Imron.uz Mingbuloq

#Тавҳид

Лаа илааҳа иллаллоҳ

Аллоҳ таоло: «Билгинки, Аллоҳдан ўзга илоҳ йўқ», деган (Муҳаммад сураси, 19-оят).
1. Лаа илааҳа иллаллоҳ – жаннатнинг калитидир.
2. У шундай калимаки, кимнинг ўлим олдидаги сўнгги сўзи шу бўлса, яъни инсон вафоти олдидан қалбида ва эътиқодида ушбу калима бўлса, гуноҳлари қанча бўлишига қарамай, жаҳаннамда абадул-абад қолишдан қутулади.
3. У шундай калимаки, Ислом динига кирмоқчи бўлган одам уни айтиши шартдир.
4. Исломни қабул қилиб, илк бор шу калимани айтган одам: «Танамга, вужудимга ажойиб бир нарса кирди. Гўё энди яратилаётгандекман, олдингидан мутлақо бошқа инсонга айландим...», дейди. Ҳа, бундай одам бузуқ жамият сабабли бузилиб кетган фитратидан ўзининг дастлабки, илк яратилган пайтидаги, бутун вужуди узоқ муддат ташна бўлган соф фитратига қайтади. Икки шаҳодат калимасини талаффуз қилгач, йўқотган нарсасини хис қила бошлайди.
5. «Лаа илааҳа иллаллоҳ, Муҳаммадур Расулуллоҳ» – тавҳид ва Ислом ақийдасининг жами маъносини ўзида мужассам қилган калимадир.
6. У шундай калимаки, қабрдаги икки фаришта уни маййитга берган саволига жавоб сифатида қабул қилишади.
7. У зикрларнинг энг афзали, савоби энг буюгидир, у туфайли ҳасанотлар ёзилади, ёмонликлар ўчирилади. У шайтондан ҳимоя бўлади. Наботот сув билан униб-ўсганидек, иймон у билан ўсади. Уни такрор-такрор айтиш, маъно-моҳияти устида чуқур фикр юритиш мустаҳабдир.
8. Лаа илааҳа иллаллоҳ – уйқусидан уйғонган одам айтадиган калимадир... Ўлим талвасасидаги одамга талқин қилинадиган сўздир... Бозорларга кирганда ўқиладиган дуодир... Бомдод ва шомдан кейин айтиладиган зикрдир.
9. Лаа илааҳа иллаллоҳ – қиёмат куни ўз соҳибининг тарозисига тош босадиган, бошқа амаллардан оғир келадиган калимадир.
Бизни «Лаа илааҳа иллаллоҳ» аҳлидан қилган, уни тилларимизда жорий қилган, қалбларимизга сингдирган Аллоҳ таолога ҳамдлар айтамиз.
Аллоҳ таолодан барча одамларни Ўзининг розилигига эришишлари учун ушбу калимага йўллашини сўраймиз.
Ва яна Аллоҳ таолодан бизни ушбу калима билан ҳаёт кечиртиришни, ушбу калима ила вафот эттиришни ва У Зотнинг розилиги башорат берилган ҳолимизда ушбу калима ила қайта тирилтиришни ёлвориб сўраймиз.

@imronuzmingbuloq

https://telegram.me/joinchat/AAAAAE_91QxxtiWbNedTQg

#ҳикмат
Ҳасан Басрий шундай деди:
"Тақводорларни таниб оладиган белгилари бор:
— Тўғри сўзлик;
— Аҳдга вафо;
— Силаи раҳм;
— Заиф ҳолларга раҳму шафқат;
— Одамларга фахрланмаслик;
— Гўзал хулқ;
— Аллоҳга яқинлаштирадиган ишларда феъли кенглик.

@imronuzmingbuloq

https://telegram.me/joinchat/AAAAAE_91QxxtiWbNedTQg

ҲАЗРАТИ ФУЗУЛИЙ НАЗМИДА САЙЙИДИ КОИНОТ ВАСФИ

****

«ЁСИН»У «ТОҲО»ДА ВАСФ
ЭТИЛГАН ЗОТ

****

Неча тақрир эдайин
васфини бир шоҳингким,
Анго вассоф ўла «Ёсин»у
муъарриф «Тоҳо».

“Вассофи, яъни васф этувчиси “Ёсин” сураси бўлган ҳамда муъаррифи, яъни таъриф этувчиси “Тоҳо” сураси бўлган бир шоҳнинг васфини мен қандай баён қилайин, қандай тилга олайин?!”

Бу байтда ҳазрат Фузулий севикли пайғамбаримиз соллаллоҳу алайҳи ва салламнинг тавсифларини зикр қилмоқда ҳамда у зотни: васфлари Қуръони каримнинг “Ёсин” ва “Тоҳо” сураларида баён қилинган улуғ шоҳ деб атамоқда.

Фузулий қаламга олган суралардаги жаноб Пайғамбаримиз соллаллоҳу алайҳи ва салламнинг васфлар баён қилинган оятлар маъносига диққат қиламиз.

“Ёсин” сураси, 1–4-оятлар маъноси: “Ё, Син. Ҳикмат тўла Қуръонга қасамки; (Эй Расулим!) Ҳеч шубҳасиз, сиз юборилган (элчи-пайғамбар)лардансиз. Тўғри йўл узрадирсиз (тавҳид, ҳидоят ва илоҳий ҳукмлар йўлида муқимсиз)”.

“Тоҳо” сураси, 1–3-оятлари маъноси: “То. Ҳо. (Эй Расулим!) Биз Қуръонни сизга машаққатга тушмоғингиз учун эмас, фақатгина (Аллоҳдан) қўрқадиганларга бир эслатма бўлиши учун нозил қилдик”.
.........................
.........................
Фузулий улуғ одоб билан баён қилган – улуғ шоҳнинг, яъни жаноб Расулуллоҳ алайҳиссаломнинг васф этувчиси ва таъриф қилувчиси бўлган оятларга ишора қилгач, энди “Ана шундай раҳбарнинг шариати этагини тутиб, ўзингни залолатдан қутқаргин!” – дея кўнгил аҳлларига хитоб қилади.


Устоз Мирзо КЕНЖАБЕК


@imronuzmingbuloq

https://telegram.me/joinchat/AAAAAE_91QxxtiWbNedTQg