Jomboy tongi gazetasi

🟢 “Jomboy tongi” gazetasining 47-sonida (24.12.2024-y.) o‘qing:

📌 Yil sarhisobi;

📌 Zo‘ravonlikka qarshi murosasiz muhit zarur;

📌 So‘nggi saboq;

📌 Yangi yilingiz bilan!

👉@jomboytongi

📌 Pensiya mehnat stajini taqazo qiladi

“Pensiya yoshiga yetib qoldim. Ish stajim yetarli emas. Menga qanday pensiya tayinlanadi?”

Aholidan shu mazmundagi savollar ham ko‘plab tushadi. “Fuqarolarning davlat pensiya ta’minoti to‘g‘risida”gi qonuni, 7-moddasiga asosan pensiya ish stajiga ega shaxslargagina tayinlanadi.

Ish stajiga ega bo‘lmagan fuqarolarga yoshga doir nafaqa tayinlanadi.

Vazirlar Mahkamasining 2023-yil 23-martdagi 119-sonli qaroriga muvofiq yoshga doir nafaqa ayollarga 60 yoshdan, erkaklarga 65 yoshdan tayinlanishi mumkin.

@jomboytongi

🔹 Yangi yilda O‘zbekistonliklar ketma-ket 6 kun dam oladi

Yangi yilda olti kunlik ish haftasida ishlaydiganlar 5 kun, besh kunlik ish haftasida ishlaydiganlar 6 kun dam oladi.

— 28-dekabr, shanba — 6 kunliklar uchun ish kuni, 5 kunliklar uchun dam olish kuni;
— 29-dekabr, yakshanba — barcha uchun odatiy dam olish kuni;
— 30-dekabr, dushanba — 6 kunliklar uchun qo‘shimcha dam olish kuni, 5 kunliklar uchun 14-dekabr (shanba) kunidan ko‘chirilgan dam olish kuni;
— 31-dekabr, seshanba — barcha uchun qo‘shimcha dam olish kuni;
— 1-yanvar, chorshanba — Yangi yil;
— 2-yanvar, payshanba — 6 kunliklar uchun dam olish kuni, 5 kunliklar uchun 4-yanvar (shanba) kunidan ko‘chirilgan dam olish kuni.

Rasmiy sahifaimizga obuna bo‘ling
👉 @jomboytongi

🟢Xayrli tong, azizlar!

Oʻzingni oʻzgartir

Agar odamlarning senga munosabati oʻzgarsin desang, avval oʻzingning oʻzingga munosabatingni oʻzgartir.

Oʻzing oʻzingni chin qalbdan sevishni oʻrganmaguningcha, seni hech kim seva olmaydi. Lekin bunga erishganingdan keyin ham odamlar senga qarshi otadigan barcha toshu tikanlardan minnatdor boʻlishing kerak.

Zero, bu sening yaqin orada atirgullar ichiga tushmogʻingdan nishonadir.

Shams TABRIZIY.

👉@jomboytongi

#Kitobdan_parcha

🏛 Tarix takrorlanib turadi, degan gap bor. Insoniyat ibtidoiy jamoaga qaytishi mumkin. Buning ilk belgilari hozirdan ko‘rinyapti: kitob o‘qiydiganlar kamayib boryapti.

✍ O‘tkir Hoshimov
📝 "Daftar hoshiyasidagi bitiklar"

👉 @jomboytongi

📌 Xayriya tadbirlari davom etmoqda

Holvoyi mahallasidan boshlangan xayriya tadbiri “Yakkasaroy” bazmgohida xayriya tadbiri bilan davom etdi. Unda jomboylik 10 nafar bolajonlarning sunnat to‘yi o‘tkazildi. O‘zbekistonda xalq artisti Mardon Mavlonov, taniqli so‘z ustasi Ortiq Sultonov ijrosidagi chiqishlar bayramga yanada fayz bag‘ishladi.

👉@jomboytongi

📌 Imomlar quyoshining mangu maskani

Tumanimiz ko‘hna Samarqandning bir bo‘lagi sifatida boy tarixga ega. Bu zaminda ne-ne buyuk allomalar, fozil, shoir, tariqat va din arboblari mangu qo‘nim topgan. Shayx Abdulaziz Shamsulayimma – Holvoyi hazratlari ham ana shunday buyuk insonlardan biridir.

