Islom.uz

Ҳайрат ва ҳавас, ибрат ва маърифат маскани

Бу ердан деярли ҳар куни ўтамиз. Кўпинча хизмат юзасидан, баъзан қадрдонларни йўқлаб, ҳол-аҳвол сўраймиз, табаррук масканларни зиёрат қиламиз. Тошкентнинг қоқ юрагида барпо этилган Ўзбекистондаги Ислом цивилизацияси марказига тааллуқли муҳташам, муаззам, салобатли мажмуа ҳар кимнинг - хоҳ юртдошларимиз, хоҳ дунёнинг нариги чеккасидан келган сайёҳ бўлсин, барининг эътибори, ҳайрати ва ҳаваси, ҳаяжонига сабаб бўлаётган бетакрор, гўзал, улуғвор, файзли маскан.

Президентимиз Шавкат Мирзиёев ташаббуси билан қад ростлаган бу мажмуа аслида давлат раҳбарининг халқчил, эзгулик ва савобга, ибратга йўғрилган ташаббусининг меваси. Негаки, азалдан халқимиз қалбида ислом маърифати яшаб келган. Бу ёғду энг оғир шароитларда ҳам одамлар онгу шуури, юрагини асло тарк этмаган. Ҳатто серзуғум шўролар даврида ҳам покиза имон-эътиқод, ислом нури ота-боболаримизга мудом ҳамроҳ бўлган.

🔗 Тўлиқ ўқиш: https://islom.uz/maqola/23210

🕋 @islomuz

#Ислом

Амри маъруф ва наҳий мункар – жамоатчилик назоратидир

Динимизда яхшиликка буюриб, ёмонликдан қайтариш фарз амаллардан саналади. Ёмон ишни кўрганда қудрати етган киши уни қўли билан тўхтатиши, бунга кучи етмаса, уни тили билан қайтариши керак. Бу ҳар бир мусулмонга фарз амал бўлиши билан бирга, жамият учун жиноятнинг олдини олишда ниҳоятда самарали чора, ўз-ўзини асраш тизимидир.

Қадимдан халқимиз мусулмон ўлароқ ушбу ҳукмга амал қилиб келган. Ҳатто кишига етти маҳалла оталик қилади, деб билишган. Шунинг учун бирор ножўя ҳаракатни кўрганда одамлар миршабни кутиб ўтирмаган, ҳар ким имкони борича хатарни бартараф этишга, кишиларнинг молу жонини асрашга уринган. Бугун эса бу қадрият унутилиб, аксинча, бу ишга нисбатан баъзан жавобгарлик, ортиқча бош оғриқлар, ўринсиз суриштирувлар пайдо бўлгач, одамлар яхшиликка буюришни тарк этибгина қолмай, ёмонликдан қайтаришга ҳам ҳаракат қилмайдиган бўлиб қолди.

🔗 Тўлиқ ўқиш: https://islom.uz/maqola/22512

🕋 @islomuz

Ислом цивилизацияси маркази – миллий ўзлигимиз, илм-фан, таълим ва маданият тимсоли

Президент Шавкат Мирзиёев 29 январь куни Ўзбекистондаги Ислом цивилизацияси марказида олиб борилаётган бунёдкорлик ишлари билан танишди.

Бу мажмуа тарихимизда илгари бўлмаган улкан ва ноёб лойиҳадир. Бугунги кунда муҳташам бино қад ростлаб, қурилиш якуний босқичга кирган.

Ушбу марказ Президентимизнинг 2017 йил 23 июндаги қарорига биноан бошланиб, 2018 йилги Рамазон ҳайити куни давлатимиз раҳбари унинг пойдеворига тамал тоши қўйган эди.

Бағоят улуғвор марказ биноси уч қаватни ташкил этиб, қадимги меъморий обидаларимиз шаклида бунёд этилмоқда. Миллий гумбаз ва пештоқлар, нақшларнинг ажойиб уйғунлиги унга алоҳида кўрк ва салобат бағишлаган. Мажмуанинг тўрт томонида баландлиги 34 метрли пештоқлар, ўртада 65 метрли гумбаз қурилган.

