Postal

Мульти-бот с премиум emoji Постинг+приветствие!

Атомный конкурс

Разыгрываем трендовые шапки-ушанки.

Новости энергетики uz

Почему Узбекистан выбрал малые модульные реакторы?

Statistika Saralanganlar

Jami1ov

Kanal geosi va tili: O‘zbekiston, O‘zbekcha

Toifa: Bloglar

Sizni aniq kitob o'qishga majbur qilaman. Qanday qilib deysizmi? Unda blogimni o'qishni boshlang :)
XXI asrda tug'ilgan chol. Saviyali yumor, shaxsiy fikr va kitoblar bitta qozonda!
shaxsiy: @jami1ov_me

Связанные каналы | Похожие каналы

Kanal geosi va tili

O‘zbekiston, O‘zbekcha

Toifa

Bloglar

Statistika

Postlar filtri

O‘chirilganlarni yashirish

Repostlarni yashirish

Jami1ov

23 Dec, 10:24

22 yosh qanday yosh?

1. O'zbeklarda "hali yosh" deyilmaydigan yosh;
2. Ijtimoiy tarmoqlar zeriktiradigan yosh;
3. Siqilganingda ba’zida suhbatdosh xohlab qoladigan, lekin topolmaydigan yosh
4. Ommaviy sport, sevimli jamoangni g'alabasidan quvonmay qo'yadigan yosh;
5. Tug’ilgan kunningni ofisda, ishda o’tkazadigan yosh
6. Do'stlaring kamayib, tanishlaring va hamkasblaring ko'payadigan yosh;
7. Uyingni bir burchagidan bolaligingda o'ynagan o'yinchog'ingni singan bo'lagini topib olganingda, yig'laging keladigan yosh;
8. Sherali Jo’rayev ning qo’shiqlari yoqa boshlaydigan yosh.
9. Pul juda ko’p narsani hal qilib berishini ko’radigan yosh.
10. Bir paytlar qizlardan kelgan xabarlar bilan to’lgan shaxsiy yozishmalaring endi faqatgina 2-3 dona ish bo’yicha xabarlar turadigan yosh
11. Katta ishlarga o’zingni kichik, kichik ishlarga esa katta his qiladigan yosh
12. Qaysidir tanishingning farzandi tug’iladigan, qaysidir tanishingning joni uziladigan yosh
13. Kechqurun qabristondan ko'ra, ППС ni yonidan o'tganingda ko'proq qo'rqadigan yosh;
14. Yolg'izlik haqida qo'shiq eshitganingda yo esse o'qiganingda chekking keladigan yosh;
15. Qayerdan va qanaqa uy sotib olish haqida jiddiy o'ylay boshlaydigan yosh;
16. Kam gapira boshlaydigan yosh;
17. O'zingni uyda ham, ko'chada ham begona his qiladigan yosh;
18. Hayotingga romantika kerakligini anglaydigan yosh;
19. Инфоцыган larni ajrata oladigan yosh;
20. Qalbingdagi bo'shliq kechasi uxlashga bermaganidan kitob o'qiydigan yoki you tube da video ko'rib chiqadigan yosh.
21. Puling ko’p davrlarni ham, pulsiz davrlarni ham ko’radigan yosh
22. Hayot biroz zerikarli, biroz qiziqarli va biroz… boshingni aylantiradigan yosh

Kecha tabriklagan barchaga rahmat! Post kecha chiqishi kerak edi, lekin sog'liqdagi muammolar sabab imkoni bo'lmadi 🫠

P/s post muallifi: Nurjahon Farmonov

138 0 3 33 18

Jami1ov

19 Dec, 17:31

Blog yuritib turib, tushungan haqiqatim

Blogda fikrlarimni yozsam, o‘zimni xotirjam va erkin his qilaman. Go‘yo doim kimdir mening gaplarimni kutayotgandek, fikrlarimni qo‘llab-quvvatlaydigan do‘stlar davrasida bo‘lgandek his qilaman. Aslida ham shunday.

Bu nafaqat ko‘proq harakat qilishga, balki o‘z maqsadlarimni aniqroq anglashga han yordam beryapti. Yana bir narsa: odamlar sizning fikringizni bilib, unga javob qaytarib, sizni qo‘llab-quvvatlasa, bu motivatsiya va ilhomning eng katta manbai bo‘ladi :))

Blog nafaqat o‘zim uchun bir platforma, balki o‘zgalar bilan fikrlar almashib, birgalikda o‘sish imkoniyati ekanligini anglayapman, barchangizga rahmat do'stlar.

