BalerinaKasbim – parvoz qilish, bor-yo’g’im–san’at,
Shilqim, kir nigohlar sololmas raxna.
Tobora yuksalar qalbda muhabbat,
Tobora kichrayar muhtasham sahna.
Yo’q, bu sahna emas – osuda osmon.
Ozodman, qushligin sezmagan qushman.
O’jar tomoshabin, o’ksik olomon,
Nega o’zingizdan yasaysiz dushman?
Kun kelib, tuyasiz inja bir hisni
Nogoh, go’zalikka topasiz chidam.
Bezovta qilmay deb sayyorangizni
yillarki, yuraman oyoq uchida.
Yillarki, qo’rqaman, yashayman mute,
Tokay sinagaysiz kuch, sabotimni?
O’tinchim, baxtimning bahridan o’ting,
Iltimos, kechiring iste’dodimni.
✍️MehrNoz
@mehrnoz_abbos