ITC DASTURLASH

#ui #frontend

🤩 Loyihalaringizni jonlantiruvchi trenddagi animatsion UI kutubxonalar

1. MagicUI
2. Aceternity UI
3. UI Layout
4. Cult UI
5. Eldora UI
6. Syntax UI
7. Hover.Dev
8. Svelte Animation Components
9. LunarUI
10. Animata
11. InspiraUI

*Do'stlaringizga ham ulashing!

@frontend_dasturrlash | Happy Coding

👨‍💻 Top 5 ta Visual Studio Code kengaytmalari

Prettier — bu Visual Studio Code uchun avtomatik kod formatlovchi kengaytma. U HTML, CSS, JavaScript kabi tillarda kodni bir xil va o'qilishi oson tarzda formatlaydi. Kodni formatlash uchun Shift + Alt + F tugmalarini bosing.

Material Icon Theme — bu Visual Studio Code uchun Material Design uslubidagi fayl va papka ikonkalari mavzusi. U kod muharririning ko'rinishini yaxshilaydi va fayllarni tezda tanib olishni osonlashtiradi.

GitLens — bu Visual Studio Code uchun Gitni kuchaytiruvchi kengaytma. U Git tarixini ko'rish, commit'larni tahlil qilish va kod o'zgarishlarini kim amalga oshirganini ko'rsatadi.

Live Server — bu Visual Studio Code uchun kengaytma bo'lib, HTML fayllarini real vaqtda brauzerda ko'rishni ta'minlaydi. Faylni saqlaganingizda, brauzer avtomatik yangilanadi.

Path Intellisense — bu Visual Studio Code uchun kengaytma, u fayl va papkalarni avtomatik tarzda to'ldirishni ta'minlaydi. Fayl yo'llarini yozayotganda, kerakli fayl yoki papkani tezda topish imkonini beradi.

Siz yana qaysi Visual Studio Code kengaytmalarini bilasiz yoki foydalangansiz? 💬

#vscode #extension #foydali

💻 @IT_va_KOMPYUTER | manba

#3D #frontend

🔠 Matn uchun 3D effekt kutubxonasi

ZText - 3D effektli matn yaratish uchun maxsus ishlab chiqilgan CSS va JavaScript kutubxonasi. Bu kutubxona oddiy HTML va CSS orqali matnlarga dinamik harakat, chuqurlik va 3D effektlar qo‘shishni osonlashtiradi.

Havola: https://bennettfeely.com/ztext

@frontend_dasturrlash | Happy Coding

Juniorlarda ko‘p uchraydigan xatolar

[2-qism] (boshi avvalgi postda)

4. Hujjatlar havola qilinish uchun mavjud.

Yangi dasturlarga kirganlar yoki junior dasturchilarda ajoyib fikr bor. Ular hujjatlarga havola qilish yoki Googledan narsa qidirishni zaiflik deb bilishadi.

Bizning sohada izlamasdan, yoki bajargan ishingizda biror havola (link) qo‘ymasdan ishlab bo‘ladimi? Bugun yozgan kodingizni ertaga ko‘rsangiz, asabiy bo‘lib o‘tirasiz-ku axir.

Hujjatlarga havolar qiling. Ertaga hamkasbingiz bilan ishlaganda, har yarim soatda oldiga borib, "bu qanaqa edi?", "bunisini nima qilgan edik, eslatvor" deb so‘roqqa tutishgan ko‘ra, bir marta ko‘rsatib berilganida izoh yozib qo‘yish, topgan maqolangiz havolasini ko‘rsatish vaqt tejaydi, ish unumli bo‘ladi.

Tavsiya: Googledan narsa izlashga uyalmang. Foydali manbalarni saqlab qo‘ying. Kodingiz yonida (ReadME) foydalangan havolalar ro‘yxatini yig‘ib yursangiz bo‘ladi.