229 0 0 14 22

Jami1ov

18 Dec, 16:02

P.s mavzudan tashqari savol

Kitob do'konida yangi kitobni qo'liga olib, oxirgi betini o'qib ko'rib kitobni sotib oladiganlar, qanday odamlar-a? 👀

241 0 0 21 8

Jami1ov

18 Dec, 15:58

Uzrli sabablarga ko'ra faol bo'la olmadim, hozir bu haqida yozmoqchi emasman, kelgan joyidan davom ettirmoqchiman. Odatda yangi yil uchun yangi marralarni, maqsadlarni o'zim uchun belgilalb olardim. Harakatni ham yangi yilga qoldirardim. Bu xatoni endi qilmoqchi emasman

Masalan yangi chellenj qilmoqchiman o'zim uchun. Har kuni o'qigan kitobimdan hech bo'lmaganda bir xulosa yozish. Biroq o'ylab turibman, buni blogda yozishim yaxshimi yoki o'z daftarimga. Fikringiz qiziq, qanday maslahat berasiz?

227 0 0 14 7

Jami1ov

10 Dec, 19:30

Doim ishim ko‘p

Ko‘pincha “ishim ko‘p” degan bahona bilan kunlar, hatto haftalarni foydasiz o‘tkazib yuboramiz. Ish qilganimiz bilan ko‘nglimiz to‘lmaydi va natijadan mamnun bo‘lmaymiz. Bu holatdan chiqish uchun men vazifalarni muhimlik darajasiga qarab bo'lib chiqaman. Hozir sizga shu usul haqida ozroq ma'lumot beraman:

---

Vazifalarni 3 toifaga bo'lish:

1. A darajadagi vazifalar:
- Bugun bajarish shart!
- Bu vazifalarni bajarmasangiz, muhim narsadan kechikishingiz yoki yomon oqibatlarga olib kelishi mumkin.

2. B darajadagi vazifalar:
- 2-3 kun ichida bajarilsa bo‘ladi.
- Kechiksa ham zarar yetkazmaydigan, lekin vaqtida bajarsangiz yaxshi bo‘ladigan ishlar.

3. C darajadagi vazifalar:
- Bo‘sh vaqtingizda bajariladigan ishlar.
- Uzoq muddatda foyda keltirishi mumkin, ammo shoshilinch emas.

Shu usul yordamida ishlaringizni tartibga solib, vaqtingizni ancha samarali boshqarishingiz mumkin, axir sinalgan usul. Muhimi, har kuni eng muhim vazifalarni bajaryotganingizga ishonch hosil qiling.

Ko'p ishlash emas, to‘g‘ri ishlash muhim :)

383 0 6 5 15

Jami1ov

9 Dec, 13:28

Men uchun qadrli, himmati baland, ko'zlarimni ikki nuri otajonim va onajonim...

Men sizlarni Alloh uchun yaxshi ko'raman, sizning farzandingiz bo'lganimdan doim faxrlanib kelganman, azizlarim sizlarga yaxshi ko'rishimni aytishga biroz iymansam-da aslida juda ham sizlarni yaxshi ko'raman, Allohim umrlaringizni barakotli qilishini, doim bizning oldimizda suyanadigan insonimiz bo'lishingizni Allohimdan har kuni so'rayman

Ulg'ayishni yomon ko'raman... Chunki vaqt sizlarni yoshingizni ulg'aytiryapti, sizsizlikdan qo'rqaman... Bu haqida o'ylashni o'zi qo'rqinchili. Iltimos, men sizning farzandingiz ekanimni unutar yoshga kirgunimga qadar meni tark etmang.

Sizlarni rozi qilish harakatidaman, bilmam shu yoshimga qadar sizga munosib farzand bo'la oldimmi? Ko'nglingizni ko'tara oldimmi onajon? Men bilan faxrlana oldingizmi Otajon?