🔗 Тўлиқ ўқиш: https://islom.uz/maqola/23209

🕋 @islomuz

#Мўминларга_эслатма

Солиҳ дўст

Икки дўст иш юзасидан пойтахтга йўл олибди. Ярим тунда шаҳарга етиб келиб, меҳмонхоналарнинг бирига жойлашибди. Иккови ҳам йўл чарчоғидан уйқуга кетишибди. Эрталаб уйғонишгач дўстларнинг бирини юз минг сўми йўқмиш. Ўша пайтда юз мингнинг қадри баланд экан. У шеригидан «юз мингимни кўрмадингми» дебди. Дўсти «кеча тунда менга пул керак бўлиб олиб ишлатдим, сенинг уйқингни бузгим келмади», дебди. Кейин икки дўст юмушларини битириб меҳмонхонадан чиқиб кетаётганида, фаррош аёл ёнларига келиб «хонангизни тозалаётган эдим, ётоқ тагидан юз минг топиб олдим», деб пулни уларга узатибди. Шунда пул эгаси дўстига «пулни мен олиб ишлатдим деган эдингку», дебди. Дўсти «хонада иккаламиздан бошқа ҳеч ким йўқ эди. Мен олмадим десам орамизга шайтон тушиб дўстлигимизни бузар эди. Ўша йўқолган юз минг бўйнимда қарз бўлиб қолсин, дўстимни йўқотганимдан пулимдан айрилганим яхшида», дебди.

Биродарлар дўст танлашда адашманглар. Солиҳ дўст сизларни икки дунёда хор қилмайди.

🔗 Тўлиқ ўқиш: https://islom.uz/maqola/22601

🕋 @islomuz

Ота-онага лутф кўрсатиш ва наҳйи қилмаслик

عَنْ سَعِيدِ بْنِ جُبَيْرٍ فِي قَوْلِهِ عَزَّ وَجَلَّ: }رَبُّكُمْ أَعْلَمُ بِمَا فِي نُفُوسِكُمْ إِنْ تَكُونُوا صَالِحِينَ{ قَالَ: تَكُونُ البَادِرَةُ مِنَ الوَلَدِ إِلَى الوَالِدِ. وَقَالَ اللهُ عَزَّ وَجَلَّ: }إِنْ تَكُونُوا صَالِحِينَ{ قَالَ: أَنْ تَكُونَ النِّيَّةُ صَادِقَةً، }فَإِنَّهُ كَانَ لِلأَوَّابِينَ غَفُورًا{ لِلبَادِرَةِ الِّتِي بَدَرَتْ مِنْهُ».

Саъид ибн Жубайрдан ривоят қилинади:

«У зот азза ва жалланинг: «Аллоҳ ичингиздаги нарсани билувчи. Агар солиҳ бўлсангиз», – деган қавли ҳақида «Боладан ота-онага бўладиган муомала аломати» – деган.

Аллоҳ азза ва жалла: «Агар солиҳ бўлсангиз» (яъни, агар ният содиқ бўлса) «Албатта, У зот тавба қилувчилар учун мағфиратлидир», деган. Бу ундан содир бўлган аломат ҳақида».

🔗 Тўлиқ ўқиш: https://islom.uz/maqola/22608

🕋 @islomuz

Якуний назорат имтиҳонлари давом этмоқда!

Ўзбекистон мусулмонлари идораси тасарруфидаги Тошкент ислом институтида 2024-2025 ўқув йилининг I семестри якунланиши муносабати билан якуний назорат имтиҳонлари ўтказилмоқда.