5. Ishlatadigan ish qurolini bilmaslik.

Barcha dasturchilar, shu jumladan junior dasturchilar, kod yozish uchun IDE (ish quroli)ni ishlatishadi. Ammo uni yaxshi bilmaslik, yoki barcha imkoniyatlaridan to‘g‘ri foydalanmaslik ish unumdorligiga salbiy ta’sir qiladi.

Ish qurolining ba’zi imkoniyatlarini ko‘rib chiqsak:

Debugging (yurib chiqish):
* kod qatorlarida harakatlanish, o‘zgaruvchilar qiymatlarini tekshirish, shartli va shartsiz to‘xtash tugunlarini yasash, o‘zgaruvchilarni kuzatish va stack zanjirini ko‘rish.
* Console.log ni ishlatish hech qachon yetarli emas.

Profiling (resurs monitoringi)
* kompyuter resurslarining asosiy tushunchalaridan xabardor bo‘lish
CPU ko‘p ishlatadigan kodni topish va tuzatish
Xotiradan ko‘p foydalanishni oldini olish (memory leak)

Qurish (Build) jarayoni
* turli build sozlamalarini ishlata olish (Debug, Release versiyalar)
* Turli qurilmalar uchun yasash (web, desktop, mobile)

Sinov ish qurollari (Testing)
* Unit test - qanday qilib ishlatish va hisobot olish
* kodning qaysi qismlari sinovdan o‘tganini aniqlay olish (code coverage)

Kod uslubi (code style)
* Formatting - IDE larda tayyor formatlash imkoniyati bor (andozaga solish), shuni doim ishlatib turish
* korxona kod uslubi (corporate code style) ga moslab andozaga solish (format). Shunga git formatlash bilan to‘lib qolmaydi.

Tavsiya: Ishlatadigan ish qurolingizni yaxshilab o‘rganing. Har hafta 2-3 ta yangi imkoniyatini o‘rganish orqali 1 yilda to‘liq o‘rganib olasiz. Boshqa dasturchilardan ular ishlatadigan ish qurollarini so‘rang.

Bu kabi hayotda ko‘p uchraydigan kamchiliklar doim bo‘ladi. 20-30 yil oldin ham bor edi, hali kelajakda ham ancha vaqt davom etsa kerak. Chunki hammamiz insonmiz.

Ammo, savol berish, xatolar ustida ishlash, yangilikka qiziqish bu kamchiliklar oldimi oladi. Shaxsiy rivojlanishimizga yordam beradi.

Shunday ekan, uyalmay izlaning.

Izoh:
Repo - repository. Version control’da saqlanadigan joy nomi. Siz yozgan kodlaringiz yashaydigan shahar.
Force-push - gitga ma’lumot yuklash vaqtida xatolik yuz berganida, barcha boshqalarning o‘zgarishlarini inkor qilib, sizning kodni gitga yuklash.
SVN - Subversion. git chiqishidan avvalroq muomalada bo‘lgan version control dasturi.
IDE - Integrated Development Environment, kod yozish muhiti.

16.01.2025 London
@DrAlgorithm

Juniorlarda ko‘p uchraydigan xatolar

[1-qism]

Kecha yangi kitob o‘qishni boshlagan edim, muallifi podcast yuritar ekan. Eshitib ko‘rish uchun kirdim. Birinchi eshitib ko‘rgan mavzuyim Juniorlar haqida edi.

Juniorlarda ko‘p uchraydigan xatolar

Bilamiz-ki, ko‘p savollar Juniorlar orasida chiqadi. Middle va seniorlar savollari ancha kam va kam takrorlanadi. Bu yerda junior dasturchilarda uchraydigan xatolarning ba’zilarini keltirib o‘taman.