Hali oila qurmagan bo'lsam-da, otalik baxtini his qilmagan bo'lsam-da sizga oson bo'lmaganini sezyapman. Kechda ishdan kelib dam olishingiz mumkin bo'lgan chog'da uyquni emas bizga ilm berishni tanlaganingiz uchun ham Allohimdan sizga ikki dunyo saodatini so'rayman! Haqiqiy ota-ona qanday bo'lishini bizga go'zal hayotingiz misolida bizga saboq berayotganingiz uchun oldingizda qarzdormiz!

Otajon-onajon sizni juda ham yaxshi ko'raman. Sahifamni kuzatishingizni bilaman) O'qib sizni biroz bo'lsada xursand qila olgan bo'lsam, bundan boshim osmonga yetgan bo'lardi

Sizni doim dunyolarga sig'may yaxshi ko'ruvchi o'g'lingiz - Abu Bakr

306 0 0 5 30

Jami1ov

8 Dec, 17:00

Qo'lda yozishni boshladim

Yozuvim chiroyli bo'lmagani uchun o'zimni noutook yoki telefonda yozish bilan ovutib kelardim, biroq yaqinda yangi kurs sotib oldim. Ustoz birinchi vazifa sifatida oldimizda blaknot va ruchka bo'lishini talab qildi. Yozuvimdan ko'nglim to'lmasada, o'rganganlarimni yozishni boshladim.

Natija men kutganimdan ancha yaxshi bo'ldi, ya'ni darsni deyarli 80% qismini aniq-tiniq eslab qoldim, odatda darsdan olgan xulosalarimni noutbookda yozardim biroq tez esdan chiqarar edim. Ana shunda yozish kuchini sezdim.

Shu paytgacha doim o'zim bilan noutbookdan tashqari blaknot olib yurardim, endi nimaga ishlatishni bilaman :))

Sizchi? Qo'lda yozishni qanday foydalarini his qilgansiz?

275 0 1 6 19

Jami1ov

7 Dec, 19:45

Uzoq vaqtli “animesiz” kunlardan keyin yana shu olamga qaytishim kerak edi…

Animelar bu boshqa dunyo. Har bir anime o‘z ichiga chuqur falsafa, his-tuyg‘ular va insoniy qarashlarni olgan. Masalan, bugun ertalabgacha 7 qismini ko‘rib tugatganim “Blue Lock” animeyim haqida ohho bir soatlab gapirishim mumkin. U yerda ham o‘z xarakterimni topishga ulgurdim.

“Blue Lock” – bu shunchaki futbol haqida emas. Bu orzular, kurash va o‘zini anglash haqida. Anime qahramonlari orzular sari intilish jarayonida qiyin tanlovlar va shafqatsiz haqiqatlarga duch keladi. Har bir qadamda o‘zini isbotlash va raqobatni yengish kerak. Aynan shu raqobat meni chuqur o‘ylantirib qo‘ydi:

Inson o‘z orzusiga erishishi uchun boshqa bir insonning orzusini barbod qilishi kerakmi?

Animeni ko'rish davomida shu savolga javob izlash bilan bandman, sizchi bu haqida qanday fikrdasiz?

320 0 0 5 10

Jami1ov

6 Dec, 19:59

Kimnidir ayblashni yomon ko'raman

Xotiramda yomon inson tasavvuri yo'q, hech kimni yomon edi deb eslamayman, menga qilingan yomonliklarni ham eslay olmayman, balki rostan ham men bilan doim yaxshi munosabatda bo'lishgandir bilmam, yomonga yomon javob qaytarishni ham istamayman.

Meni o'z olamim bor, bizdan faqat xotiralar qoladi, nega aynan yomon nom qoldirishimiz kerak. Yaxshi nom qoldirish yaxshi. Hayotimni va bu hayotni tark etgan qancha yaqinlarim bor, hozir oldimda bo'lishmasa ham yaxshi xotiralari doim men bilan yashaydi. Ular nazarimda doim men bilan.

Nazarimda ular ham mendek o'ylashgandek... Yomon xotira qoldirishni istashmagan, o'zlariga berilgan hayot fursatini faqat iliq xotiralar bilan eslashlarini istashgandek...

304 0 0 7 29

Jami1ov

5 Dec, 19:15

5 marta "nega" savolini bering!

Bugun ko'rgan eng foydali videolarimni birida shunday deyilgan edi

"Hamma ingliz tilini o'rganayapti - muloqot qilishni emas, hamma dasturlashni o'rganayapti - mantiqni emas, hamma startup qurishni o'rganyapti - muammoga yechim berishni emas!

