"JAMIYAT va QONUN" # "ЖАМИЯТ ва ҚОНУН" RASMIY KANAL

Assalomu alaykum, qaddi baland, mard va jasur erkaklarimiz.

Sizlarni “14-yanvar Vatan himoyachlari kuni” bilan tabriklaymiz. Hech qachon boshlaring egilmasin, oilangizga bir umr sog'lik, tinchlik, omonlik va xotirjamlik, baxt-omad, quvonchli kunlar hamroh bo'lsin.Yosh avlodni tarbiyalashdek sharafli ishlaringizda zafar yor bo'lsin!

@jamiyatvaqonun

❗️Вақтида "кадастр" қилдирмаганлик учун жарималар камайтирилмоқда

Аҳолининг кўп сонли таклиф ва эътирозлари инобатга олиб, фуқаролар томонидан турар жойларига бўлган ҳуқуқларини давлат рўйхатидан ўтказиш учун ўз вақтида мурожаат этмаслик учун белгиланган жарима миқдори камайтирилмоқда.(Қанчагача экани номаълум)

Маълумот учун: МЖтКнинг 68-1 моддасида Кўчмас мулкка бўлган ҳуқуқларни давлат рўйхатидан ўтказишни амалга оширувчи органга ер участкасига, бино ва иншоотга бўлган ҳуқуқни давлат рўйхатидан ўтказиш учун ўз вақтида мурожаат этмаслик, —

фуқароларга базавий ҳисоблаш миқдорининг ўн баравари, мансабдор шахсларга эса — ўн беш баравари миқдорида жарима жазоси белгиланган.

@jamiyatvaqonun

Бугун 8 январь — Ўзбекистон Республикаси Прокуратура органлари ходимлари куни!

Прокуратура органлари ходимларини касб байрамлари муносабати билан муборакбод этамиз ва халқимизнинг ҳақиқий ҳимоячиси, адолат ва қонунийлик посбони бўлиб, халқ манфаати йўлида оғишмай хизмат қилишларида муваффақиятлар тилаб қоламиз.

@jamiyatvaqonun

⚡️2025 йил 1 февралдан айрим поездлар учун чипта нархлари ошади

2025 йил 1 феврал санасидан бошлаб юқори тезликда ҳаракатланувчи "Афросиёб" электропоездларининг VIP ва бизнес тоифадаги чипта нархлари 25% га, эконом тоифадаги чипта нархлари 20% га ҳамда тезюрар йўловчи поездлар  "Шарқ", "Насаф" ва "Ўзбекистон" поездларининг чипта нархлари 30% га оширилмоқда. Бу ҳақда "Ўзбекистон темирйўллари" АЖ ахборот хизмати хабар берди.

"Афросиёб" электропоездларни чипта нархлари қуйидагича:

Тошкент — Бухоро
VIP 994 000 сўм
Бизнес 751 000 сўм
Эконом 484 000 сўм

Тошкент — Қарши
VIP 854 000 сўм
Бизнес 634 000 сўм
Эконом 406 000 сўм

Тошкент — Самарқанд
VIP 619 000 сўм
Бизнес 450 000 сўм
Эконом 294 000 сўм этиб белгиланди.

@jamiyatvaqonun

❗️Rasman: 2-yanvar ham dam olish kuni deb e’lon qilindi

Bu bo‘yicha Prezident qarori qabul qilindi.

Unga ko‘ra, besh kunlik ish haftasida ishlaydigan xodimlar uchun dam olish kuni 4-yanvar – shanba kunidan 2-yanvar – payshanba kuniga ko‘chirildi hamda olti kunlik ish haftasida ishlaydigan xodimlar uchun 2-yanvar – payshanba qo‘shimcha dam olish kuni etib belgilandi.

Shunday qilib, Yangi yilda olti kunlik ish haftasida ishlaydiganlar 5 kun, besh kunlik ish haftasidagilar 6 kun dam oladi:

❌✅ 28-dekabr (shanba) — 6 kunliklar uchun ish kuni, 5 kunliklar uchun dam olish kuni;

✅ 29-dekabr (yakshanba) — barcha uchun odatiy dam olish kuni;

✅ 30-dekabr (dushanba) — 6 kunliklar uchun qo‘shimcha dam olish kuni, 5 kunliklar uchun 14-dekabr (shanba) kunidan ko‘chirilgan dam olish kuni;

✅ 31-dekabr (seshanba) — barcha uchun qo‘shimcha dam olish kuni;

✅ 1-yanvar (chorshanba) — Yangi yil bayrami.