1. Bir vaqtda ko‘p narsa o‘rganish.

Bir vaqtda bir necha katta texnologiyani o‘rganishni boshlashadi. Python, JavaScript yoki MongoDB kabi texnologiyalarni kimdir ularga kerak degani uchun o‘rganishni boshlashadi. Bu esa salbiy natijalarga olib keladi. Biror tilni yaxshi tushunmaslik, kerak bo‘lmasa ham o‘rganishga vaqt sarflash yoki imkoniyatlarni aralashtirib tushunish va ertaga kerak bo‘lganida qo‘llay olmaslik kabi. Eng yomoni biror loyihani faqat shu aytilgan texnologiyada qilish mumkin deb o‘ylash.

Tavsiya: Bir vaqtda faqat bitta til yoki texnologiyani mukammal o‘rganishga harakat qiling.

Vaqti kelib keyin boshqasiga o‘tib olaverasiz.


2. Version contol’ni tushunmaslik.

Version contol juda ajoyib narsa. U bilan tarixga qaytish mumkin, dasturning turli variantlarini sinab ko‘rish mumkin, bir biriga xalal bermay ishlash mumkin. Gitdan yaxshisi bo‘lmasa kerak, lekin man SVNni yaxshi ko‘rar edim. Agar kimdir hali ham file va zip bilan versiya saqlab yurgan bo‘lsa, uzr siz hali junior darajasiga yaqin ham kelmabsiz.

Bu mavzuda nafaqat juniorlar, balki katta dasturchilar ham xato qilib turishadi. Vaziyatlar ham turlicha. Ba’zilarini keltirib o‘taman.

* Commit qilishni unutish
* Keraksiz filelarni repoga yuklash. Masalan, IDE ishlatadigan sozlama (config)lar, muhit (env) fayllari, vaqtincha va ishga tushuvchi fayllar (build, .class, .so va boshqalar)
* Begona shoxga (branch) kodni yuklash.
* Force-push buyrug‘ini ishlatish 🤯
* Keng tarqalgani, Commit qilib, Push qilmaslik. (Yuklashga tayyorlab, yubormaslik)

Bularni qilmaslik uchun juda ko‘p usullar va qoliplar mavjud. (GitFlow masalan).

Tavsiya: Gitdan foydalanish qoidalari va korxonalar ishlatadigan usullar bilan tanishib qo‘ying. Agar siz ishlayotgan joyda joriy qilinmagan bo‘lsa, kiritishga harakat qiling.

3. Ma’lumotlar shakllarini bilmaslik

Ma’lumotlar bilan ishlaganda ko‘pchilik yosh dasturchilar ma’lumotning xotiradagi shaklini biladi. Integer, String va Array kabi. Hayotda esa ko‘proq CSV, JSon va XML lar bilan ishlashi kerak bo‘ladi.

Ko‘rinishidan juda sodda, ammo bilmaganlar uchun vaqt oladigan narsalar. Bu shakllar mohiyatini yaxshi bilmagan dasturchi ishi tushganida parser (o‘qigich) yasashga harakat qiladi. Vaholanki buning har biri uchun minglab parserlar allaqachon internetda bor.

Bu boradagi ba’zi maslahatlar:

CSV
* Barcha matn qiymatlarni qo‘shtirnoqqa oling.
* UTF-8 kodlashdan foydalaning.

JSON
* JSON va JavaScriptni farqini bilib oling.
* JSON to‘g‘ri bo‘lish tablarini o‘rganing.
* JSON ma’lumotingizni json schema yordamida tekshirishni biling.

XML
* Atributlar va elementlarni tushib oling.
* HTML bilan farqini biling.
* XQuery va XPath yordamida so‘rov yozishni o‘rganing.
* Case sensitive (bosh va kichik harflar bir xil hisoblanishi)ni hisobga oling.
* CData nima ekanini va mohiyatini tushunib oling.

Tavsiya: Fayllar bilan ishlaganda avval u fayl kengaytmasiga mos dasturlar bor ekanini qarab chiqing. Tayyor kutubxonalarni o‘rganib, ishlatib ko‘ring.

davomi bor...

Bitta xabarga sig‘madi. Davomini keyingi postda.

16.01.2025 London
@DrAlgorithm