Maqsadlarga chuqurroq yondoshishni o'rganing, nimadir ish qilishdan oldin o'zingizga 5 marta "nega?" savolini bering. Eng asosidagi maqsadni toping!"

Bu mendagi kun xulosasi!

Sizchi bugun hayotingizda bo'lgan voqealardan qanday xulosa oldingiz? Fikrlar bo'lsa yozing, suhbatlashamiz

257 0 0 3 12

Jami1ov

4 Dec, 19:45

Siz birodaringizga shuni ravo ko'rasizmi?

Siz bir soha ustasisiz, sizga ishonch bildirib odamlar haq to'lashadi. Sizga ishonib ular sizdan yordam oladi. Sizni birodaringizga yaqinlaringizga rahmatingiz shumi? (Qanday qilib ular sizga ishonch bildirganda, ularga xiyla qilasiz?)

Doim yangi loyiha bilan ish boshlashdan oldin o'zimdan beradigan savollardan biri... Bugun yana shu savollarga yuzladim.

Maqsadim men bilan ishlagan loyihalar yaxshi natijaga erishsin, ularni xizmatidan/mahsulotidan foydalangan insonlar baraka topishsin va bir muammolariga yechim topishsin.

Ana shu meni maqsadim, shu meni xursandchiligim.

Mubashshir Ahmad ustoz aytganlaridek:

"Aslida bir-birimizga yo'lni yengillatishdan boshqasiga yaramaymiz"

324 0 0 15

Jami1ov

3 Dec, 19:20

Ushbu post, yangi ilmlar o'rganishni sevadigan insonlar uchun

Shaxsiy dars metodim ustida ishlashni boshladim, media sohasiga qiziqadigan insonlar uchun qiziq dars bo'lishi kutilmoqda, bunda o'quvchilardan feedback yig'ishim ham bejizga emas.

Chunki darsim uchun yangi mavzular ham qo'shilmoqda. Asosiy mavzular va kurs nima haqida bo'lishini qisqacha yozib qoldiraman.

Ijtimoiy tarmoqlar marketing kursi:

Marketingga oid 30 dan ortiq mavzular;
0 dan ushbu sohani o'rganishni istaganlar uchun aniq roadmap
kurs davomida, raqobatchilarni to'g'ri tahlil qilish, auditoriyani o'rganish;
Custdev, CJM, JTBD va boshqa texnikalarni amaliyotda qo'llash;
Sotuv bo'limi bilan to'g'ri ishlash;
Kontentlar uchun samarali ssenariy yozish.

Darslar sizga qiziq bo'lsa hozirdan olovcha bilan qo'llab quvvatlang!

225 0 0 23

Jami1ov

2 Dec, 17:00

Ko'chadan turib yozilgan post

Hozir ko'chada ekanim va noutbookim zaryadi o'chgani uchun telefonda yozyapman. Sohamda 3 yildan beri ishlab kelayotgan bo'lsam deyarli har yili jami topadigan daromadimni 20 % qismini ta'limga ajrataman

Ayniqsa bizni sohada o'zgarishlar ko'p va networking kerak, shu sababli o'zbek, ingliz va rus tilida qo'shimcha darslar olaman

Siz bu sohada yangi bo'lsangiz, rus tilini bilsangiz, siz uchun bepul bo'lgan "SMM" ga aloqador kurslarni bir joyga jamladim

Darslarni qo'lga kirishitish uchun pastdagi havola orqali videoga o'ting va "SMM" so'zini yozib qoldiring 😊

🎥 Videoni ko'rish

319 0 0 10

Jami1ov

1 Dec, 19:06

Ish doim brief bilan boshlansin

3 yillik tajribam davomida bir narsani yaxshi tushundim: yangi loyiha bilan ishlashda brief yaxshi o‘tkazilmasa, doim nimadir kattaroq muammo yuzaga keladi. Shu sababli, mijoz bilan to‘liq kelishuv qilishdan hech qachon uyalmang va bu jarayonga vaqt ajratishga dangasalik qilmang.

Brief nima?

Brief – bu mijozning ehtiyojlari, maqsadlari va kutgan natijalarini aniq tushunish uchun o‘tkaziladigan muhim suhbat yoki yozma hujjat.