Tarixchi va manbashunos olimlar uzoq yillar davomida bu shaxs dafn etilgan maskanni Buxoro, Shahrisabz va Samarqand shahridan izlashgan. Keyingi tadqiqotlar allomaning qabri Jomboy tumanida ekanini tasdiqladi. Taniqli olim Komilxon Kattayev boshchiligidagi manbashunoslar 2008-yilda Holvoyi mahallasidagi qadimiy qabristondan u zotning mangu qo‘nimgohini qayd etgach, hashar yo‘li bilan sag‘ana barpo etilgandi. 2022-2024-yillarda jamoatchilik faollari, saxovatli tadbirkorlar, ziyolilar ko‘magi bilan ziyoratgoh yanada obod qilindi. Qabr ustiga muhtasham maqbara va xonaqoh qurildi.

Bugun ushbu ziyoratgohning tantanali ochilish marosimi o‘tkazildi. Tadbirda viloyatimizning ko‘zga ko‘ringan olim va ziyolilari, din arboblari, nuroniylar tuman jamoatchiligi qatnashdi. Muborak Qur’on oyatlari o‘qilib, qurbonlik keltirildi.

O‘zbekiston musulmonlari idorasi viloyat bo‘limi rahbari o‘rinbosari Xayrullo Sattorov, manbashunos olim Komilxon Kattayev so‘zga chiqib, Shamsulayimma hazratlarining hayoti va faoliyati, ilmiy merosi haqida batafsil ma’lumot berishdi. Qayd etilishicha, Shayx Abdulaziz – Holvoyi X-XI asrlarda yashab o‘tgan fihq namoyandasi, o‘nlab shogirdlar yetishtirgan buyuk ma’rifatparvar bo‘lgan. Uning shariat qoidalariga asoslangan fatvolari ilmiy asoslanganligi, puxta va aniq, tushunarli tarzdagi bayoni bilan bugungi kunda ham muhim ahamiyatga ega.

Mehnat faxriysi Musulmon Yusupov ushbu muborak maskanni obod qilishda o‘z hissasini qo‘shgan barcha fidoyilar, usta-quruvchilar, ma’rifatli tadbirkorlarga mahalla ahli nomidan minnatdorlik bildirdi.

👉@jomboytongi

🟢Xayrli tong, azizlar!

Hikmatlar kaliti

Barcha yaxshiliklar uyning ichkarisida, uning kaliti tavozedir.

Barcha yomonliklar ham uy ichkarisida, uning ­kaliti esa takabburlikdir.

Yusuf Husayn ROZIY.

👉 @jomboytongi

📌 Ayollar bandligini ta’minlash asosiy vazifamiz – hokim o‘rinbosari

Tuman hokimi o‘rinbosari – oila va xotin-qizlar bo‘limi boshlig‘i Hilola Rahimova “Maroqand meva-sabzavot” masʼuliyati cheklangan jamiyatida bo‘lib, doimiy va mavsumiy ishchilarga yaratilgan sharoitlar bilan tanishdi.

Dastlab, jamiyat rahbari Mehroj Fazyilov bilan ayollar bandligini ta’minlash, oylik maoshini oshirish borasida fikr almashildi. Ayni kunlarda jamiyat hududida yuz nafardan ortiq xotin-qizlarning faoliyat yuritayotgani e’trof etildi.

– Havo harorati sovudi. Bunday paytda mavsumiy ishlar bo‘lmaydi, shunga qaramay bu yerda ish jarayoni qizg‘in davom etayotganiga guvoh bo‘ldik, – deydi H.Rahimova. – Bugungi kunda ayollarni kasb-hunarga o‘qitish, bandligini ta’minlash, ularga munosib mehnat sharoiti yaratib berish har bir rahbarning birinchi galdagi vazifasiga aylanib bormoqda. Kelgusi hamkorlik istiqbollarini ham belgilab oldik.

@jomboytongi