​​Ёши катталар бирор яқини фарзандлик бўлса умри билан, ризқи билан, 4 муччаси соғ саломат фарзанд берган бўлсин деб дуо қилишса ха деб қўяверган эканман. Тушунмаганмизда бу доуолар мохиятини. Бугун ўзим ота бўлиб тушундим. Бу дуо эшитилишидан оддий лекин жуда хам мазмунли дуо эканлигини.

Бугун яна бир нарсани тушундимки, ота-онани ким эканлигини туб мохиятига етдим.
Биродарларим, яқинларим, таниб-танимаганларим бу дунёда кимнидир эзозлаш керак бўлса умр йўлдошингиз хотинингизни ёки сизга иш берган хўжайинингизни ёкида энг тотли неъмат бўлган фарзандингизни эмас энг аввало ота-онангизни эзозланг.

Мен кўпинча ота-онамни олдиларига бориб қучоқлаб, оёқларини ўпиб яхши кўришимни айтаман дейману, олдиларига боришим билан негадир бундай қила олмайман. Кибримдан эмас кўпроқ хижолат чекканимдан бўлса керак.

Бугун мен фарзандим учун кўп нарсага тайёр эканлигимни билдим. Фарзанд олдида керак бўлса мол-дунё хам бир чақа бўлиб қолар экан. Ўзимизнинг соғлигимиз ёкида ишимиз хам ахамиятсиз бўлиб қолар экан. Демак ота-онамиз учун биз хам шундаймиз.

Дада, Ая сизларни яхши кўраман. Биламан сизлар мен учун хамма нарсага тайёрсизлар, мен хам сизлар учун керак бўлса жонимни хам беришга тайёрман.

Бугун мен фарзанд, ука, эр, куёв, дўст, шифокор ва ДАДАМАН АЛХАМДУЛИЛЛАХ

👉@Dr_Abdukahhorof - каналига обуна бўлинг!