Brief davomida quyidagilarni aniqlash kerak:

- Loyihaning hozirgi holati (A nuqtasi):
Mijozning hozirgi joylashgan nuqtasi, biznesi yoki brendining qayerda ekanligini tushunib olish.

- Qanday muammolar borligi:
Loyihaning qaysi qismi ish bermayotganini, qanday qiyinchiliklarga duch kelayotganini aniqlash. Masalan, bu savdo hajmining pasayishi, marketing samaradorligining pastligi yoki brend taniqli emasligi bo‘lishi mumkin.

- Qanday yechimlarni qo‘llab ko‘rishgani:
Mijoz avval qanday strategiyalarni sinab ko‘rgan va ularning natijasi qanday bo‘lganligini biling. Bu, sizni eski xatolarni takrorlashdan asraydi va yangi yondashuv ishlab chiqishizga. yordam beradi.

- Sizdan nimalar kutishayotgani:
Mijozning sizga bo‘lgan aniq talablarini tushuning. Masalan, u marketing strategiyasi, sotuv hajmini oshirish yoki mijozlarni jalb qilishga aloqador amaliy yechimlarni kutayotgan bo‘lishi mumkin.

Jarayonni qanday qilib aniq qilish mumkin?
- Suhbat davomida savollarni bir-biriga bog‘lab, barcha nuqtalarni to‘liq ochib bering.
- Suhbatni yozib olishga mijozdan ruxsat so‘rang. Bu sizga briefni yozma shaklga keltirishda va hech bir muhim ma’lumotni unutmaslikda yordam beradi.
- Briefni yozma shaklda rasmiylashtirib, mijoz bilan kelishib oling. Bu, kelajakdagi kelishmovchiliklarning oldini olish uchun asosiy vosita hisoblanadi.

Nima uchun brief muhim?

Agar jarayonni to‘g‘ri yo‘lga qo‘ysangiz, loyiha davomida kutilmagan muammolar paydo bo‘lishining oldini olasiz va ishni o‘z vaqtida va mijoz kutgan natija bilan yakunlash imkoniyatini oshirasiz.

Gapning qisqasi, "Ishni boshlashdan oldin qilingan to‘g‘ri suhbat – muvaffaqiyatning 50%".

@Jami1ov

334 0 1 16

Jami1ov

1 Dec, 15:01

Kichik so'rovnoma

Bilaman, kanalimizda mening SMM kursimda tahsil olgan o'quvchilarim bor. Agar menda dars olgan bo‘lsangiz, iltimos, ushbu so‘rovnomani xolis to‘ldirib bersangiz.

Bu menga yangi boshlanadigan kurslarni yanada sifatli, samarali va siz uchun foydali qilishimda katta yordam beradi.

So‘rovnomaga javob berish uchun bir necha daqiqa ajratganingiz uchun oldindan katta rahmat! Sizning fikringiz men uchun juda muhim. 😊

https://forms.gle/eGhy22C6TyhqsNPJA

305 0 0 3 21

Jami1ov

30 Nov, 14:25

Mukammal vaqt

Biror narsani xato ekanini angladingizmi? To‘g‘irlash uchun eng mukammal vaqt hozir. Yangi narsani o‘rganmoqchimisiz? Yoki bilganingizni amalda qo‘llab, natija ko‘rmoqchimisiz? Buning uchun eng zo‘r vaqt ham hozir.

Ha, oddiy formula: Bugungi harakat = Ertangi natija.

Aslida ko'pchiligimizdagi muammo ham shu, mukammal vaqt va ertani kutamiz, natijada esa hech narsa qilmaymiz, fikrimizcha bizga shunday qulay fursat berilsa hammani qoyil qoldiramiz, biz kutgan kun kelsa hammasi zo'r bo'ladi. Lekin bunday kun kelmaydi. Biz na erta va na ideal vaqt bor, bizda bori bugun va hozir.

