KASBI.UZ | RASMIY - Касби тумани ҳокимлиги

Xalq deputatlari Kasbi tuman Kengashining navbatdagi sessiyasi o‘tkazildi

Bugun, 24-yanvar kuni Xalq deputatlari Kasbi tuman Kengashining VII-chaqiriq 4-sessiyasi bo‘lib o‘tdi. Sessiyada mahalliy Kengash deputatlari, tuman hokimining o‘rinbosarlari, tuman tashkilotlari va korxonalar mas’ullari ishtirok etdi.

Sessiya kun tartibiga asosan 3 ta muhim masala, ya’ni O‘zbekiston Respublikasi Bosh prokuraturasi huzuridagi Majburiy ijro byurosi Qashqadaryo viloyat Kasbi tuman bo‘limining 2024-yilda amalga oshirilgan ishlari to‘g‘risida Majburiy ijro byurosi Qashqadaryo viloyat Kasbi tuman bo‘limi boshlig‘i R.Abdiyevning, Kasbi tuman Adliya bo‘limining 2024-yil davomida tumanda norma ijodkorligi va huquqni qo‘llash amaliyoti holati bo‘yicha amalga oshirgan ishlari to‘g‘risida tuman adliya bo‘limi boshlig‘i A.Zoirov hamda O‘zbekiston Respublikasi Prezidentining Kasbi tumanidagi Xalq qabulxonasi tomonidan 2024-yil davomida aholi murojaatlari va muammolari bilan ishlash ahvoli bo‘yicha amalga oshirilgan ishlar to‘g‘risida Kasbi tumanidagi Xalq qabulxonasi yetakchi mutaxassisi A.Saidovning axborotlari tinglandi.

Barcha qarorlar "e-qaror.gov.uz" saytida e'lon qilinadi.

Telegram | YouTube | Facebook

Mahallalarda xavfsiz muhitni ta’minlashda yangicha ishlash mexanizmi joriy etilmoqda

Keyingi yillarda mamlakatimizda jinoyatchilikka qarshi kurashish va huquqbuzarliklarning oldini olish, aholining tinch va osoyishta hayotini ta’minlash hamda jamoat xavfsizligi madaniyatini shakllantirish bo‘yicha keng ko‘lamli islohotlar amalga oshirilmoqda.

Xususan, bu borada Prezidentning “2025-yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish bo‘yicha chora-tadbirlar to‘g‘risida”gi PQ-1-sonli qarori qabul qilindi.

Hujjatning mazmun mohiyatini yetkazish maqsadida Ichki ishlar vazirining o‘rinbosari, general-mayor Bekmurod Abdullayev, tuman hokimi To'xtamurod Meyliyev va Prezident Administratsiyasi mas'ul xodimi rahbarligida yigʻilish boʻlib oʻtdi.

Tadbirda sektor rahbarlari, “mahalla yettiligi”, huquqni muhofaza qiluvchi organlar va ijtimoiy soha vakillari ishtirok etishdi.

Endilikda, jinoyat sodir etilgan mahallalarda ilmiy tashkilot va ta’lim muassasalari tomonidan ilmiy yondashuvlar asosida o‘rganishlar o‘tkaziladi. Barcha tuman (shahar) sektor rahbarlariga, Milliy gvardiya qo‘riqlash xizmati boshliqlariga va ichki ishlar organlari boshliqlari o‘rinbosarlariga 2025-yilda kriminogen vaziyat og‘ir mahallalar nomma-nom biriktiriladigan bo’ldi.

Telegram | YouTube | Facebook