Имтиҳонлар Hemis тизимида тест шаклида олинмоқда. Шунингдек, диний таълимнинг ўзига хос хусусиятларидан келиб чиқиб, талабаларнинг Қуръон оятлари, ҳадислар ва матнларни ёд олганлиги ҳамда ёзма нутқини баҳолаш мақсадида айрим фанлардан оғзаки ёки ёзма шаклда ҳам имтиҳонлар ўтказилади.

Якуний назоратнинг шаффоф ва адолатли ўтишини таъминлаш учун барча жараёнлар техник кузатув ёрдамида фанларга тегишли кафедраларнинг профессор-ўқитувчилар томонидан талабаларнинг билим даражаси холисона баҳоланмоқда.

Имтиҳонлар талабаларнинг I семестрда эришган натижаларини баҳолаш ва уларнинг билимларини мустаҳкамлаш учун муҳим босқич ҳисобланади. 2 ҳафтага мўлжалланган якуний назоратдан ўтган талабалар янги, II семестрда таълим олишни давом эттирадилар.

Барча талабаларимизга муваффақиятлар тилаймиз!

🔗 https://islom.uz/maqola/23206

🕋 @islomuz

#Кун_дуоси

Сафарни бошлашда ўқиладиган дуо

Сафарга равона бўлаётган киши уйидан чиқаётган пайтда қуйида келтирилган дуони ўқиса, шайтон ва душман ҳамласидан омонда бўлиб, ҳар қандай мушкули осон бўлади, иншааллоҳ.

بِسْمِ اللهِ تَوَكَّلْتُ عَلَى اللهِ ، لا حَوْلَ وَلا قُوَّةَ إِلا بِاللهِ .

«Бисмиллааҳи таваккалту ъалаллоҳи, лаа ҳавла ва лаа қуввата иллаа биллааҳ» (Сунани Термизий).

Маъноси: Аллоҳнинг номи билан (сафарни бошлайман), Аллоҳга таваккал қилдим. Тоатга қувват ва гуноҳдан сақланишга бўлган қувват ҳам ёлғиз Аллоҳ таоло томонидандир.

اللَّهُمَّ بِكَ أَصُولُ وَبِكَ أَحُولُ وَبِكَ أَسِيرُ

«Аллоҳумма, бика асуулу, ва бика аҳуулу, ва бика асийру» (Муснади Аҳмад).

Маъноси: Аллоҳим! Сенинг мададинг ила ҳимматланаман, Сенинг мададинг ила гуноҳдан тийиламан, Сенинг мададинг ила сафарга чиқаман.

🔗 https://islom.uz/maqola/23186

🕋 @islomuz

#Jannat_rayhonlari

Kalitning hikoyasi

Qayerdaki uy-joy boʻlsa, bilingki, unga kiradigan eshigi bor. Hatto qadimda butun boshli shahar va qalʼalarning ham kirish-chiqish darvozalari boʻlgan. Kerak paytda ochilgan, boshqa paytda yopilgan. Eshigi, darvozasi boʻlgandan keyin uning qulfi va kaliti ham boʻladi-da, toʻgʻrimi? Dunyoda nechta kalit borligini, ularning son-sanogʻini bilmayman-u, biroq men ular orasida eng boshqachasi, eng baxtiyoriman. Maqtanyapti demang, aslida maqtanish menga yarashmaydi. Biroq Allohning uyi – Kaʼbatullohning eshigi mensiz ochilmaydi-da. Ana shunaqa! Shunday ekan, dunyodagi qaysi kalit mening oʻrnimda boʻlib qolishni orzu qilmaydi, deysiz?!

Bilasizmi, baxtiyorligimning yana bir sababi Paygʻambarimiz sollallohu alayhi vasallamning moʻjizalariga kamina ham guvoh boʻlganman. Xoʻsh, bu qanday moʻjiza edi, deysizmi? U holda men aytmoqchi boʻlgan hikoyaga yaxshilab quloq soling.

🔗 Тўлиқ ўқиш: https://islom.uz/maqola/23204

🕋 @islomuz