Nima qilishni bilasiz, qanday qilishni ham bilasiz, tabriklayman endi qachon qilishni ham bilasiz 😉

@Jami1ov

303 0 2 18

Jami1ov

29 Nov, 18:30

Orangizda marketing sohasiga qiziqadiganlar bo'lsa siz uchun instagram sahifamda yangi video joylarim

Ko'ring va raqobatchilarni 3 turini oson ajratishni o'rganing

📽️ Videoni ko'rish

279 0 0 16

Jami1ov

29 Nov, 17:40

Oldingi va hozirgi men: Professordan Butcherga

"Money Heist" serialini ko‘rganimda, bilmadim, negadir o‘zimni Professor nomli qahramonga o‘xshatganman. Rejadan chetga chiqmaydigan, har bir masalani puxta o‘ylaydigan, kamgap va introvert inson. Bir ishni boshlashdan oldin ming marta tahlil qiladi. Bu xarakter, o‘sha davrdagi men bilan juda mosdek: rejalarim bor edi, ularni chizib-chizib amalga oshirardim, lekin har bir qadamda ehtiyot bo‘lib yurardim.

Keyin vaqt o‘tdi. "The Boys" serialini ko‘rdim va o‘zimni Butcher obrazida ko‘ra boshladim. Butcher boshqacha – u o‘zgacha, o'ziga qilingan zulm sababli doim adolat izlaydi, yo‘lida turadigan har qanday to‘siqni olib tashlashga tayyor. Va eng asosiysi, Butcher jamoasi bilan ko‘p ishlarni uddalaydi. Bilmadim nazarimda men ham hozir: kamroq tahlil, ko‘proq harakat qilish degan fikrdaman.

Albatta, bular oddiy seriallardan olgan taassurotlarim. Balki qahramonlarga o‘xshashlik mendan juda yiroqdir, lekin shunday hissiyotlarga sabab bo‘layotgan qandaydir kichik elementlar yo‘q emasdek nazarimda

Siz-chi? O‘zingizni qaysi kino yoki serial qahramoniga o‘xshatgansiz? Nima uchun? Fikrlaringizni yozing, o‘rtoqlar – izohlarni bir qizdiraylik! 🔥

294 0 1 3 20

Jami1ov

28 Nov, 20:38

Bugun muhim ishlar bilan band bo'ldim shu sababdir ulgurmadim post joylashga, jazo muqarrar edi.

Ha azizlar shu uchun sizda ham mana shunday pul yutish imkoniyati bor 😁

G'olib bo'lish shartlarini bilasiz-a?)

Bu chellenj 31-dekabrgacha 🌚

271 0 0 16

Jami1ov

27 Nov, 19:30

F-foydali 3 dastur

Notion, Calendar hamda Trello ushbu 3ta dastursiz hech kunim barakali o'tgandek bo'lmaydi, Xo'p o'zi bu dasturlarni nima maqsadda ishlataman?

Notion - vertual blaknot u yerda men:

1. Loyihalarni noldan boshlab tashkil qilishda
2. Moliyaviy hisobotlarni yuritishda
3. Odatlar trekerini yaratishda
4. Barcha vazifalarimni nazorat qilishingda ishtalaman

Apple Calendar - kunlik, haftalik va oylik muhim uchrashuvlarim, boradigan tadbirlarim, sayohat-u safarlarimni oldindan belgilab boraman, calendar esa o'sha muhim kundan 1 kundan oldin eslatib turadi

Trello - Jamoaviy va shaxsiy. vazifalarni bajarish uchun qulay platforma. Trello haqida video ham tayyorlagan edim, foydalanish bo'yicha kichik qo'llanma videoni ushbu havola orqali ko'rishingiz mumkin!

Sizchi qaysi dasturlardan ko'proq foydalanasiz va nima uchun?

324 0 2 5 14

20 ta oxirgi post ko‘rsatilgan.

398

obunachilar

Kanal statistikasi

Kanalda mashhur

Ushbu post, yangi ilmlar o'rganishni sevadigan insonlar uchun Shaxsiy dars metodim ustida ishlas...

Doim ishim ko‘p Ko‘pincha “ishim ko‘p” degan bahona bilan kunlar, hatto haftalarni foydasiz o‘tk...

Ish doim brief bilan boshlansin 3 yillik tajribam davomida bir narsani yaxshi tushundim: yangi...

Yozishga mavzu qolmadi Rostan ham nima haqida yozishimni uzoq o‘yladim. Aslida mavzular ko‘p, ...

F-foydali 3 dastur Notion, Calendar hamda Trello ushbu 3ta dastursiz hech kunim barakali o'tgan...