"Uzbekistan Airports" rasmiy mobil ilovasini yuklab olingIlgari
ishga tushirilgan "Uzbekistan Airports" ilovasi tufayli yoʻlovchilar havo kemalarining kelish va joʻnash vaqtlari hamda Oʻzbekistonning barcha xalqaro aeroportlarida parvozlar jadvalidagi oʻzgarishlar haqida tezkor va to'liq maʼlumotlarni olishlari mumkin.
Shuningdek, yo‘lovchilar bildirishnomalarni yoqishlari, ro‘yxatdan o‘tish peshtaxtalari, samolyotga chiqish yo'laklari va aeroportga yetib kelishdan to samolyotga chiqishgacha bo‘lgan bosqichlarni ko‘rishlari mumkin.
"Ko'p beriladigan savollar" bo'limida bagaj normasi, avtoturargohdan foydalanish qoidalari va narxlari, chiptalarni sotib olish va boshqalar haqida bilib olishingiz mumkin.
Shuningdek, keyingi yangilanishda yo‘lovchilar "Fast Track", "CIP" va "Anor" zallarini xarid qilish imkoniyatiga ega bo‘ladilar.
Ilova rasmiy "
AppStore" do‘konida IOS platformasidagi mobil qurilmalar foydalanuvchilari uchun mavjud. Android foydalanuvchilari ilovani "
Google Play"dan yuklab olishlari mumkin.
Ta'kidlash joiz, "Uzbekistan Airports" mobil ilovasi o‘zbek, rus va ingliz tillarida ishlaydi.
Eslatib o‘tamiz, parvozlar holati va aeroport xizmatlari haqida
www.uzairports.com rasmiy sayti yoki +99855 501 45 55 raqamidagi Aloqa markazi orqali ham bilib olishingiz mumkin.
Web-site |
Facebook |
Instagram |
Telegram |
X |
IOS/
Android