#макбетAgar kimdir teatrdan otilib chiqib, uch marta aylanib, chap yelkasiga tupurib, Uilyam Shekspirdan iqtibos keltirayotganini ko'rsangiz, ajablanmang, bu kimdir teatrda
Makbet ismni aytganini va o'sha odam
Makbet la'natidan qutulishga harakat qilayotganini anglatadi :)
Uilyam Shekspirning eng mashhur tragediyalaridan biri bo'lgan
"Makbet" pyesasi Shotlandiya qiroli Makbetning hayotiy hikoyasiga asoslangan.
Makbet la'nati 1606-yilda yozilgan spektakl ilk marotaba namoyish etilganda bir qator g'alati voqealar yuz berganidan keyin boshlangan. Birinchi spektaklda
Ledi Makbet rolini ijro etgan yosh aktrisa to'satdan vafot etadi. Keyinroq aktyor
qirol Dunkanni soxta xanjar o'rniga haqiqiy xanjar sanchib, sahnada o'ldirgan.
"Makbet" o'zining 400 yillik tarixi davomida falokat keltirishdan to'xtamagan.
"Makbet" nomi spektaklning repetisiyasi yoki spektakldan tashqari teatrda aytilsa, spektaklga baxtsizlik olib kelishiga ishoniladi. Shu sababdan, aktyorlar odatda spektaklni
"Bard pyesasi" yoki
"Shotlandiya spektakli" deb atashadi.
Ko'pchilik bu baxtsiz hodisalar Shekspirning pyesasi birinchi marta debyut qilganda spektaklda
haqiqiy jodugarlar tomonidan rol ijro etilgani sabab ekaniga ishonishadi. Boshqa versiyaga ko'ra, jodugarlar jamoasi o'zlarining sehrlaridan foydalangani uchun Shekspirni jazolashga qaror qilib, spektaklni la'natlaydilar.
Asar syujetiga ko'ra
Ledi Makbet erini podshohni o'ldirib, taxtni egallashga undagani va bunga qonli tarzda erishilgani uchun ruhiy iztirob va uyat hissi bilan gallyutsinatsiya, uyquda yurish kabi holatlardan azob chekadi. Kiyimi va qo'llarida qon dog'larini ko'rib, uni doimiy ravishda yuvishga harakat qiladi.
(Ledi Makbet ijrosidagi mashur jumla: Yo'qol, la'nati dog')Insondagi aqliy va jismoniy poklik o'rtasidagi bog'liqlikni, sharmandalik va vijdon azobi tuyg'usini boshdan kechirayotgan odam gunohlarini yuvib ketkazishga intilishi hodisasi
Ledi Makbet effekti deyiladi.
P.s: Ushbu postdan so'ng kanalimga omadsizliklar yopirilmaydi degan umiddaman :)🫥
Kaleidoscope uz