✅ 2-yanvar (payshanba) — 6 kunliklar uchun dam olish kuni, 5 kunliklar uchun 4-yanvar (shanba) kunidan ko‘chirilgan dam olish kuni.

@jamiyatvaqonun

9 декабрь - Халқаро коррупцияга қарши курашиш куни

2003 йил 9 декабрь куни Мексикада БМТнинг коррупцияга қарши конвенцияси имзоланган ва ушбу кун Халқаро коррупцияга қарши курашиш куни сифатида эълон қилинган.

Шу тариқа 2004 йилдан буён 9 декабрь Халқаро коррупцияга қарши курашиш куни сифатида эътироф этилади.

@jamiyatvaqonun

Ўзбекистон Республикасининг 2024 йил 15 ноябрдаги «Ўзбекистон Республикасининг айрим қонун ҳужжатларига ер участкаларидан самарали фойдаланиш, соҳадаги ҳуқуқбузарликларнинг олдини олиш механизмларини такомиллаштиришга қаратилган ўзгартириш ва қўшимчалар киритиш тўғрисидаги» ЎРҚ-997-сонли қонуни билан Ўзбекистон Республикасининг Жиноят кодексига, Жиноят-процессуал кодексига ва Маъмурий жавобгарлик тўғрисидаги кодексига ердан фойдаланиш ҳақидаги қонунчилик ҳужжатлари талабларини бузганлик учун жавобгарлик чоралари кучайтирилишини назарда тутувчи ўзгартириш ва қўшимчалар киритилмоқда.

Мамлакатимизда ерга оид муносабатларда тенглик ва шаффофликни, ер ресурсларидан оқилона ва мақсадли фойдаланилишини таъминлашга ҳамда ер участкалари ўзбошимчалик билан эгаллаб олинишининг олдини олишга қаратилган тизимли ишлар амалга оширилмоқда. Шу билан бирга ерга оид ҳуқуқий муносабатларда барқарорликни таъминлаш, ерларни муҳофаза қилиш, ер эгаларининг мулкий ҳуқуқлари ҳимояси кафолатларини кучайтириш ҳамда мазкур соҳадаги ҳуқуқбузарликларнинг ўз вақтида олдини олиш зарурияти юзага келмоқда. Ўзбекистон Республикасининг Фуқаролик процессуал кодекси ва Иқтисодий процессуал кодекси ўзбошимчалик билан эгаллаб олинган, давлат мулкида бўлган ер участкасини қайтариш, ўзбошимчалик билан қурилган иморатни бузиб ташлаш тўғрисидаги ишлар бўйича алоҳида иш юритилишини назарда тутувчи қоидалар билан тўлдирилмоқда.
«Давлат божи тўғрисида»ги Ўзбекистон Республикаси Қонунига маҳаллий ижро этувчи ҳокимият органлари ер тўғрисидаги қонунчилик бузилганлиги билан боғлиқ даъволар бўйича давлат божини тўлашдан озод этилишини назарда тутувчи қўшимча киритилмоқда.
Ушбу Қонун ер участкаларидан самарали ва мақсадли фойдаланишни таъминлаш механизмларини такомиллаштиришга, уларни ўзбошимчалик билан эгаллаб олиш ва ўзбошимчалик билан иморатлар қуриш ҳолатларининг камайишига, ер тўғрисидаги қонунчилик бузилиши билан боғлиқ қилмишларни содир этганлик учун қўлланиладиган таъсир чораларининг мутаносиблиги ва етарлилиги принципларини таъминлашга хизмат қилади.

М. ЭРГАШEВ
Жиноят ишлари бўйича
Пастдарғом тумани судининг раиси @jamiyatvaqonun

«Зўравонликка қарши 16 кун фаоллик”

БМТ Бош Ассамблеясининг 1999 йил 17 декабрдаги резолюсиясига кўра 25 ноябрь Халқаро аёлларга нисбатан зўравонликка қарши курашиш куни деб эълон қилинган.

