлаў реже етилген болып, фермер хожалықлары тәрепинен жумыслар баслап жиберилди.

Кегейли районы ҳәкимлигиниң мәлимлеме хызмети
@kegeylirkuzofficial

⚡️Búgin hákim orınbasarı qabıllaw ótkerdi

Qabıllawda hákim orınbasarı B.Bayjanovqa puqaralar tárepinen bántlik, ishimlik suw hám úy-jay menen támiyinlew, kadastr máseleleri boyınsha múrájatlar bildirildi.

Múrájatlar tiyisli tártipte kórilip shıǵıldı hám bir neshe múrájat sol waqıtta óziniń unamlı sheshimin tapqan bolsa, ayrımları jeke qadaǵalawǵa alındı.

Kegeyli rayonı hákimliginiń Málimleme xızmeti
@kegeylirkuzofficial