Шу муносабат билан ҳар йили дунё миқёсида 25 ноябрдан 10 декабргача «Зўравонликка қарши 16 кун» фаол ҳаракатлар доирасида турли тадбирлар ўтказилади. Давлатимиз раҳбарининг қатъий сиёсий иродаси туфайли «Инсон қадри учун” тамойили асосида зўравонликнинг ҳар қандай кўринишига қарши тизимли ишлар амалга оширилмоқда. Қонунларимиз такомиллаштирилди, жазо чоралари қатъийлаштирилди, ушбу иллатга қарши ишлайдиган аниқ тизим — Ижтимоий ҳимоя Миллий агентлиги фаолияти йўлга қўйилди.

Ҳозирда ўтказилаётган «Зўравонликка қарши 16 кун фаоллик” тадбирлари мақсади — мавжуд муаммоларни таҳлил қилиш, бу борада кенг жамоатчилик вакиллари, мутахассислар, халқаро ташкилотлар ва бошқа шу соҳага алоқадор инсонлар фикрини ўрганиш, давлат томонидан амалга оширилиши лозим бўлган вазифаларни белгилаш, инсон ҳуқуқларини таъминлаш йўлида барчани бирлаштиришдан иборатдир.

Лекин қисқа муддатда амалга оширилган ишлар ва бугунги натижаларимиз — бу борада қилиниши зарур бўлган ҳақиқий фаолиятга дастлабки қадамдир. Бу йўналишда ҳали муаммолар етарлича. Бунинг учун барчамиз масъул бўлишимиз даркор. Бутун жамиятимиз зўравонликка қарши курашиш учун ягона кучга айланиши керак. Бефарқ бўлмаслик, зўравонлик аниқланиши ва тўхтатилиши учун барча имкониятларни ишга солиш орқали барбод бўлган тақдирлар, йўқолган умидларга нажот беришимиз мумкин.

М. ЭРГАШEВ
Жиноят ишлари бўйича
Пастдарғом тумани судининг раиси @jamiyatvaqonun

Конституция куни арафасида Ўзбекистон Республикаси ИИВ 3-минтақавий ҳудуд 37-сонли манзил колониясида жазо муддатини ўтаётган ва қилмишига чин кўнгилдан пушаймон бўлган 17 нафар шахсга нисбатан тайинланган озодликдан маҳрум қилиш жазоси енгилроғи билан алмаштирилди.

Бу воқеа юртимизда олиб борилаётган инсонпарварлик сиёсатининг, халқимизга хос бағрикенглик, кечиримли бўлиш, олижаноблик ва меҳр-мурувват кўрсатиш каби эзгу фазилатларнинг намоён бўлганлигининг амалий ифодасидир.

Жазодан озод этилган шахсларга асосий қонунимизни ҳаётга татбиқ этиш йўлида ғоят муҳим қадам бўлганини яна бир бор таъкидланди.

«Конституциямиз мамлакатимизда миллий мустақиллигимизни мустаҳкамлаш, тинчлик ва барқарорлик, миллатлараро дўстлик ва ҳамжиҳатликни сақлаш, ислоҳотларимизнинг ортга қайтмас тус олишини таъминлашда доимо ишончли кафолат бўлиб келган ва бундан буён ҳам шундай бўлиб қолади.

Инсон қадрини улуғлаш, унинг ҳуқуқ ва манфаатларини таъминлаш бўйича асосий қонунимизда муҳрлаб қўйилган устувор тамойилларни ҳаётимизга изчил татбиқ этиш борасида юртимизда кенг кўламли чора-тадбирлар амалга оширилмоқда.

Ислоҳотларни жадал давом эттириб, янгиланган Конституциямиз нормаларини ҳаётга татбиқ этиш мақсадида тадбиркорликни ривожлантириш, шу асосда аҳоли даромадларини ошириш, оила ва маҳаллаларда ўзаро ҳурмат ва аҳиллик муҳитини мустаҳкамлаш, кекса авлод вакиллари, хотин-қизлар ва ёшларни ҳар томонлама қўллаб-қувватлаш вазифаси бундан буён ҳам давлатимиз раҳбари эътибор марказида бўлади.

Марат Эргашев
Жиноят ишлари бўйича
Пастдарғом туман судининг раиси @jamiyatvaqonun